ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس

[zahra09]

مسيلية فوور و zahra09
والله فرحتوووووووني و صح بينتولي قداش مهتمين و هادي هي صح الاخوة يا اعز اخوات ربي يخليكم ليا ياارب
لي مودال لي حتيتيهم يههههبلو يا زينة تاعي
و المودال لي خيراتو اختي زهرة عجببببني ياااسر ان شاء الله راح نكملو ان شاء الله و زيد نشوف صباط
اللف شكر يا غاليات
​

نورمال حنونة رانا خواتات كيما رانا نمدولك راينا دوكا يجي نهار وين نتي تمديلنا رايك ولا واش قال
​

 

[الاء هبة الرحمن]

السلام عليكم ورحمة الله و بركاته
انا الحنة تاعي في العطلة تاع الربيع وخطيبي قالي واش الحوايج الي اجيبوهم في الحنة( التكبيرة او الجرية)كل واحد كيفاش اسميها ممكن تقولولي على الحوايج اي نشريهم

 

[ISMA.dz]

السلام عليكم ورحمة الله و بركاته
انا الحنة تاعي في العطلة تاع الربيع وخطيبي قالي واش الحوايج الي اجيبوهم في الحنة( التكبيرة او الجرية)كل واحد كيفاش اسميها ممكن تقولولي على الحوايج اي نشريهم

السلام عليكم


اولا أختي مبروك عليك وبالبراكة ان شاء الله


قصدك هما يجيبوهملك في الطبق ولا الفاليزا؟​

 

[الاء هبة الرحمن]

الله يارك فيك وربي يخليك
حنا عندنا يجيبو في الفاليزا

 

[ISMA.dz]

الله يارك فيك وربي يخليك
حنا عندنا يجيبو في الفاليزا

وفيك بارك الله

احنا عندنا يجيبوا انسومبل او قفطان مع الصباط انتاعو

الشمع تع الحنة

الحنة

علبة ماكياج كبيرة

عطور

صابون

ملابس داخلية**قمصان نوم......**

بيجاما او جبة شابة مع الpـــــانتوف

ليدراجي

نورمالمون هذا ماكان وكشما نتفكر راني نقولك اختي​

​

 

[الاء هبة الرحمن]

شكرااا وربي يخليك

 

[ISMA.dz]

شكرااا وربي يخليك

العفو اختي


وأي استفسار آخر نحن في الخدمة

لكن قلت هاذي عادتنا احنا يعني يمكن انتم تختلفوا عنا

انتي زيدي اسألي وماتنحرجيش:sheer:​

 

[الاء هبة الرحمن]

شكرا مرة اخرى
حنا نزيدو عليكم في بعض الحوايج كيما سورتي دوبا و المناشف والقنادر كاين الي يديهم مخيطين وكاين الي يديهم قماش بالا خياطة(قماش تاع لعراس)ولا قفطان تاع3ملاين كل واحد كيما يحب ........

 

[zahra09]

السلام عليكم ورحمة الله و بركاته
انا الحنة تاعي في العطلة تاع الربيع وخطيبي قالي واش الحوايج الي اجيبوهم في الحنة( التكبيرة او الجرية)كل واحد كيفاش اسميها ممكن تقولولي على الحوايج اي نشريهم

مبروك عليك وربي يسهلك

انا راني نتعلم معاكم منعرفش :shay:

الله يفرحك ويكملك بخير وعلى خير ان شاء الله
​

 

[zahra09]

انا على حساب ما نسمع كل واحد واش يحب يدي المهم تكون حاجة تليق بعروسة وحاجة تحتاجها تاني
​

 

[امل2823]

وفيك بارك الله​

احنا عندنا يجيبوا انسومبل او قفطان مع الصباط انتاعو



الشمع تع الحنة

الحنة

علبة ماكياج كبيرة

عطور

صابون

ملابس داخلية**قمصان نوم....2..**


ليدراجي

نورمالمون هذا ماكان وكشما نتفكر راني نقولك اختي​

hanaya nzidou
monteaux w w sabate w pochata nta3ou "3arassi"w
w 2 sac
w siniyate al hana

 

[21maria]

اخواتي حابة نسقسيكم لكان نقدر ندير لي بورس فيهم دراجي برك وشحال من حبة نحط
شوفو انا اييني في مارس قولولي بواش نبدا الماكلة
لكان هكا
قاطو اكلار+جي
رفيس+لبن
قاطو وقهوة ولبورس
سلاد دو فروي هكا ولا لا انصحوني

