نحكيلكم حكاية ماما و محكيتهالهاش

[SSADKE]

السلااااااام اول كلااااااام :
هادي القصة قصة حب صراتلي بصح طويلة :
وانا قاعد نخمم قلت والله نفتح قلبي لمنتدى اللمة ونحكيلهم حكايتي ونشوف رايهم
تعرفت على وحدة في الانترنت :u_pc: بار سكايب وشفتها وشافتني مهم شافت العقلية مليح مليح
دات من عندي نميرو تلفون عيطتلي وتعرفت عليها مليح وبعد اشهر كبرت المحبة لدرجة متصوروهاش بحيث انها كي منحكيش معاه غير يوم واحد كي نعيطلها كلمة الاولى نتاعها تبدا تبكي :tears: مرات نحكي معاه من 00 الى 06 صباحا
مهم هي كانت ساكنة عند دار ختها متزوجة قعدت عندها 3 اشهر توحشت ماماه بزاااااااااف قاتلي نزيد ايمات ونروح لدارنا منيش تقول في ديك اللحظة :sneaky2: تخيلت واحد جاني وقالي راه تروح لدارهم و تتبدل عليك قاع انا مقدرتش نخليها في قلبي قلتلها راكي تروحي لداركم وتتبدلي قاع الرد نتاعها :scared: زعفت وحسبت اني كشما رايح نديرها انا.. روحي يا الايام.. و راحت الطفلة لدارهم غير وصلت لدارهم عيطتلي وتحكي معاي من اعماق قلبها:yahoo: وعقبتلي ختها وماماه و مزال غير باباه لي محكيتش معاه عقبو 3 ايام بدات تتجسد المنامة مع العلم انها كانت متقدرش تفارقني و لو للحظة وحدة وقت فات
كيفاش صرا:sneaky2: ؟ منين داك نعيطلها تطول متهزش مرات تقلي نستناك تعيطلي و نعيطلها ونلقاه مغلوق و مرات
نعيطلها تعقبلي ختها و مع ذلك اني مزال نحكي في داك الوقت بصح ولات تدير لي في جاست يهبلوووني
وكي نحكيلها وش دارت تزعف مني بزاااااااااف وتمدلي اي مبرر نقبل المبرر نتاعها بصح مرة زوج ثلاث خلاص عييت بزااااااف
وهي راه بطلت القرايا بطلوه دارهم ايا مهم كيفاش دارت ولاة منين نعيطلها وهي تقلي لازم تجي تخطبني لازم تجي تلوح الكلمة عليا :surrender:بصح انا محكيتش لدارنا بلي راني مع هادي الطفلة لخاطر مزالني نقرا ومنقدرش نقلهم تروحو تلوحو الكلمة عليها لخاطر يقلك هادا الطفل راه يتمسخر:music_whistling: مع البنات:heh: يروح غير زيادة يقرا مقدرتش نقلهم وصارحتها بلي منقدرش حست روحها بلي مهيش ضامنة الزواج بيا تبدلت قاع ومباعد فقت لروحي حسيت روحي كنت نحارب و تشولشت في راسي رجعت في حالي ومحكيتش معاه سمانة كاملة و مكانش قاع appel في البورتابل معناه لو نعيط و لا منعيطش كيف كيف مفهمتش:sneaky2: و الحل كيفااااش ؟ قررت منعيطلهاش شهر كامل وصح درتها بيباتلي مرة وحدة بصح كي محكيتش معاااااه حسيت روحي هاداك وين ولدت جديد وحد الراحة في عمري محسيتش بيها لانها معشتش قصة حب قصة عذاب و مباعد فات شهر عيطتلها تكوبي و تسكر التلفون فاتت الايمات عيطتلي هي الكلمة الاولى لي قلتهالها هي : الله يحفظك ادا كنتي تحبيني افهميني انتي عندك عقلية وانا عقلية فهمت بلي منطيحوش على بعضانا تشوكات وقاتلي وكيفاش الحل قلتلها متزيدي تعيطيلي و منزيد نعيطلك انتي في حد وانا في حد وكوبيت عليها :scared: ومن هاداك النهار حلفت لروحي ومعيطتلهاش و معندهاش الاحساس والرحمة في قلبها انها تعيط من بعدها حتى جامي تتفكر بلي راه غالطة في حقي وحتى وهي اسمها رحمة وربي بلاااااك شاف فيها خير و من هاداك النهار صاي تسيبارينا مع انها عاودت عيطت لصاحبي و رفضت اني نزيد نعاود نفس القصة .
واسمحوووووووووولي بزااااف طولت عليكم
وصحااااااا عيدكم قاع اصحاب منتدانا الغالي

