راني محتاجتكم معايا وتورولي وين راهي الطريق

س

سمية25

:: عضو مثابر ::
إنضم
12 أفريل 2010
المشاركات
903
نقاط التفاعل
259
نقاط الجوائز
163
آخر نشاط
مساء الخير عليكم.خاوتي وخواتاتي راني محتاجة انسان عندو قلب ويسمعني بقلبو مشي بوذنو برك لاني كرهت من الوذنييييييييييييييين الناشفين والله مازال ملقيتش اللي يسمعني ويفهمني من قلبو مانكذبش عليكم كان عندي انسان واحد يسمعني وكون نقوللكم بلي كي نهدر معاه في تليفون وكي نقللو االوو يعرف بلي مانيش مليحة .بصح عصبيتي وتسرعي بعدوني عليه وزعفتو مني وخليتو يتخذ قراااااااار مايرجعليش خلاص وراني درك ندمانة بزاف وكون نصيب نمحي قاع واش قتلو كي زعفت ويرجعلي برك هاذا واش راني حابة في هاذ الدنيا...............قولولي واش ندير باش نرجعو ونعيش لاباس لاني نحبو ونموت في حبو ............توحشتو بزاف وماراهش يهز عليا في التليفون واش نديييييييييييييييييييييييييييييييييييير قولووووووووووووولي:tears:راني نستنى فيكم حنننننننننننننننح يا خاوتي وخواتاتي
 
يا ختي جربي تروحيله وتطلبي سماح منه وتقوليله بلي زعفتيه في لحظة غضب ودرك راكي نادمه
 
مادامك ندمانة حاولي توصليلو باللي ندمتي عالشي اللي قلتي مام في ميساج و حسيه بمشاعرك تجاهه و ربي يجيب الخير
​
 
سيي روحي لعندو ولا أبعتيلو ميساج و

فهميه مليييييح بصح الافضل تتلاقاو

و تتفاهمو خير خطش ماشي هدره

تاع ميساج.بصح المهم متقلقيش

روحك حنونه غلطه و تتصلح نورمال

و ان شاء الله تفريها و ما يكون غير

الخيييييييير
​
 
اسمعي مليح....
متعيطيلوش 3ايام
اذا يحبك يوليلك........
اذا معيطش عيطيلو ........
واد ما هزش تقدري تخليه يغير عليك
ويعني يندم الي سمح فيك
وفي الخير يولي ليك
ومتضليش تخمي فيه
علي خاطر هكذا نضيعي
وتزيدي تضيعيه
خوذي بهذ النصائح ومنبعد ردلي الخبر

​
 
القلقة صعيبة ومن وراها ما ينفع الندم ربي يجمعكم مع بعض وترجعو كي زمان هذا ما نقول
 
lukan yhabek pour de vrai yhmlek ki teklki
 
قال مسعود-92-:
اسمعي مليح....
متعيطيلوش 3ايام
اذا يحبك يوليلك........
اذا معيطش عيطيلو ........
واد ما هزش تقدري تخليه يغير عليك
ويعني يندم الي سمح فيك
وفي الخير يولي ليك
ومتضليش تخمي فيه
علي خاطر هكذا نضيعي
وتزيدي تضيعيه
خوذي بهذ النصائح ومنبعد ردلي الخبر

​
إضغط للتوسيع...
ديري كيما قال الاخ مسعود هداك هو الحل​
 
اختي عندك عندك عندك
تقتلي روحك عليه

على بالي الحب صعيب

ومريت بنفس لحكايا نتاعك وصدقنين دركة راه خلاني وحدي كما البومة مع اني نحلف ونتكتف بلي راني نادمة بصح هو غرتوا رجوليتوا الرجولية الي عند يالذكورة الكل هو غراتوا خاطر مزال عقلوا صغير

