السلام عليكم ورحمة الله وبركاته
توحشت اللمة وتوحشت ندير موضوع، وراني راجعة للمسلسل تاعي تاع كل يوم نظهر هنا بحلقة (قصدي موضوع)، المشكل المسلسل تاعي واحد ماعلابالو وقتاه يبدا، ساعات في الصباح وساعات القايلة،وساعات في الليل، منين تفرغ اليتيمة شغل تفوتهولكم
...
ياخ راكم لاباس برك؟؟ كان عليا راني آنتيك وخدمت آنتيك اليوم في الكونتخول تاع المحاسبة الوطنية باركولي راني فرحانة
.
شوفو، انا ساعات نكون ماشية في الطريق وزعمة نحسب في روحي ماكانش لي خير مني أسكت برك خشمي الفوق
زعمة متأكدة من روحي لي راني belle وضاربة الحطة وحطة مودغن، وعلابالي لي واحد ما يعايبني
، ويبانولي لبنات كامل ماكانش لي خير مني في الدقيقة هذيك
، من بعد نعدي على جماعة ونكون متأكدة لي رايحين يدغاgـيوني هههه وصح يدغاgـيوني
، وتزيد تحلال (يا لبنات راكم تعرفو العقلية، صح ما نحبوش كي يعاكسونا في الطريق مي في داحلنا تعجبنا روحنا زعمة برك رانا beauté ونعجبو يعني ما نبوروش ههههه
)، من بعد اتخيلو في قمة السعادة هذيك لي غامرتني واش يصرالي؟؟
، ما صراتليش مرة ومش زوج
ههههه، نتعكّل ونطيح أبشع طيحة وبطريقة تضحك ههههه
ويتبشت عليا الغاشي بالضحك وأنا ما نلقى وين نحط وجي وتطيحلي الدمعة تاع ماروكو
، وخصني تبلعني اللرض
، وكي نوصل للدار، تاني نهار نبدل الحطة هذيك لي ما ربحتش عليها وهكذا باش ما يتفكرونيش باللبسة هذيك ويوقولو هاهيك لي طاحت البارح الطيحة هذيك لي تضحك
.
كيما مرّة جيت ماشية لقيت واحد (ربي يرحمو درك مات) قلت أووو هاو هذا درك يحكي معاي، أنا ما كملتش الهدرة في قلبي طحت جيت في الرض رجل à gauche ورجل à droite والصاك ما فرّطش فيه عبيتو للهوا باش ما يقيسش للرض، تخيلت روحي جندي كلشي ولا سلاحو يطيح للرض ههههه
. وكي طحت درت وحد الحس هههه ياو أحكم في كرشك واضحك وكان جارنا وراي قلت وااا درك يروح يهدر للناس تاع الكاغتي كامل كيفاش طحت، ومن هذاك النهار ما زدتش حطين روحي ههههه
.
مالا يا لبنات حطّوا رجليكم في اللرض وما تحسبوش رواحكم beauté بزاف لا تصرالكم كيفي ههههه ،وكي تطيح أي مش باشعة قدما كي تنوض من هذيك الطيحة، شكلك يجي يضحك كثر، مالا أطونسيو راني جربتها وما خرجتش عليا ما تدّيوهاش في رواحكم آخرتكم اللرض ههههه
.
المرة هذي الموضوع ألهمتني بيه إلهام لي هي أنا، ديما نحكي على لبنات لمرة هذي حكيت عليا، هيا سلااااام عليكم.
ياخ راكم لاباس برك؟؟ كان عليا راني آنتيك وخدمت آنتيك اليوم في الكونتخول تاع المحاسبة الوطنية باركولي راني فرحانة
شوفو، انا ساعات نكون ماشية في الطريق وزعمة نحسب في روحي ماكانش لي خير مني أسكت برك خشمي الفوق
كيما مرّة جيت ماشية لقيت واحد (ربي يرحمو درك مات) قلت أووو هاو هذا درك يحكي معاي، أنا ما كملتش الهدرة في قلبي طحت جيت في الرض رجل à gauche ورجل à droite والصاك ما فرّطش فيه عبيتو للهوا باش ما يقيسش للرض، تخيلت روحي جندي كلشي ولا سلاحو يطيح للرض ههههه
مالا يا لبنات حطّوا رجليكم في اللرض وما تحسبوش رواحكم beauté بزاف لا تصرالكم كيفي ههههه ،وكي تطيح أي مش باشعة قدما كي تنوض من هذيك الطيحة، شكلك يجي يضحك كثر، مالا أطونسيو راني جربتها وما خرجتش عليا ما تدّيوهاش في رواحكم آخرتكم اللرض ههههه
المرة هذي الموضوع ألهمتني بيه إلهام لي هي أنا، ديما نحكي على لبنات لمرة هذي حكيت عليا، هيا سلااااام عليكم.
i-o:
