طلبات استعادة المواضيع مابين 10-9 .>29-10

[Mafia.dz]

بسم الله الرحمن الرحيم
الدرس الثالث
تبق الوردة

مدة الطهي:من 10 الى 15 د
درجة حرارة الفرن:150 د

السنيوات المستعملة :

شكلها شريتو كيما الصورة و ضغطت عليها في الوسط عطيتلوا الشكل المطلوب

للعجينة
04 كيلات فرينة
1/2 كيلة مارغرين
فاني
قرصة خميرة
ماء زهر
صفار بيضة
للحشو
03 كيلات كوكاو
01 كيلة سكر رطب
مبشور ليمون
بيض حسب الكمية
نخلط الفرينة مع المارغرين+الفاني+صفار البيض ونجمع بماء زهر نترك العجينة ترتاح
نحضر الحشو نرحي الكوكاو مع السكر+مبشور الليمون ونضيف البيض حتى نحصل على خليط زي تاع المسكوتشو
نحل العجينة فوق النشاء ونعقبها في الماكنة رقم 04 ثم 06

نملا السنيوات بعد متدهنيهم بالزبدة بالعجينة ثم نضع ملعقة من الحشو نتركها ترتاح ساعة ونطيبها في فرن نخرجها من الفرن نغطسها بالعسل ونزينها بوردة وورقة من عجينة اللوز نرش اللماع فوق الوردة
la decoration
هادي شكل الحلوى طابية و معسلة
1- نصنع الوردة
2- نصنع الورقة بطابع ورقة من عجينة اللوز الخضراء
عفسات الدرس:
-لما ديري الحشو في المول اتركيها من ساعة الى ساعة ونصف باه كي ديرها في الفرن نتفخ وتمد شكل رائع
-لازم الحلوى تخافظ على لونها وتحمارش
-استعملي الزبدة طرية باه متخرجيش ليدام وانت تخدمي فيها
-حلي العجينة فوق النشاء باه جي واقفة كي طيب
-لكي تلصق الوردة اثقبي الحشو بعود اسنان ودخلي الوردة

 

[Mafia.dz]

هادا رد احدى العضوات :


مشكورة اختي نسمة على هاد الموضوع الرائع
عجبوني الوصفاة نتاوعك بزاف
وعفوا على التطفل هده وصفة للاخوات الكريمات وهي مجربة راهو وصل وقت العيد نتمى تعجبك وتعجبهم

اليكم مقادير حلوة الكابريس :
كيلو كابريس+علبة زبدة +رطل كوكاو مرحي+علبة بسكوي كبيرة وقليل من الحليب باش متلسقش
التزيين :
كوكاو مرحي + شيكولاولكي الاختيار في اضافة النواة كوكو في التزيين
طريقة التحضير :
ضعي كيلو الكابريس فوق بخار الماءثم اضيفي لهازبدة والشوية الحليب مع التحريك حتى الذوبان ثم اضيفي الكوكاو المرحي واليسكوي حتى تصبح عجينة متماسكة والبسكوي ثاني يلزم يكون مرحي
ثم ضعي العجينة في اناء وادخليه الثلاجة حتى يبرد .
طريقة التزيين :
بعد خروجها من الثلاجة اجعليها كريات صغيرة الحجم ثم اغمسيها في الشيكولا ثم
الكوكاو المرحي او اذا حبيتي ترممديه في النواة كوكو تجي ثاني بنينا
وبصحتكم

 

[Mafia.dz]

الدرس الرابع
براسليات بالطلية
درجة حرارة الفرن: 160 درجة
مدة الطهي : من 15 الى 20 دقيقة


مكونات العجينة :
3 مقادير من الطحين
1 مقدارمن السمن (طري)
ملعقة كبيرة من السكر الرطب
ملعقة من عطر الفانيليا
ماء زهر
للحشو :
3 مقادير اللوز
1 مقدار من السكر
مبشور الليمون
ماء زهر
الطلاء
2 بياض بيض
ملعقة كبيرة عصير ليمون
ملعقة كبيرة ماء زهر
سكر رطب
ملون غذائي
ملعقة صغيرة زيت
*نحضر العجينة
بخلط السمن مع الفرينة و السكر و الفانيليا ونجمع بماء زهر ونتركها ترتاح.
نرحي اللوز مع السكر +قطرات عطر الليمون و نجمع بالبيض
حلي العجينة شكلي مستطيل عرضه حوالي 08 سم وضعي الحشو على شكل حربوش ولفي العجينة حول الحشو لي تحصلي على اصبع .نشق طرفي الاصبع
نجمع طرفي الصبع لتشكيل الاسورة تطهي في فرن معتدل
تحضير الطلاء
*نحضر الطلاء بخفق بياض البيض مع عصير الليمون و ماء زهر ثم نضيف السكر بدون التوقف على الخفق +الزيت حتى الحصول على طلاء لا يسيل +الملون قليل فقط وردي.
الديكور:
لما تقلاصي الاسورة قصي زهرة مارغريت حجم كبير من عجينة اللوز البيضاء ولصقيها في الوسط وبواسطة ملعقة صغية عمري وسط الزهرة بلماع متعدد الالوان ورشي بريشة الوردة كاملة .

