قولولي شكون الي قاريا وفاهمة يما ولا هاذ المخلوقة ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
أيا اليوم راحت الوالدة تعزي جارتنا توفى راجلها، وروحت قبيل برك أيا بدات تحكي قاتلي جات وحدة ولابسة كذا وكذا ونافخة روحها قاتلي قعدت قدامي وبدات تحكي على البارمي والخدمة ووو، قالي من بعد قالت "حرت كيفاش حنا قاريين وماقدرناش نقريو ولادنا؟ وناس بكري جاهلين وولادهم خرجو قاريين وقدرو يقريوهم ؟؟؟"
قاتلي يما أيا حبيت ندور نجاوبها بصح ماحبيتش نطيح قدري ؟؟؟ هههههههه
قتلتني يما بالضحك كي قالت مانطيحش قدري هههههه أيا مليح الحاجة تاعنا راهي بقدرها وحنا حاقرينها ههههه
قاتلي كنت راح ندور ليها ونقوللها "حنايا تاع بكري كنا حاكمين ديارنا ومربيين ولادنا، ونتوما تاع ذرك طالقين دياركم ومهملين ولادكم تضالو البرا "
والله جواب صحيح وهايل صح، قلتلها يعطيك الصحة مانعرف كيفاش اليوم كرهتي لمرا ألي تخدم هه ديما نتناقش معاها وتقلي مليحة لمرا الي تخدم
عرفت بلي كانت تهدر برك والحق واحد ماينكرو ...
أيا نتوما قولولي شكون ألي فاهمة وقاريا يما المسكينة ولا هذي الي زعما قاريا وخدامة ...
مهمكلين ولادهم ومخلينهم لبرا وحابينهم يقراو
مرة قاعد في طاكسيفون مع خويا جا طفل صغير عيط وقالها ماما راني راح نتغدى عند بوطيبا ...
خرج من المدرسة ومايروحش للدار يرتاح ويبدل قشو واداواتو وحابة ولدها يقرى ......


ملاحظة: ماكانش اليوم ملاحظة
​

 

[Estrella]

ههههههههه
لله يبارك على يماك فاهمة وقارية دنيا مليح ربي يخليهالك
كون غير جاوبتها كون شافتها كيفاش تولي دير تغلي في بلاصتها ماعلابالش واش حاسبين في رواحهم هههههه مين راهم مطيحين بناس بكري ...
هي صح مليحة لمرا الي تخدم وانا مع المرا الي تخدم غير على جال الشهرية برك هههههه لله غالب المعيشة راهي غالية.. بصح المرا الي قاعدة في دارها هي الي تهتم بدارها وتكون قريبة لولادها بزاف باسكو يترباو قدام عينيها ...ماشي كيما لمرا الخدامة تخليهم عند الجوارين ولا منعرف وهكدا متعرفهمش قاع كي يترباو
خلاصة القول يماك راهي 100/100 يعطيها الصحة وربي يطول في عمرها ان شاء لله
يعطيك الصحة على الموضوع ​

 

[الورد الأحمر]

كوكو دَيْ عليك أنا جيــــــت
...
ايه يا الحاجة تاع ماكانش ظهرت فايقة وتفهم في الأصول
ويعجبوني انا لي ما يطيحوش بقدرهم شغل جونغ كيفي
مديينها في رواحهم خخخخخ، يعطيها الصحة الحاجة
قوللها قالتلك نور أنا أو نسلّم عليك وهاك بوسة عالجبين
احتراما وتقديرا لك، ومن عندي نمدلها ديبلوم تاع
الوعي الدنيوي ، راها جايبتها مليح ههههه
هيا مغسي ماكانش، مي راك هلكتنا بالمواضيع
عييتني كل مرة نرد عليك أووو بزاف
سلامو
​

 

[SAFA-94]

والله غير يماك عندها الحق .يااو راني حايرة في هديك المخلوقة يخي راها في جنازة ولا جاية تزوخ وتفوخ .ميرسي على الموضوع الزينون

 

[AnGeL*dZ]

تقآرنلي لمرا تاع الزمان
بلمرا تاع الطايوان
ماجياش خويا مكانشi-o:
​

 

[{مُدَلَّلَتُهُ}]

ya khouya el 7aja 3andha el 7a9 koun jit kifha ndor lhadik el mra nbahdelha 3la el hadra el zayda ( mais mzia ma dartelhach bach ma tal3elhach el niveau ) kayen chi 3ibad lah yehdihoum ydalou bara y7awsou w wladhoum haymine fi el chwara3 nhar li ydi3ou yghidhoum el 7al

Merci mawdo3ek hayel

 

[شيزوفرينيا]

تقآرنلي لمرا تاع الزمان

بلمرا تاع الطايوان
ماجياش خويا مكانشi-o:​

لوكان عرفت تربيها المرا تاع زمان ماتخرج الطفلة سلعة طايوان
​

 