 

[قطرة ندى1]

mais antaya normalment yfahamha que mazalak sghir en+ les 2 mazalkom sghar rabi ykoun f al3oun

 

[النغم الحزين]

ربي يرجعكم لبعضاكم وهي تفهم بلي راكم مازلتم صغاااااااااار

 

[mohamed ali 1992]

وعليكم السلام ورحمة الله تعالى وبركاته

قصتك كي بقية القصص ! ...ربي يسهل عليك
وعيد سعيد وكل عام وانت بخير


​

 

[hassina]

صح عيدك نت تانيك هادي هيا الدنيا تلاقيك او تفارقك

 

[rofaida_c.k.o.a]

ربي يرجعكم لبعداكم وتكمل قرايتك وتزوجوا وتعرضنا

صحا عيدك وعيدها

 

[raile]

واش نقولك يا خويا ربي يكون عونكم
وصحا عيدكم كاملين

..
​

 

[EL General]

ربي يكون معاك و يصبرك

شكرا لأنك صارحتنا بقصتك .
​

 

[SSADKE]

ربي يخليكم ويحفظكم على الردود صحا فطوررررررررركم
وصحا عيدكم

 

[13matmour]

ربي يجيب الشفاء هه

 

[Elif DZ]

اها خويااا
هيا حبت مصلحتها و أنا شخصيا لو كنت في مكانها لما زدت كلمتك و لو لثانية أخرى
فضمان مستقبلي هو الأجدر بالتفكير و إن كنت تحبها صح فستعمل المستحيل لأجلها
و ستبادر في المستقبل لخطبتها و لإثبات عكس ما في ظنها
​

 

[bida27]

مزالكم صغار بزاف

 

[قَطٌر❀ الٌنَـدَى]

معرفتش وش نقلك بصح هي ثاني مش غالطة كي قاتلك لوح عليا الكلمة وانت ماراكشش واجد ملا احسن من اعملت تهنيتو من لعذاب ل2​

 

[عاشقة الكرة]

ربي يكون معاك

 

[@احساس طفلة@]

انت كيما قلت راهي حبست لقرايا
والبنت الي قاعدة في الدار كاين قدامها غير الزواج
صافي هي عندها الحق كي تطلب منكم انك تخطبها
لأنو ادا مخطبتهاش راح يخطبها غيرك​

 

[عاصمة الحزن]

ربى يحسن حوالكم و يكون معاكم

صح عييييييييييدكم

 

[N@riM@N]

تقول فيلم تركي يامحاينك هههههه
صح عيدك خو​

 

[مشاعر كاذبة]

انت خاطيك انت عملت الصح هي الي غلطت معاك باش تفوت لك ختها معناها تتهرب منك وكي متعيطلكش معناها تقدر تصبر بلا بيك خويا خطيك والله غير تتعذب راك هنيت روحك وصح عيدك

 

[biya]

قصتك تشاابه لبزااف قصص مي في رايي انت الغالط ، psq معطيتهااش فرصة

صحاا عيدكم

 

[touffik]

ياخويا بنت ناس بغتك للزوج
على اقل قول للعائلة تعك عليه
بش تعرف راك بغيها للزوج
لزم دير جاست انتى بغى تحبه بى موبيل وابس هدا مرش حال وبنت ناس خفت على روحه عنده صح