مشاعر كاذبة
:: عضو مُتميز ::
- إنضم
- 15 أوت 2010
- المشاركات
- 715
- نقاط التفاعل
- 3
- نقاط الجوائز
- 57
- العمر
- 27
السلام عليكم يا اعضاء اللمة الكرام انا حبيت نحكي لكم طفولتي من يوم زدت الي يومنا هذا وارجو من مشرفنا العزيز ان يتقبل موضوعي
بصح قبل مانقول قصتي نقول قصت زواج ماما
ماما كان في عمرها 19سنة مين تزوجت ببابا وهو كان في عمرو 30سنة تزوجت غصبا عنها عمتها ارغمتها علي الزواج منه لخطرش يجيها بيناتهم صلة قرابة ماما كانت صغيرة وقبلت اه دارو عرس بسيط من تم بداو المشاكل هو كان يشرب وكل يوم يدخل عليها للدار شارب ماما استحملت وهو كان عنده ماماه كانت مرا قاسية
بزاف معاها وعنده اخواه واخواتته قاسيين اه دركا نبداو في القصة الحقيقية بابا الي هو مش بابا الحقيقي كان يدخل رجال لدارو وهويكون شارب وكان يسكر ماما مكان اعلابالها بوالو ويعمل الصوالح الي مينعملوش راكم فاهميني ماما كانت بالحمل بتوئم بصح طاحو بسبب السم الي كانت تشربهولها ختنتها عاود كانت حامل باخي صخر رحمه الله عاش يوم ومات بسبب السم تاني وهد بابا المزيف كان يضرب ماما بالزاج والقرعة ديال الغاز باش انا نطيح من كرشها ومنعيش بصح خالتي ولي كان في عمرها 8سنين طلعت لدارها وطردها شافت بلي كان يضربها هودت تجري للدار وجابت معاها جدتي الي مسكينة متشوفش ابقاو يدقو عليه الباب وهومحبش يفتح حتي فرعوه وجا جدي طلقها منو اه دركا جات حكايتي هو ارسل ورقة مكتوب فيها بلي انا مش بنته وقالهم ارواحو ديرو التحاليل وشوفو اه انا كي زدت دارو تحاليل ولقاوني مش بنته اه اناعشت معزة ومكرمة ببيت جدي وعشت مليح مخصني والو والان انا اعرفت بابا الحقيقي بصح شفتو برك من بعيد وقالولي بلي هو باباك وانا راني حيرانة :tears:منعرفش لقبي الحقيقي وابي الحقيقي الي نحرمت منهم 13 سنة ومننساوش لافامي عيبو علي ماما وقعدو يتمسخرو بيها لخطرش هجالةوانا عمرهم ما عاملوني مليح راني نحس روحي غريبة بينهم لااعرف اصلي وفصلي واخواتي ماتو الي هوما الي كانو املي الوحيد في الحياة بصح الحمد الله مزالني عايشة وربي راه يخلص فيهم واحد بواحد لافامي انتاعنا راهم يمرضو وبناتهم رام يتطلقو وهداك الاب المزيف راهو طاحت بيه ولامسكين يبيع الدجاج وقت الي كان عسكري وانانقولكم كما تدين تدان ولا بالزيادة معلاباليش وشراح يكون مستقبلي بصح الحمد الله اسمحولي طولت عليكم بصح حبيت نخرج وش في قلبي كل يوم راني نحس روحي عايشةفي فلم بصح حتيواحد من الدار ماعارف وش راه في قلبي حاسبيني مرانيش نخمم بصح انا راني مدمرة ومنبينش وزيد الناس يقولولي انت يتيمة وانا ننقهر بصح نخبي حزني ولقيتش واحد نحكيلو غير انتوما شكرا لقرائتكم قصتي.
بصح قبل مانقول قصتي نقول قصت زواج ماما
ماما كان في عمرها 19سنة مين تزوجت ببابا وهو كان في عمرو 30سنة تزوجت غصبا عنها عمتها ارغمتها علي الزواج منه لخطرش يجيها بيناتهم صلة قرابة ماما كانت صغيرة وقبلت اه دارو عرس بسيط من تم بداو المشاكل هو كان يشرب وكل يوم يدخل عليها للدار شارب ماما استحملت وهو كان عنده ماماه كانت مرا قاسية
بزاف معاها وعنده اخواه واخواتته قاسيين اه دركا نبداو في القصة الحقيقية بابا الي هو مش بابا الحقيقي كان يدخل رجال لدارو وهويكون شارب وكان يسكر ماما مكان اعلابالها بوالو ويعمل الصوالح الي مينعملوش راكم فاهميني ماما كانت بالحمل بتوئم بصح طاحو بسبب السم الي كانت تشربهولها ختنتها عاود كانت حامل باخي صخر رحمه الله عاش يوم ومات بسبب السم تاني وهد بابا المزيف كان يضرب ماما بالزاج والقرعة ديال الغاز باش انا نطيح من كرشها ومنعيش بصح خالتي ولي كان في عمرها 8سنين طلعت لدارها وطردها شافت بلي كان يضربها هودت تجري للدار وجابت معاها جدتي الي مسكينة متشوفش ابقاو يدقو عليه الباب وهومحبش يفتح حتي فرعوه وجا جدي طلقها منو اه دركا جات حكايتي هو ارسل ورقة مكتوب فيها بلي انا مش بنته وقالهم ارواحو ديرو التحاليل وشوفو اه انا كي زدت دارو تحاليل ولقاوني مش بنته اه اناعشت معزة ومكرمة ببيت جدي وعشت مليح مخصني والو والان انا اعرفت بابا الحقيقي بصح شفتو برك من بعيد وقالولي بلي هو باباك وانا راني حيرانة :tears:منعرفش لقبي الحقيقي وابي الحقيقي الي نحرمت منهم 13 سنة ومننساوش لافامي عيبو علي ماما وقعدو يتمسخرو بيها لخطرش هجالةوانا عمرهم ما عاملوني مليح راني نحس روحي غريبة بينهم لااعرف اصلي وفصلي واخواتي ماتو الي هوما الي كانو املي الوحيد في الحياة بصح الحمد الله مزالني عايشة وربي راه يخلص فيهم واحد بواحد لافامي انتاعنا راهم يمرضو وبناتهم رام يتطلقو وهداك الاب المزيف راهو طاحت بيه ولامسكين يبيع الدجاج وقت الي كان عسكري وانانقولكم كما تدين تدان ولا بالزيادة معلاباليش وشراح يكون مستقبلي بصح الحمد الله اسمحولي طولت عليكم بصح حبيت نخرج وش في قلبي كل يوم راني نحس روحي عايشةفي فلم بصح حتيواحد من الدار ماعارف وش راه في قلبي حاسبيني مرانيش نخمم بصح انا راني مدمرة ومنبينش وزيد الناس يقولولي انت يتيمة وانا ننقهر بصح نخبي حزني ولقيتش واحد نحكيلو غير انتوما شكرا لقرائتكم قصتي.
