ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس

[M!ss D!or]

حبيبتي ممكن توضحيلي الصورة اكثر
هدا كول وهراني ؟
مشكورة حبيبتي
​

الله يبارك حوايجكم يهبلووووووووووووووو عفاف صافيييييييييييييي نوااااااااااااااااااال
زيدونا

ان شاء الله حبيبتي جاري التصوير
​

 

[عفاف الجزائرية]

رح نصورلكم لي بوكل نتاعي كامل الخفاف نتاع كل يوم و الثقال نتاع التصديرة كيما يقولولها
والسبيعات تاني
وكي نقعد نصور كل شي
​

 

[nawal 88]

ان شاء الله ساندريلا

 

[nawal 88]

صافيناز راني غير لقيتو برك فالنت حطيتولك قلت بالاك يعجبك​

 

[آمِيْرَتُه]

ربي يهنيكم البنات صافينزا و عفاف الجزائرية و اكيد البقية​

 

[M!ss D!or]

مرسي نوال ربي يخليك

مشكوورة منيني

_____

هدا واش قدرت نصور

هادي حطيتها قبل في موضوع المستحضرات

​

 

[mayamaya]

من فضلكم

بسم الللللللللللله الرحمن الرحيم
نبدا بحوالكم ويلا راكم ملاح انشاله تكونو ملاح ايه اليوم حبيت حاجة
راكم عارفين البنت لما تتخطب فى هاداك اليوم الاول اللى يجو يشوفوها فيه اول مرة يعنى يجيب الرجل يماه وباباه وختو ومرت خوه ............. يعنى تملاك ولا يجو يشوفوها حبيت نعرف واش تلبس يلا عندك كاش موديلات طايورات شابين ولا كوستيم ولا يكونو شابين ولا مخيطين معليش المهم يكونو شابين .
كاينة وحدة من العايلة خطبوها عندها يماها تخيط مالا خممت شويا فى راسها وخيطت طايور يهبل كتان نتاع شتا اللون رمادى يهبل قصير بزاف ميني ومن الوق ماهو veste ماهو بودى فيه عفايس شابي من الفوق ولبست ليبة والبوت ولا تهبل عندى بنت عمى تانى لبست سروال وشيميزي عادى انا حابة حاجة هكدا تكون مخيطة ولا يلا عندكم كاش حاجة مخيطة شابة تقليدية نتاع دكا يعنى كاش وحدة فيكم خياطة تخمم وتعطينى صور نتاع كاش طايورات يكونو شابين ولا كوستيم من فضلكم اعطونى صور حتى نشوف يلا نخيط يلا لقيت موديلات شابين ويلا ملقيتش نشري سروال وشيميزى

 

[وردة الروح]

الله إباركلكم حبيبات قلبي
و كما نقولوا الله يجعل سعودكم خير منكم
الله إهنيكم و يسعدكم يا رب
تلقاو الهناء و الخير
​

 

[السلطانة]

وعليكم السلام
اهلا اختي
mayamaya




عندنا في الشرق
كي يجيو يشوفو لعروسة
عندها الخيار في واش تلبس يعني كل وحدة وكيفاه
كاينة لي تخيط غوب سامبل مع الكور
وكاينة لي تلبس لبسة تقليدية
تكون غوب طويلة بليمونش
ولاتايور يكون قصير ولا بونتالو كل وحدة حسب ذوقها
نتمنى يساعدوك لبنات لي تخطبو بكاش صور يحطوهم
وزيدي قلبي صفحات الموضوع تلقاي فيه لبسات شابين ممكن يعاونوك


​

 

[السلطانة]

شوفي اختي هادا المودال
نتمنى يعجبك

خيطي كيفو وبدلي اللون بلون تاع عرايس يخرجلك هايل

 

[السلطانة]

وانا نحوس على موديلات لقيت هادو عجبوني
نتمنى يعجبوكم
ياعرائس

وهادو خياطة قبايلي

 

[الورد الأحمر]

مغسي شوشو على ليمودال ينصــابو
هايليــن ... ســـلامو
​

 

[21maria]

اخواتي العزيزات اللي عندها صبابط دومي تالون تنعتلي نشوفهم وتقولي لكان كاين يتباعو على خاطر راجلي قدي فالطول وانا نبان طويلة عليه ودرك كي روح نشوف نلقى غير لي طالون لي يخلعووووووو ساعدوني وطلعولي المورال

 

[الورد الأحمر]

بنات يرحم والديكم حاولو تنقصو من حجم الصور
لتصفح أفـضل ... ســـلامي
​

 

[الورد الأحمر]

21maria

ان شاء الله يفيدوك لبنات مع أنو في قضية الصبابط أفضل تخرجي
انتي تشوفي واش عندكم من صبابط وتشري لأنو الصباط مش كيما
المودال تاع القندورة ولا لاغوب تعبيه وتخيطي كيــفو ... يعني يقدرو
يحطولك صبابط لكن ما تستفادي والو منهم لوكان ما تلقايهمش يتباعو
عندكم ... وأكيد كل ولاية وواش يجيبولها من سلعة وترجع للتاجر
والذوق تاعو وواش يخير من سلعة يجيبهــا ... ســـلامي
​

 

[21maria]

21maria

ان شاء الله يفيدوك لبنات مع أنو في قضية الصبابط أفضل تخرجي
انتي تشوفي واش عندكم من صبابط وتشري لأنو الصباط مش كيما
المودال تاع القندورة ولا لاغوب تعبيه وتخيطي كيــفو ... يعني يقدرو
يحطولك صبابط لكن ما تستفادي والو منهم لوكان ما تلقايهمش يتباعو
عندكم ... وأكيد كل ولاية وواش يجيبولها من سلعة وترجع للتاجر
والذوق تاعو وواش يخير من سلعة يجيبهــا ... ســـلامي
​

مشكورة اختي في سكيكدة حوست مالقيتش نشوف عنابة بلاك نطيح في كاش حاجة

 

[نجمة ساطعة]

ختي النصحية ا روحي باتنة ولا علمة روعة اروحي نستقبلك في بيتي وشوفي واش تحبي برحتك ختي

 

[M!ss D!or]

السلام عليكم
بنات الله يخليكم خيرو معايا وناها لي مناسبة للعروسة من بين هادو لي غوب (يعني نهار تصديرتها)
ان شاء الله تجاوبوني في اقرب وقت

_
وهادي عجبتني و هي كحلة
نورمال العروسة تلبس هاد اللون ولا لا؟(يقولو مش مليح مي انا مانامنش بالخرافات)

​

 

[nadin86]

الاولى هايلة ​

 

[M!ss D!or]

الاولى هايلة ​

الله يخليك حبيبتي
الاولى عجبتني مي راني نقول ايه ولا على جال كتف كاين و كتف لا ههههه
شوفي هادي و قوليلي نهبلك ههه

​