قالت ليما السمانة الجاية راهم جايين يصيفو عندي ...

[M!ss_f@ti]

كاين لي يقولو" الضيف ضيف يالوكان يبقى الشتا والصيف"

الغاشي تاع ضركـ 2 سوايع يطلع على قلبكـ وتبغي تليكيديه

 

[الورد الأحمر]

ههههه هاي جاتك نور الإلهام مي غوطاغ خخخخ
بقات شرطية اللمة
ملاحظة:
أي عجبتني الملاحظة تاعك خخخخ
....
هيه وانتا علاش طالق ودنيك مع لحكايات تاع النسا خخخ
آه شوف درك انا تبانلي العيب في الضيف لي يجي بيه
بالبزاوش تاعو ويكومـpـي بالشهر والشهرين أنا نقلق
من ضيف هك ياك قالك من زار يخفف مالا عندها
اختك الحق كي تقلق على فراشها وعلاش يعفسوهولها
وجاو معاي انا نقلع لمطارح والزرابا ونخبيهم
في بيتي ونخليلهم الطرحة يتمرمدو فيها كيما
يحبو كي يروحو نرجعهم لبلاصتهم نكره
الأكراد لي يرفسو الدنيا كاملة ولي عندهم
ذرية ما مربياش وتزدم وتروّن الدنيا الكل
غير يحكمو دارهم وما يضيفوش حتى
يكبرو ولادهم ساع
...
هيا مغسي سفيانو أو عجبني موضوع
يا شحّاب هههه، سلامو
...
ملاحظة:
درت كتر من اختك في التمنشير خخخخ
​

 

[somiasahraoia]

شوف نقولك انا بنت ادرار رواح انت وعاءلتك وقت ما بغيت وقداش بغيت عاى العين والراس

 

[SAFA-94]

(وسلفتها هيا زوجة سلفها بصح شكون سلفها ....حاجة باينة لازم تتحملهم ...ياي عايلة كامل نزلت عليهم ههههه)سلفها اخ راجلها .مالا خلات على اختك ههههههههههههههههههههههههههههههههههههههههه لوكان غير زادت لحقت عجوزهاوسلافها وطفلاتها

 

[ماكانش]

السلام مكانش حبيت ندخل في الموضوع ...نورمال ... ايا صح شكرا

أولا باينة نتا راك جاي مع اختك هاذي راهي كامل يعرفوها لانه انت راك مصرح بيها
وزيد هاذي أخت زوج أختك راهي جاية لدار باها راهي تسال فيها الله غالب علاه راهي تقعد ب2 شهر
وانا ما شفتش كامل مشكلة غير انتى جبتها في روحك لمى تسمع حديث النساء غير اهرب ما تسمعش خير
عندهم وحد المناشير يا ربي تسلكنا بصح يهدروا برك قلوبهم كامل صافين يبغوا يهدروا برك
وهذي طفلتها كون تجي عندها مشي شهرين متتابعين كون تقسمهم خير هكدى مليح f3 صغيرة
هههههههههه ولا تبعثلهم المفاتيح وتقعد عندكم ما تروحش لبيتها هههههههههههههههههههه
f3 صغيرة لازم تبعث بليgroupe مايجوش كامل في ضربة صح الضيق في القلوب ولا يكروا سكنى هكدى هايلة
يا اخي سفيان هذي حالة خاصة لازم الانسان يصبر صبرا جميلا
تقبل مروري ​

اهلا بيك شاوشي لعزيز ههههههههه
راك تشارك معانا يا سيدي ربي بارك
والله غير حكايات النسا الي خاطييني بصح واش ادير
ساعات تسمع وتهرب وذنك ههههه
بصح مانشاركش فلحكاية ...
​

الحاجة لولى نتا لاه مدخل راسك في وسط النسا هههههههه نقصر معاك برك

وهاذي سلفتها معندهاش راجل يشد فيها ولا طالقها ترعرع عند الناس
شوية العبد لازم مايكونش علة على الناس يفهم روحو شوي​

أهلا مسيلية
هههههههههههههههه
الله غالب كنت نطل وكانو قدامي ههههه
وعجبتني تاع ترعرع عند الناس هههههههههه
ياي تشوفيها قد البقرة واقيلا تحكم راجلها تعضرو مسكين كاشما يقول هههه​