[منال.48]

ماشي قاع الناس كيف كيف أنا يما خدامة وحنا الحمد لله قاع مسجمين مام خويا الكبير راه السنة 3 طب وأنا انشاء الله باغي نلحقو راني سنة ثانية ثانوي شعبة رياضيات وختي سنة فوتت سيزيام وخويا عند العام الجاي بيام وخويا قاع الصغير يقرا في 2 ابتدائي معناها حنا 5 ولاد الله يبارك ترابينا وقرينا كيما يلزم الحال والحمد لله

وشكرا على الطرح والله يبارك في الحاجة يماك

 

[AnGeL*dZ]

لوكان عرفت تربيها المرا تاع زمان ماتخرج الطفلة سلعة طايوان
​

الغلطـة مآهي في لمرآ تآع الزمآن
لغلـطة في الوقـت تآع دركا
وكـل وحدا قرات زوج حريفآت
تنسى مها اللي ربآت
وتقول بللي تآع بكري جآهلآت
وهما حرات وفحلات
هـي شقآت وعلآت
وتآع دركا صـح طآيوآن
وماشي كآمـــــل كآيـنة فئة لخيوبة والسيوبـة
ومن لفـوق ولادها ماتلتآش بيـهم
مانيش كونتر خدمـة لمرآ
بـــــــصـح كونــــتر لمرآ كي تعود زي لكرسي في الدآر
​

 

[adraa]

ههههههههههههه كيما العادة داايما متألق..
بصح سفيان خويا المرة الجاية اختصر على قدماه تقدر...
اني غلبانة و مانيش قادرة نقرا بزافف
ههههههههههههههه

اللي حابة نقولها انو امك العزيزة ربي يحفضهالك عندها الحق في وش قالت..
حنايا عندنا جارتنا خدامة على روحا و مدينين الله يبارك علكيف..
و كيما مها تخدم تدي بنتها ل لاكراش و وشمن كراش زعما توووب مودارن..
البنت الصغيرة الحلوة الامورة كل يوم تجيبلهم كلمة تشطح بيها مها و وجدها وااااااوو سبحان الله
تخليهم بلا راس...

سما الحاجة المليحة اللي لازم ديرها تخلي بنتها عندها و تضمن تربيتها خير من تتربى على ولاد الشوارع و....

وااو هادو بكل كتبتهم؟؟؟
انا نروح نريح مالا شوي ههههههههه

شكرااااا على الموضووع
​

 

[*ايمان*]

وعلاه حرمتنا من الملاحظة يا مكانش

ههههههههههه

احم احم

المهم

نرجعو للموضوع


نستعرف بالحاجة ديالك
عندها الحق
اغلب النسا اني نقول الاغلب
لانو كاين اقلية عرفت تربي
ولادهم
يخرجو طريق
وهذا دليل انو المرا تحكم مملكةدارها خير
وكفى
والخدمة يخلوها لرجالا
هاذي هي نورمالمو الفطرة اللي تخلقنا بيها
الا في حالة الاحتياج للعمل لان راتب الزوج لا يكفي ولا .......اكسترا

وهكذا نضربو عصفورين بحجر ونحلو معاها مشكلة البطالة في بلادنا

 

[ماكانش]

ههههههههه

لله يبارك على يماك فاهمة وقارية دنيا مليح ربي يخليهالك
اميييييييين الله يحفظك هههههه
كون غير جاوبتها كون شافتها كيفاش تولي دير تغلي في بلاصتها ماعلابالش واش حاسبين في رواحهم هههههه مين راهم مطيحين بناس بكري ...
هههههههه اواه يما ماطيحش بقدرها ههههه
يحسبو رواحهم فاهمين على ناس بكري
صح فاهمين على ناس بكري في لمناكر والفسق والتخيبيث ...
هي صح مليحة لمرا الي تخدم وانا مع المرا الي تخدم غير على جال الشهرية برك هههههه لله غالب المعيشة راهي غالية..
واحد ما ينكر الشهرية ومايحبش الدراهم ههههه بصح كيفاش راح تجيبهم ونتيجة الخدمة تاعها ؟؟؟
بصح المرا الي قاعدة في دارها هي الي تهتم بدارها وتكون قريبة لولادها بزاف باسكو يترباو قدام عينيها ...ماشي كيما لمرا الخدامة تخليهم عند الجوارين ولا منعرف وهكدا متعرفهمش قاع كي يترباو

وعلى هذي vيv لمرا ألي حاكمة دارها هههههه

خلاصة القول يماك راهي 100/100 يعطيها الصحة وربي يطول في عمرها ان شاء لله

يعطيك الصحة على الموضوع ​

امييييييييييييييييييييين الله يحفظك استرولا
راني غلط في الإسم ثاني هههه​

 

[ماكانش]

