واش صرالك اليوم ؟؟؟ كونوا معانا

[إشراقة حب]

اليوما rien de spécial .....
صبحت كي الشاطرة وعلى 8 كنت فالجامعة كنت نجري كي الماشينة حتى فقت بلي اليوم ماعندناش قراية مي عندنا ستاج امالا رالونتيت و مشيت بعقلي ..........
المهم قصرنا مع لبروف على الميموار و بدينا نبنو فيها زعما ....قصرت شوية و ضحكت و رجعت للدار..........

و تيتا تيتا خلصت الحدوثة....
هذا واش نكتب ف الاجوندة
ايا ميرسي

بصحتك حنونة

مالا واش نقول انا اللي ندت على 5 وخرجت من الدار على 6 ونص

كنت ميتة بالنعاس

كي وصلت لافاك لقيت البروف ماجاش

ماعليش موالفة تصرا

شكرا حنونة على الشاركة
​

 

[إشراقة حب]

السلام عليكم
الله يحسن والله تعب كبير
ربي يكون في العون اشراقة (سمية ) ماتفكريش في المنتدى درك وقت القراية ومبعد يرحمها ربي
والله ولي التوفيق

​

شكرا خويا علي وبارك الله فيك

 

[إشراقة حب]

يا اختي انا نقولك واش صرالي لبارح كنا انا وابي فليل عند اختي لمتزوجة وكي خرجنا من دارها ركبت فلوطا وبابا قلع كي قربنا نوصلو لدار نزل بابا عند واحد لحانوت قريب لدارنا يشري لخبز وخلا لوطو نايضة وراح للحانوت وبلطبع اللوطو كانت بعيدة شويا على الحانوت انا جاتني فكرة قلت نسوق لوطو حتى لدار لخاطر معنديش بزاف كي جبت لبرمي ايا قلعت لوطو وقلت بابا يجي على رجليه ايا غير قلعتها ومشيت شويا ويروح واحد راجل يجري لبابا ويقوله لطوتك سرقوها وخرج بابا يجري وراجل معاه يجرو مور اللوطو حسبو واحد سرقها وسرقني معاها هههههههههه وانا من هذيك اللحظه حلفت مانزيدش نسوق هذ لبطراكة لي دارلي فضيحة على جالها لي يشوفها كي كان يجري يقول سرقوله مارسوداس

ياخااااااااااااه وانت واش داك تسوقي بلا ماتخبريه

يااود هذي تصرا ...البابات يتخلع يخاف عليك وعلى الطنوبيل

هههههه معليش حنونة يتمروا اليمات وتنساي

شكرا للمشاركة

 

[إشراقة حب]

وعليكم السلام
الحمد لله كي شفت دخلتي
نا عليش عمري نقدّروا ظروفك
ربي يكون في العون
على بالي باللي لقريا فالجامعة ما شي ساهلة
بصح...كيما قولتلك من قبل...ديري اللي عليك
وان شاء الله تخرجي من ليماجور
وندعيولك...هاذي بلا ما توصينا وبلا مزيتنا
ربي ينجحك ويوفقك ويسّرلك أمورك ويجعلك من الأوائل في رضاه ورضا الوالدين وفي قرايتك...آمين
نحبك بزااااااااااااااااااااااااااااااااااااف
يا أروع وألطف وأظرف "إشراقة حب"=سمية في العااااااااااااااالم
​

اهلا حنونة

شكرا وبارك الله فيك حبيبتي

اولله اسعى جاهدة لأحافظ على دراستي

ابذل كل جهدي

وادعيلي ربي يوفقني

شكرا لك حبوبة

 

[إشراقة حب]

السلام عليكم و رحمة الله و بركاته

جيت نحكيلكم واش صرا لي البارح

زعما الصبح لازم نروح للجامعة نقرا

من عوايدي ننوض على الستة غير الربع و نخرج من الدار على السبعة غير عشرين و نركب le bus على السبعة غير الربع

العشية كي عمرت البوطابل تاعي باش ندير 5.45 درت 6.45

لحسن الحظ نوضتني اختي خمس الدقايق قبل يعني على السبعة غير عشرين ههههههههه

تخيلو في خمس دقايق لبست قشي و غسلت و كملت كل شيء و على

السبعة غير الربع كنت داخل le bus

حطمت الرقم القياسي

مازال

كي لحقت للجامعة

لقيت الاستاذ ماجاش

هههههههه

واش حبيتوني ندير قريب نبكي

​

وعليكم السلام ورحمة الله تعالى وبركاته

هههههههههههههههه شاطرة يالالة

تيجيفي انت هههههه

سلامة راسك ,,,معليش مجاش الشيخ باه تريحي شوية

شكرا لمرورك

 

[إشراقة حب]

ههههههههههههههههههههه
وححدك....

