ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس

[أمال المستغانمية]

شوفي اختي انا نقولك على قائمة الفراش تاعي وانا من مستغانم يمكك عادتنا ماشي كيما عندكم انا نوريلك وانت شوفي ادا يناسبك
6 لحوف و6 مخايد ساتان وبرودي
6 كوفرطات
2 كوات
2 كوفرولي
مخايد جوتي انا راني دايرا 6 وبلاك نزيد
6 غلافات مخايد
2 مخايد تاع حساسية
الكاش ريدو والستور
طابي
صالون
4 باغيغ درا وتاني تاع كل يوم
وانشاء الله نكون افدتك

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 31 (3 عضو و 28 ضيف) ‏عفاف الجزائرية, ‏ibtesem, ‏nada242008+

 

[ibtesem]

ههههههههههههه فوفتي راكي صيادة مشاء الله عليك
حوايجك هايلين سيرتو الفراشات هداك واش نحب

 

[أمال المستغانمية]

من فضلكم شكون لي تقدر تعاوني في جهاز شلغوم العيد
اذا امكن قائمة لفراش بالعدد
و في التصديرة واش يلبسوا
و الهدايا لاهل العريس لمن تمد العروس و واش نقدر مندلهم
نتمنى نلقا رد على الاسئلة تاوعي علاخاطر ماعنديش شكون نسأل
الف شكر اخواتي

اما التصديرة

البرنوس

التايور
الكاراكو العاصمي
"الفرقاني"
جبة قبايل

القفطان
الزي العنابي
التونسية
منصورية
ساري الهندي البلوزة الوهرانية كيما عندنا في الغرب البلوزة نديرو أكثر من واحدا

 

[أمال المستغانمية]

الهدايا
ام الزوج

فستان أو ربة
خمار ريحة

"" أب الزوج أو الشيخ "
"سجادة صلاة
قميص
منشفة
سبحة

"" الأخوات و زوجات الإخوة ""
ريحة
خمارات أو شالات
أو ربات"فساتين" صيفية بسيطة إذا لم يكونو كثار
صابون
"" الشباب ""
ريحة
مناشف

"" العمات و الخالات ""
قماش
خمارات أو شالات
صابون
انا عطيتك خيارات وانت شوفي لي ينسابك

 

[dahbito]

من فضلكم شكون لي تقدر تعاوني في جهاز شلغوم العيد
اذا امكن قائمة لفراش بالعدد
و في التصديرة واش يلبسوا
و الهدايا لاهل العريس لمن تمد العروس و واش نقدر مندلهم
نتمنى نلقا رد على الاسئلة تاوعي علاخاطر ماعنديش شكون نسأل
الف شكر اخواتي

اهلا بيك شوفي انا من ميلة وبراسك يدو كيف كيف هوما ونتاع شلغوم العيد
شوفي حبيبتي قائمة الفراش ديري 4 مطارح نتاع الصوف
بيهم بالمخاد يعني 8 مخاد نتاع توساد
وديري 4 مخاد زيادة
والصالون كيما تحبي حنا عندنا لازم العروس جيب حاجة نتاع حطب حنا ندو تفريشة نتاع الصالون +لي كانابي ثلاثة +طابلة نتاعهم ريدو نتاع الصالون والزربية
وزيدي زربية صغيرة ىللبيت نتاعك +لي صوندلي نتاعها كيما تحبي هنا تحبي تدي زوج ولا 4 لكي الاختيار
4 بساطات نتاع لي بونج ولا نتاع الصوف كيما تحبي
4 كوفارتور وهنا نتي ومقدورك حبيبتي ماتكلفيش روحك انا تبالي 4 فيهم براكة
2 لي كوات نتاع غطاءوتاني كميا تحبي
2 كوفرولي نتاع ديكور يعني الى تحطيه فوق الماطلا
8 لي درا سامبل و4 يكونوا باهيين وملاح
وديري التفريشة الاولى لشومبرا نتاعك يعني كوفرولي يكون شباب +الريدو نتاعو
ونتي راكي تعرفي اذا عنك تقدري تزيدي حنونة واش تحبي يعني في الفراش عادي المهم المطارح لازم تديهم عندنا عيب تدخل بلا بيهم ولي ريدو للشومبرة ادي معاك 3 على الاقل يعني باه مايقولوش بلي جابت واحد برك واذا دارك وحدك هاديك حاجة اخرى
والا كاش مانسيت في الفراش قوليلي
نروحوا درك للهدايا شوفي تدي لامه ووالده وجداتو وجده الا كاينين واخواتاتو البنات والاولاد والا عندو خواتاتو بنات متزوجين تاني مديلهم وتاني الا عندو خاوتو اولاد مزوجين ادليهم
شوفي يماه لازم تكسيها مليح يعني تخيطيلها قندورة نتاع عراس تكون باهية بيها بالصابو والخمار نتاعها+خمار اخر +قرعة ريحة+والصابون ومحرمة نتاع الراس +سربيتة كبيرة+مقطع كتان وووو المهم تكسيها مليح
وباباه اديلوا سجادة +سربيتة نتاع الوجه صغيرة +طرف صابون
وجداتو ادليها مقطع كتان+سربيتة+طرف صابون وخمار نتاع عجايز
وجدو اديليو سجادة+سربيتة وطرف صابون
اخواتو الاولاد ولنساب الا كاين اديلهم كامل سربيتة وطرف صابون
اما اخواتو البنات وزوجات اخواتو الاولاد اديلهم مقطع كتان+طرف صابون+قرعة ديودورون
التصديرة نهار الحنة يعني كيما نقولوا حنا الدفعة البسي الفرقاني يدرولك فيه الحنة والصباح في الكورتاج البسي لاروب ونهار الحزام هو النهار الى تتصدري فيه وكيما تحبي المهم حنا يديرو الشامسة+كاراكو+خياطة وهرانية +قفطان وكيما تحبي هنا عادي
اي سؤال راني هنا

