ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس

[M!ss D!or]

شوشو هدا كاين خوه في مركز السلام في عنابة وين الحطاب يدير ب2 ملاين وحاجة​

 

[أم انس عبد الله]

السلام عليكم ورحمة الله وبركاته
الاخت ايمان بغيت انسقسيك
انتوم في الجزائر واش تلبسو نهار العقد ؟؟ الفاتحة
؟؟؟​

 

[imane27]

ايه هاجر تقدري تلبسيه بصح من احسن تكون حاجة باهية يعني منصورية دورك عادو يلبسو حتا لغوب سواري

 

[ام ايناس]

هاجر لازم ديري منصورية ايلا منتي ماتحبش لعرا او غوب دو سواغي

 

[**أم البراء**]

كيما قالولك هاجر,والا حتى اونسوبل باهي شباب انا هكذا درت.

مبروك عليك

بارك الله لكما وبارك عليكما وجمع بينكما في خير
​

 

[أم انس عبد الله]

بارك الله فيكم خواتاتى
ان شاء الله انحاول نشوف منصورية وانجيبلكم ليفوطو ندي رايكم
شكرا
​

 

[نور الهدايات]

لامود راهي بالبروش خصوصا فالفاتحة يعني متلبسيش معاها لحزام برك غكتفي ببروش وديري روب دو سواري
إختاريها في لون فاتح
مبروك عليك وعقبال لعرسك

 

[أم انس عبد الله]

بارك الله فيك خيتو
بصح انحوس شي حاجة مستورة
​

 

[حكيك]

• شوفو واش صنعت بنتي وداتوتهم معاها

​

 

[ISMA.dz]

• شوفو واش صنعت بنتي وداتوتهم معاها

​

روووووووووووعة والله فكرة رائعة وخرجت شابة

احنا تان نديروهم في الجهاز

شكرا​

 

[imane27]

بارك الله فيك خيتو

بصح انحوس شي حاجة مستورة ​

سلام هاجر واش راكي بالنسبة للفتحة مدام راكي تقولي حبتي مستور مكاش احلا من المنصورية وراكي تقولي انتي سمرا متختاريش لون غميق شوفيه باعي باش يخرج عليك وبالتوفيق انشاء الله

 

[ايمان9]

صباح الخير هدي اشياء الي قدرت نصورها وان شاء الله نكمل الباقي
نبداو بلي بوشات تع تصديرة





هادي دوري











هدا الجوهر



وهدي براون


مسنية رايكم
​

 

[حكيك]

مين صيب الوقت نزيد نحطلكم

هادو لناب بالسرابات
مخلتهومش مفتوحيين حوست على علبة وزينتهم
وغطتهم بالسيلوفان

​

 

[21maria]

الله يبارك اختي حوايجك روعة

 

[nina ricci1]

حوايجكم يهبلو
الف مبروك لكل مخطوبة

​

 

[اسماء16]

• شوفو واش صنعت بنتي وداتوتهم معاها

​

شابين بزززاف اخت حكيمة مي معليش تقولينا كيفاه خدمتهم
​

 

[امل2823]

salem ya labnet
wacherakoum nchaleh akoum mlah

 

[**سارة**]

مين صيب الوقت نزيد نحطلكم

هادو لناب بالسرابات
مخلتهومش مفتوحيين حوست على علبة وزينتهم
وغطتهم بالسيلوفان

​

الله يبارك اخت حكيك حوايجك يهبلو
يعطيك الصحة
الا كتب ربي ان شاء الله رايحة نديرلكم موضوع كامل عن التصديرة القسنطينية ان شاء الله
​

 

[خولة قوال]

السلام عليكم اخواتي جبتلكم علبة صنعتها بنفسي من علبة كرتون
وبما اني عروسة قلت الفكرة ممكن تجربوها انا درت فيها الملابس الداخلية
ونتوما شوفوها ورجعولي الخبر

انتظر ارائكم اذا ما عجبتكمش قولولي

أختي أميرة ممكن تورينا كيفاه خدمتيهم عجبوني ياسر​

 

[حكيك]

شابين بزززاف اخت حكيمة مي معليش تقولينا كيفاه خدمتهم
​

حاضر تحكمي لواط دوريها على كامل السانت ثم تلفي عليها القماش اللون لي تحبي وتبفاي تخيطي
بيديك حتى تكمليه والخياطة لي تبان تجي في الوسط ما عليكي غير تغطيها بالقالو
وفي اعلي عملي حاشية
اتمنى انكي فهمتيني تحياتي