بشار يا بشار هيا الى العملي وماروكو.....اجمل ذكريات حياتنا

[missa_1]

سلاموووووووووووو عليكمممممممممممممممم
كيراكم دايرين
مي علابالي راكم غاية كي راني معاكم
احم احم
واش حبيت نقول
اسمعو برك
بلاكم طيحو راه قلبي راشي
القلب يهدر مش انا
تعرفو الكبدة كي تتربى متخليش فالواحد
المهم
داني
​

داني الوقت ...
و قعدت نفكر فيك .. ضربت كل شيئ بركلة ..
نضت نقيس همومي ورا ظهري ونجري

كنت كل شي بحياتي .. (كح )
وانا ..
وانا واش كنتلك؟؟


حرت في روحي .. كي لقيت روحي نبغيك
يا مخيتي على
على
على عليك انت
شكون من غيرك

الطفولة
ايه واش نحكيلكم ؟ حبيت نحكي على صغرنا احم هذاك الشباب حجا باينة
نحكو شوية على الرسوم متحركة
مننساوهاش قاع ما زلنا لحد الان نتفرجوها
ايا نبداو
منين كنا نتفرجو عندان ولينا امممممم

الفتاة الصغيره .. اللي ابوها ثري وارسلها تدرس مدرسة اثرياء ويتوفى ابوها ....الخ ايا وباقي القصة راكم تعرفوها
وثاني امممممم السيدة ملعقة مسكينة يماتها

يا مخيتي... على السيده مقمشه (ملعقه) تعجبك نهار تتحول صغيره قزمه ..

ايه وثاني بشار

بشار يا بشار
هيا إلى العمل
اجمع شذى الأزهار
من روضة الأمل
حلق مدى الأجواء
رفرف على الزهري
فالعطر والألوان
بساطك السحري

طن طن طنننننننننننننننننننن
يا حصراه على ماروكو هههههههه كنا نقارعولها قبل ماتبدأ بساعة هع :yahoo:

احم خلاص كملنا
ايا وكاين رسوم بزاف شابين
كيما يقلك قديمة مي تنفع ديمة

وانتوما اليوم هنا في هذا الموضوع احكولنا شوية على صغركم وعلى الرسوم الي كنتو تتفرجوها وتبغوها ومزالت لحد الان في بالكم
ايا وطاطا ولا عمو اقبلونا الموضوع باش نبغوكم ياسر الله يخليكم
ايا واش نقلولكم دمتم دمتم ودمنا
تحياتنا​

 

[H@teM]

انا كنت مع الكابتن ماجد
والنمر المقنع
هههههههههههه
​

 

[TOUTA32]

هاذا وين كنت نتفرج في بيييييف وهركوووووووول بيف وهركوووووووول

 

[hiba14]

كنت نموت على موكا موكا حتى شريت مئزر اخضر

 

[جوانا]

فكرتينا في صغرنا
يعطيك الصحة ختي
أنا كنت نتفرج ماروكو و بوكيمون
مارسي

 

[wafa peace 2011]

ايييييييييييييييييييييييييه يامات زمان كنت نحب سالي وكونان

 

[khalil hip hop]

ذوركا اهنا نفرغ قلبي في هاذ الموضوع

انا نعرفها قصة عدنان ولينا

ههههه

السلام عليكم

قصة طويلة بزاف هذاك عدنان اللي على العام في السفينة

انا كنت هاذيك الايام كي كان عمري 14 نتفرج عدنان ولينا

و كابتن ماجد و بوارنجس و فوت و دراقمبول و كوميك

نتتاع البلابل اذا اكنتي تعرفيه حتى هي قصة طويلة بزاف

و كوميك نتاع باتمان وسوبر مان و العدالة اللي متجمعين

الكل هم باتمان و سوبر مان و فلاش و الباقي برك نسيتهم

المهم نشفي نتاع سباق فلاش سوبرمان من كانو يديرو

دورا حول العالم كان مرة يغلب سوبر ومرة يغلب فلاش املا

هم يسابقو وصلو الى الوادي سوف سلمنا عليهم وراحو يجرو

يكملو في السبقا نتاعهم دورا حول العالم الله يبارك المهم

كانت في 3 حلقات هاذيك السباق بذراع لا وصلو المهم

في نص العالم كان واحد شرير يجلد فيهم لكن فلاش سريع

لا يستطيع مسكه اي احد وعندما يمسكون بي فلاش يدور

على روحو يخرج كي الزربوط يدور ويكمل السباق

لكن سوبر مان مايقدرش يخرج تجمد الكل عينه اصبحو يابسين

جاء فلاش بقا يدور عليه يدور يدور حتى وين خرج

وكملو السباق نتاعهم المهم كانت قصة طويلة بزاف

حتى هي انا هاذي كو مي كاتي في صغري وكاين

ياسر كو مي كات نتاعيني من كان عمري 14 و 15 برك نسيتهم

يا أختي كانت ايمات رائعين بزاف كنت ديما كي خرج

من الليكول ديركت الى التلفيزيون نجري على جال

سوبر و كل مرة حاجة ( كل مرة كو ميك )