ويبقى السؤال الذي يطرح نفسو

بصح أنا تبانلي واحد مايبغيش الضيف لاخاطر نتا كون تعاود تروح عند ذاك الضيف مايحملكش ولا الضيف مايعطيقش فرصة كل مرة هو يجي
كيما يقولك من عندي ومن عندك تنطبع بصح من عندي برك تنقطع

يعطيك الصحة منال على الرد لمليح ...
المشكل كيما قلتي يجيك غير هوا
ومهما يكون التبادل مايكونش بالشهرين هههههه​

قولتلي شهرين اااااااااااااا

خرجو عينيا
والله ياخويا ماكانش غير الدعوى صعيبة عندكم
شوف ادا ختك عندها فيلا معليش تقعد شوية مي ماشي شهرين
ادا عندا شقة تقعد سمانة بزايد عليها (كيما تقولو انتوما)
والى سلفة اختك ما فهمتش روحا وروحت لازم اختك تمعنيلها خاطر المثل يقول "زور وخفف"​

يعطيك الصحة ختي لعزيز
ختي عندها اف 3
اي واش تمعنيلها هذا باش تروح وتبقى حكاية عند الناس
فلانة راحت لفلانة وحاوزتها ...​

خويا سفيان,,, وصلو الضياف ولا مازالو؟ ههههههههههههههه

ههههههههههه
واقيلا مازال ماجاوهاش هههههه​

mmmmmmmmmmmmmm had dif t9il bezaf

ايه بزاااااااااف
ماشي ضيف هذا واحد من الدار ههههههه​

كاين اوقات الضيف يمرgها بزاف و يزيد يتقلش يا خويا تحسب انت ضيف عندها الله يصبرنا​

​

هذي بيناتنا باه يروح وما يبطاش عندك لازم صباح يتقهوى شوربه وفطور شوربه وعشا شوربه وما تنساش الفلفل الحار وبلا خبز عليك
تحياتي
:re_gards::re_gards::re_gards::re_gards::re_gards::re_gards::re_gards::re_gards:​

هههههههههههههههههههههه
يعطيك الصحة يوسف
هكذا تربح العيب هههه
مليح كيما جماعة ل... الأب كي يحب يليكيدي الضيق يقل لولدو جيبلو صباطو الترونسبور يحبس ف 5​

هادو ضياف و لا خلي، بصح لو كان جينا نحطو الغلطة تاع من؟ تنجم تgول تاع الضياف لي جايييييين شهريييين كومبلي بزااااااااااف، ماشي معناتها أنو ضياف ماشي ملاح بصح الوقت لي رنا عايشينه صعيب و كل واحد على gد حاله، و ناس بكري يgولك الضيف يجيب خيره معاه، و الضيف فوق 3 ايام يولي مول الدار يعني تروح هاديك القيمة تاعه، يعني يولي ياكل و يشرب و يرقد كيما موالين دار، ما كانش معاماة خصوصية ههههههههه. ولي جاو عنده الضياف يكبر gلبه و يوسع خاطره و الضيف يبقى ضيف، تقبلواااا تحياتيييي.
​

يعطيك الصحة ختي على الهدرة الزينة
والله عندك حق
صح يجي خيرو معاه كي يكون خفيف ظريف
اما شهرين بزاف صح صح
يولي مول الدار كيما قلتي ههههههه
وهاهي لازمة الواحد يصبر ولازم مايغلطش راك عارفة يغلط يقول حاجة يولي ماشي مليح ...

يقول المثل : " ضيف العامـ لازملو ذبيحة , وضيف الشهر لازملو مالكة مليحة وضيف كل يوم لازملو طريحة "

شوف خويا مكانش , قول لأختكـ ماتحير ماوالو يفرج ربي ان شاء الله لأنو لوكان نبدا نمشر في سل蘧فات يما ماتفراش .. يعني عماتي العزيزات ..
عندي وحدة ولادها كامل رجال وكي تجينا في العطلة .. الهربة تسلكـ وزيد عمتي تبقى تبع فيا وتعلق تقول حفيظ دراجي .. أنا ويما ملي انوضو مانحكو روسنا ..وزيد لمطارح والفراش يحصلو ديما في راس يما مسكينة ..