 

[M!ss D!or]

اخواتي حابة نسقسيكم لكان نقدر ندير لي بورس فيهم دراجي برك وشحال من حبة نحط
شوفو انا اييني في مارس قولولي بواش نبدا الماكلة
لكان هكا
قاطو اكلار+جي
رفيس+لبن
قاطو وقهوة ولبورس
سلاد دو فروي هكا ولا لا انصحوني

والله غير نزيد نوض نحوس على السيدي و نفيد حبيبتي :sheer:

 

[21maria]

والله غير نزيد نوض نحوس على السيدي و نفيد حبيبتي :sheer:

اختييييييييي والله مانتعبك كلي جبتيهولي ربي يحفطك

 

[M!ss D!or]

هاني جيييييييييييت ههههه
بون حبوبة
اسمحيلي طولت عليك والله يد هنا و يد في الكوزينة
_

المهم راني جبتلك صور و ان شاء الله تستفادي
قوليلي راح تعملي فاتحة ؟ تسمى فيها عشاء ؟

مع دخلو حطينا الجي و الكاستال (مام انا كنت راح ندير لي زكلار من بعد جاني الكاستال كادو)

من بعد القهوة بالمقروض و القريوش (2مقروض و 1 قريوش)

الشكل تع لي زاسيات كيما هك (الساشي لي مغلفا بيه راه يتباع عند لي يبيعو الحلويات و راهم سبيسيال لليزاسيات)

و السرفيات طبقناها هكا

من بعد حطينا اللبن و الرفيس اللبن في لي قوبلي و الرفيس في ههادو لي بوات
(يتباعو عند لي يبيعو لوازم الحلويات)

من بعد العشاء درنا جاري (شربة فريك) و دولمة و مرقة حلوة بشباح الصفرا على شكل قلب و سلاطة زينتها كيما هك (ادخلي للموضوع تشوفي)
https://www.4algeria.com/vb/showthread.php?t=322169
(اكيد مش كيما لي في الموضوع بالضبط مي تقريبا حنا طبعناهم صغااار و درناهم في الاعواد الصغاار كـuـغدو)
ومع العشاء حطينا لي بوات و في كل باطة سرفيات
على هاد الشكل راني عاودت طبفت درك (فكرتيني في الصييف ههههه)

و مع كل باطة بورس (شوفي وديري لي يسااعدك)

و في الليل تحبي تعملي سلاد فروي ولا تاي و مكسرات
في اختي درنا سلاد فروي(درناهم في الكيسان الطوااال و من فوق زيناهم باللاكرام شنتيي و البريون)

و المكسرات اشري على قد مقدوورك عند لي يبيعو لوازم الحلو راهم يبيعو شوية موافق و زيد كاين لي يبيعو كلش مخلط اشري كيلو ولا رطل حسب واش تحبي
مع بوقالات ههه



كاين صور مش واضحين الله غااالب حبيبتي
و كاين صور صورتهم ضرك
و كاين صور من عرس اختي هههه

تحياتي
​

 

[M!ss D!or]

نسسسيت نمدلك بوقاالتك ههه
هادي كي فتحت الباطة تع المكسرات نويت البوقالة تكوون لييك

بالهناااء حبيبتي
ماتنساايش تصوريلنا كللش
خلي نشلو عينينا حنا تاني ههههه
​

 

[bachboucha]

هايلييييييييييييييييييين صوفو عرس ختي قرب نصورلكم كلش ونوريلكم نورمالمون 8 مارس الخطبة دعيولها بالخير نشالله​

 

[21maria]

ربي يحميك ويخليك اختي صافي والله ماننسا خيرك خلاص ربي يعيشك اختي ويعطيك على قد قلبك

 

[رنيم الصمت]

صح فشلتوني ... طمعت على الاقل نلقى موضوعي منقول هنا :closedeyes:

 

[السلطانة]

صح فشلتوني ... طمعت على الاقل نلقى موضوعي منقول هنا :closedeyes:

راني فهمتك يااختي
عاودي حطي الطلب تاعك هنا
يساعدوك الاخوات
باسكو ممنوع تفتحي موضوع وحدو علاجال استفسار وهادا مخالف لقوانين المنتدى
عاودي حطي الطلب تاعك ان شاء الله نعاونوك كامل
سلام