 

[Mafia.dz]

بسم الله الرحمن الرحيم
الدرس الخامس
تشاراك السكر


درجة حرارة الفرن:160 درجة
المدة:20 دقيقة
للعجينة
03 كيلات فرينة
كيلة خليط سمن وزبدة
ملعقة صغيرة فاني
ماء زهر
1/2 باكي خميرة
للحشو
03 كيلات لوز
01 كيلة سكر عادي
مبشور ليمون
ماء زهر
للقلاصاج:
سكر رطب
سيرو (02 كيسان ماء +كاس سكر +طرف قارص اتركيه يعقد على نار هادئة)
نخلط الفرينة مع لدان جيدا +الفاني +والخميرة ونجمع بماء زهر نترك العجينة ترتاح
الحشو
نرحي اللوز مع السكر +مبشور ليمون ونجمع بماء زهر


حلي العجينة واقطعي دوائر


ضعي حربوش حشو فوق الدائرة
اغلقي على 02
لفي لاعطاء شكل قرن
يطهى في فرن متوسط
عفسات الدرس
-ديري قرصة خميرة للحشو وطرف زبدة يجي طري
السر في نجاح تشاراك السكر هو القلاصاج او التغبار
-لازم الحلوى باردة جدا والسيرو بارد
-نضع الحبة في السيرو ننزعها ونضعها في السكر (يوضع السكر المغربل في كيس بلاستكي) نغمرها بالسكر و ننزعها بلطف ونحطها في كف اليد وننزع بكف اليد الاخرى الزائد شغول نملسوا السطح في نفس الوقت نحو الزائد
-نخلوا الحلوى تنشف لعدة ساعات حتى يتشرب السيرو الطبقة الاولى تاع السكر نعاود نفس العملية للمرة الثانية (نضعها في السكر)
-عند التقديم نعمر مصفاة تاع حليب بالسكر ونرش فوق الحلوى كلمسة اخيرة يخرج زي الثلج جربوا وادعولي.

 

[Mafia.dz]

الدرس السادس

درجة حرارة الفرن :160 درجة
مدة الطهي:من 10 الى 15 دقيقة

للعجينة
04 كيلات فرينة
01 كيلة زبدة طرية
قرصة فاني
ماء زهر لجمع العجينة
للحشو
03 كيلات كوكاو
كيلة ماشي معمرة سكر عادي
مبشور ليمون
بيض لجمع العجينة
للتزيين
خليط عسل وماء زهر
-نخلط الفرينة مع الزبدة الطرية +قرصة فاني ونجمع بماء زهر ونترك العجينة ترتاح مدة في كيس بلاستيكي
-نحضر الحشو نرحي الكوكاو مع السكر +مبشور الليمون ونجمع بالبيض
نحصل على حشو كي العجينة لي نقدرو نكوروه.

بهذه المقادير نقدرو نعملوا عدة انواع حلوى

1- الدزيريات
-نحل العجينة فوق النشاء ونمررها في الماكنة على الرقم 04 ثم07

-نقطع دوائر ندهن كل دائرة بباض البيض نضع كورة حشو فوق دائرة وبواسطة عود تاع حلوى كوجاك نديري طيات ونرفع العجينة حول الحشو

وهاكذا نتحصلوا على دزيريات بسيطة تقليدية نزينها بحبيبات فضية او حبة لوز نطيبوها في فرن ونعسلوها وهادا الشكل النهائي

