مراقبة الناس

[وهج الصحراء]

راك عارف خويا لي مععمده مايدري يعس ناس ربي يهدهم برك

 

[{مُدَلَّلَتُهُ}]

merci bcp khouya bilal 3la el sujet

hadouk el 3ibad li ma3andhoum ma ydirou ydalou bara chadine el 7itane w yremarkou fel nass el probléme houma m3amrine 3youb w yeda7kou 3la loukhrine kima galou nas bekri el chebka ted7ak 3la el ghourbal tgoulou 3aynik kbar

 

[منال.48]

قال هتلر في كتابه "كفاحي":
ذوو النفوس الدنيئة يجدون اللذة في التفتيش عن أخطاء العظماء

 

[bilal22]

الملتهي بل الناس كثير الوسواس خوي بلال الله غالب راحت فيه عاده ولا معقد​

تحياتي بلال مشكور

:re_gards::re_gards::re_gards::re_gards::re_gards::re_gards:​

هيه يعني صح هي وسوسه ويحب دديما يبين الناس وكانها اقل منو مستوى
شكرا لك خويا نورت

 

[bilal22]

هههه وانا نحسب روحي غير انا اللي نخاف منهم الله لا تربحهم معندهم لا شغل لا مشغلة

ياو انا مول كارتي ونخاف من جدهم هههه مسامر صح ههه

 

[bilal22]

وعليكم سلام رحمة بركات الله وبركاته خويا بلال
نشالله تكون الف خير عافية
مرسي على هاد موضوع جميلة بارك الله فيك
تمنيت برك لو كنت تجعل حجم ديال كتابة اكبر شويا ( او بدا يتدخل ههههههههه:shiny: ) مزح برك
هههههه هاذي هي نفس كلام لموضوع ههه
ياي نورمال احكي كيما تحب لمهم صيب راحتك
والله معك حق خي بلال توجد شي ناس ماوش لهم شغل غي هاته الله يهدي من خلق برك
لو كانت تحسه نصيحة من قلبه نورمال مي توجد التي يكون يعملها برك حتى ينطقك بها وهاته نوع الله يهديه
تحياتي
​

هاذي لي تحيرك لا خدمه لا والو وزيد يجي زعما ينصحك ونتا عارف كامل عيوبو يعني راح ينطقك ينطقك باسكو قلبك راح يوجعك هههه
شكرا لك خويا نورت

 

[bilal22]

هههههههههه
فارغين شغل يابلال خويا
الجزايريين كامل
والي ماشي خدمتو هكذا تلقاه يطلع شويا حسابات في راسو
هذا لمخير فيهم هههههه​

هيه ولي يطلع لحسبات تلقاه قريب يهبل مسكين هههه
ولفيد هو لي قتلهم صح

 

[bilal22]

سلام عليكم خاوتي
والله لا سوجي شباب هادا وراهم بزاف هادو العباد نهار كامل هوما شادين هداك الحيط وخايفين لايطيح يعسو ليرايح وليجاي ويديرولو سكانار الله يهديهم ونقولكم علاه ماتسgمتش بلادنا باسكو كاين هادو العباد
نشكرك بزاف على الموضووووووووووع

ياو يسكانيوك حتى كفاه تدور الدوره مايل ولا كبرتها ولا كفاه هههه
شكرا لك ومتوجعيش قلبك بزاف برك ههه

 

[bilal22]

وعليكم السلام
اهدي تحياتي الى شعب خليه بشعرو هههه
وصل اهداءك
كاين ناس كي شغل ديgارد كور تاعك
واين تروح يجيبو خبارك وينشنشو عليك
بصريح العبارة تابعة
يقيلا الحل الوحيد باه تمنع منهم
تري روحك
صحيت على الموضوع



​

ياو هاذوك كاميرة مراقبه وين تتحركي يسكانوك وش ديري عندهم خبارك هههههه
ها كتر خيرك يا عمتي لمشرفه ههه

 

[فؤاد الورقلي]

سلام
عندك الحق خويا بلال
وهذه الظاهرة انتشرت بكثرة
واش تقول لهم
الله يهدي
كيما يقول المثل حتى نخلة ماطلت على عوجها

ربي يجيب الخير

شكرا
بلال
ربي يوفقك​

 

[bilal22]

ناس فارغة شغل​

هيه لا شغل لا قلب يوجع مالا خلي يدير هكا ههه

 

[bilal22]

لي تشوفو ماهوش خدام يقعد يتوقب والاخبار في الحي ولا في النت كامل عندو ولا جريدة ياو نلقى نشعل الوقابين كامل من جارنا ونزيد الوقابين لي راهم في اللمة ونكمل هههههههههههههههه
​

ياو هنا في اللمه ومش راح تسلكي راهم بارتو شبكه خطيره ههه
احرزي روحك برك ولا البسي شكاره هههه
شكرا لك خيتو لمهبوله نورتي ههه

 

[bilal22]

ايه خليه بشعرو، وصلني الاهداء انا تاني
اممم هيه تعرف البطالة راهي كلات الشعب، مالا لقاو لرواحهم خدمة
بلال علابالك هذا اسمو الـvـيد، كي ما يللقاو واش يديرو يبداو يشحبو
وكاين لي دايرينها هواية ، وكل واحد كيفاش، مي في كل الاحوال
هذي يسموها تفاهات، مغسي عالموضوع، واشكرني انا عالمرور
​

