هل هو سهل

[A-MIRA]

السلام عليكم
ارجو ان يكون الجميع بخير
خاوتي حبيت نشاوركم في موضوع اللي هو اني شاركت في منتدى لتعلم اللغات الاجنبية كي تسجل تقدر تتحدث مع الاعضاء باش نتعلمو من بعضانا مالا هدر معايا واحد بالانجليزية هدرت معاه وعرفت بلي مسيحي في الاول تخلعت من بعد هدرت معاه نورمال و هدرتلو على دينا و حياتنا و اقترحت عليه يولي مسلم هو كان غير يسمع ما رفضش الفكرة قالي بالاك خاقني ربي مسيحي لسبب مليح و سالتو ادا انزعج من كلامي قالي لالا يعني كان نورمال متقبل لراي الاخر على هدا خممت نعاونو باه يدخل في الاسلام واش رايكم واش تشيخو عليا لوكان جيتو في بلاصتي واش تديرو علابالي ماشي حاجة ساهلة خلاص مي على الاقل نحاول انتظر ردودكم بفارغ الصبر

 

[** غزال الصحراء **]

على حساب فهامتي المحدودة , مليح ندعو لدينا بدون إكراه , يعني نطرحو الفكرة إلا تقبلها اللهم ما بارك ما عجبتوش عادي , لأن إختلاف الأديان صاري بمشيئة الله

شكرا .

 

[la_safa]

شكرا فكرة مليحة
انا والله امنيتي اني ندخل واحد للاسلام و ربي يكون معانا ان شاء الله
يعطيك الصحة حبوبة و ربي يعاونك
​

 

[dana1993]

بالطبع اختي حاولي تعرفيه على دينا و كان موقع ماشاء الله يحكي على الرسول اكتبي برك في قوقل *من هو محمد؟*ذرك يخرجلك واحد السيت بزااااااااااف ناس دخلو للاسلام بعد ما قراو ه و ربي يزيدهالك في ميزان حساناتك ان شاء الله و اي مساعدة رانا هنا

 

[احلام ضائعة]

ربي عاونك اختي ونشاءالله يسلم
والله فكرة مليحة ولاباس بذلك
المهم اختي انك متعاديش دينك
عطيك الصحة اختي

 

[jaklove]

والله راكي درتي حاجة مليحة ...والحاجة المليحة بزار انو دخليه الاسلام وكون راضي
لانو راكي رايحا تدي عنو اجر كبير وان شاء الله كون فيه خير
وصح فطوركم
​

 

[يسرى 2008]

منعرف هو شي مليح انك تدخليه في الاسلام
بصح متكتريش معاه هدرة اختي تخافي لا تتعلقي بيه وتولي انت الي تدخلي في دينو مش هو
يعني انت احكيلو على ديننا وكان حاب مرحبا كان لا قيلك منو

 

[sosok7]

خذي هذه النصيحة.
وأعمل بها وانشاء الله ربي يوفقك.
الدين المعاملة.
قال تعالي لرسوله الكريم " ولو كنت فظا غليظ القلب لانفضوا من حولك."
وبارك الله فيكي ووفقكي لما فيه صلاح للأمة.
اخوكي في الله محمد سفيان
​

 

[بحر الأحزان]

والله حاجة مليحة
ربي يعينك أختي ويوفقك
لكن حاولي ماتحكي معاه بزاف كيما قاتلك الأخت يسرى
وصحة فطورك +سحورك​

 

[A-MIRA]

على حساب فهامتي المحدودة , مليح ندعو لدينا بدون إكراه , يعني نطرحو الفكرة إلا تقبلها اللهم ما بارك ما عجبتوش عادي , لأن إختلاف الأديان صاري بمشيئة الله

شكرا .

شكوووور اخي على المرور

 

[A-MIRA]

منعرف هو شي مليح انك تدخليه في الاسلام
بصح متكتريش معاه هدرة اختي تخافي لا تتعلقي بيه وتولي انت الي تدخلي في دينو مش هو
يعني انت احكيلو على ديننا وكان حاب مرحبا كان لا قيلك منو

شكرا اختي على المرور لكن لا تخافي فنحن غايتنتا ان نستفيد من بعضنا فقط من جانب اللغات والحمد لله انا متمسكة بديني واحد ميقدر يبدلني عنو و بالاضافة الى انو معطيتوش فرصة يكلني على دين لاني قتلو باني نعرف كل شيء عليه

 

[A-MIRA]

خذي هذه النصيحة.

وأعمل بها وانشاء الله ربي يوفقك.
الدين المعاملة.
قال تعالي لرسوله الكريم " ولو كنت فظا غليظ القلب لانفضوا من حولك."
وبارك الله فيكي ووفقكي لما فيه صلاح للأمة.
اخوكي في الله محمد سفيان​

مشكوووووور اخي طبعا مانيش رايحة نفرض عليه و انما بالهدوء و بذكاء فقط

 

[A-MIRA]

بالطبع اختي حاولي تعرفيه على دينا و كان موقع ماشاء الله يحكي على الرسول اكتبي برك في قوقل *من هو محمد؟*ذرك يخرجلك واحد السيت بزااااااااااف ناس دخلو للاسلام بعد ما قراو ه و ربي يزيدهالك في ميزان حساناتك ان شاء الله و اي مساعدة رانا هنا

مشكووووووورة عزيزتي على المرور الكريم