كوكو دَيْ عليك أنا جيــــــت

...
ايه يا الحاجة تاع ماكانش ظهرت فايقة وتفهم في الأصول
ويعجبوني انا لي ما يطيحوش بقدرهم شغل جونغ كيفي
مديينها في رواحهم خخخخخ، يعطيها الصحة الحاجة
قوللها قالتلك نور أنا أو نسلّم عليك وهاك بوسة عالجبين
احتراما وتقديرا لك، ومن عندي نمدلها ديبلوم تاع
الوعي الدنيوي ، راها جايبتها مليح ههههه
هيا مغسي ماكانش، مي راك هلكتنا بالمواضيع
عييتني كل مرة نرد عليك أووو بزاف
سلامو​

هههههههههه
أهلا نوغ الإلهام ....
ياني قتلك ونزيد نقلك اسمك مليح بزاااااف هههه
أتهلاي في عجوزتك مليح وقومي بيها
ههههههه
يما ساعات برك تجيها لفهامة هههه​

 

[ماكانش]

والله غير يماك عندها الحق .يااو راني حايرة في هديك المخلوقة يخي راها في جنازة ولا جاية تزوخ وتفوخ .ميرسي على الموضوع الزينون

يعطيك الصحة صفصوفة ...
اييييي اسكتي برك ، مايعرفو لا موت لا فرح
وين يتلمو النسا يبداو لحكايات وتبالي حتى الضحك فيها هههههه​

 

[يوسےفے]

سمحلي خوي ماكانش(سفيان) ما سبت ما نgول فل الموضوع تاعك ...التربيه ما ولاتش في قاريه و لا مشي قاريه..........الاخلاق قبل التعليم....التعليم وحده ما يفيد الوالو​

تحياتي
:re_gards::re_gards::re_gards::re_gards::re_gards::re_gards::re_gards:​

 

[الورد الأحمر]

هههههههههه
أهلا نوغ الإلهام ....
ياني قتلك ونزيد نقلك اسمك مليح بزاااااف هههه
أتهلاي في عجوزتك مليح وقومي بيها
ههههههه

يما ساعات برك تجيها لفهامة هههه​

وي اسمي مليح كيفي خخخخ
شوفولي العبد هذا احنا نشكرولو في ماماه
وهو يقول يما ساعات برك تجيها لفهامة:schmoll:
أواه ماماك توخدت كي جابت واحد كيفك
يعكس فيها في المنتدى هههه​

 

[ماكانش]

تقآرنلي لمرا تاع الزمان

بلمرا تاع الطايوان
ماجياش خويا مكانشi-o:​

ههههههههههه
طايوان ههههههههههههه قتلتني ضحك
اي ماكانش مقارنة ...
يعطيك الصحة ملاك ...​

 

[ماكانش]

ya khouya el 7aja 3andha el 7a9 koun jit kifha ndor lhadik el mra nbahdelha 3la el hadra el zayda ( mais mzia ma dartelhach bach ma tal3elhach el niveau ) kayen chi 3ibad lah yehdihoum ydalou bara y7awsou w wladhoum haymine fi el chwara3 nhar li ydi3ou yghidhoum el 7al

merci mawdo3ek hayel

يعطيك الصحة نور ...
ايه عندك حق كي قلتي هدرتها الزايدة
قالت عليهم جاهلين ؟؟؟ ايه جاهلين بحوايج الشر والخبث ألي راهم في الجيل هذا
اما الصح والله مانسبقوهم فيه ...
يعطيك الصحة نور​

 

[عفاف الجزائرية]

انا حسب رايي نفضل المرا نتاع بكري على المرا نتاع درك
بكرا كان الطفل كي تحكمو الحمى تنوض تديرلو نعناع بالقارص وتكمدلو بالماء الزهر الصباح يصبح بخير عليه
اما درك راها تمشي بالاسبيجيك
والترمومتر في فمو وفي كرشو وتحت ذراعو

بكري كانت المراة تبات ساهرة مع ولدها كي يكون عندو قراية حتى وماهيش فاهمة واش راه يقرى
مي تبات معاه مدايرتلو كوراج
اما درك
مطيشاتو في بيت وحدو وتقلو نوض تقرا
يدخل ويلقى النت والله يبارك يقرا قاية ماكانش كيفو
وخلي وخلي وخلي

انا بالنسبة ليا المراة قبل ما تتزوج مليحة ليها الخدمة تتول عمرها وتجهز روحها سيرتو في وقتنا هاذا
بعد ما تتزوج دارها وراجلها واولادها اولى من الخرجة

تقبل مروري خويا
​

 

[خفيف الروح]

المشكل ما هوش في الخدمة امتاع المراه اذا قدرت اتوفق

المشكل في العقلية امتاع المراه

اذا تحساب بلي الخدمة هي الكل

وتفرط في الكبيدات امتاعها

شكرا ماكانوش
​