البنات مخلوقات عجيبة

[أسها]

اريد الصراحة

شكرا ليك اخي كابيتان عندي ملاحظة مهمة ركز معي
*******************
سأحاول أن أجعل كل ما كتبته انت موجه لفئة الرجال وجاوبني أرجوك بصدق

هل كلامي صحيح ام لا

انا قلت كلامك صحيح هل ستكون شجاع وتقول الحقيقة؟؟؟؟سنرى

**************

راني في منتدى --> واش راك تهدر<-- و حاب نقلكم حاجة اكتشفتها في المخلوق العجيب (قصدي الراجل) و هي

كيفاش راهم يشوفو فينا

إذا مدحتو يقلك راكي تكذبي وتتمسخري بيا وراكي تكلحي فيا

وإذا لم تمدحيه يشوفك بلي منعدمة الإحساس

إذا وافقتيه على كل حاجة بغاها يشوفك منعدمة الشخصية نهائيااااااااا

وإذا لم توافقيه أنت مرأة متفهميش ------> (دايما مظلومين )

إذا كنتي كل يوم تتلاقاي بيه يقول عليك مرأة ماشي متربية

و إذا قللت من شوفاتو يقول عليك مرأة معلابالهاش بيا -----> "شوفو يا ناس "

إذا كــنـــتي تهتمي بروحك و شياكتك و .... الخ يشوفك تبريزونتي في روحك و يقول تلعب بيا

وإذا متلبسيش مليح أنـــت مرأة تحوسي تعصبيه وراكي بخصتي بيه قدام صحابو

إذا كـنــتي تغيري عليه أنت طبايعك مش ملاح

وإذا كنتي متغيريش عليه يقلك راكي متحبينيش

إذا طولتي عليه دقيقة .يتقلق ويقول : وين راحت الـ........! (حاجة من طبايعهم)

إذا خليتيه يمشي وراك يقول عليك عديمة الأخلاق -----> نفسها اذا مشيتي معاه ولا قدامو

و إذا كانت تشوف فيه وحدة . تفكير المخلوق يديه طول بلي راهي وحدة من المعجبات نتاوعو "مغرور"


كثرت عليكم نختصر لكم الكلام و نقلكم بلي الرجال عاديين جداااااااااااا و معقدين اكثر من جدااااا و متناقضين و

منقدروش نعيشو معاهم و منقدروش نستغناو عليهم
************************************************
هههههههههههههههههههههههههههه

مارأيك كابيتان النتيجة نفسها وانو كل ماذكرت هي خصائص ومميزات الانسان بصفة عامة وهذه خصائص البشرية بصفة عامة

اي لا تخص المرأة وحدها

 

[حسان]

شكر لكم جميع على هذا الحوار هاديء و الاحترام المتبادل بطريقة هدرة مليحة فيها بعض الإحترام المتبادل و المحبة هاديئة

فمهم يكن النقد بناء يفيد و لا يحط من قيمة شخص

نتمنى ان يكون هذا الحوار ينفع الجميع بدون الغضب و لا خروجه من المواثيق

و نقول لبنات ما تزعفوش عندكم ألاف من الادلة ضد رجال لو تكتشفوها لأنتصرتم إنتصار كبير جد

فالرجال في هذا العصر ليسو رجال إلا نادر هههههههههههههههههههههههههه

أنا أعتبر نفسي أربيت هذا الماتش أي حاكم المقابلة بين طرفين

فأنا لست مع رجال و لست مع البنات لكنني راجل هههههههههههههههههه



​

 

[أسها]

شكرا على ردك أخي حسان وأنا أجد نفس الشيء

نحن في عصر يفتقر فيه الى المعنى الحقيقي للمرأة والرجل كذلك

مع ذلك والله أحيي نساء ورجال الجزائر فهم الأفضل لو قارناهم بأشباههم في الأوطان الأخرى

اي بصفة عامة شخصية ولاد بلادي تعجبني وهذا الأروع فيها

اي حتى وان وجدت السيء تجد مباشرة الأفضل والأفضل؟

انا في انتظار ردك يا كابيتان

 

[نينا الجزائرية]

هههههههههههه حنا مخلوقه غريبه اواه انتوما مخلوقات ضعيفه ومتعالين على والو ممكن الي قلت صح بصح افعال الرجال تخلي مره تشك وكل وقت براي عدلوا من فعايلكم تشوفونا كيفاه وكاين انواع تاع نسا وانتى ذكرت كل الانواع ووزعما النساء كامل فيهم هكا لالالا انتوما تاني عنكم صنايع ياحفيظ كيما حنا وكتر

 

[CapiTaine]