دزيريات عصرية
دزيريات النخلة


نفس العجينة نضيف الملون لماء زهر لاعطاء اللون
نتبع نفس الخطوات لي عملنا بيهم الدزيريات العادية
الديكور
نقطع 03 مارغريت بالطابع هادا
https://www.4algeria.com/vb/attachment.php?attachmentid=19 181&d=1283295425
ندهن الحبة ببياض البيض ونلصق الزهرة الكبيرة ثم ندهن وندير المتوسطة واخيرا الصغيرة ثم نرشق حبة لةز او كوكاو مليح في الوسط نطيبها في الفرن ونعسلها ونرش اللماع
الغذائي وتقدري ديري ديري 02 الوان ابيض ووردي
عفسة الدزيريات
1-ندهن الدائرة ببياض البيض باه تطلع مع الحشو وجي واقفة
2- نستعمل الماكنة باه جي العجينة مقرمشة
3- كي نحل العجينة فوق النشاء ماجيش معجنة
4-نلصق الزهرات بببياض البيض باه ميطيروش وقت طياب
5- نغطيها ببلاسيتك ونتركها ترتاح مدة تقدري حتى ليلة كاملة قبل الطهي تشد لا فورم مليح
6-مالزمش تتحمر لازم تحافظ على لونها
7-تغطس في العسل الدافء وهيا سخونة باه الحشو يجي معسل والعجينة الفوقانية جي ناشفة وهادا سر الدزيريات

 

[Mafia.dz]

الدرس السابع
حلوى العيد
1-قاتو حلوة الترك


للعجينة
500 غ مارغرين

01 كيلو فرينة

كاس سكر ناعم

علبة ونصف حلوة ترك

02 خميرة كمائية
للتزين
كاس مربى
علبة حلوة ترك
كاسان كوكاو
التحضير
نخدم الزبدة مع السكر كي الكريمة +حلوة الترك+الخميرة ونضيف الفرينة نشكل اصابع ويطهي في فرن متوسط
لما يبرد نخلط المعجون وحلوة الترك نرمد الحلوى فيه ونلبي بالكوكاو خشن
بنيـــــــــــــــــــــــــــ ــــــــــــــــــــــون


02 علب بيمو
كأس كوكاو مرحي
علبة حلوة الترك
زبدة
شكولا سوداء
شكولا بيضاء
شوكي لي زي نوتيلا مي هي تاع بلادنا ماهيش غالية
نرحي البيمو +الكوكاو مرحي +حلوة الترك
ونجمع بالزبدة المذابة حتى الحصول على عجينة
نأخذ كرية من الخليط نضع ملعقة صغيرة شوكي
ونغلق ونلفها نضعها في الثلاجة حتى تتماسك
نذيب الشوكا مع قليل من الحليب والزبدة +شوية كاكاو على حمام مريم وقطرة زيت وملعقة ماء بارد جدا
نغطس الحبات في الشكولا ونزينها بخطوط شكولا بيضاء
ملاحظة :يمكن بعد ما تغطسيها في الشكولا تزينها باي نوع من المكسرات لي عندك او شكولا فرميسال تطلع هايلة
حلوى المورينغ

250 غ مارغرين
02 مغارف سكر رطب
مغرفة صغيرة خميرة
مغرفة نشاء
02 صفار بيض
فرينة لجمع العجينة
للديكور
مورينع
04 بياض بيض
سكر رطب حوالي 700 غ ان كان البيض حجمه صغير
-معجون
-قوفريط كروستي ذوق شكولا
نخدم الزبدة مع السكر+صفار البيض +النشاء +الخميرة ونجمع بالفرينة نترك العجينة ترتاح
نحضر مورينغ :نخفق بياض البيض مع السكر حتى نحصل على مورينغ طالع ويلصق ميسيلش
نحل العجينة ونقطع دوائر ندهن كل دائرة بشوية معجون
غلفي السطح بالمورينغ وطيبيهم في فرن خفيف
لصقي 02 ب 02 بالمعجون وديري في الحواف القوفريط المرحي
حلوى النسيلي



للعجينة
250 غ زبدة
250 غ سكر رطب
vanille
500 غ فرينة
مغرفة صغيرة خميرة
2 بيضات
الحشو:
نيسلي
التزين
شكولاطة سوداء
مربى
جوز هند
pistache
تخدمي الزبدة مع السكر +البيض +مغرفة صغيرة فاني و في الاخير +الخميرة و الفرينة تتحصلي على عجينة ديريها في كيس بلاستيكي و خليها ترتاح.
بعد ما ترتاح حليها و ديرها في قوالب القنديلات بعد ما ترشيهم بالفرينة اثقبي شوية بعود الاسنان و حطيهم في ثلاجة 1/4 ساعة
اطهيهم في فرن متوسط
حضري الحشو حضري نسلي في كوكوت كي يبرد
ادهني الاطرف بالمربى و رشيهم بجوز الهند
احشي الحلوة وحطي فوق كل قطعة ملعقة تاع شكولاطة ذايبة وذري بيستاش
كرات القوفريط
http://www.easyrecettes.com/images-recettes/img148.jpg
علبة قوفريط علب كبيرة
زبدة
كاس كوكاو
للتزيين
شكولا
قوفريط ذوق فرولة
نرحي القوفريط +الكوكاو ونجمع بالعسل ندير كورات نرمدهم الشكولا ثم في قوفريط مرحي تاع الفراولة ولا اسهل واش رايكم
كورات الشكولاطة
http://www.douniacuisine.com/image-recette/690.jpg
للعجينة:
500 غ فرينة
250 غ زبدة
125 غ سكر رطب
2 بيضات
50 غ كاكاو
باكي خميرة
للتزين
شكولاطة بيضاء و سوداء
التحضير
اخدمي الزبدة مع السكر +البيض و الكاكاو+الخميرة و الفرينة
شكلي كراي صغيرة و طيبها في الفرن
اقلسيها بالشكولا و زينيها بخطوط الشكولا البيضاء




