رآيح نلبس الكآسكيطآ .. هــــــآكآ نضمــن مستقبــليـ .. !!!!

[la_safa]

عجبني الموضوع رايح نرد عليه على حسب النظرية لي دايرها في راسي
شوفي منقدر نحكم على ظروف الناس بلاك السيد هدا محتاج ممكن الظروف العائلية يحوس يهرب يدرق راسو بالعامية عندنا...........الخ بصح لراه رايح يسمح في قرايتو على جال المال نقولو اكبر المال عند الانسان هو الصحة املا القرايا لازم في هدا الوقت علبالي بلي راه لي يخرج يقعد بصح هدا رب سبحانو كل واحد وكيف كاتبلو يعيش ...مايبلع ربي باب حتى يفتح 10 .... العسكر راه فيه غي الرخص وديجا لمكانش عندك نيفو والله متتخل دوك يولي العسكر بالدكتوراء ههه....... طلب العلم فريضة على كل مسلم ومسلمة ...لي فيه الخير ربي يجيبو
شكرا جزيلا على الموضوع الهادف والمميز والرائع من الشخص الاروع
تحياتي لك
+++تقييم
​

صحيت على الرد
عندك حق يعني مهما واش يكون القرايا في بلاصة و العسكر في بلاصة
هادي نورمالمون يعرفوها الناس الكل
مي درك القرايا ماعادتش تنفع تجي تشوف تلقى عندو حق
+
النقطة لي قلتها تاع كل واحد و ظروفو يعني ممكن يكون مأيس من لقرايا
يروحلو يعيش ميمتو خير
و الله اعلم
شكرا خويا ردك شامل و عام
و شكرا على التقييم
​

 

[SAFA-94]

ايه زعما رايحين بيهم حب وطنهم. ياو رايحين على جال الدراهم.بالصح واشمن فايدة كي كون مبعد على الاهل.

 

[la_safa]

ايه زعما رايحين بيهم حب وطنهم. ياو رايحين على جال الدراهم.بالصح واشمن فايدة كي كون مبعد على الاهل.

ايه الله غالب هادا كان قرارهم
و في بعض الاحيان عندهم حق

مرسي على المرور
​

 

[الجندية]

هاذ التخمام فووو ..
وللأسف الأغلبيه نتاع ليجان يخممو كيما هكا
​

 

["غزالة الجزائر"]

لوكان تعود هذي الهدرة كاين منها صح و يعطوك دار و يخلصوك مليح انا ثاني نروح نgاجي هههههه
درك كي شافو الي خلصو قرايتهم وقاعدين حيطيست يقلك لواه نقرا نروح للعسكر خير
بصح درك عاد كلش بالقراية باه تدخل للعسكر لازم يكون عندك نيvو
ربي يهدينا
مرسي على الموضوع الشباب​

 

[la_safa]

هاذ التخمام فووو ..
وللأسف الأغلبيه نتاع ليجان يخممو كيما هكا
​

وي الاغلبية تاعهم

مرسي خيتي عالمرور المنور
​

لوكان تعود هذي الهدرة كاين منها صح و يعطوك دار و يخلصوك مليح انا ثاني نروح نgاجي هههههه
درك كي شافو الي خلصو قرايتهم وقاعدين حيطيست يقلك لواه نقرا نروح للعسكر خير
بصح درك عاد كلش بالقراية باه تدخل للعسكر لازم يكون عندك نيvو
ربي يهدينا
مرسي على الموضوع الشباب​

ايه و زيد اي حاجة يقلك اوموا نيvو باك
ايه روحي Gاجي درك نلحقك هههه

مرسي خيتي ربي يحفظك
​

 

[DARINE05]

انا معاه في رايو يلبس الكاسطيطا خيرو يضمن مستقبلو خير ما يقرا و يحكم الحيوطططططططط

 

[la_safa]

انا معاه في رايو يلبس الكاسطيطا خيرو يضمن مستقبلو خير ما يقرا و يحكم الحيوطططططططط

وي ممكن هاكا احسنلو مي تبقى لقرايا عندها قيمتها
مرسي خيتي عالمرور
​

 

[makour]

هههههه ....
ياختي راني معاه وش يدير في بلاد ....لا تعلوها كلمة الحق الا من رحم ربي الباك يتمد يطلعوا كامل و يتخرجوا كامل apres ماكاش خدمة تروح للخارج يقولولك عاود اقرى ماكاش مستقبل ...ربي يصلح لحوال مشكورة ختيتو التوام تاعي صفاء هههه