خويا حسان :
شكر لكم جميع على هذا الحوار هاديء و الاحترام المتبادل بطريقة هدرة مليحة فيها بعض الإحترام المتبادل و المحبة هاديئة
فمهم يكن النقد بناء يفيد و لا يحط من قيمة شخص
نتمنى ان يكون هذا الحوار ينفع الجميع بدون الغضب و لا خروجه من المواثيق
و نقول لبنات ما تزعفوش عندكم ألاف من الادلة ضد رجال لو تكتشفوها لأنتصرتم إنتصار كبير جد
فالرجال في هذا العصر ليسو رجال إلا نادر هههههههههههههههههههههههههه
أنا أعتبر نفسي أربيت هذا الماتش أي حاكم المقابلة بين طرفين
فأنا لست مع رجال و لست مع البنات لكنني راجل هههههههههههههههههه

تعجبني فكرة أربيت الماتش و لكن كيفاش تقول متزعفوش للمخلوقات و تزيد تقلهم أدلة على الراجل. اذا قادر تحط دليل على وش راه يدير الراجل قولو انت يا أربيت --> و نزيدك حاجة الوردة الي يشموها بزاف تفقد عبيرها
مالا خلي المرأة تدافع على نفسها
و خلي لاربيت للاعضاء كل واحد يعبر على رأيو

تحياتي أخي حسان

 

[حسان]

شكر لكي اخت أسها

اخي CapiTaine متزعفش مني أنا حبيت هذه المقابلة و راني رايح نستقيل من التحكيم و نتكر كل واحد يدافع عن نفسوا

حبيت شيء واحد يستمر هذا الحوار أو تستمر هذه المقابلة رائعة بروج رياضية إن شاء الله

و نتمنى الثبات من كل طرفين و ممنوع زعاف هههههههههههههههههههه شكر لك يا نجم CapiTaine

 

[CapiTaine]

شكرا على ردك أخي حسان وأنا أجد نفس الشيء

نحن في عصر يفتقر فيه الى المعنى الحقيقي للمرأة والرجل كذلك

مع ذلك والله أحيي نساء ورجال الجزائر فهم الأفضل لو قارناهم بأشباههم في الأوطان الأخرى

اي بصفة عامة شخصية ولاد بلادي تعجبني وهذا الأروع فيها

اي حتى وان وجدت السيء تجد مباشرة الأفضل والأفضل؟

انا في انتظار ردك يا كابيتان

أأأأأأوووو أسها علابالك قستيني في قلبي

تحيا بنات بلادي مي :

ختي أسها كلامك خطأ مليون في المئة --> و جربي تخدمي راسك مكان النسخ و اللصق (Copy/paste)

و سمعت احد الشعراء يقول : لا تجادل امرأة غاضبة فأنت بذلك تضيع وقتك ولا تجادل امرأة راضية فإنك بذلك تضيع وقتها

متضيعيش وقتك في الدفاع ولا النسخ واللصق

نحن الأقوى

 

[CapiTaine]

انت الي متزعفش مني أخي حسان و نتمنى تبقى متواصل معانا في هذا النقاش عن مصاصي الدماء ​

 

[أسها]

ههههههههههههههههههههههههههههههههه

الشيء الي انا متأكدة منو الان هو انك عنيد جدا وماتحبش تغير رايك حتى بعد كل واش قلت أنا

*************************
أنا مانيش غالطة وأتحداك بذلك

لأني كنت عادلة في حكمي لم اناصر لا رجال ولا نسا

مصاصي الدماء

علابالك كون جيت قدامي نمصلك دمك بالصح موش تمسخير:p

ونوريلك اذا حنا صح مصاصي دماء ولا لالا

هههههههههههههههههههههههههههههههههههههه

عندك لا تخاف الليلة وماترقدش راني غير نتمسخر ههههههه
*****************

 

[CapiTaine]

هههههههههههههههههههههههههههههههه
مشكوووووووورة على سرعة الرد

والله ضحكتيني

منخافش منك خاطر المرأة كالبحر . مطيعة لمن يقوى عليها . و جبارة لمن يخاف منها . و انشاء الله انا الأقوى

انا في انتظار التحدي​

 

[أسها]

حسنا يا عنيد

راك قلتها المرأة بحر وعندها قلب كبير

و نزيدلك تعرف ترد الكبير صغير والصغير كبير

لهذا نقولك بالفعل أنتم الأقوى

هههههههههههههههههههههههههههههههههههههه

كي تفهمها قولي

 

[CapiTaine]

يقول الرجل في المرأة ما يريد .. لكن المرأة تفعل في الرجل ما تريد

مليح لي ستعرفتي أسها و ابقاي على خير راكي خارج الموضوع ​

 

[أسها]

تصبح على خير أظنها افضل من سكري الباب وراك

لو ترجع تقرا واش كتبت انا قبل كل تعرف بلي انا منذ البداية لست ضد ما كتبت يا كابيتان اي منذ البداية وافقت على موضوعك.

