قولولي شكون الي قاريا وفاهمة يما ولا هاذ المخلوقة ...

[ماكانش]

لي عودة للرد على ردودك الجميلة
راني تعبان بزاف درك

 

[شيزوفرينيا]

الغلطـة مآهي في لمرآ تآع الزمآن

لغلـطة في الوقـت تآع دركا
وكـل وحدا قرات زوج حريفآت
تنسى مها اللي ربآت
وتقول بللي تآع بكري جآهلآت
وهما حرات وفحلات
هـي شقآت وعلآت
وتآع دركا صـح طآيوآن
وماشي كآمـــــل كآيـنة فئة لخيوبة والسيوبـة
ومن لفـوق ولادها ماتلتآش بيـهم
مانيش كونتر خدمـة لمرآ
بـــــــصـح كونــــتر لمرآ كي تعود زي لكرسي في الدآر​

الوقت مكان مادخلو
نعيب زماننا والعيب فينا ...وما لزماننا عيب سوانا

من حقك تخدمي باسكو قريتي لكن مش من حقك باش تنسي بلي نت مرا ( تنسي واجباتك كا أنثى تجاه عايلتك والمجتمع ) وهد الجملة لي حطيتها بين قوسين شكون كفيل بتعليمها ليك منذ الصغر ؟؟ شكون لي يغرسها فيك منذ نعومة أظافرك ؟؟؟؟ أكيد ( الأم ) ربي يحفظها ويخليهالنا
يقولو ولدك وعلى واش طبعتو وبنتك وعلى واش قريتها يعني لازم دور الوالدين في تربية
تحياتي ليك AnGeL*dZ:smile:​

 

[M!ss_f@ti]

السلامـ عليكمـ ,,,

كيما يقول المثلـ " أعطيني واحد فاهم الله لا قرا " وكان لي يقول " أعطيني فاهم بوعزة والله لا ماركا"

يعني وحدة تلبس كوستيم وتهز معاها صاك وكرطابة وزوج كابات وتضل برا ادور ,, اييييييييه شوفي فلانة كي قرات الله يباركـ عليها علاه كي حالتنا نهار كامل بين 4 حيوطـ

....

المجتمع راهـ راح فيها ,, ويماكـ الله يباركـ عندها في الراس ربي يحفضها .. المرا القارية لي تقرا باش تعرف تربي ولادها ماشي لي تقرا باش تضل تطورق في الزنق زنقة زنقة بيت بيت ...

راني كثرت الهدرة ,,, المفيد أنو يماكـ عندها الحق و تستاهل فنجال قهوة ..

 

[معاك يا الخضراء]

سلامو عليكم

شوف سفيان مانيش مع المرا اللي تقعد فالدار ... خاطر حتى هي قرات و تعبت باه دير مستقبلها و تفرح والديها
وثاني مانيش مع المرا الهاملة 24 ساعة باسم مستقبلها و حياتها و تهمل دارها
طبعا اولادها و زوجها احلى حاجة فالكون عندها لازم تحرسهم و تحافظ عليهم و تلبيلهم طلباتهم و تكون دعم ليهم مش تزيد عليهم:shay:

كاين وقت واجب عالمراة تقعد تربي اطفالها و بلا مزيتها لانو هادي افضل خدمة تقدر ديرها
مش تبني فالمجتمع و مبعد تبعت مافيا و زاطالجية للمجتمع !!!!!

تعرف توفق برك و يكون عندها عقل
وان شالله تكون فاهمة كيما الست الوالدة ربي يحفظهالك :showoff:​

 

[ماكانش]

لوكان عرفت تربيها المرا تاع زمان ماتخرج الطفلة سلعة طايوان​

يعني حابة تقولي الغلطة من لمرا تاع زمان ؟؟؟​

ماشي قاع الناس كيف كيف أنا يما خدامة وحنا الحمد لله قاع مسجمين مام خويا الكبير راه السنة 3 طب وأنا انشاء الله باغي نلحقو راني سنة ثانية ثانوي شعبة رياضيات وختي سنة فوتت سيزيام وخويا عند العام الجاي بيام وخويا قاع الصغير يقرا في 2 ابتدائي معناها حنا 5 ولاد الله يبارك ترابينا وقرينا كيما يلزم الحال والحمد لله

