ماذا ستطبخين اليوم سيدتي

[روعة2005]

هنا كان فطوري اليوم

 

[عفاف الجزائرية]

°°°طبق البطاطا بالدجاج في الفرن من مطبخي°°°
نتمنى يعجبكم*.*
​

 

[كوثر الوهرانية]

تبارك الله و خموس على بنتك اله يحفضها انشاء الله
فوفة صيامك فالجنة اختي و صح فطورك ندوشة ام عشاك يشهي
سلام حار لكل اهل هدا البيت
اا درت للعشاء طجين اكفتة بالقرعة و سلاطة و ليا درت روز فايض بصح منكدبش دقت وحدة ن كور الكفة شهاتني

 

[عفاف الجزائرية]

اهلين انا مدخلتش كنت صايمة مع الفطور وراكم عارفين شربت قهوتي وريقلت راسي وجيت نشايخ شوي
الله يبارك على ذيك البوبونة الزينونة تهبل ربي يكملكم بيها وتشوفيها كيما تتمناي ايمان
وعيد سعيد لندوش الزينة وكل عام وهي بخير
بصحتك العشا ندوشة انا درت شربة وسمبوسة وسلاطة وفلفل
ومرحبا بكل لي نظمو لينا في جديد ربي يكثركم

صحا فطورك حبوبتي ربيي تقبل منك ومن كل المومنين:sheer:
​

 

[كوثر الوهرانية]

فطورك يشهي فوفة بصحتك اختي
كملتي مع صيام ولا مزلتي

 

[روعة2005]

فطورك يشهي فوفة بصحتك اختي
كملتي مع صيام ولا مزلتي

ربي يعيشك ام كوثر انا مانيش نصوم في دين خلصتو تعرفي ساعني الحال هكا مع الريجيم قلت نكمل صيام لوين قدرني ربي

 

[روز]

بصحتكم الصيام والفطورات للعفافات
..حتى انا راني نولي نصيم الاثنين والخميس حتى لرمضان باذن الله

ايمان الله يبارك على البنية ماشاء الله تهبل ربي يبارك في عمرها..ويفرحك بيها يارب..

 

[dahbito]

اليوم العشاء فريك+سلاطة+كسرة

 

[nada242008]

صح عشاواتكم فريدة ودهبيتو وفوفة طوابل تشهي الله يبارك

 

[ibtesem]

سلام على احلى احباب
انا ياسيدي يومي كان حافل
رحت سجلت في الجامعة الدراسة في الصيف للمرحلة الثانية الحمد لله
زورت جارتي مريضة 3 شهر هي في المستشفى الله اشافيها
الى ان جا وقت عيسى رحت جبتو مشي ساعة رايحة وجاية
هدا وين دخلت
راني ميتة من التعب الحمد لله شكون فيكم يبعثلي العشا ادير فيا مزية
بصحتكم كامل واش طيبتو
شبيبة بنت ايمان ربي اخليهالك

 

[عفاف الجزائرية]

سلام على احلى احباب
انا ياسيدي يومي كان حافل
رحت سجلت في الجامعة الدراسة في الصيف للمرحلة الثانية الحمد لله
زورت جارتي مريضة 3 شهر هي في المستشفى الله اشافيها
الى ان جا وقت عيسى رحت جبتو مشي ساعة رايحة وجاية
هدا وين دخلت
راني ميتة من التعب الحمد لله شكون فيكم يبعثلي العشا ادير فيا مزية
بصحتكم كامل واش طيبتو
شبيبة بنت ايمان ربي اخليهالك

اذكر الغزال يجيك قبال

هاذا وين كنا نحكيو عليك انا وفريدة دخلتي قلتي السلام
نورتي بسومة وافتقدناك هاذ النهار
وجزاك الله كل خير على زيارة مريضتك ووفقك في قرايتك
​

 

[كوثر الوهرانية]

بسومتي انتي تسجلي و انا متحيرة عليك بالباركة اختي و عقبا السوتنوس ان شاء الله و بالشفى على جارتك

 

[روز]

ربي يوفقك إبتسام في الدراسة,,حتى انا حابة نعمل دروس تقوية في الانكليزي ولا ندخل كاش سيستام ومادرتش الكوراج...
ربي يخليلك عيسى

 

[merieme hassi]

السلام عليكم
تبارك الله عليكم يا الشاطرات
ام ندي لبينيي جاك هايل
ايمان 27 ربي يحفظلط ريمة و يبارك فيها
ام منصف بنتك خموس عليها تهبل ربي يبارك فيها و تفرحي بها
ام لميس صح صيامك متنسايش الدعاء ليا
عفاف الجزائرية عشاك يشهي
ام كوثر يعطيك الصحة علي العشاء
دهبيتو تبارك الله عليك يعطيك الصحة
ابتسام ربي يهنيك و يوفقك
روز ربي يوفيلك مراكي تتمناي
ان شاء الله منسيت حتي واحدة
انا جبتلكم عشاء تاع البارح زيتون اخضر بالفطر و فخض تاع الدجاج
للامانة هده الصورة عملتها كي كانت اللمة مقطوعة




نهار مبروووووووووووووووووك

 

[merieme hassi]

البارح جاوني ضياف طبيب ديالنا مع مرتو وولادو حتي هما متغربين كيفنا
املا نضت وجدت المايدة المهم كان عندي قاطو كفاية تقول كنت حاسة بلي راهم جايين عندي ضياف
فرحت بزاااف
هده المايدة الي وجدتها

 

[merieme hassi]

 

[l'algeroise]

بصتكم كامل وش طيبتو الله يبارك يعطيكم الصحة أنا لعشا درت سردين و salade de riz عشا خفيف

 

[ibtesem]

مشاء الله لالجرواز
مريم تاع بسم الله
ربي اديمها نعمة واحفضها من الزوال
انا عملت غرتان تاع منشتو الوصفة عند كوكو
.......................

 

[ام منصف]

صباح الخير على وجوه الخير
بصحتكم البنات
اليوم غدانا بربوشة
راهي تطيب

 

[روعة2005]

صباح النور عليكم لبنات عشاك يشهي الجيرواز هذاك مانبغي السردين ممممممممم
وكي العادة مريومة حوايجك هايلين ممكن تسميلي واش درتياهم وقيلة هذاك كاك ومسمن مغربي مممممممم
رائعة بسومة جاتك تهبل القراتان موشطو وبا التوفيق في الدراسة
صباحو عسل ام منصف بصحتكم البربوشة
انا مطيبتش ثاني اليوم الغدا من برا بصح مانيش صايمة