يتبـــــــــــــــــــــــــــ ـــــــــــــع

 

[Mafia.dz]

تابع للدرس السابع الخاص بحلويات العيد

لقيت هاد الصورة في احد المنتديات
عجبني شكلها عندي وصفة تاعي هايلة ودرتلها ديكور لي في صورة اكيد في العيد رايحة نحطلكم كامل الحلوى لي درت راهي دورك تشيح
نخدم 250 زبدة مع 2 مغارف كبار سكر رطب+باطة ياغورت طبيعي+نفس العلبة زيت+مبشور ليمون+باكي خميرة
ونلم بالفرينة نتركها ترتاح نحلها وندير حربوش حشو (حلوة تءك +كوكاو مرحيو تجمعي بمعجون)
ونلف مرتين ونقطع اصابع نطهيها في الفرن
ودرت قلاصاج شكولا وخطوط بشكولا بيضاء ملونة
هايل جربوه متندموش عليه
رائـــــــــــــــــــــــــــ ــــــــــــــــــــــــــــــ ـــــــــع

لي سابلي بالمعجون
وصفة سابلي مقاديرها خاصة تاعي جي خفيفة روعة
المقادير :
500غ زبدة طرية
07 مغارف كبار سكر ناعم
07 مغارف عسل
2 بيض
مغرفة صغيرة فانيلا
02 خميرة حلوى
فرينة حسب الحاجة
1/2 علبة نشاء تقريبا 50 غ
للتزيين :
كيما تبغي تحبي بسكر قلاصي من الفوق او المكسرات على الحواف او تغطسي الوجه في المربى وجوز الهند
طريقة التحضير :
امزجي المرغرين و السكر والفانيلا اخدمي جيدا حتى يصبح مثل البوماد ثم اضيفى البيض وامزجي ثم ضفي النشا واخلطي جيدا ثم ضفي الفرينة ورشة الخميرة حتى تتحصلي على عجينة طرية و ملساء حلي العجينة ، قطعيها بقوالب مخصصة لها ، صفيها في صينية مرشوشة بالفرينة وادخليها الفرن حتى تنضج دون تغيير لون وجهها
بعد أن تبرد الصقي كل قطعتين مع بعض بالمعجون وزيني حيب الرغبة المهم القاتو سابلي يجي خفيف
المقروط لي نعملوه في منطقتنا
03 كيلات سميد متوسط sim
01 كيلة سمن دائب
شوية ملح باه ميجيش صامط
كيلة خليط ماء وماء زهر
نخلط جيد الدقيق مع السمن باليد +كمية الملح ونبدى نضيف في كمية الماء وماء زهر حتى يتشمخ
تشكليه باه يطيب مليح كي جي تستفيه في البلاتوا لصقيهم في بعضهم مليح باه تغطي كامل الغرس وميتحرقش طيبيه في فرن 180د لما يحمار على الجوانب بعد حوالي 30 دقيقة شعلى من الفوق ان كان الفرن لي يشعل من فوق اما العسل ديري عسل المرجان يمدلك حلاوة هايلة للمقروط

 

[Mafia.dz]

