طالت ما تزوجتش

[rebecca]

حسبنا الله ونعم الوكيل​

 

[TeNtOuNa]

ههههه نونو لخضر تاعي وتاعك مش كيف كيف
تاعي شهب وتاعك فونسي مالا لا حقوق محفوظة
لا والو ههه واش محوسة تربحي على ظهري :cra_zy:
:shiny:
ايه الناس ما بقى فيهم لامان يضربو بعين يضربو
بالسحور يديرو كلشي غير من الغيرة ولا لحسد
المهم يشوفوك مش هانية وخلاص
مغسي تنتونة واسمك قلتلك ديجا بلي لطالما
حيرني ههه معرف منين جبتيه
هيا سلامو
​

هههههه تحوسيلي على الsecret تاعي
(قالها عثمان عليوات فوحد المسلسل)
اسمي المستعار انبثق عن اسمي الاصلي
وما تقوليليش واش اسمك الاصلي ههههه
نخاف عليه يتسرق خخخخخخ
​

 

[نجاة40]

انا راني 22 سنة رجعوني بايرة ديما اي هاذيك زوجت وروحي دبري راجل او مابقاش لي يجيك للدار
ولخرة كي هزيت الديبلوم قالولي انتي هزيتي DIP مي l'HOMME ماجبتيهش يا جايحة
هدرة نتاع 1800 دزني نعفس عليك
يا سيدي كاين لي ماتحبش تزوج كيما انا او واحد مايسالي ياخي انا حرة في نفسي
وقضية السحور ممكن يا اختي مي ربي ديما يبطلو وينقلب السحر على الساحر​

 

[souhila-alg]

wallh sahhhhhhh mawdou3 fooooooooooo4 kayan manha la3bad hablou

 

[fifi-la-brunette]

يعطيك الصحة ختي كي حكيتي في هاذ الموضوع خاطر ولا منتاشر بزاف ربي يسترنا
سبحان الله وحدة تسحر وحدة باه ماتتزوجش علاه هذا كامل لوكان جاو مؤمنات شوي برك يعرفو باللي الدنيا مكاتيب وحدة ماتدي مكتوب لخرى مي حنا الشيطان ولا يفكر في بلاصتنا ولينا نجريو غير للحرام ومانخموش بلي جاي يوم اللي نتلاقاو فيه كامل عند ربي وكل واحد يسلك واش دار
واش راح نقولو ربي يهدي ماخلق ويسترنا ويستر كل امة سيدنا محمد ويفرج على كل البنات بازواج صالحين
امين

 

[Sẻl Mā]

وي صرات لخالاتي في 3 وبعد مارحو للراقي
جاهم شحال من خطاب
والحمدلله زوجو كامل