 

[عاصفة النار]

الف شكر ليكم لبنات راكم كفيتوا و وفيتوا
راني فرحت بزاف كي لقيت الاجابة مالقيت شكون نسقسي
ممكن اذا مافيهاش ازعاج نزيد نسقسيكم:
لي يحزمني واش نمدلوا وشكون لي يحزمني؟
و العريس واش نديلوا معايا؟
و الفاليزة تاع لجهاز واش نحط فيها؟
اذا ممكن ديريلي العدد تاع كل حاجا
ربي يهنيكم انشاء الله و يعطيكم ما تتمناو

 

[shéryfa luna]

salaaaaaaaaaaaaaaaaaaaam le3rayes inchaallah tkouno mleh
wech tenshoni ndir lel tesdira svp
w es que njib hwayej mechriyin wela nkhayathom c mieu,,,??​

 

[dahbito]

الف شكر ليكم لبنات راكم كفيتوا و وفيتوا
راني فرحت بزاف كي لقيت الاجابة مالقيت شكون نسقسي
ممكن اذا مافيهاش ازعاج نزيد نسقسيكم:
لي يحزمني واش نمدلوا وشكون لي يحزمني؟
و العريس واش نديلوا معايا؟
و الفاليزة تاع لجهاز واش نحط فيها؟
اذا ممكن ديريلي العدد تاع كل حاجا
ربي يهنيكم انشاء الله و يعطيكم ما تتمناو

بلا مزية حبيبتي ورالني في الخدمة الوقت الى حبيتي
شوفي الى يحزمك طفل صغير اما خوه صغير ولا وليد اختو ولا وليد خوه المهم كي يحزمك هو يمدلكدراهم ونتي مديلوا كادو في قرعة بارفان +سربيتة+طرف صابون وغلفيهم ومديهملوا وزيده دراهم 1000دج ماشي بزاف
العريس اديلوا واش تحبي كيما تحبي انتي واش تهدي لزوجك
الفاليزة نتاع الجهاز الى يجيبوهاك هوما فيها من كل حاجة زويجة هادي عاداتنا ديري نويزات+ديسوفاتمون (2)+مقطع نتاع لباس يكون ثقيل وشباب يعني نتاع عراس مع الدوبل نتاعو+صباط على حسابو في لاكولاغ+بوشات تاني نفس اللون+ وقرعة ريحة تكون مليحة+2 ديودورون وستيك وصابون وماكياج ووو وكيما يحبو هوما يزيدو +والا حبوا يزيدولك قفطان هاديك حاجتهم+صندال اي لون نورمالمون هدا مكان وزيدي السلة نتاع الحنة فيهخا الحنة والشموع وصوالح كامل
هدا مكان حبيبتي ربي يهنيك وان شاء الله تكوني فهمتيني برك وكاش حاجة راني هنا

 

[السلطانة]

salaaaaaaaaaaaaaaaaaaaam le3rayes inchaallah tkouno mleh
wech tenshoni ndir lel tesdira svp
w es que njib hwayej mechriyin wela nkhayathom c mieu,,,??​