تابع لدرس حلويات العيد
قلاصاج الشكولا

علبة شكولاطة
شوية حليب
شوية زيت
مغرفة صغيرة كاكاو
ذوبي الشكولاطة على حمام ماري كي ذوب زيدي شوية حليب +كاكاو +زيت
وهكذا القلاصاج واجد .
نصائح:
1-الكاكاو يمد لون اسود هايل للقلاصاج
2-الزيت يمد بريق للقلاصاج
3-الحليب يساعد على ذوبان الشكولاطة مي ما تكثريش مانو باش ما يجيش قلاصاج سائل
4-جربي حبة حلوي اغطسيها في القلاصاج لا تكسرت معنى القلصاج ثقيل خفيه بشوية حليب اما اذا ساح القلصاج معناه القلصاج خفيف ثقليه بشوية كاكاو.
5-في فصل الشتاء القلاصاج ينشف بالخف لا كان نشفلك قبل ما تمكلي الحلوى رجعيه فوق حمام ماري حتى تكملي الكمية .
6- لما تغطسي الحلوى في القلاصاج ماتحطيهاش مباشرة فوق سنية من بعد رايحة جيك صعيبة تنحيها من الاحسن تحطيها فوق مشبك او شباك مثلا رف الثلاجة و هكذا زائد الشولاطة يسيل و تبقالك حبة نظيفة .
7-حمام ماري يعني تحطي الشكولاطة في صحن فوق كسرونة تع ماء يغلي فوق النار
بنيون بالنيستلي
السلام عليكم ورحمة الله تعالى وبركاتهجبتلكم اليوم وصفة جديدة كيما وعدتكم هو قاتو مايطيبش وساهل ما يحكمش اليد فالخدمة زد على ذالك طعمه الرائع راح نعطيكم المقادير
تاع كمية كبيرة تكفي عرس بامكانكم تعملو نصف المقادير او اقل.
المقادير:
8علب بسكوي طوم+2 علب كبار قوفريط+1كلغ ونصف حلوة الترك+3 كلغ شوكولا سوداء.
تزين الوجه:
5 علب حليب نيستلي+انصاف الجوز+شوكولا سوداء.
التحضير:
نرحي القاتو والقوفريط وحلوة الترك ونبلهم كامل بالشوكولا ذائبة وباردة ونبسطها في بلاتو كبير تاع الكوشة طوله 1م ونغلي النيستلي 4ساعات ونفرغو على سطح القاتو وبعد ساعات يقطع مربعات ونزين بالشوكولا خطوط ونضع نصف جوزة في الوسط.
جربوه ومش راح تندمو باذن الله واذا عجبكم ردولي.

 

[Mafia.dz]

تابع لملف الحلويات الخاصة بالعيد
قاتو russe
250غ مارغارين
كاس ماشي معمر بزاف سكر رطب
150 غ نشاء 04 مغارف كبار كاكاو
09 مغارف كبار عسل
باكي خميرة
للحشو
03 كسيان كاكاو
03 كيسان ونصف سكر رطب
كاس حليب غبرة
200 غ مارغرين
فاني ماء
الزبدة+السكر+العسل +الكاكاو +النشاء والخميرة وتلمي بالنشاء
نديرهم بطابع لي درتي الصورة تاعو طيبيهم
الكريمة
فوق النار خلطي السكر و الكاكاو والحليب +الفاني شوية ماء وخلطي +الزبدة تتحصلي على كريمة عاقدة لصقي بها 02 ب 02 لى الحواف ديري واش تحبي نواى دو كوكو او قوفريط

 

[Mafia.dz]

هادي ما علباليش لمن تابعة

 

[Mafia.dz]

قلاصاج شكولا سوداء
علبة شكولا تاع القلاصاج دوبيها في حمام ماري
+ملعقة صغيرة كاكاو+شوية حليب دافئ+شوية زيت واخيرا شوية ماء
قلاصاج شكولا بيضاء
شكولا بيضاء دوبيها في حمام ماري كي دوب+شوية زيت
للتزيين:
شكولا بيضاء +نيسكافي محلول في شوية ماء بارد جدا

 

[Mafia.dz]

- كورات الجنجلان
250 غ مارغرين تخدميهم مع كاس سكر رطب +1/2 كاس جنجلان+كاس كوكاو مرحي رقيق +03 صفار بيض +باكي خميرة+علبة نشاء تجمعي بالفرينة ديريها كورات صغيرة اغطسيهم في بياض البيض ثم في الكوكاو مرحي خشن شوية ديريهم في كيسات وطيبيهم لما يحمارو اسقي كل حبة بشربات خفيفة تقريبا ملعقة قهوة لكل حبة.
2- كورني الجنجلان (هاد الكمية جيك بزاف تاع مناسبة كي تحبي ديري للعائلة فقط تقدري ديري ربع فقط تاع المقادير)
500 فرينة +كاس تاي متوسط الحجم تاع سمن +ملعقة صغيرة فاني+100 غ سكر رطب +150 غ جنجلان ابيض + واجمعي بالبيض من 04 ال 05 بيضات كي تلم اتركيها ترتاح
حليها واقطعي اشرطة وجيبي كورني تاع الحديد ولفي وحدة فوق وحدة حتى تلبسي الكورني اقليهم بالكورني تاعهم
عسليهم احشيهم
الحشو:كيلة لوز+كيلة جوز ارحيهم +كمشة زبيب اجمعي بالعسل احشي الكورني واغطسي الراس في اللوز او البيستاس
وهاد المساء نزيد نكتبلك وصفات اخرى وخيري

