bagarre bagarre عيشة وعماااااار

[TOUTA32]

ووووووووووووعليكم السلام ورحمة الله
كاش مشاكل كاش bagarre​

واشكم شوي ياخي راكم عايشين
نحطو مانحطوش ايا قلت تستاهلو كل خير
تعرفو ختكم صرالها واحد الموقف (ماشي pاركينغ) موقف حبيت تشاركوني يا هل ترى غلط ولا لا
ايا توكلنا على الله
ولي يقلقني ممكن نخرجلو من ليكرون بالاكو.......
هاذا خويا يا سيدي تقابض قدام الدار وتحاماو فيه ختراه داه النيف على ولد خالتي ماشي عايش في ولايتنا ياخي راح خويا للكارطي نتاعهم وظربهم وانا كي سمعت مخي طار خويا ماكانش بابا ماكانش ووليد خالتي مانعرف وين هز على راسو بالاك راح يدير الخطة نتاعو ههههههههههههه
المهم لبست قشي ورحت نجري ويما يا طفلة وين تروحي اقعدي يا عيشة راجل وانا مامقدرتش نقعدوخويا راهو وحدو خفت كاش مايضربوه وهاذيك الساعة يصبح في سبيطار كي وصلت شافني خويا من نص عينو ودور للجهة نتاعي بالحجرامشي تروحي امشي امشي وانا والله ماروحت حتى خلاص bagarre المهم والحصول لوكان وحدة فيكم خوها قاعد يتضرب قدامها وهي واقفة واش ديري تروحي تعاونيه ولا تقعدي تتفرجي وخوك يتضرب
ونتوما يا رجالة علابالي ماتحبوش استناو استناوولا تحبو ماتحبوش هاذي هيا نجيبها في روحي خير مايجيبوها في خويا
والسلام عليكم
اذا كاش ماحبيتو توتة في خدمة الشعب​

 

[wafa peace 2011]

اقعدي ياعيشة راجل ههههههههههههههههه هادي ضحكتني فووووووووووووور صح يعني دافعي على خوك خير من اي شيئ هو كلشي ربي يحفظولك

 

[(sarra)]

ههههههههههه يعطيك الصحة ختي و الله عندك الحق انا تاني لوكان جيت في الموقف تاعك راني خرجت و عاونتو وعمبالي كي تفرا الحالة راح نعاود ندير بقار معاه

 

[ماكانش]

هههههههههههههههههه
يعطيك الصحة يا الفحلة ممممممممممممم كيفك ماكانش يا الشاطرة هههههههه
انا لو كان كنتي ختي راني درت عليك قتلتك ههههههههه
ياربي يعطيني ربي مرا كيما نتي هههههههههههه

 

[fatima10]

وى وى وى يعطيك الصحة عيشة راجل ونص كما قالتها فروجة خوية

 

[كنزا]

يعطيك الصح اختي مرا ونص امالا يعولو عليك فالدار وميخفوش

 

[riadh bba]

هههههههههههههه هكدا ياعيشة راجل راكي تقدريلها
​

 

[amouna.dz]

صحيتي نستعرف بيك
كون جيت في بلاصتك والله ندير كيفك
شكرا موضوع فووووور
​

 

[انتصار*]

أنا نعيط على لابوليس باش نسلم روحي على خاطر سير واحد فيهم نقسملو راسو ما نقلك بشفرة ما نقلك بطاوة وشكون يعلم بلاك بدماغ :shiny:​

 

[السلطانة]

وعليكم السلام

شفت اسمي فيالموضوع جيت هههه


صحيتي توتا على الموضوع عندك

ياسر ماطليتيش

اييه لوكان نشوف خويا يتعارك

مش ممكن


نتجرأ نقرب

علابالي راسي يتكسر

تقبلي مروري

تحياتي​

 

[AnGeL*dZ]

أنا خويا لكبير جامي شفتو يتعارك ديجا خاطيه
ولوكان يشوفني خرجت يرجع يضربني انا ههههههه:music_whistling:
مي خويا الصغير كلما يتقابض نخرج لبرا نعاونو
يؤبرني خارج لختو يحب المشآكـل :yahoo:

​

 

[TOUTA32]

وعليكم السلام ​

شفت اسمي فيالموضوع جيت هههه ​

صحيتي توتا على الموضوع عندك ​

ياسر ماطليتيش ​

اييه لوكان نشوف خويا يتعارك ​

مش ممكن ​

نتجرأ نقرب ​

علابالي راسي يتكسر ​

تقبلي مروري ​

تحياتي

ربي يحفظك حنونة علابالي اختي مي والله ماعطاني قلبي نخليه وحدو

وى وى وى يعطيك الصحة عيشة راجل ونص كما قالتها فروجة خوية

هههههههههه ايوااااه حتى انتي

يعطيك الصح اختي مرا ونص امالا يعولو عليك فالدار وميخفوش

هههههههه يخافو مني كامل وبابا يقولي ديما انتي بنت باباك نجيبها في كلش

اقعدي ياعيشة راجل ههههههههههههههههه هادي ضحكتني فووووووووووووور صح يعني دافعي على خوك خير من اي شيئ هو كلشي ربي يحفظولك