اليوم صبحت مرييضة..>>دارتلي السخاانة

امالا رحت نبرد وجهي بالماا
تحسييت وجهي منفوووووخ
طلعت راسي للمراية

نظت نعييط

واااااااااااااااااااااااااااااااااااااااااع

جااو تاالعيين مسااكن لياا

وشبييك اطفلة؟

شوفو خشميي و نبكيييي

وشبييه خشمك؟؟
او تكسر

هههههههههههه

زعما ماما تاستي فيا...

هاكا يوجعك لالا لالا لالا لالا ....

امالا واش بييك >> قتلهاا شوفي كيفاه منفووخ

ههههههههههه

قاتلي يعطييك ضربة اي بروودة برك..

ولااو يشوفو فيا منضوييش..​

سلامة راسك حنونة ماتشوفيش شر

معليش ماتتخلعيش واش بيك هذا شخانة خلعاتك هكا هههههه

ربي يحفظك وبالشفا عليك

شكرا للمشاركة

 

[إشراقة حب]

ليوم رانا في حالة عرس نتاع واحد لافامي لينا

مشوي راه يدور في الدار

مرحبا بكم

​

كل شيء مبروك والعاقبة ليك وللجميع ان شاء الله

 

[إشراقة حب]

ربي يعاونك
انا ماكنش جديد
قرايا كيفك وفرات
بصح النيفو قل منك
مزال في السيام
ربي يعاونا

يرحم والديك اختي
معليش اصبري وتلحقي للجامعة برك اجتهدي وتوكلي على ربي
لكن عندك تغشي فالامتحانات

 

[إشراقة حب]

اهلا واش راكم ربي يدوم لمتكم
تقبلوني معكم انا ليوم واش صرالي
دخلت للمنتدي ما فهمت والو قلت واش ندير
نشارك في المواضيع ولا نحط موضو قاعد قدام الميكرو من صباح
هذا وين قررت نديرهم في زوزج نشارك بموضوع و في نفس الوقت
نشارك في مواضيع

اهلا بك خويا احنا بخير اذا كنتو انتم بخير ...امين يارب
اكيد مرحبا بك معانا الموضوع ليكم فرغوا فيهم اللي تحبوا
هههههههه ايا مليح ..ضربت عصفورين بحجر واحد

شكرا خويا على المشاركة

 

[إشراقة حب]

رانا غير مع الروتين حنونة

هكذا احنا

شكرا لمرورك اختي

 

[إشراقة حب]

مممم حسنا ....سأذكر موقفا ..هو عادي جدااا ..ولكنه لم يسبق أن حصل لي ..:no_1::shiny:

هذا في أيام الثانوية ..صحينا مثل كل صباح نجهز حالنا للدوام (أنا وإخواني ) ولبست زي المدرسة ..وركبنا السيارة ...ومشينا ...:thumb_up2: وفي الطريق ..نظرت إلى نفسي ....وإذ بي خرجت دون عباءة ... _o: :scared: (شلون نسيتها ..وانا كل يووووم ألبسها ...) :scared: :scared::scared: وقلت لأبوي إلا رجعني ع البيت ..!!:crying_1: لاتقولي زحمة مازحمة ..:crying_1: ههههه بصح كان ابوي متفهم بزاااااف ..ورجعني على البيت (ههههه واخواني معي ) لبست عبايتي ورجعت ..:ans_flw:هههه بصح كانت أول مرة وآآآآخر مرة ...:surrender: هههههه

شكرااااا على الموضوع أختي ...az_flw:

اهلا اهلا بالأخت الكويتية السورية او العكس

مرحبا بك معانا في الموضوع شرفتي اختي

ياااااااااااه والله موقف لاتحسدين عليه صعب جداااا
والحمد لله انك تفكرتي قبل ماتنزلي من السيارة

جات سلامات

شكرا لمشاركتك لنا اختي الحبيبة

ومرحبا بك معنا مرة اخرى
​

 

[إشراقة حب]

السلام عليكم
حبوووووووبه
كيما وعدتك رايحا نحكيلك على قصتي مع خروف العيد
عفوا...كبش ماشي خروف وبgرونو
هاذا يا ختي
مرّة وانا نقرا فالإبتدائية
وفي يمات كيما هاذي
جيت خرجا من الدار باش نروح ليكول
ونلقى لكبش تاعنا مطلوق فالحوش وماشي مربوط...وهوشافني منا... جا يجري ليا [معلاباليش علاش]
وانا موت بالخلعة...دخلت للدار وبقيت نبكي وقولت ليما مانروحش نقرا حتى يجي بابا [بابا يجي ع6 تاع لعشيا]
ويمّا ما لقات مادير معيا
حتى تبرع خويا الصغير [اللي مازال ما دخل يقرا]...باش يلهي الكبش حتى نخرج...[زعما صحاب هو ويّاه..وما يخافش منو]
ومن هاذاك النهار إلى يومنا هاذا وأنا نخاف من لكباش
وكي يجيب بابا الكبش نشوفو النهار اللول من بعيد
وما نزيدش ندور بيه حتى يدبحوه