ننصحك خليه كما هكاكا تحكمي في اعصابك وفي قلبك خاصتا

على بالي صعيب تتحكمي في قلبك سقسيني نقلك انا مريت بواحد المرحلة حتان وليت في حالة اكتئاب شديدة رحت للبسكوا به نعالج روحي الله لاتربح الحب وساعت الحب

عليها ربي دار نظام ما بين الجنسين لا للتعارف ققبل الخطبة
وعلالالالالالالالالالالالالالالاه نتعرفوا على الرجال ونحبوهم ونطيحواا في دبابديبهم كما المسلسلات وهما منعرف يحبونا ولا يلعبوا في رواحيهم يحبونا واذا كانوا يحبونا صح وعلاه اقل غلطة يقلولنا باي باي وحنا لبنات كعاد نحبوهم صح كما يغلطوا نتغششوا من لول وكما يطلبوا السماح نسامحوهم


نقلك انا قلبي معمر الموضوع نتاعك يشبه حالتي خلالالالالالالالالالالالالالالالالاه املا تبعي النصيحة نتاعي ومتخافيش

وبه تتغلبي على قلبك

صلي واستغفر الله قد ليل والنهار


ربي وفقك
 
ايه اختي الله يكون في عونك بصح لوكان يحبك كيما تحبيه أنت لوكان مهما تدير يسامحك و مايعمرش قلب منك.ونقولك حاجة حاولي ماتعيطيلوش بزاف و ماتهتميش بيه و شوفي الا يحوس عليك ولا لالا . وممايكون غير الخير.
 
استخيري الله في هذا الانسان اولا و صدقيني ان كان فيه الخير راح يرجعلك هو ....
 
نادرا ما أرد على هكذا مواضيع صراحة ولكن للتوضيح فقط:
الانسان دائما له حل لقضياه يعني احيانا يكون الحل امامه ولكنه لا يفكر فيه اطلاقا...
بعد عبارات العذر والتسامح والترجي والاعتذار
تكون هناك مراحل حاسمة للتفكير
أي أن الذي قام به لا يفي بالغرض
...
يا أختي العزيزة ارجعي للأصل
الأصل في القضية هو "الحب"
الحب تنتج عليه علاقة
العلاقة تربط شخصين معينين من كلا الجنسين
او حتى من نفس الجنس
إذا:
هناك عدة حلول لك وليس حل واحد أمامك
الأول هو المواجهة والتصدي
يعني أنك تنقصي من عزة النفس وتروحي ليه/ليها وتتكلمي كلام جديد
يعني لا تدخلي في مشكل القلق ووو الأحداث التي عقبته
مثلا: مباشرة تسألين عن الحال والأخبار،، أشياء طبيعية جدا
ثم نحن لا نراك ووو... (كلام للاستفسار والاهتمام)
حيث يدرك المتلقي منك أنك مهتمة به كثيرا
---
هذا الحل الأكثر نجاحا حسبما أعتقد
***
الحل الثاني هو الانتظار والتحلي بالمواقف..!!
يعني انك تتركي الحال على ما هو عليه
لأنه أكيد اذا كان عند هذا الشخص ذرة حب ليك
لابد وراح يتفكرك
ولما يكون لك موقف خاص به
يعني أنك مازالك وفيه ليه ووو
فربما سيعود وحده لك
أو تكون هناك وساطات لإعادة المياه إلى مجاريها
---
والله ولي التوفيق
وليس هذا فقط ما عليك فعله بل أي طريقة أو سبيل لحل المشكل اتبعيها
فإنما هذه مجرد خيوط لرؤية الإشراق
يعني ربما منها تأتيك فكرة جميلة تصلحين بها ما فاتك
وتأكدي أن حال الدنيا هكذا...
----

​
 
آخر تعديل:
خليك منو ختي
راكي براسك خير
لوكان يحبك ويحش بيك راهو رفد عليك ...
 