هيه لفيد يولي يحتم عليه يبدعو ويجيبو افكار خارقه للعاده ايا مالا لازمو يكون عندو ارشيف الكارتي كامل ههههه
صحيتي يا لي حففنالك وشحال من مره اذا تتفكري ليام هههه

 

[bilal22]

ردي راك تلقاه في بروفيلي يا بلال
​

خلاص راني لقيتو ههههه متعبش روحك يا لحاج

 

[hicham500]

السلام عليكم اهلا بيلالو موضوع منعش ولذيذ كالعادة
الواحد يراقب ساعات الناس بلامايفيق
بصح المشكل كيما قلت نتا كاين لي خدمتهم هذيك هي :scared:
ويولي مدمن عليها :shiny:
بصح كاين تاني لي يراقب فيه وهي ماشية في حلقة مفرغة :schmoll:



​

 

[bilal22]

اهلا خويا بلال واش راك واش حوالك ان شاء الله تمام مع الخضورية هههههه
لخضوريه احكي علا روحك تكفي ههه
ايواااا نشوفو موضوعك درك
قالك الجمل يشوف لحدبة غيره ماشيوفش لحدبته

من راقب الناس مات سعيدااااااااااههههههه
ماكانش هديك كل واحد لاهي في روحك
درك كل واحد عنده شكون يلهى فيه شكون كيفه
كل جزائري عنده كاميرا مراقبة هههههه
f.b i
هههه والله يا الاف بي اي هي صح بكري كل واحد لاهي في جيهة مكانش لي يخمم عليك مي درك كاين بزاف لي لاهين بيك وتهمم راك محور اهتمام ههه
البورسة ادا جبتها يديرولك كونترول قبل مادخلها
قالك الشعب يريد عودة البورسة الكحلة هههههههههههههه
الله يكحل ايامك لالا نحوسو علا لبورصه لموف برك ههه
و الخطوة قبل ماديرها يروحو للارض ويشوفو شحال تلبس لابوانتيغ على قولة نور الله يذكرها بالخير ههههههههههه ماشي غريبة
هيه انا قتلك بلي يسكانيو حتى الدوره كفاه راك تدور فيها ياي يهمهم كل صغيره وكبيره حتى ولو كانت حفنه تراب لي تجيك في لعينين هه
ايا سلام ماشي كل خضرا حشيش قادرة تكون بلال قادرة تكون دنيازاد هههههههههه
​

اواه صح ماشي حشيش مي قادره تكون دنيازاد برك ماشي بلال
باسكو بلال عضو اخضر ماشي اخضر برك هههه ياو طلعي لمورال لروحك باخضر وحد اخر مش بخضوريتي انا هههه هيا طيري تشوفي ههه

 

[bilal22]

السلام عليكم اهلا بيلالو موضوع منعش ولذيذ كالعادة
الواحد يراقب ساعات الناس بلامايفيق
بصح المشكل كيما قلت نتا كاين لي خدمتهم هذيك هي :scared:
ويولي مدمن عليها :shiny:
بصح كاين تاني لي يراقب فيه وهي ماشية في حلقة مفرغة :schmoll:



​

يييييييييييه عاش من شافك يا لحبيب حسيتك متت هههه
هيه كيما قلنا لمشكل في لي خدمتهم هكاك هاذو لي يخلعو كيما راك موالف تشوفهم ناصبين في كارتيكم وحاجه باينه هو ناصب منا ولوخر ناصبلو وراه وهي ماشيه هههه

 

[NeيRسNe]

اواه صح ماشي حشيش مي قادره تكون دنيازاد برك ماشي بلال
باسكو بلال عضو اخضر ماشي اخضر برك هههه ياو طلعي لمورال لروحك باخضر وحد اخر مش بخضوريتي انا هههه هيا طيري تشوفي ههه

علاش تهودلي المورال علاش هههههههههه:sad:
​

 

[hicham500]

يييييييييييه عاش من شافك يا لحبيب حسيتك متت هههه
هيه كيما قلنا لمشكل في لي خدمتهم هكاك هاذو لي يخلعو كيما راك موالف تشوفهم ناصبين في كارتيكم وحاجه باينه هو ناصب منا ولوخر ناصبلو وراه وهي ماشيه هههه

الله يعزك بيلو
هههه والله معرف كيفاه جا في بالي اليوم قلت نسي نشوف المنتدى رجع ولا مازال لقيتو رجع
//
والله غير كاينة صح كل واحد يعس في لاخر علابالك عدت نهرب انا منحبش نقعد في الكرتي خلاص
بعد قد ماتقدر على البلايص لي يعرفوك فيهم الناس ومتسلكش هههه
راك ناشط ياو وقيلا هذا المفعول تاع الريدبووول​

 

[bilal22]

قالوا في الامثال القدم

من راقب الناس مات هما وكمدا

يعني يمتو بقلبو يعني بسكته كهربائية

سلام خويا بلال
​

هيه هو همو الوحيد واش راك دير يعني كون ميعرفش ياكلو قلبو وممكن في ديك لحضه يروح فيها ههههه
شكر اك خويا