أهلا سيرينو
بالنسبة لحاجات التصديرة ان شاء الله يعاونوك لبنات باسكو حنا عننا في قالمة
راهي ميلونج واش تحبي تديري فيها تديري
ولاشتى تديري حاجات سامبل يكونو ستيل وفضت
على شكل ديغوب وتاني نقدرو نتخلاو على التصديرة ومنديروهاش

 

[nessrine wiam]

مساء الخير للجميع عجبني الموضوع بزاف أنا عضوة جديدة
نتمني من برنسيسة اللمة تعاوني في كيفة وضع المكياج منعرفش نحطو وماتعجبنيش حالي به

 

[السلطانة]

مساء الخير للجميع عجبني الموضوع بزاف أنا عضوة جديدة
نتمني من برنسيسة اللمة تعاوني في كيفة وضع المكياج منعرفش نحطو وماتعجبنيش حالي به

مساء النور أهلا وسهلا بكِ أختي
نورتينا
معنديش خبرة كبيرة في كيفية وضع الماكياج
ان شاء الله راح نوفرولكم صالون تحت اشراف عضوة لها دراية بالماكياج لمساعدتكن

 

[MĺŹǾ žĕĥÔŖ]

مساء الخير للجميع عجبني الموضوع بزاف أنا عضوة جديدة
نتمني من برنسيسة اللمة تعاوني في كيفة وضع المكياج منعرفش نحطو وماتعجبنيش حالي به

مكياج عيون روعة بالخطوات


​

 

[MĺŹǾ žĕĥÔŖ]

فالأول نضع كريم الأساس والكونسلير والبودرة....وبعدين نجيب قلم الكحل ونرسم كامل العين بشكل متقن ونظيف..

ثم نجيب الظل الذهبي ونضعه على الجفن الأعلى الى ان نصل تحت الحاجب كما نرى.....

وبعدين نضع الماسكرا المكثفة والمطولة في آن واحد على الرموش العلوية والسفلية بشكل مكثف...

ثم نضع البلاشر الوردي المائل للون المشمشي على الخدين والقليل على الأنف والجبين والذقن...

ثم نحدد الشفاة باللون الأحمر..

ونضع الروج الأحمر المتوهج...

وضع لمسة من روج ذهبي في منتصف الشفة السفلى هكذا....
​

 

[MĺŹǾ žĕĥÔŖ]

مكياج سهرة ناعم
مثل الاول انحط الاساسيات


وهنا تختلف الخطوة خليكم معاي نحط البلاشر اول شي ويكون وردي غامق


وبعدين نجيب البودرة السائبة البيضاء ونضعها بواسطة الفرشاة تحت العينين هكذا(على فكرة اغلب الخبراء يستخدموها

بعدين نجيب اللون الأصفر نحطه على الجفن الأعلى من منبت الرموش الى ان نصل الجفن الثابت

نجيب اللون البنفسجي الغامق ونضعه على الثلث الأخير للجفن العلوي الى داخل على الجفن الثابت....زي كذا

وبعدين نجيب اللون البنفسجي الفاتح ونضعه على الجفن الثابت بشكل خفيف الى اعلى....



ثم نجيب الفرشاة المروحية ونزيل البودرة اللي تحت العين بطريقة ناعمة سامعين بنعومة....

ونكثف الرموش بالماسكرا.....ونحدد الحواجب...
وبعدين نرسم بالآي لاينر خط الرموش العلوي بخط ناعم....

ونحدد الفم بلون وردي غامق ونحط الروج الوردي الغامق...

ونحط لمسة بروج فضي في وسط الشفة السفلى مثل كذا....

اي استفسارات نحن بالخدمة إن شاء الله
​

 

[عاصفة النار]

بلا مزية حبيبتي ورالني في الخدمة الوقت الى حبيتي
شوفي الى يحزمك طفل صغير اما خوه صغير ولا وليد اختو ولا وليد خوه المهم كي يحزمك هو يمدلكدراهم ونتي مديلوا كادو في قرعة بارفان +سربيتة+طرف صابون وغلفيهم ومديهملوا وزيده دراهم 1000دج ماشي بزاف
العريس اديلوا واش تحبي كيما تحبي انتي واش تهدي لزوجك
الفاليزة نتاع الجهاز الى يجيبوهاك هوما فيها من كل حاجة زويجة هادي عاداتنا ديري نويزات+ديسوفاتمون (2)+مقطع نتاع لباس يكون ثقيل وشباب يعني نتاع عراس مع الدوبل نتاعو+صباط على حسابو في لاكولاغ+بوشات تاني نفس اللون+ وقرعة ريحة تكون مليحة+2 ديودورون وستيك وصابون وماكياج ووو وكيما يحبو هوما يزيدو +والا حبوا يزيدولك قفطان هاديك حاجتهم+صندال اي لون نورمالمون هدا مكان وزيدي السلة نتاع الحنة فيهخا الحنة والشموع وصوالح كامل
هدا مكان حبيبتي ربي يهنيك وان شاء الله تكوني فهمتيني برك وكاش حاجة راني هنا

