انا عايزة اتجوز دعوة لحضور الفرح يا جماعة اللمة

[يسرى 2008]

السلام عليكم
وشراكم يا اعضاء اللمة
سير تقراو الموضوع تقولو اي يسرى رايحة تتزوج
هههه احم احم لا مكانش منها موضوعي اليوم غير كالعادة نلوم في الغاشي
اني قاعدتلكم هنا يا منعاش بعد 10 سنين كان بقينا عايشين ههه
المهم
اليوم قاعدة نورمال في امان ربي حبي لقيت طفلة نعرفها وهادي شوي خفيفة
عمرها 13 سنة عملنا اكسيو فيريتي مع بنات
قالت وحدة وش حابة تتحقق احلامك قاتلها نتزوج
قلتلها انعم واكم تعرفو يسرى وشخصيتها متحملش العوج
جيت رايحة نشوف تاع 14 هادم وما تحت يحبو يتزوجو
واناها عمر الي عندهم باش يتزوجو
وين وصلنا بناتنا يخممو في الزواج وهي بطاطا متعرفش تقشرها
كان تعرف الزواج وش
اي تنتحر تحساب كلام افلام تركي
يعني صراحة الافلام سيطرت علينا وعلى عقولنا
البنات عايشة في الاحلام بزاف
وتشوف روحها نور التي تبحت على مهند الظائر في الهواء
ولا تحساب روحها ميرنا الحزينة وخليل اليد اليمنى لها
ولا تحساب روحها..... افلام متفضش
نختصرو وين وصلنا ووش هو الحل في رايكم كيفاه نرجعو كيما بكري المراءة الفحلة والعاقلة والمتربية ولا فقدنا التربية خلاه
رانا بلاد مسلمة والله عيب الشي هدا
وفي رايكم شكون الي يملك الدنب في الشي هدا الاهل او الاولاد نفسها

 

[سمكة البحر]

والله ماعندي رد
شكرا على الموضوع

 

[salma2010]

موضوع فى منتهى الخطورة لانه يهدد مستقبل الشباب
واعتقد انه السبب عدم الشعور بالحب فى بيت باباها فتروح تدور عليه برا

 

[papicha dz]

عندي بنت خالي عندها 10سنين تاني تحب الزواج نهار كامل وهي تهدر على الزواج بصح مسكينة ماراهي عارفة والو

 

[precieusenina]

hhhhhhhhhhhhhhh
j sai pas
lah yb3etlha wlid lhlal

 

[Kynda]

ايه ايه هكذا العقلية الجديدة ، وعلاه و بنت عمي يخي 14 سنة

قالتلي راني حابة نعرف يلا نتزوج ولا نكمل قرايتي ههههه

قلتلها الله يهديك واش تحبي تسمعي مني ​

 

[sam11]

ياعمي واش من زواج وش من بطيخ مزال صغار

وهم يخمو على الزواج كيما قلتي ما تعرفش تقلي بيضة

وتقلك نتزوج

 

[ياقوتة الصحراء]

كل طفلة تحلم باش تكون اسرة واولاد هدي غريزة دايرها ربي كاينة لي تصرح بيها وكاينة لي تحشم باش

تقولها وهدا ماشي عيب العيب كي تكون تفكر بالحب ودير علاقات ماشي مليحة

 

[souhila_95]

ههههههههههههههههههههههههههههههههههههههههههههههههههههههههه موضوعك هايل اختي يسرى صحاباتي كامل يهدرو على الزواج كلو بسبب المسلسات التركية الله يهديها هههههههههههههههههههههههههههههه ماتعرفش تقلي بيضة حابة تزوج واش من حالة صحا راهم خبثولي قلبي بهذا الميضوع واش نقلك visدخل لعقولهم ونظن مع الجل الفايق هذا والمسلسلات وهدرة الكبار مستحيل يرجع
​

 

[NaDiA.]