المهم ,, المفيد أنو لوكان أختكـ تقولها راني رايحة نصيف في دارنا وتخليها تعس الدار

الغلطة ماشي تاع أختكـ , تاع سلفتها ربي يهديها ..

هههههههه
يعطيك الصحة ندى الريحان والله ضحكتيني هه
وعجبني المثل ...
يجيو ياكلو يشربو ويعلقو كيما قلتي وياويلو لوكان الواحد يقصر ولا يضحك
يرجع العيب كامل فيه ...

ههههه هاي جاتك نور الإلهام مي غوطاغ خخخخ

بقات شرطية اللمة
ملاحظة:
أي عجبتني الملاحظة تاعك خخخخ
....
هيه وانتا علاش طالق ودنيك مع لحكايات تاع النسا خخخ
آه شوف درك انا تبانلي العيب في الضيف لي يجي بيه
بالبزاوش تاعو ويكومـpـي بالشهر والشهرين أنا نقلق
من ضيف هك ياك قالك من زار يخفف مالا عندها
اختك الحق كي تقلق على فراشها وعلاش يعفسوهولها
وجاو معاي انا نقلع لمطارح والزرابا ونخبيهم
في بيتي ونخليلهم الطرحة يتمرمدو فيها كيما
يحبو كي يروحو نرجعهم لبلاصتهم نكره
الأكراد لي يرفسو الدنيا كاملة ولي عندهم
ذرية ما مربياش وتزدم وتروّن الدنيا الكل
غير يحكمو دارهم وما يضيفوش حتى
يكبرو ولادهم ساع
...
هيا مغسي سفيانو أو عجبني موضوع
يا شحّاب هههه، سلامو
...
ملاحظة:
درت كتر من اختك في التمنشير خخخخ​

ههههههههه
هاهي جات نوغ الغوطاغ ههههه
والمشكل مايعاونوكش في القضيان غير متبزعين هههه
ايا مانهدرش بزاف
يعطيك الصحة الهامو ...

شوف نقولك انا بنت ادرار رواح انت وعاءلتك وقت ما بغيت وقداش بغيت عاى العين والراس

يعطيك الصحة
بلاك عندكم ليستاع ...

(وسلفتها هيا زوجة سلفها بصح شكون سلفها ....حاجة باينة لازم تتحملهم ...ياي عايلة كامل نزلت عليهم ههههه)سلفها اخ راجلها .مالا خلات على اختك ههههههههههههههههههههههههههههههههههههههههه لوكان غير زادت لحقت عجوزهاوسلافها وطفلاتها

ههههههههههههه
فهمت يعني غير الإسم برك ماشي كيف كيف هههه
المهم تخطي ريسانا والله يسهل عليهم هههههه

 

[Jeune Sghir Mc]

ونتا ماسغسيتش روحك علاه كنت تقرعج عليهم
..........................................
أنا في رايي الضيف ولا ما يفهمش روحو
وكملت الهدرة
​

 

[اسماء16]

انا وحدة منحملش ضيف يطول عندناااا مي لا كان عندو دراري لا عاد هو مرتو برك على لعين وراس
يعني ملخر منحملش عياط دراري صغار هدا مكان
وكيما يقولو * لي خرج من دارو تقل مقدارو*
وانا راني مع ختك خربولها دارهااا قالك ضيف لا ضاف يخفف ضيافتوو ماشي شهر بززاف
نورمالمو تفهم روحك ناس لي راك ضيف عندهم بلاك هما تاني راهم حابين يروحو يضيفو ولا يحوسو ولا يصيفو
شكرا مكاش راك قرعاج كبيررررررر
​

 

[ماكانش]

ونتا ماسغسيتش روحك علاه كنت تقرعج عليهم

..........................................
أنا في رايي الضيف ولا ما يفهمش روحو
وكملت الهدرة ​

كانو يحكيو في وذني ككيفاه مانيمعش هههه​

انا وحدة منحملش ضيف يطول عندناااا مي لا كان عندو دراري لا عاد هو مرتو برك على لعين وراس

