موضوع بلوكالي لراسي ولدرك مالقيتش الحل........

ya chrikti rahom 3ado kaml comme sa machi ghir had lma5lou9a
 
ســـــــلام
أختي الفاضلة صراحة كنت ندخل منتديات بزاف ونشوف مواضيع . بالصح هنايا ماشاء الله . مواضيع تتسم بالبساطة والعفوية . ماشاء الله .
على كل حال بارك الله في عقلك وقلمك
عندك الحق في كل كلمة قلتيها .. انايا تانيك نعرف شحال من واحد يسكنو في ولاية . بلا زعاف شريكتي . من تما من عندكم . يخدمو معايا . اقسم بالله يديرولي في صوالح الله يحفظنا . يندى لها الجبين .
لاعلينا هادي على كل الولايات على كل حال ولكن في سياق الكلام . ماكان لاه نحكيلك على الكريمات اللي يندارو في الوجه . ربي يلطف .
عمر بن الخطاب رضي الله عنه قال : إخشوشنو فإن الحضارة لاتدوم

والسبب الرئيسي هو تربية الوالد والوالدة للإبن . لأنه ورقة بيضاء يكتب فيها ماشاء
والمجتمع يتحمل تبعات مثل هذه الأمور
لذلك على المرأة بصفة خاصة أن تأخذ الحذر وكل الحذر من إختيار الرجل المناسب . هذا إن وجدته في هذا الزمان

اللهم إرحمنا فإنك بنا راحم ولا تعذبنا فأنت علينا قادر . إرحم ضعفنا . أستر عوراتنا وآمن روعاتنا . إشف مرضانا وأرحم موتانا وأهدي شباب الأمة يامولانا

لك مني السلام وبوركت من فتاة
أخوك زيـــــك
​
 
آخر تعديل:
نعرف زوج بدلو اساميهم
واحد اسمو هشام رجعو شيشا
وواحد اسمو جمال رجعو نعيمة هههههه
 
سلاامو شوشو كي العادة المواضيع الشابة واللي تعالج واقعنا المر
بون صح ياختي كي تشوفي دوك طفلة ماتفرقيش بينها وبين طفل
وتحيري وين راح دور الوالدين .. ورانى نشوفوها يوميا
عندنا واحد العنوشة تقرى معانا محففة شعرها كوب قارصون ومدام هاك اوبليجي تحطلو الجال وتلبس واحد اللبسة ماعلباليش والله العظيييم ماتميزيها على الطفل كامل هذه ماحبستليش راسي باسكو مالفة نشوفها اللي كودات مخي كل يوم باباها يوصلها باللوطو عند الباب يااااااااااااااااااااااااااااااااااااااه مدام باباها يوصلها وهي في هاذ الحالة واش تستناي منها هي ادير؟؟؟ والنتيجة المشكل راه من الوالدين سي بورصا نقولو ربي يهدي الوالدين باش يربيو ولادهم مش باش يديوهم للهاوية
مرسي شوشو ​
 
صح كاين منها بزاف

انا نعرف طفلة قلبت روحها شبه راجل

اللي يحير ضرك فيها متبان طفلة كاملة متبان راجل كامل

يعني اللي ميعرفهاش ميقدرش يميز واشنو هي

وانا نظن انها مريضة نفسيا لان باباها كان يحوس على الذراري وجاوه غير البنات فاسترجلت

ربي يهدينا هذا مكان
 
في هاد الحالة الوالدين هوما الي يلزمهم يتصرفو
ويرشدو ولادهم
وكيما قلتي هاد الظاهرة الخطيرة ههههه كاينة بزاف مشي غير فالمجتمع تاعنا برك تقريبا قاع المجتمعات صوا كانت عربية ولا اجنبية
لله يهديييييييييييييييهم ويصلح الاحوال و يجييييب الخير ان شاء لله
مرسي على الوضوع شباب تحياتي ​
 
حالة شاذة ف مجتمعنا

بففف

شكراا شرطية
​
 
كي حكيتي على البنات الي يلعبوها دراري في وحدة الطفلة تقرا في الليسي ديالنا
يا اختي تشوفيها تحيري انا دي فوا كي مانلقا في شكون نمنشر ندور نقعد نشوف فيها هي
هادا سروال طيحني و هاداك الشعر المقصوص ا 0000000 و هاديك المشية وش نقولك تخلي الطفلة تطيح فيها ههههههههههه
انا هادي الكاليتي ما تعجبنيش رجلة في الدفاع عن الشرف وماشي في انك تعاندي الدراري بلاغير ما تنتفعي منهم خلاص
اما ذراري مانحكوش عليهم هم يضحك و هم يبكي ..............
مرسيــــــتتت حنونة موضوعك فوووووووور
 
أنــآ مرة في الجامعة درت طلة على القآعة اللي يتدربو فيهـآ طآلبآت التربية البدنية
والله ما صدقتش وبقيت مخلوعة
وحدة كون ماشي صوتها والله ما تنعرف بلي هي بنت
وبزآف بنآت شفتهم هناك عندهم وحد الطريقة تاع الكلآم و المشي وكلش تحير
بآغيين يرجعو روآحهم اولاد بالسيف .
​
 


أكتب ردك هنا...
العودة
Top