راني محتادتكم معايا

شكرا على لكل من افادني وارشدني بنصيحة او وجهة رايه والله غير حسستوني مانيش وحدي في هذه المشكلة انستوني في وحدتي وفرحتولي قلبي اللي ملي غاب عليا مافرحش .والله ماننسى وقوفكم كامل معايا....................شكرا شكرا شكرا:ax_flw::tears::luve_1:
 
شوفي ختي اولا حاجة لازم ديريها انك تبدلي عقليتك ماشي تبدليها كامل يعني حوايج منها زعاف بززاف ابعد كلام يزعفو المهم انتي متعيطيش يومين ولا 3يام ومتقوليليش منقدرش حاولي اوكي لازم بلماسكي متعيطيش هكدا باه يرفد عليك ابعد بعد ميجوزو 3يام عيطي بنيميرووووو ميعرفوش كي يرفد عليك فهميه وطلبي منو سماح .... وقليلو اقلب صفحة وخلينا نبداو من جديد ادا زدت غلطة انا نطب منك باه تخليني الانني منستهلكش اوكي او لازم تكوني قد وعدك انك ترقبي روحك كي تزعفي ولا متهدريش معاه كامل وادا عاد يحبك انا نضمنلك يولي ليك بلا تحلال وادا العكس راح يخشن راسوووو ومستحيل يوليلك هدا ادا عاد ميحبكش وتقبلي مروري هدا اقتراحي انا .
​
 
ربي يوفقك اختي
 
شوفي أختي أنا تاني نقلك روحيله مادامك أنت لي غالطة معاه وعرفي كيفاش تفهميه ومايكون غير الخير نشالله
إلا يحبك صح راه يسامحك وينسا واش فات بشرط انت ماتعاوديهاش هذا مانقدر ننصحك بيه
لأنو الواحد إذا كان يحب صح راح يتفهم وينسا مهما يطول الحال ​
 
لاحول ولاقوة الا بالله

كثرت مسائل الحب ...وظهر الوجه الحقيقي للحب غير الشرعي ...

اعرف شعورك واعرف احساسك ...فقد مررنا بمراحل مثل التي تمرين بها

عصبيتك مثل عصبيتي كأنك تشبيهنني ...

نقولك اختي العصبية هذي لازم تتحكمي فيها قد ماتقدري ..لأنه رايحة تأثر على حياتك الزوجية في المستقبل

والرجل يصبر يصبر ...لكن اذا جرحتيه وكانك جرحتي رجولته

على هذاك ينسى الطفلة اللي حبها ويخليها تتخبط قدامو وهو يشوف لوكان تبكي الدم

مايرجعلهاش ...لأنه رجولته راهي مجروحة ...

واش ديري اختي انت ضرك راكي تتصلي به ومايردش عليك وطلبتي منو السماح وماحبش
خلاااااااااص اهنا تحبس ...ديري قيمة لروحك

وخلي راسك مرفوع وكرامتك محفوظة ...انت عملتي اللي عليك لكن هو اللي ماحبش يسامح

انسي وماتزيديش تعيطيلوا ..اذا كان صح منو يبغيك يجيك واذا كان لا ...راح تجيه على 16

المهم لازم تحافظي على كرامتك رغم انك تتخطبي في الالم

ارفعي راسك ولازم توريلوا انك قوية مش ضعيفة

الراجل مايحبش المرأة الضعيفة التي تبكي وتترجى وانما يحب القوية

ربي يكون معاك حنونة واستغفري وتوبي لله
واقراي القران والاذكار هذا رايح يخفف عليك

ورانا هنا اذا احتجتي اي شيء اختي
​
 
اديروها نتوما البنات ومن بعدا تندموا
راني غير نضحك ....ما تزعفيش
نقلك حاجة لا متأكدة بلي يحبكــــ أنا متأكد بلي هو يولي يعيطلكــــ​
 
ربي يكون في عونك ما عندي ما نقول
 
العودة
Top