يعني ملخر منحملش عياط دراري صغار هدا مكان
وكيما يقولو * لي خرج من دارو تقل مقدارو*
وانا راني مع ختك خربولها دارهااا قالك ضيف لا ضاف يخفف ضيافتوو ماشي شهر بززاف
نورمالمو تفهم روحك ناس لي راك ضيف عندهم بلاك هما تاني راهم حابين يروحو يضيفو ولا يحوسو ولا يصيفو
شكرا مكاش راك قرعاج كبيررررررر​

يعطيك الصحة أسماء
ههههه
والله عجبني رايك بزاف ولكن كلش مقرون بالتطوال
حتى إذا كان راسو وراس مرتو وماشي مليح كي يطولو و لالا
لنو كيما قلتي راح ينقص قدرو ويولي مول الدار
هذي ضيف بالشهر والشهرين عيات تدخلي لراسي
يعطيك الصحة سمسومة ...​

 

[السلطانة]

ملاحظة:
ذرك تجيني شوشو (شرطية اللمة) ونور الإلهام ويقولولي نتا تضال طالق وذنيك هههههه
ياي والله مانتجسس ونطلق وذنيا بصح الله غالب واقف بيناتنا نص ميترا هههههه ...

أآاه ياسفيان كنت لاتية مع ليكونترول وشفتش موضوعك هادا هههه
يامول الودنين
يابارابول هههه
ياطبوش ههه
​

 

[NASRO DZ]

شكراااااااااااااااااااااااااااااااا

 

[rima29]

والله هذي سلفت اختك كثرت على ما وصاوها والديها ربييعين اختك ان شاء الله ​

 

[la_safa]

و عليكم السلام و رحمة الله و بركاته

مممم صح هادي كاينة منها مالفة نسمع انا تاني يقولو هاكا
احم احم ايه تتجسس قولها برك ههههه

مي انا في رايي الضيف ضيف .. يبقى واش يبقى
مي صح مع العايلة ياسر يثقلو قعدتهم

مي مليحة الديار لي تدخلها الضياف
و زيد مع الحكايات و السهريات تفوت روووعة

و مانعرف قول لختك برك احمليهم ماعليش هادي خت راجلك
و عمت ولادك

هيا صحيت خويا على الموضوع
​

 

[المتفائلة_91]

[quoteايتني سلفتي ولا ربيبتي مانعرف كيفاش يسميوها المهم خت راجلها ][/quote]


ههههههه طفلتها


هي الغلطة من الضيف الثقيل يقول ناس بكري يرحم من زار وخفف

انا كون جيت في بلاصة اختك نخليلها الدار ونرووووح اوووف مش هكا السماطة ضياف شهرين هي وعايلتها ،،

 

[M!ss D!or]

كي تجي تشوف هادي تصرا في كامل العايلات
مي كيما يقولو عاش من عرف قدرو
العبد تاني يراعي ضروف هادوك الناس لي رايح ليهم
ومعليش كلش يفوت و تبقى هدرة ​

 

[ماكانش]

ملاحظة:

ذرك تجيني شوشو (شرطية اللمة) ونور الإلهام ويقولولي نتا تضال طالق وذنيك هههههه
ياي والله مانتجسس ونطلق وذنيا بصح الله غالب واقف بيناتنا نص ميترا هههههه ...​

أآاه ياسفيان كنت لاتية مع ليكونترول وشفتش موضوعك هادا هههه
يامول الودنين
يابارابول هههه
ياطبوش ههه ​

هههههههههههههههه
الحمد لله كي كملتي شوشو ههههههههههههههه
عندي موضوع سمعت حكاية ثاني بصح مانديروش تعودو تلصقولي التيكي صح هههههه​

شكراااااااااااااااااااااااااااااااا

عفوا .........

والله هذي سلفت اختك كثرت على ما وصاوها والديها ربييعين اختك ان شاء الله ​

يعطيك الصحة ريمة ...​

و عليكم السلام و رحمة الله و بركاته ​

مممم صح هادي كاينة منها مالفة نسمع انا تاني يقولو هاكا
احم احم ايه تتجسس قولها برك ههههه​

مي انا في رايي الضيف ضيف .. يبقى واش يبقى
مي صح مع العايلة ياسر يثقلو قعدتهم​

مي مليحة الديار لي تدخلها الضياف
و زيد مع الحكايات و السهريات تفوت روووعة ​

و مانعرف قول لختك برك احمليهم ماعليش هادي خت راجلك
و عمت ولادك ​

هيا صحيت خويا على الموضوع​

يعطيك الصحة صفصوفة
هههههههه
ايا تجسس وربي يغفر ههههههههه
صح ملاح الضياف ومليحة اللمة مي كي يكون ليستاع ...
المهم تخطي راسي والله يسهل ههههههه​

