طلب وصفة كيك مالح

[حكيك]

السلام عليكم
لي طلب صغير جدا وهو من لديه وصفة كيك مالح يفيدني بها لانني لديا واحدة
وانما اردت ان اغير
شكرا مسبقا حبياتي

 

[جزائرية واعشق بلدي]

عندي ميني كيك مالح بالزيتون والفرماج اذا حبيتي نعطيهالك ماكاش مشكل حنونة نعرفها انا مانكذبش عليك ماجربتهاش مي نعرفها هههههههه

 

[حكيك]

عندي ميني كيك مالح بالزيتون والفرماج اذا حبيتي نعطيهالك ماكاش مشكل حنونة نعرفها انا مانكذبش عليك ماجربتهاش مي نعرفها هههههههه

تفضلي حبيبتي نشوف الوصفة
وشكرا مسبقا

 

[جزائرية واعشق بلدي]

للعجينة =كاس فرينة +كاس حليب بودرة+4بيضات+ربع كاس زيت+ماء حسب العجينة +ملح
الحشو=زيتون اسود+فرماج اي نوع تحبي
للزينة معدنوس ولا زعتر ولا كيما تحبي
خلطي مقادير العجينة حتى تولي كيما لعجينة تاع الكيك
من بعد بلي مول تاع لميني كيك ادهنيهم بالزيت وحطي في كل قال بشويا من العجينة مع شرائح الزيتون والفرماج وتزيدي فوقهم شويا من العجينة حتان تغطيهم
بصح ماتعمريهش بزاف باش يطلع انتي عينك ميزانك
وزينيها بالمعدنوس ولا الزعتر كيما تحبي
وراني زدت نقلتلك الصور من موقع واحد اوخر انا حبيت نسييهم بالصح ماجاتش الفرصة برك

 

[جزائرية واعشق بلدي]

ولا شكر على واجب ان شالله يجوك ملاح وذوقينا هاذا ماكان
ادعيلي في ظهر الغيب بالنجاح

 

[حكيك]

ولا شكر على واجب ان شالله يجوك ملاح وذوقينا هاذا ماكان
ادعيلي في ظهر الغيب بالنجاح

ربي يحفظك حبيبتي واتمنى لك النجاح ان شاءالله شكرا على الوصفة