ههههه سمحيلي موضوع سيريو و انا نضحك مي فكرتيني ببنت عمتي عندها7سنين كي نسقسوها على لقرايةة وواش حابة تخدم ف المستقبل تقولك انا نخرج نتزوج ...ياخي حالة


ايه و بالنسبة للدنب موحال نرموه على الاولاد ...الاولاد ينولدو روح طاهرة بريءة ماتعرف والو لكن بنقص رعاية و متابعة الاولياء و اسلوبهم الخاطئ ف التربية يقدر يكونلهم شخصيتم بطريقة خاطئة و يكنلهم مفاهيم خاطئة تاثر عليهم مستقبلا و على حياتم و نفسيتم

و الحوار اهم شيء ف التربية لانو مستحيل تقدر تربي ابنك و نتا بعيد عليه و ماتعرفش كيفاش يفكر و لاواش شاف و سمع..لذلك اتمنى الاولياء يكونو اكتر حرص ولادهم راهم رجال و نساء المستقبل و هم الاساس



علابالي كسرتلك راسك بالهدرة الطويلة مي حبيت نعبر عن رايي

ماسي على الموضوع صحا سحورك حنونة
​

 

[ماكانش]

تخمم في الزواج خير من تخمم في حاجة خرا
............

 

[بسمةالحياة]

انا داني الطمع ودخلت بصح خاب ضني كاش نهار ديري موضوع تاع الصح
هههههههههههه راني غير نتمسخر ماديريش عليا
واش راليحة ديري راه غارهم العرس برك و الزهو تاع العرس عمبالهم الزواج هو العرس وطبق
كامل نعرفو بنات بطلو قرايتهم على جال واش على جال احلام اليقضة تاعهم ومن بعد العامما دارش عليهم تلقايهم ندمو وشبعو ندامة
انا رايي لازم الاهل يعلمو بناتهم بلي كل كل حاجة في وقتها حلوة ما يخليوهمش ييستعجلو الامور
شكرا على الموضوع وربي يهدي ما خلق​

 

[Lonely Girl]

كي كباراتهم كي صغاراتهم

كامل خايفين لا يفوتهم التران
​

 

[حنان1990]

مشكورة اختي والله صح هاد الظاهرة راها بزاف كاينا خاصتا الصغارات تلقاها الكبيرة ساكتة وحاكما ضلها و الصغيرة تحوس تتزوج

 

[يسرى 2008]

ديما موخرة في الرد خخخ
مشكورين على الرد الكل ندوشتي نورمال احكي كيما تحبي وانا نشتي نشوفك تحكي في مواضيعي منورة

 

[NaDiA.]

مارسي ختي الله يسلمك..والله راكي مديتيلي لوتوغيزاسيون راح ندير غزو على مواضيعك هههههه نتمسخر

و ديما الموضوع منور بصحابو
​

 

[يسرى 2008]

مارسي ختي الله يسلمك..والله راكي مديتيلي لوتوغيزاسيون راح ندير غزو على مواضيعك هههههه نتمسخر​

و ديما الموضوع منور بصحابو​

مدابيا خوشي اعمليلي بوب خلي الجماعة تجي ههههه
ولا نقولك خشي نسركلو في مواضيعي خلي نضحكو شوي ههههه
اكي منورة اختي وادا مشالكش الموضوع يشيلك راسي
ههههه

 

[NaDiA.]

سلامت راسك حنونة
واله غير قتلتيني بالقدر ربي يخليك ل tes parents
واكيد مانبخلش بالرد اختي حتى انتى مواضيعك عسل
​

 

[رقة الاحساس]

يا اختي يسرى متحيريش وقتنا هذا راح تشوفي عجب عمرك ما شفتيه
حتى أنا بنت خالتي عمرها 9 سنين تهدرلك على هدرة الزواج و الله دوخي​

 

[Elif DZ]

الفرااغ العاطفي الذي تعاني منه مجتمعاتنا العربية
​