رايكم يهمني

[homework]

انا فتاة جامعية و اعمل ، اخي لديه صديق يحبوه دارنا وهو ولد فميلة وناس ملاح و ماشي خدام واحد النهار كونت جايت من العمل لقيتو يستني خويا قدام الباب دخلت لدار قلت لخويا واحد السيد راهو قدام الباب ، قالي صاحبي فلان .... ، مرة وحد أخري جاء خويا يديني من الخدمة زدنا تلقينا بيه ، قالوا خويا نعرفك بأختي ....... تخدم....... و تخرجت............ ، انا نسيت الموضوع مي في المدة الأخيرة كي نخرج من الخدمة صباح ولا لعشية نشوفوا بجانب مكان العمل انتاعي و حد النهار روحت للخدمة تلقيتوا قالي نوصلك كاش متسحقي مي كان يحمار ويصفار قتلوا لالا صحا و مرة أخري جاء لدار طبطب قلت شكون قالي أنا قتلوا خويا مكانشوا قلي ربي يعيشك حبيت نهدر معاك قتلوا انا هدرة معاك كخويا مي انت مفهمتش الأخوة ، مرة 2 كي روحت للخدمة قعد يحلل فيا من بعيد باش نهدر معاه قالي كي منخافش على اخت صاحبي يعني راني خاين مي حبيت نسقسيك ؟ماحبيتش نسقسي خوك باش منخسروش ، انا خفت نهدر معاه فت و خليتوا مي محبيتش نقول لخويا خفت يتقابدوا ويخسر صاحبوا على جالي مفهمتش واش يسحق و اش راح يسقسيني مي راني خايفت كي يجي عندنا يعيط لخويا نرد عليه من وراء الباب يبقي يكرر في الاسئلة باش نبقا نهدرمعاه ونحسوا قريب من الباب غادني و محبيتش نحرق طبروا عليا كيفاش ندير

 

[HAMZ A]

انا من رايي اسمعيه وقوليلو واش تحوس .......
يخي راهي هدرة برك

 

[nassim007]

اعطيه فرصة وش حاب يقووول


عادي جدا
​

 

[روعة الأخلاق]

أنآ من رأيي متهتميش بيه و اثبتيلو قيمتك صح و اذا هو يبغيك اكيد يجي يطبطب باه يخطبك ماشي باه يحكي معاك من ورا البيبان و لا يقول لخوك
و راكي كبيرة الله يبارك
ربي يوفقك و يرزقك الزوج الصالح​

 

[douja]

مديلوا فرصة واسمعيه


ربي يكون معاك

 

[يونس الصديق]

السلام عليكم

قوليلو اي حاجة حاب تقولها قولها لاخي

لانه اذا كانت هدرة فيها حلال لن يغضب منها اخوك ابدااااااا

مثلا نقولو راه معجب بيك ......علاش يقولك انت ؟؟

لازم يروح عند اخوك لانه صديقه ويقوله اختك عجبتني ومستقبلا ان شاء الله نتقدم مثلا

هنا لماذا يغضب اخوك ؟؟؟

شوفي اختي الهدرة اذا كانت مليحة دائما تلقايب المليح

ننصحك تخلي اخوك يتكلف بالامر

لانه ممكن تسببلك مشاكل لو تتدخلي في الامر

شكرا
​

 

[wafa peace 2011]

قلوا اذا حبيتني الباب قدامك جيب والديك وارواح تخطب

 

[يونس الصديق]

أنآ من رأيي متهتميش بيه و اثبتيلو قيمتك صح و اذا هو يبغيك اكيد يجي يطبطب باه يخطبك ماشي باه يحكي معاك من ورا البيبان و لا يقول لخوك
و راكي كبيرة الله يبارك
ربي يوفقك و يرزقك الزوج الصالح​

الله يعطيك الصحة علي كلامك المنطقي

 

[{مُدَلَّلَتُهُ}]

khti li rah baghi ygoulhalek ygoulha l khouk haka bah ma yesrawlekch des prblémes m3a khouk w bah houwa ma yekhsarch sa7bou

 

[makour]