 

[قساوة الماضي]

موضوعي الاخير
بليز fon de tain للبشرة الدهنية



ياريت تلقاهوووولي
وشكرا لك الف مرة على مجهوداتك ​

 

[قساوة الماضي]

موضوعي الاخير
بليز fon de tain للبشرة الدهنية​

ياريت تلقاهوووولي
وشكرا لك الف مرة على مجهوداتك ​

 

[Mafia.dz]

- كورات الجنجلان
250 غ مارغرين تخدميهم مع كاس سكر رطب +1/2 كاس جنجلان+كاس كوكاو مرحي رقيق +03 صفار بيض +باكي خميرة+علبة نشاء تجمعي بالفرينة ديريها كورات صغيرة اغطسيهم في بياض البيض ثم في الكوكاو مرحي خشن شوية ديريهم في كيسات وطيبيهم لما يحمارو اسقي كل حبة بشربات خفيفة تقريبا ملعقة قهوة لكل حبة.
2- كورني الجنجلان (هاد الكمية جيك بزاف تاع مناسبة كي تحبي ديري للعائلة فقط تقدري ديري ربع فقط تاع المقادير)
500 فرينة +كاس تاي متوسط الحجم تاع سمن +ملعقة صغيرة فاني+100 غ سكر رطب +150 غ جنجلان ابيض + واجمعي بالبيض من 04 ال 05 بيضات كي تلم اتركيها ترتاح
حليها واقطعي اشرطة وجيبي كورني تاع الحديد ولفي وحدة فوق وحدة حتى تلبسي الكورني اقليهم بالكورني تاعهم
عسليهم احشيهم
الحشو:كيلة لوز+كيلة جوز ارحيهم +كمشة زبيب اجمعي بالعسل احشي الكورني واغطسي الراس في اللوز او البيستاس
وهاد المساء نزيد نكتبلك وصفات اخرى وخيري

 

[Mafia.dz]

الدرس الثــــــــــــــــــــــــــا من
العرايش




مدة الطهي:15 الى 20 دقيقة
حرارة الفرن:160 درجة
للعجينة
3 كيلات فرينة
كيلة سمن طري+شوية زبدة
مغرفة سكر رطب
la vanille
ماء زهر
للحشو
3كيلات لوز مرحي
كيلة سكر حرش
ماء زهر
zeste de citron
pour le glacage
3 بياض بيض
4 ملاعق ماء زهر
3 ملاعق عصير ليمون
سكر رطب حسب حجم البيض مغربل
ملعقة زيت
pour la decoration
عجينة اللوز بلون وردي
لماع غذائي
حبيبات وردي
تحضير العجينة:
نقوم بخلط الفرينة مع خليط السمن والزبدة حتي يتجانس الخليط بعدها نضيف السكر و الفانيليا و نجمع بماء زهر نحصل على عجينة رطبة نتركها ترتاح في كيس بلاستيكي.
تحضير الحشو:
نحضر الحشو نرحي اللوز مع السكر ونضيف مبشور الليمون و نبللها بماء زهر.
تشكيل الحلوى:من 01 الــــــــــــــــــــــــــــ ــــــــــــــى04
بعد ما ترتاح العجينة نحلها على سطح مرشوش بالفرينة.
- نشكل دوائر و نحط فوق كل دائرة حشو على شكل حرف Y

-نسكر العجينة مليح حتى لا يتسرب الحشو نحصل على شكل مثلث .

-نقلبها على الجهة الاخرى.

- ندير القرون الثلاثة في اتجاه واحد للحصول على شكل ترافل.

نطهيها في الفرن .
القلاصاج:
بالباتور نخفق بياض البيض+القارص+الماء زهر+الزيت ونضيف بشوية السكر رطب مغربل حتى الحصول على قلاصاج.
لما تبرد تماما نقلسيها بالطلاء .
la décoration
نضع فوقها03 وردات عجينة اللوز الوردي لقطعتها بواسطة طابع الوردة استعملت متوسط يعني في الوسط لي فالصورة.لما تنشف ناخذ قطعة اسفنج نغطسها في اللماع الابيض نمسح السطح.

ونثبت حبيبة وردي ونرش الوردة فقط باللماع الوردي.
عفسات الدرس:
-لما اسفل الحلوى تشوفي لونو وردي يعني طابت الحلوى نحيها من الفرن.
-يجب تجربة القلاصاج على حبة حلوى ان سال وبقات الحبة ماهيش مغلفة زيدى السكر اما اذا تكسرت الحلوى داخلو يراهو جامد ويكسر الحلوى كامل سيليه بماء زهر.
-كي تقلاصي الحلوى حطيها تنشف فوق شباك الزائد كامل يسيل التحت وتبقى الحبة نظيفة .
-اذا استعملتي الكوكاو ديري قرصة خميرة في الحشو باه يجي طري.
-ازم تغلقي مليح الحلوى باه ميتسربش الحشو ويسيل في الفرن ويتحرق.
اكيد رايحين تلقاو عدة ديكورات تاع الحلوى هادي على النات المهم هاد هو المبدء تعها وكل وحدة تعمل الديكور واللون لي تبغي.