على سيرة العيد لكبير
صح عيدك وكل عام وانتي بخير
وتعيدي بالصّحة والراحة

وعليكم السلام غاليتي

واااااااااااااااااااااااااااه ... انا تان لما نجي من برا ونفتح الباب نلقاه واقف عند الباب والله نخاف منو بزاااف نعيط ليما باه تجي تجبدوا وانا ندخل ههههههههههه بصح كي ندخل نولي ندا ليه ونعطيلوا ياكل

ربي يسترنا اختي ويحفظنا من كل شيء

 

[إشراقة حب]

الأخت سورية؟؟؟
ماشاء الله
أهلا وسهلا بيك معنا
سعيدة جدا بوجودك بيننا
​

ماشاء الله عليك قايمة بالواجب واحسن
ربي يحفظك حنونة

 

[إشراقة حب]

وعليكم السلام
ربي يكون في العون

​

شكرا خويا وبارك الله فيك

 

[الأفق البعيد]

الأخت سورية؟؟؟

ماشاء الله
أهلا وسهلا بيك معنا
سعيدة جدا بوجودك بيننا​

أهلييييين فيكِ أختي ...

أنا اللي سعيدة لأني بينكم ...واتمنى أعرفكم أكثر حبيبتي ..

ربي يوفقك يااارب ..

(شكراااااا جزيلاااااااا لأنك لاحظتني ..ولأنك رحبتِ فيني أختي ..):az_flw:

 

[الأفق البعيد]

اهلا اهلا بالأخت الكويتية السورية او العكس

أهليييييين فيك حبيبتي ..(وتقدري تزيدي وتقولي الجزائرية ..بصح حبيت الجزائر بزااااااف بزااااف دووون مجاااااااملة )
مرحبا بك معانا في الموضوع شرفتي اختي ​

ياااااااااااه والله موقف لاتحسدين عليه صعب جداااا
والحمد لله انك تفكرتي قبل ماتنزلي من السيارة ​

جات سلامات ​

شكرا لمشاركتك لنا اختي الحبيبة ​

ومرحبا بك معنا مرة اخرى ​

شكرااااااا جزيلاااااا لهذا الترحيب حبيبتي ..

كان لي الشرف المرور بموضوعك أختي ..

أتمنى أن نعرف بعضنا أكثر ..فأجمل شيء في المنتديات ..العثور على إخوة حقيقية فيما بيننا ..):smile:

(وعذرااا منك إن خرجنا عن الموضوع بسببي أختاه ..):ax_flw:

 

[manghassa_ali]

ههههههههههههههه يخي حالة يخي
ربي سترك والله كنت طوايشي بزاااااااااااااااف وقيل كنت حاب تنتحر
لاخاطر كل مرة دير حاجة في روحك ههههه

سلامة راسك خويا

هههههههههه
الله يسلمك هداك هو الصغر سيرتو في ايليزي
الله يسلمك وينجيك
​

 

[charisma.dz]

اليوم راني كي العجوزة قاعدة في الدار لاني ماقريتش اليوم
وكيما راني دك نشوف في الجو راه مغيم والبرد وراني دك نشوف في الميكرو وهو يشوف في ههههه هاو قاعد يتغزل في ههه
​

 

[manghassa_ali]

شكرا خويا وبارك الله فيك

العفو وفيكي بارك الله
واحد الخطرة في جوايه 1997/1998 كنت رايح للجامع مع الستة انتاع الصباح في الشتاء كانت ظلمة وقتها وكانت المطر تنزل بالشوي ، الطريق جبل وفي الطين ومشيت بالشوي كي عدت قريب نوصل تزلقت حتى التحت واحد الميترة وتوسخت بالطين وكي وصلت للجامع لقيت روحي وحدي حتى الطالب(اللي يقري فينا ) مزال مجاش كرهت قلت كون غي جيت مع السبعة زدت نص ساعة ورجعت للدار بدلت ملابسي وكملت الرقدة
* كي نتفكر مزال نرجع*
*دمتي في رعاية الله وحفظه*

​

 

[hiba14]

السلام
انا يا اختي هاذي صراتلي العام اللي فات في العاصمة كنت العام الاخير تاع القراية تاعي و خارجة انا و صحبتي من الفطور و انا جاية طويلة و صحبتي تاني و كي كنا نمشو شافنا واحد المهبول بدا يجري مورانا و تافورة كاملة تخزر صحبتي حسيبة بلمرقة في دقيقة كانت في الجامعة اما انا شعرة و يقبضني صحاب الحوانيت قاع يجرو موراه و هو يجري مورايا و يقول ( مترتين اسناااااااااااااي اسناي) ربي سترني