بالحق تسمعيلوا مي ايدا نتي ماراكيش حاباتوا ماشي ابليgي عليك تهدري معاه مورا لباب اللي راهم فالدار يجاوبوه انا من وجهة نظري و اسمحيلي ختي مي ماجاياش كامل كي يعيطوا صحاب خوك ترديلهم نتيا

 

[نسيم الربيع]

واش هاذ الهدره اللي زعما لوكان يقولها لخوك يخسرو
لوكان جا ناوي الحلال ميخافش يطلبك من خوك
الله اعلم متقدريش تعرفي نيتو
يبالي متحكيش معاه وكاشما عندو هدره فالطريق راه يقولها لخوك
ويلا هدره برا الطريق راكي جنبتي روحك
هذا رايي الخاص -تقبلي مروري- ... سلالام

 

[SIRINE_ANNABA]

شوفي اختي هو راهو غالط من المفروض يحكي مع خوك وخوك يشاورك
وانت قرري ​

 

[kamilia18]

اختي اعطيه فرصة وشوفيه واش يسحق ومن بعد احكمي

 

[loula09]

انا من رايي اسمعيه بلاك حاب سقسيك اذا تقبلي بيه باش جي يخطبك او ماحبش يقول لخوك مباشرة باش اذا مقبلتيش بلا ما يقول لخوك و ربي سهل

 

[Yaccine]

الأمور راهي باينة غي لباغي يدوخ روحواااااااااااااا
​

 

[mir@cle]

مفهمتش واش يسحق و اش راح يسقسيني

ههههههههه ياعيني على البراءة:tears:
مافهمتيش وش راه يسحق منك؟؟؟ أنا نقلك ...السيد يسحق قلم أزرق جاف..اذا عندك واحد زايد سلفيهولو
:busted_red::busted_red:
طبعا هاذا باغي يتقرب منك ... بالصح خاف يحرج روحو قدام خوك...اذا شفتيه مناسب على بركة الله ..واذا لا قوليهالو مباشرة
​

 

[homework]

شكرا على ردودكم ، راهوا هدر معيا قالي الا راكي اوكيبي و لا لالا قلت لالا قالي ماحبيتش نهدر مع خوك خفت يكون في بالك كاش واحد ، راهوا ناوي لحلال مي نستنا حتي يلقا خدمة ، قلتلوا قل لخويا هو ولي امري نعيش عندوا مي متزيدش دور وين نخدم حتي يهدر معيا خويا و نشوف واش يقولي وربي يسهل

 

[هآجر]

شكرا على ردودكم ، راهوا هدر معيا قالي الا راكي اوكيبي و لا لالا قلت لالا قالي ماحبيتش نهدر مع خوك خفت يكون في بالك كاش واحد ، راهوا ناوي لحلال مي نستنا حتي يلقا خدمة ، قلتلوا قل لخويا هو ولي امري نعيش عندوا مي متزيدش دور وين نخدم حتي يهدر معيا خويا و نشوف واش يقولي وربي يسهل

فحتت كما ردتي اختي

جيت ىراح نقتل كل واحد قالك اسمعيلوا ولا اهري معاه املا كما هدرتي معاه وحطيتي النقاط على الحروف خير وخير وبينتلوا قيمتك بلي راك بنت فامليا وبنت رجال ومليحة كما قلتلوا متزيدش تهدر معيا ودور وين تخدمي هدي نتسعرف بك عليها مرا ونص وبنت فامليا ونص


ربي يسهللك ان شاء الله يا اختي في الله صلي صلاة استخارة وربي يباركلك فيه ان شاء الله من قلبي نهدر


وخمسة وخموس عليك

 

[TAKWA]

اختاه .....رأيي لا تكلمينه ، لإأي كلام هذا الذي يريد اخبارك به ، و أي صحبة هذه التي يقول عنها هو ، فلو كان صديقا حقا لأخيك لما تجرأ أبدا أن يتكلم معك خلسة عن أخيك .......و استخيري الله فهو أعلم بالنفوس أخيتي

 

[TAKWA]

لم أعلم بمشاركتك الأخيرة ، لقد انتهى الاشكال اذا ، الله يوفقك أخيتي