المهم انتي باين عليك تحبي بزاف الكو مي كات

من خلال موضوعك هذا

يأختي نخليك على خير ونقلك

سلامــــــــ . :re_gards:
​

 

[نسمة البحر]

أه على الزمان راح وما يرجعش و الله راني احن إلى صغري كنت نتفرج سالي و مدينة النخيل وروبوتان وتنين أخضر وفرسان ثلاث ومسلسل شلة السبع و مروكو و سنشيرو حصة مدينة الحروف وسيمبا وبايكن و خلي وخلي:heh:​

 

[السلطانة]

وعليكم السلام

اهلا بميسا الحلوة

توحشناك


اييه فكرتيني كي كنت براءة

كنت وفية لليتيمة

الكوميكات تاع 12 وواش دارو فيا :
-عشقي ماروكو
والنشعات والقسمات تاعها
حتى ورثتهم هههه

-عمري موكا موكا الاخضر
تنين اخضر
موكا موكا صديق غالي
موكا موكا صديق حلو

-فلة والاقزام السبعة

ومرأآتي من هي الاجمل هههه
-طمطوم ياطمطوم

والاميرة هاديك لي كان يشتيها
-كاليميرو كاليميرو
حكاياته ممتعة

-وسالي لي ربيت عليها الكبدة
والpوpية تاعها ايميلي

صحيتي على الموضوع
تقبلي مروري
تحياتي ​

 

[انتصار*]

أو دا دا أودا أو دا دا............دا

 

[محاربة صحراء]

شكرا لك فكرتني ايام زمان رسوم متحركة نوار ياونوار او سينان اه ايامات زامان لو يررجعوا

 

[عاشقة رجاص]

السلآم عليكم
والله قريب بكيت كي تفكرت هذوك ليام
أيآم هايلة والله الطفولة ماكانش خير منها
نشفى على ماروكو دارت حالة
وكاليميرو كاليميرو هيا بنا كنت نموت عليه
كاين ثاني في قرية التوت
وكاين موكا موكا تنين أخضر
بوكيمون
ديجيتال
السيف البتار
سالي
فلة والأقزام السبعة
سنديبال
كانت وحد الحصة تجي في تونس 7 اسمها gنوشو يجيب فيها كوميكات بزاف كنت نموت عليها
ثاني زينة ونحول وبشار وسيمبا وسنان والسيدة ملعقة وباص المدرسة وبزااااااف كوميكات هايلة ​

 

[koupable]

ههههههههه الله يزين يماتك
فكرتيني في داي الشجاع والقوة يامحاينك

قطعت قاع لكتاتين ل يما باش نديرهم في راسي
بش يخرجلي شعار التنين ههههه

أيا وصحيتي على الموضوع أخ ههههه
​

 

[كنزا]

ايه والله فكرتينا في ايامات زمان الي راحت ومبقاتش ترجع كانت ايمات هايلة
كنا نتفرجو غير الكوميكات انا كنت نحب ماروكو وفلة والاقزام السبعة وسندريلا و موكا موكا و سالي و كاليميرو و روبوتون بوكيمون و ديجيتال و مننساش طمطوم كنت نحب نتفرج عليه بزاف وكابتن ماجد
موضوع رائع تقبلي تحياتي

 

[إحسَانْ]

يووووووووووووووووووووووووووه على يامات المقنننننننع
​

 

[02asma02]

يا حصراه على يامات زمان والله كانت ايام رائعة ونتمنى لو كان يرجع بيا الزمن الى الوراء
​

 

[loula09]

اييييييييه وراهم هادوك اليامات انا كنت نحب موكا موكا و مدينة النخيل و طمطوم و ماروكو و سالي بشار سنشيرو النمر المقنع كابتن ماجد اشتا ق اليهم هاذوك اليامات

 

[وائل ابن الجزائر]

انا كنت نتفرج سالي وسنان وشوت والكابتن ماجد وكونان

مشكوورة لتذكيرنا

سلامــــــــ . :re_gards:
​

 

[عصام ابو عماد]

أحلى الذكريات و الله

 

[nina bonoise]

المواضيع هذي تتعاود ياسر هنا
راهم كتبوا وحد 20 موضوع على الكوميكات تاع الصغر
هذا رايي برك
كرهنا مالاعادة
تقبلي مروري