 

[Mafia.dz]

ملخــــــــــص
وضعته لتستعملي الصور الموجودة فيه

الدرس الاول:
البقلاوة ـــــــــــــــــــــــــــــ الصفحة 02

الدرس الثاني:
المخبز ــــــــــــــــــــــــــــــ ـــــــ الصفحة 05

الدرس السادس:
الدزيريات ــــــــــــــــــــــــــــــ ـــــــ

دزيريات النخلة

 

[Mafia.dz]

الدرس التاسع
حلوياتي تاع العيد

1-سابلي بالمعجون
المقادير :
500غ زبدة طرية
07 مغارف كبار سكر ناعم
07 مغارف عسل
2 بيض
مغرفة صغيرة فانيلا
02 خميرة حلوى
فرينة حسب الحاجة
1/2 علبة نشاء تقريبا 50 غ
للتزيين :
المربى وجوز الهند
طريقة التحضير :
امزجي المرغرين و السكر والفانيلا اخدمي جيدا حتى يصبح مثل البوماد من الاحسن بالياتور جي اخف ثم اضيفى البيض وامزجي ثم ضفي النشاء واخلطي جيدا ثم ضفي الفرينة ورشة الخميرة حتى تتحصلي على عجينة طرية و ملساء اتركيها ترتاح مدة حلي العجينة ماشي رقيقة بزاف فوق الفرينة، قطعيها دوائر نفس العدد .مثقوبة واخرى لا، صفيها في صينية مرشوشة بالفرينة وادخليها الفرن حتى تنضج دون تغيير لون وجهها فرن 150 درجة .
للتزيين:
بعد أن تبرد اطلي سطح المثقوب بالمعجون ثم رمديه في جوز الهندالصقي كل قطعتين مع بعض بالمعجون لغدوا من داك املي حقنة بالمعجون واملي الثقوي باه تمديلها شكل باهي خبيها في اواني بلاستيكة لتنغلق مليح تبقي لمدة رائعة.
2-اصابع الشكولا

للعجينة
250 غ مارغرين طرية
02 مغارف كبار سكر رطب
باطة ياورغت طبيعي لا ملقتيش ديري فاني
نفس العلبة ديريها زيت
مبشور ليمون
1 خميرة حلوى
للحشو:
حلوة ترك
معجون
كمية من الكوكاو
للتزيين:
شكولا سوداء
شكولا بيضاء
نيسكافي
جوز هند
الطريقة:
نخدم المارغرين مع مغارف كبار سكر رطب+باطة ياغورت طبيعي+نفس العلبة زيت+مبشور ليمون+باكي خميرة
ونلم بالفرينة نتركها ترتاح .
نحضر الحشو نخلط حلوة ترك +كوكاو مرحي تجمعي بمعجون
مشمش.
نحل العجينة وندير حربوش حشو ونلف مرتين ونقطع اصابع نطهيها في الفرن 150 درجة .
ودرت قلاصاج شكولا سوداء ونغطس الحواف في جوز هندوخطوط بشكولا بيضاء ملونة بنكهة نيسكافي .ودرت شكولا بيضاء ملونة بنيسكافى لحبات اخرى.
قلاصاج شكولا سوداء
علبة شكولا تاع القلاصاج دوبيها في حمام ماري
+ملعقة صغيرة كاكاو+شوية حليب دافئ+شوية زيت واخيرا شوية ماء بارد.
قلاصاج شكولا بيضاء
شكولا بيضاء دوبيها في حمام ماري كي دوب+شوية زيت

3-بنيون

02 علب بسكوي بيمو
150 غ حلوة ترك *علبة *
كاس كوكاو
زبدة دائبة
للتزيين
شكولا سوداء
شكولاء بيضاء
ملون غذائي ازرق

ارحي البيمو +الكوكاو مرحي+حلوة الترك مفتتة ونجمع بالزبدة نحصل على عجينة نشكلها كرات ونتلركها تبرد تماما حتي تجمد
نحضر القلاصاج
علبة شكولا دوبيها في حمام ماري+ملعقة صغيرة كاكاو+شوية حليب دافئ+شوية زيت واخيرا شوية ماء بارد غلفي الكرات وحطيها تقطر فوق شباك
حضري شكولا التزيين شكولا بيضاء دوبيها في حمام ماري كي دوب+شوية زيت +ملون ازرق ديريها في كيس او كورني من ورق واعملي خطوط على الكورات.