عجبتني النتيجة الاخيرة نتاعك انو الراجل يقول واش يحب فالمرأة..............والمرأة تفعل ما تريد في الرجل


شكرا

 

[CapiTaine]

استغفر الله العظيم

شكون لي قالك سكري الباب وراك

و عجباتك النتيجة كيولات ضدك ؟

لا شكر على واجب ​

 

[ليلى الجزائرية]

موضوووعك كتير مليح اخي وعجبني

بس ياريت لو تسالو حالكم انتو الرجال ليش نتعامل معاكم هكدا

باش مانولوش مخلوقات غريبه في نظركم

وفي مايخص كل الي ذكرتو من صفات عندنا

هادي ماراح تلقى كلها في مراة وحدا راح تلقى شي حجات

واش نقولك غير الله يطيحك في بنت اغرب من هيك بكتير

وتوريك الويل مشان تحرم تحكي مرة تانيه

مشكوووور خويا لانك ابديت رايك وخليتنا نعرف كيف بتفكر

انت وباقي الاعضاء هه

اختك ليلى الجزائرية​

 

[CapiTaine]

واش نقولك غير الله يطيحك في بنت اغرب من هيك بكتير

وتوريك الويل مشان تحرم تحكي مرة تانيه

​

مشكورة على الرد أختي ليلى الجزائرية

مادام راني نتكلم على المرأة هاكذا منقدرش طيح في اي مخلوقة

و حبيت نهديلك بعض الكلمات على المخلوقات العجيبة (للثقافة أكثر )

- وراء كل عظيم امرأة خصوصاً إذا كانت محفظته فى جيبه الخلفى.
- استشير المرأة دائماً ثم انفذ ما أراه انا.
- إذا أحبت المرأة ضحت بنفسها من أجل قلبها وإذا كرهت ضحت بغيرها.
- فتاة اليوم إذا تزينت فتنت ، وإذا ابتسمت سحرت ، وإذا طبخت قتلت
- لا تتباهى بأنك تجيدين الطهو ، فهذا دليل قاطع على انك قد تجاوزت الثلاثين.
- إذا ما اجتمعت امرأتان ، حاولت كل منهما أن تبدو اكبر مقاماً واصغر سناً.
- قبل الزواج يأخذ الرجل بيد المرأة حباً.. وبعد الزواج يأخذ بيدها دفاعاً عن النفس.
- آخر ما يموت فى الرجل قلبه .. وآخر ما يموت فى المرأة لسانها.

اذا حبيتي نزيدك ​

 

[حسان]

ههههههههههههههههههه يا كابتان القائد اعلى للقوات الرجالية العظمة في مواجهة االقوات النسائية العظمة

اخوتي الاعزاء إنتصر ت القوات الرجالية بقيادة كابتان القائد اعلى للقوات الرجالية و مدهش في الأمر هو الضعف القوات النسائية في الرد على الهجوم مضاد في حق قوات الرجالية من نفس الأسلحة المستعملة

و أيضا إستسلام كل قادة قوات النسائية و إنساحبهم من المعركة واحد بعد واحد هههههههههه

شكر لك أيها كابتان


و انا أقول للقوات النسائية تنقصكم التنظيم هذه المعركة حيث لا يوجد لديكم قائد قوي و مأثر و ليس لكم الدعم لاجسيكي و تفتقرون لمثل هذه الأساليب المستعملة في هذه المعركة فالوقت مازال في صالحكم لترتيب أموركم


ههههههههههههههههههههههههههههههه يد في يد مع الكابتان القائد قوتنا المحبوبة​

 

[zina]

مرحبا
الله اكبر يا اخي كنا في مخلوقات غريبة واصبحنا اليوم من مصاصي الدماء يا امي تعلي تشوفي بنتك واش صارت
على العموم مشكور بس نصيحة لا تشوف افلام رعب كثيرا لان تشيبهاتك مبالغ فيها وراح تجيك في مناماتك

هههههههههههه تحياتي اخي وشكرا

 

[نينا الجزائرية]

[glow=00CC33]هههههههههههههههههههههههههه كولوا بعضاكم في الاخير النسا هن الفائزات باعتراف الكثير منكم احنا الافضللللللللللللموتوووووووووووووووووووووووووووا ههههههههههههههههههههههههههه[/glow]

 

[CapiTaine]

السلام عليكم و رحمة الله وبركاته
آسف على التأخير


مشكور أخي حسان لانضمامك للمنظمة
--------------
و مشكورة على النصيحة أختي زينا بالفعل انا استفدت منها من اليوم رايح نبطل نتفرج أفلام خيالية
--------------
الله يدوملك ضحتك اختي نينا الجزائرية مي مكاين حتى واحد اعترف بيكم لان المرأة تتبدل كثيرا فمجنون من يسلم نفسه إليها و تحياتي لمجانين المرأة​