ربي يعيشك اختي نشاله ربي يفرحك و يهنيك
الف شكر

 

[shéryfa luna]

merciiiiiiiiiiiiiiii hanounti chouchou rayek nti 3aweni w yekfini
manahtej hata wehda trod 3lia
bsx ma chérie​

 

[عاصفة النار]

بلا مزية حبيبتي ورالني في الخدمة الوقت الى حبيتي
شوفي الى يحزمك طفل صغير اما خوه صغير ولا وليد اختو ولا وليد خوه المهم كي يحزمك هو يمدلكدراهم ونتي مديلوا كادو في قرعة بارفان +سربيتة+طرف صابون وغلفيهم ومديهملوا وزيده دراهم 1000دج ماشي بزاف
العريس اديلوا واش تحبي كيما تحبي انتي واش تهدي لزوجك
الفاليزة نتاع الجهاز الى يجيبوهاك هوما فيها من كل حاجة زويجة هادي عاداتنا ديري نويزات+ديسوفاتمون (2)+مقطع نتاع لباس يكون ثقيل وشباب يعني نتاع عراس مع الدوبل نتاعو+صباط على حسابو في لاكولاغ+بوشات تاني نفس اللون+ وقرعة ريحة تكون مليحة+2 ديودورون وستيك وصابون وماكياج ووو وكيما يحبو هوما يزيدو +والا حبوا يزيدولك قفطان هاديك حاجتهم+صندال اي لون نورمالمون هدا مكان وزيدي السلة نتاع الحنة فيهخا الحنة والشموع وصوالح كامل
هدا مكان حبيبتي ربي يهنيك وان شاء الله تكوني فهمتيني برك وكاش حاجة راني هنا

راني زت وليت ليك باه نسألك علابالي هاذ المرة كثرت عليك
بصح اسمحيلي لقيتك نتي بركم لي تعطيني اجابات
يجيو اهل العريس في المولد و لا لازم حنا نعرضوهم للغداء و لا العشاء و واش يجيبوا معاهم؟
كي يجيو اهل العريس يديو قش لعروسة في بعض المناطق لازم تروح وحدة من عائلة العروس باش ترتب القش يعني لجهاز و لا لا؟
اهل العريس نهار يجيبوا الكبش واش يجيبوا معاه ايضا و حنايا واش مندولهم؟
فاليزة لجهاز هاذيك هي لي يجيبوها في الجرية ولا كيفاه لازم انا ندير وحدخرا في العرس باه يديوها القفافة؟
و كي يجيو القفافة نهار العرس يزيدوا يحنيو للعروسة؟
و للغدوة كي تروح لعروس لبيت العريس واش نديو معانا سمعت بلي نديو دجاج و كفتة ...و.. اذا ممكن تعطيني القائمة تاعهم بالعدد؟
عيشك حبيت ايضا نسقسيك على صباح لعروسة خراين يمدولها طيب لغرايف كاينا هاذي في شلغوم و لا كاين عادا اخرى؟
يعيشك ربي يعطيك ما تتمناي ويفرحك ويهنيك
في ميزان حسناتك انشاء الله
شكراا

 

[نجمة ساطعة]

كي راكم واش جديد نتعكم

 

[طيور الجنة21]

يا بنات اجريو ليا.............. ههههههههههه....سلامتكم بالشوية برك تعودوا تطيحوا

ألفين سلام على الحلوين

ياريت تقولولي يا البنات كيفاش تقدموا البوقالات تاوعكم في الأعراس و الوقت بع قبل القهوة ولا امبعد

مثلا أنا الجرية تاعي راح نديرها مع الحنة نهار الدفعة تاعي....يعني راح نلبس لاغوب تاع الجرية gونفلي و نقطع القاطو ويلبسلي ونلبسلوا الخاتم و امبعد نروح نبدل ونلبس القطيفة تاع التارزي ويحنيولي عليها.

و انا راح ندير 3 حبات دراجي و معاهم بوقالة لكل واحدة من هاذوك الي يجيو للحنة من أهل العريس

السؤال هنا... وقتاش نوزعهم قبل القهوة ولا بعده و لا حتى يعودوا مروحين... و الله ماني فاهمة والوا


الخط ليكم