يتبـــــــــــــــــــــــــــ ــــــــــــــــــــــــــــــ ـــــع

 

[Mafia.dz]

تابع للدرس التاسع
حلوياتي للعيد
القنيدلات العصرية

العجينة:
04 كيلات فرينة
01 كيلة مارغرين طرية
شوية فاني
ماء زهر
ملون غذائي ازرق
للحشو:
03 كيلات كوكاو
01 كيلة سكر عادي
مبشور ليمون
بيض حسب الكمية
للتزيين:
عسل +ماء زهر
بيستاش مرحي خشن شوية
للعجينة
نخلط مليح الفرينة مع المارغرين +الفاني نجمع بماء زهر نتركها ترتاح نلونها بالازرق
ملاحظة: العجينة لونها اصفر +ملون ازرق طلعي لون بيستاش هايل
الحشو:
نرحي الكوكاو مع السكر +مبشور الليمون ونجمع بالبيض .
نحل العجينة فوق النشاء نمررها في الماكنة رقم 04 ثم 06 ندريها في سواني مربعة مدهونة بالزبدة .
نملء نصف السنية بالحشو
نقطع زهرات بطابع ونطوي كل زهرة على 02 ثم على 02 ونلف شوية
هادي صورة توضح كيفاش تصنعي الوردات

نثقب بعود اسنان الحشو وندخل الزهرة داخل الحشو 05 زهرات نعمل نثبتهوم على جهة فقط تطهي في فرن وتغطس في خليط عسل وماء زهر
ونرش الجهة الفارغة بالبيستاش.

 

[Mafia.dz]

الدرس العاشر لي تارتلات


les Tartelettes

مدة الطهي: من 15 الى 20دقيقة

حرارة الفرن:160درجة







المقادير:
العجينة la pate sucree
150 غ مارغرين
150 غ سكر رطب
بيضة وصفار بيضة
ملعقة صغيرة فاني
1/2 باكي خميرة
فرينة
للكريمةcreme patissiere
1/2 ل ماء
100 غ سكر عادي
100 غ نشاء
100 غ زبدة
بيضة وصفار بيضة
ملعقة ونصف حليب غبرة
فاني
la rome حسب الذوق وحسب الفاكهة
للتزيين:
فواكه موسمية حسب الموجود والرغبة
nappage و جولي
تحضير العجينة:

نخدم المارغرين مع السكر مليح +البيض الفانليا+الفرينة و الخميرة حتى نحصل على عجينة طرية نتركها ترتاح.
ثم نديرها في مول نثقبها ونحطها على الاقل ساعة في الثلاجة قبل ان نطيبها .
لازم طيب مليح يعني ماشي نصف طياب طيب كامل

كل ما طيب مليح جي هايلة



تحضير الكريمة:

نضع فوق النار نصف ل من الماء مع 100 غ سكر لما يسخن شوية نحي منو ربع الكمية واضيفيه للبيض وخلطي مليح وخالي الباقي يغلي فوق النار
نخفق مليح البيض +النشاء +حليب الغبرة +الفاني نضع الخليط في الكسرونة تاع الماء والسكر ونخلط حتى تعقد نديرها في صحن ونضيفلها الزبدة الطرية ونخفق حتى تبرد الكريمة ونضيفلها larome لي تبغي كاين فرايز كاين كل النكهات نديرها في الثلاجة نتركها تبرد.
بعد ماتبرد لي تارت نملء بالكريمة ثم نزيين بالفواكه مقطع ان استعمل ترونش خوخ وترنوش اناناس علب وترونش كيوي وحبة عنب احمر وندهن السطح كامل بالناباج .
عفسات الدرس:
-مليزمش تعجني العجينة لميها فقط .
-لما تملي القوالب بالعجينة ضعيها في الثلاجة باش تشد الزبدة روحها وتشد لي تارت شكلها ومتهبطش حوافها.
-لما تملي القوالب بالعجينة اثقبي الوسط مليح بالشوكة باه ميطلعش الوسط.
-لما تدهني الفواكهة بالناباج تمدي حلاوة زاءدة للفواكهة وتبقي طازجة وتجي تلمع.
-استعملي قوالب تارتلات لي فيها 02 اجزاء باه جيك ساهلة
ديموليها.
-اعملي لي تارتلات خصها تبرد مليح مليح .
ممكن تعمليها في قالب واحد وكل جهة تزيينها بنوع من الفواكه.