امين اجمعين تعيشي مشكورة حبيبة على مرورك

ههههههههههه يعطيك الصحة ختي و الله عندك الحق انا تاني لوكان جيت في الموقف تاعك راني خرجت و عاونتو وعمبالي كي تفرا الحالة راح نعاود ندير بقار معاه

نستعرف بيك يا الفحلة هكا الرجالة ولا خلي

هههههههههههههههههه
يعطيك الصحة يا الفحلة ممممممممممممم كيفك ماكانش يا الشاطرة هههههههه
انا لو كان كنتي ختي راني درت عليك قتلتك ههههههههه
ياربي يعطيني ربي مرا كيما نتي هههههههههههه

شاوية ولا بطلنا

هههههههههههههه هكدا ياعيشة راجل راكي تقدريلها
​

وي نقدرلها

صحيتي نستعرف بيك

كون جيت في بلاصتك والله ندير كيفك
شكرا موضوع فووووور​

ايا بيان ربي يخليك

أنا نعيط على لابوليس باش نسلم روحي على خاطر سير واحد فيهم نقسملو راسو ما نقلك بشفرة ما نقلك بطاوة وشكون يعلم بلاك بدماغ :shiny:​

انا رحت نتعاون وخالتي راحت تعيط للابوليس ههههههه من الجيهتين المعاونة تغلب الصيد
​

 

[ديهيا القالمية]

انا اصلا نشوف زوز يتعاركو برة نتخلع ونولي نبكي على خاطر تعاريك تاع دراري ما فيهش رحمة يضربو برك وين جات جات قول ماعندهمش قلوب
ما خص كون يتعارك خويا علا بالكم واش ندير ............نبكي نبكي نبكي حتى يكره يحبس من التعاريك ​

 

[TOUTA32]

انا اصلا نشوف زوز يتعاركو برة نتخلع ونولي نبكي على خاطر تعاريك تاع دراري ما فيهش رحمة يضربو برك وين جات جات قول ماعندهمش قلوب ​

ما خص كون يتعارك خويا علا بالكم واش ندير ............نبكي نبكي نبكي حتى يكره يحبس من التعاريك

هههههههههه يا البكاية معليش اني هنا عيطيلي برك وماتخافيش

أنا خويا لكبير جامي شفتو يتعارك ديجا خاطيه

ولوكان يشوفني خرجت يرجع يضربني انا ههههههه:music_whistling:
مي خويا الصغير كلما يتقابض نخرج لبرا نعاونو
يؤبرني خارج لختو يحب المشآكـل :yahoo:​

​

معليش كنت خايفة حتى الصغير يخزر فيك ديري خلف در

​

 

[إحسَانْ]

كو غير جيتي ختيييييييييي

كل يومم نتحاماو في عشرة
​

 

[TOUTA32]

كو غير جيتي ختيييييييييي​

كل يومم نتحاماو في عشرة ​

راني هنا خويا بيبيلي برك نجي مي حسب كل يوم نتحاما باين فيك عااااااااااااااقل وخاطيك les bagarres

 

[AdNan31]

هههههههههههه
نستعرف بيك وبخوووك

الله يرحم الكرش اللي جابتكم

خوك باينة عليه قافز ونتيا تاني

ربي يشدكم لبعضاكم
تبانلي افضل حل درتيه يا ختي توتة
​

 

[المتفائلة_91]

ههههههههه
حتى انا لوكان جيت في نفس الموقف راني لبست قشي وخرجت نعاونوووو
مستحيل نقدر نشوف في خويا يتضرب قدامي وانا نتفرج
مستحيييييييييييييل
والله نرضى الضرب في روحي ومانرضهاش في خويا

 

[TOUTA32]

هههههههههههه

نستعرف بيك وبخوووك ​

الله يرحم الكرش اللي جابتكم ​

خوك باينة عليه قافز ونتيا تاني ​

ربي يشدكم لبعضاكم
تبانلي افضل حل درتيه يا ختي توتة ​

ربي يحفظك خويا وينورلك ايامك انت تاني علابالك طلعتولي المورال نحسب في روحي كاش مادرت حاجة حرام كي شفتهم يخزرو فيا مي كيما قتلك نجيبها في روحي وخويا مايقيسوهش
مشكوووووور شكاير شكاير

 

[TOUTA32]

ههههههههه
حتى انا لوكان جيت في نفس الموقف راني لبست قشي وخرجت نعاونوووو
مستحيل نقدر نشوف في خويا يتضرب قدامي وانا نتفرج
مستحيييييييييييييل
والله نرضى الضرب في روحي ومانرضهاش في خويا

صحيتي الفحلة هوما مايفهموش يقولك عيب تجي تضاربي معايا مي كي تجي تشوفي كي يكون وحدو نتضارب ونقتل على جالو راهو وحدو في وسط 30هههههههههههههه