أختي بحاجتكم ممكن؟

[**** بنت أبوها ***]

السلام عليكم و رحمة الله تعالى و بركاته
اليوم حبيت نحكيلكم على اختي و نتمنى تساعدوها لأنها محتارة بزاف
المهيم عندي اختي جامعية هدا العام تتخرج ان شاء الله تقدمولها زوج خطابة و هي محتارة بين من تختار و من قبل هي رفضت بزاف الأول من نفس الولاية اتاعنا نيفو ترمينال و اول واحد ترتاحلو ملي خطبوها مي مانعرفوش دارهم و لا حتى المنطقة الي يسكن فيها لكن مأيد فكرة المرأة العاملة و هو يخدم كونترا و الثاني خارج الولاية من بوفاريك جا عن طريق لافامي شافتها يماه في عرس خالتي الوضع المادي عادي مي هو متشدد بزاف و رافض انو دارهم يجو ليها و لا يزوروها رغم انها زيارة فالحدود مرة فالعام و رافض انها تخدم بصح هي مش حابة تخدم على طول يعني عام و لا زوج برك لأنو عارفة المرأة لازملها دارها و راجلها و مكاش الي يربيلها ولادها رانا نشوفو كيفاش الي رباوهم والديهم و كيفاش راهم دايرين و ما أدراك الي مربيين في لاكراش درك هي محتارة و لازم ترد الجواب في اقرب وقت و زيد هي ماعرفتش تخمم و مع الاختبارات
نتمنى منكم تساعدوها​

 

[ماكانش]

وعليكم السلام ورحمة الله وبركاته
اهلا بيك اختي
ان شاء الله تنجح في الإمتحانات وتتخرج
الي خطبها الثاني المشكل في أنو رفض أنو اهلها ولا أهلو يزوروها ؟؟؟
هذي حاجة ماتصلحش صح ماشي مليح الزيارة المتكررة ومايلزمش ثاني يمنعها اطلاقا
يبان شويا صعيب في أفكارو ...
تزيد تتفاهم معاه وإذا شافاتو مزير وصعيب بزاف ماتقبلش بيه لأنو راح يكبتها في امور بزاف وهيا امور عادي ...
يبان شويا خيار واعر والله اعلم ...​

 

[خفيف الروح]

راني مع اماكانوش

الثاني راه امزير بزاف اخطيك منو
هكذا امالا امبعد يولي عفريت

الرجال رراههم اصعاب عسي على روحك
​

 

[فراشة الايمان]

الاول الاول الاول​

 

[الخيزران]

كل شيء لا امور الزواج صعيب باش نعطي رايي فيها خاطر داخل فيها القدر والمكتوب

 

[روعة الأخلاق]

انا من رأيي ماتتسرعش و تزيد تسقسي مليح و تستفسر
و أهم حاجة تصلي صلاة الاستخارة و ربي يكون معاها و يرزقها بالرجل الصالح

بالتوفيق
​

 

[Red Lion]

أأأوك اأأختي والله شُوفِي
هِي مِاشَاءَ الله رِبِي يَكَـمَلْ فَي اَلتـخَُرجْ ديَالهَا
بالنسبة للخوطوبة افضل شي لفمي هذا حسب مايقول الناس..}
​

 

[02asma02]

والله يا ختي واحدما لازم يقولها واش دير لقيباش راهي كبيرة وتعرف صلاحها وماكانش كيما الوالدين هوما الي لازم دير برأيهم
مشكورة على الموضوع ​

 

[**** بنت أبوها ***]

هي سقسات بابا و يما و حتى خويا بصح كامل يقولولها دبري راسك حياتك و انتي حرة فيها
و أشكر كل من مرة على الموضوع و افادنا و لو بكلمة
​

 

[هآجر]

السلام عليكم

عليها بالاستخارة

 

[ابوصفوان]

السلام عليكم
انا ننصح>>>>>>واش دخلكi-o:
صلي صلاة الاستخارة وربي يوريلك الطريق
واذا نعطي راي فاللي يمنع اهل الزوجة من الزيارة او انها تزور اهلها هذا انسان راهو تعدى على حقها صحيح انو ماشي كل اسبوع يماها عندها ولا هيا عند يماها بصح ماشي ماكاش الزيارة بلكل
:shay:هذا راي يمكن يكون غالط

 

[نسيم الربيع]

انا كون جيت فبلاصتها نخير اللول
الثاني هذا بغا يمنع عليها الناس ويمنعها عليهم حتى الأهل؟؟
هذا رايح فيها طول
وعليها وعلى صلاة الاستخاره​

 

[برنســ اللمة ـيسة]

عليكم السلام و الرحمة و الاكرام
انا كون جيت في بلاصتها اكيد راح نختار هدا
اللي ترتاحلو وماترفوش دارهم و لا حتى المنطقة الي يسكن فيها لكن مأيد فكرة المرأة العاملة و هو يخدم كونترا
نورمال نحب العقلية الأوفااااار ​

 

[سارة 196]

تصلي الاستخارة واللي فيها الخير ربي يجيبها
ربي يتبتها ويهنيها
خلو كل شيء على ربي

 

[allaldz]

نصيحة لوجه الله .

لا تستعجلي أختـــــــــاه واختاري ذو الدين والخلق .

عليك بصلاة الاستخارة ثم بعد ذلك الاستشارة من أخواتك المسلمات .

وقد قيل (( ما خاب من استخار ولا خسر من استشار))

أرجو ,اطلب من الله لك التوفيق في اختيار الزوج الصالح .

فهي عشرة عمر وأسرة متكاملة بإذن الله .

 

[محبة الاستطلاع]

انا من راي تصلي صلاة الاستحارة ماتقولي الاول لي مليح ولا التاني قادر التاني يهدر ومبعدا يدور في رايو ماتقدرش تعرفهم حتى تعاشرهم وماتدي غير مكتوبها وربي يهنيها
​

 

[lalochka]

راجل لي مزير غير تختيها مانو و هذا الرجل الثاني تحول تسقسي عليه بالك يكون كذاب و مخبي حقيقتو مادام انتم ما تعرفو عليه والو

 

[محمد.م]

أختي بداية الاستشارة مقدمة على الاستخارة

ولو أنني لا أوافق الاثنين

والواجب بهكذا موضوع التأني والسؤال عن الزوج وعن أخلاقه ودينه من خلال معارفه وأهله وجيرانه

فإن كان ذا دين وأخلاق وسمعة حسنة استخرنا ثم توكلنا على الله إن كان خيراً

وليس الموضوع بهكذا تسرع

فهذا زواج وليس أي شيء آخر

ولعل الأخت الفاضلة لن يتوقف مسير زواجها على هذين الاثنين فحسب

والله لايضيع من أراد رضاه من خلال الزواج

 

[سلمى2010]

الثاني مزير بزاف هذا من الاول راه يتشرط

المهم تستخير الله سبحانه و تعالى
و بالتوفيق ان شاء الله
و ربي يجيب الي فيها الخير ان شاء الله
​

 

[NeيRسNe]

الاستخارة احسن طريقة للاختيار ربي يوفقها وان شاء الله لي تختاره تكون موفقة في اختياره
​