غيرة خطيبي تقتلني

الحالة
مغلق ولا يسمح بالمزيد من الردود.
L

loula09

:: عضو مُشارك ::
السلام عليكم وشراكم لاباس? انا راني مليحة بصح شويا مقلقة الغيرة تاع خطيبي ولات بزاف خصوصا كي فتحنا و لا يدخل روحو في كلش علابالي دوكا تقولولي من حقو صح بصح هو كثر ولا ما يخلنيش نروح نبات عند فاميلتي اسقسيني واش حنلبس قبل منروح للجامعة مع انه انا نلبس محتشم. في كلش ولا مزير حبيت نسقسيكم اذا هذي الحالة normal و اذا نتوما صرالكم هكذا و انا ننخذلو الراي بصح الداخل راني مقاقة و منحبش نقولو خاطر كل مانقولو هذة الغيرة بزافففففففف اقولي نخاف عليك هذا الوقت ولا ما يرحمش انشاء الله تنقص هذي الغيرة كي نتزوجو في الصيف نحبو كي غير عليا بصح ماشي هكذا​
 
ربي يهنيكم ويخليكم لبعضاكم
 
هادي كي عاد يحبك يغير عليك ربي يحفظكم حنووووووووووونة ويخليكم لبعظاكم
 
بلاك من كثرت ما حبك ولا يغير عليك ولا راه خايف لا يدوك عليه ربي يهنيكم حنونة ويخليكم لبعض ومتقلقيش روحك هذا حاجة تصرى عندي اي واحد يحب وحدة
 
معليش استحملي راه يحبك بزاف وما تنسايش عرضينا في عرسك
 
عادي ختيتو كي يتزوج بيك يحس بلي وليتي ملكو تنقص الغيرة صدقيني والغيرة دليل بلي يحبك اصبري عليه وتعاملي مع الغيرة تاعو بشكل عادي ماتبينيش بلي راكي مقلقة منها
وربي يهنيكم
 
مليح الغيرة اصبري واش عليها
 
نورمال نورمال ربي يكمل بيناتكم ويجمع في خير
 
ربي يهنيكم مع بعض ويجمع بيناتكم بخير هذا شيء عادي جدا ماتتقلقيش.
 
السلام عليكم
ريحي روحك ألبسي جلباب تتهناي من غيرتوا وخوفوا عليك
 
يا ختي عادي

هاد الغيرة راهي نووورمال و كيما قال هاد الزمان راه صعيب و ما يرحمش

و بعد الزواج اكييد راح تنقص لانو يحس بلي راكي ليه هو برك

و ربي يكملكم بخيـــر و تتهنـــــاو ان شاء الله
​
 
ربي يخليكم ل بعضاكم
​
 
نتي gع وراكم مخطبين انا حنونتي راني مخرجلها عقله ومسمط عليه على كلش بصح الله قالب نموت عليه
ربي يوفقكم تخذي رايي ديريلو كامل واش يحب انا راني حاس بيه

باااي وعرضيني في عرسك والله راني في صيف ديما عندكم في البليدة تعرفي لسيتي بناني راني تما عند اخوالي باااي
 
عادي هاذا حال المخطوبين

وزيد كاشي قدك ربي يخليهلك ويحفظكم لبعض

ويحميكم من كل مكروه



وعقبال الي مازالوا
 
الغيرة في حدود جميلة لكن اذا كانت هوس فهذا يعتبر مرض
حاولي كيف تكسبين ثقته اكثر يمكن يتغير
ربي يوفقك ويهنيك حبيبتي
 
ختي هادا هو الراجل بطبعو كي يحب المراة يبغي بمتالكها وهي حاجة مليحة مادمو راجلكوعندوالحق يخاف عليك انت سايسيه برك وربي يكمل بيناتكم بالخير
 
نورماااااااااااااال حبيبتي كلش يفوت وربي يكمل على خير
 

ياحنونتي واش نقولك مليح الراجل كي يغير على المرأة

والغيرة نتاعو نورمال عادي هذا يدل على انه يحبك بزاااف

اصبري عليه وماتتقلقيش بالعكس انتي حاولي تتفادي لحوايج

اللي يغير منها وديري واش يقولك

ربي يهنيكم مع بعض ويجمع بيناتكم بخير



​
 
آخر تعديل:
وفقكما الله ، و جمع بينكما بالخير .
ما يحدث لك شيء عادي و أمر طبيعي أن يغار عليك .​
 
شكون كيفك عندك خطيبك يحبك و يغير عليك
راهو يجرب فيك اذا تسمعي الكلام ولا لالا !!
​
 
الحالة
مغلق ولا يسمح بالمزيد من الردود.
العودة
Top Bottom