[quoteايتني سلفتي ولا ربيبتي مانعرف كيفاش يسميوها المهم خت راجلها ]

ههههههه طفلتها


هي الغلطة من الضيف الثقيل يقول ناس بكري يرحم من زار وخفف

انا كون جيت في بلاصة اختك نخليلها الدار ونرووووح اوووف مش هكا السماطة ضياف شهرين هي وعايلتها ،،[/quote]

هههههههههههههههههه
يعطيك الصحة يا المتفائلة ههههه
حل مليح ...هههههه​

كي تجي تشوف هادي تصرا في كامل العايلات

مي كيما يقولو عاش من عرف قدرو
العبد تاني يراعي ضروف هادوك الناس لي رايح ليهم

ومعليش كلش يفوت و تبقى هدرة ​

يعطيك الصحة سفينة على لكلام الباهي
كيما قلتي كلش يفوت ويبقى غير العيب
يعطيك الصحة ...​

 

["غزالة الجزائر"]

ربي يعاون اختك 5 ولاد في f 3 بزاااف وزيد عليها اختك وراجلها واولادها اذا كان عندها
بصح كيما يقولو الضيق في لقلوب و اذا كانت هذي سلفتها تجي مرة في العام معليش مي شهرين شوي بزااف
المهم ماعلى اختك غير تصبر و تقابل ضيوفها بكل فرح و سرور و راح تلقى صبرها وخدمتها لضيوفها اجر عند رب العالمين
​

 

[zineb92]

ميمون اختكــ زهرها معوج f3 تصيف عندها؟؟؟!!!!
ماهيش منطقية ....حابة تنرفز اختكــ برك ..خخ
وزيد راجلها تاني تكركر فيه...ههههه
نتمصخرو برك حابينا نشعلو النار هاهاها ..
تقبل مروري

 

[ماكانش]

ربي يعاون اختك 5 ولاد في f 3 بزاااف وزيد عليها اختك وراجلها واولادها اذا كان عندها

بصح كيما يقولو الضيق في لقلوب و اذا كانت هذي سلفتها تجي مرة في العام معليش مي شهرين شوي بزااف
المهم ماعلى اختك غير تصبر و تقابل ضيوفها بكل فرح و سرور و راح تلقى صبرها وخدمتها لضيوفها اجر عند رب العالمين​

يعطيك الصحة غزال
ايه القيام بالضيف حاجة لازمة وبلا مزية العبد
وكلش يفوت يبقى غير العيب
يعطيك الصحة ...​

ميمون اختكــ زهرها معوج f3 تصيف عندها؟؟؟!!!!
ماهيش منطقية ....حابة تنرفز اختكــ برك ..خخ
وزيد راجلها تاني تكركر فيه...ههههه
نتمصخرو برك حابينا نشعلو النار هاهاها ..
تقبل مروري

ههههه
يعطيك الصحة زينب
ايه هذاك الراجل ألي يتكركر في ديار الناس هههههههه​

 

[hiba14]

المهم انا في الحق ما نتقلقش من الضياف بصح نموت و ما نباتش في دار ابار دارنا الله غالب اختي و ما نباتش عندها و زيد المشكل ما شي في سلفت اختك المشكل راجلها وين راه و لا يجي معاها

 

[شيزوفرينيا]

الضيف ضيف يبقى شتاء ولا صيف

والقلب الكبير ملييييييييييح
يعني ممكن هاذي سلفت اختك كثرت ولا طولت ولا حاجة هكذا
مي درك الشهرين راهم يفوتو يومين
يعني حتى وتبقى ثلاث اشهر
اذا اختك كبرت قلبها ورفدتها رح يفوت كل شي وتبقى هاذي سلفتها تتفكرها بالخير
وحتى راجلها تزيد تكبر في عينيه
انا هاذا رايي
القلب الكبير ووسع الخاطر ملاح سيرتو في وقتنا هاذا​

:re_gards: :re_gards:
​