ماذا ستطبخين اليوم سيدتي

[merieme hassi]

هدا الروز تاع الفطور

واش راكي حنونة
هاااايل الروز ديالك فكرتيني بامي هكدا طيبو
ربي يهنيك حنونة

 

[كوثر الوهرانية]

الف شكر ليك اختي مريم كيراكي اختي

 

[روعة2005]

بصحتكم فريدو جاك يشهي:shiny:

 

[كوثر الوهرانية]

الله يسلمك فوفتي راكي انضميتي لينا راكي مع الريجيم الله يوفقنا ان شاء الله

 

[روعة2005]

بصحتك مريم الكوكا جاتك هايلة باش فارسيتيها
ايه كوثر بلا لطاي الواحد لازم يريقل روحو على جال صحتو

 

[merieme hassi]

بصحتك مريم الكوكا جاتك هايلة باش فارسيتيها
ايه كوثر بلا لطاي الواحد لازم يريقل روحو على جال صحتو

ربي يخليك حنونة
الحشوة عملتها بالكفتة و زدتلها الفرماج و لك الاختيار اي حشوة تحبيها
انا مرات نعملها غير بالبصل و الطماطم
انا ثاني راني ريجيم

 

[merieme hassi]

الف شكر ليك اختي مريم كيراكي اختي

اهلاااااا يا الحبيبة :sheer:
الحمد لله كي تكون الصحة هداك هو الصح
راني دخلت معاكم في التطبيقات و الريجيم :shiny:

 

[l'algeroise]

الله يسلمكم كامل فوفة و كوثر الوهرانية مريم و كوثربصحتكم لغدا هايل
الصوركي نحطهم يبانو بصح مبعد مايزيدوش يبانو حبيت نسقسيكم إلا راهم يخرجوكم تصاري ولا لا (تاع الرشتة في الصحة 9 و تاع الهمبرغر في الصفحة 14 ) و هل كاينة طريقة لتصغير حجم الصور

 

[عفاف الجزائرية]

سلام صحا لغداكم كاامل
راني روطار مي هاذا وين قعدت باه نحط الغداء
عملتلهم موشتو غراتيني بالجاج والبطاطا والفرماج والقارص تجي بنينة بزاااااااف
​

 

[ام منصف]

بصحتكم الغدا حبيباتي

بخصوص استفسارك اختي لالجيرواز الصور لا تظهر

انتظري موضوع بخصوص تصغير الصور والكتابة عليها
عملت موضوع هنا في اللمة بهذا الخصوص لكنه راح كي راحت اللمة

 

[روعة2005]

بصحتك عفوفتي باينة عليها بنينة يا ملكة الغراتان بكل انواعها دون اي منازع والله زمان يا دورة توحشناها
ومساء الخيرات لكل الحاضرات والغايبات زادة

 

[l'algeroise]

merci أختي ام منصف بصح كاين أخوات شافو الصور مافهمتش علاه اختفاو

 

[l'algeroise]

 

[dahbito]

صباح الخير عليكم ونهاركم مبروك
اليوم ملي فطنت صباح وانا مع الرشتة خدمت شوية انا وماما ودرنها للغدا

بصحتكم ​

 

[nada242008]

السلام عليكم احبابي
صح غداواتكم ويعطيكم الصحة
مرحبا بام منصف نورتينا والله كنت رايحة نتصل بيك اليوم ونخبرلك برجوع اللمة
روحت من الخدمة وجيت نجري نطل عليكم ساع لقيت الكوناكسيون راحت تشوكيت
قلت لراجلي سلكها ضرك ورجعهالي :crying_1::crying_1:
وهذا وين رجعت
طيبت برانية بالداند

 

[merieme hassi]

ما شاء الله عليكم يا الفحلات
بصحتكم
هايلة الرشتة ديال dahbito et l'algeroise
اختي ام ندي عملتي البدنجال بالزيتون ما شاء الله فكرة جديدة و هااااااايلة
بصحتك اختي عفاااف قراتان جاك هااايل
ان شاء الله منسيت حتي وحدة

 

[كوثر الوهرانية]

بصحتك الرشته دهبيتوا جاتك هايلة الله يعطيك الصحة
ندوشتي سخفنيني في هديك لبرانية جاتك روعة بصحتكم اختي

 

[كوثر الوهرانية]

ندوشتي حطي الوصفة اع البرانيو موضوع باش نستفادوا نها و نجربوها
عفاف اطلعي بالوصفة تاع القرتان تاع اللوبيا الخضر ازربي يا اختي راهي غي هي عندي فالفريجيدار
نقصر كي يكون عندك الوقت حطيها موضوع راهي باغية تنطق من الصورة جوعتيني ههههههههههه

 

[nada242008]

مريم حاسي هذي برانية بالداند والبطاطا مافيهاش بادنجال
كوكو وصفة ساهلة ضرك نقولهالك
في طنجرة الضغط تحطي حبة بصل مقطعة مكعبات شوية زبدة وزيت ملح وفلفل اكحل واحدة جومبو دجاج اختيارية وطبعا تنقصي من الملح تقليها مليح وتمرقي حتان يطيب الداند
الزيتون تغليه مع شرائح الليمون وتصفيه وتضيفيه للصوص تاع الداند
البطاطا تقليها وتلوحيها ثاني في الطنجرة لمدة 5 دقائق على نار هادئة وتطفي عليها
تقديميها مع شرائح الليمون والمعدنوس تجي هايلة خير من الروطي
وساعات ندير الدجاج في بلاصة الداند
خفيفة ومافيهاش ليدام

 

[nada242008]

هذا وين طاب البريوش
شكون تجي تتقهوى عندي