وشكرا على الطرح والله يبارك في الحاجة يماك

يعطيك الصحة منال وربي يحفظلك يماك لعزيز ويحفظك خاوتك
صح ماشي كامل وعلى حسب التربية
ولكن الألغلبية في الجيل هذا انو ماشي قاريين ...
بصح غير ننصحك ماديريش طب راكي تحصلي وتكباري فيه
ديري حاجة خفيفة ومليحة فارماسي مثلا ...​

الغلطـة مآهي في لمرآ تآع الزمآن

لغلـطة في الوقـت تآع دركا
وكـل وحدا قرات زوج حريفآت
تنسى مها اللي ربآت
وتقول بللي تآع بكري جآهلآت
وهما حرات وفحلات
هـي شقآت وعلآت
وتآع دركا صـح طآيوآن
وماشي كآمـــــل كآيـنة فئة لخيوبة والسيوبـة
ومن لفـوق ولادها ماتلتآش بيـهم
مانيش كونتر خدمـة لمرآ
بـــــــصـح كونــــتر لمرآ كي تعود زي لكرسي في الدآر​

او ربي بارك على الهدرة الزينة ملاك ...
لازم لمرا تكون فحلة وتعرف تربي وتنظم وقتها
حتى اذا كانت مضطرة تخدم تقدر توفق بين الدار والخدمة
وانا كونتر الخدمة ..

ههههههههههههه كيما العادة داايما متألق..

بصح سفيان خويا المرة الجاية اختصر على قدماه تقدر...
اني غلبانة و مانيش قادرة نقرا بزافف
ههههههههههههههه​

اللي حابة نقولها انو امك العزيزة ربي يحفضهالك عندها الحق في وش قالت..
حنايا عندنا جارتنا خدامة على روحا و مدينين الله يبارك علكيف..
و كيما مها تخدم تدي بنتها ل لاكراش و وشمن كراش زعما توووب مودارن..
البنت الصغيرة الحلوة الامورة كل يوم تجيبلهم كلمة تشطح بيها مها و وجدها وااااااوو سبحان الله
تخليهم بلا راس...​

سما الحاجة المليحة اللي لازم ديرها تخلي بنتها عندها و تضمن تربيتها خير من تتربى على ولاد الشوارع و....​

وااو هادو بكل كتبتهم؟؟؟
انا نروح نريح مالا شوي ههههههههه​

شكرااااا على الموضووع​

هههههههههههه
اهلا عدرا
ربي يحفظك على المشاركة الباهية
ماعليهش حاولي اقراي سطر وسوطي زوج سطورة ههههه
شفتي كيفاش مادام متربيا البرا راح تهز عقلية وكلمات البرا
ولوكان كانت تحت يدين يماها راح تربيها كيما تحب ....
ايا ربي يرتحك عدرا ..

​

 

[ماكانش]

لي عودة للرد عليكم
فانا تعبان ...

 

[ملكة جمال اللمة]

عندك الصح

 

[شيزوفرينيا]

يعني حابة تقولي الغلطة من لمرا تاع زمان ؟؟؟​

[/center]

:sadwalk:لالا مشي هكا قصدي زيد قرا واش كتبت في الرد الزاوج تفهم
:re_gards:​

 

[ماكانش]

وعلاه حرمتنا من الملاحظة يا مكانش

ههههههههههه

احم احم

المهم

نرجعو للموضوع


نستعرف بالحاجة ديالك
عندها الحق
اغلب النسا اني نقول الاغلب
لانو كاين اقلية عرفت تربي
ولادهم
يخرجو طريق
وهذا دليل انو المرا تحكم مملكةدارها خير
وكفى
والخدمة يخلوها لرجالا
هاذي هي نورمالمو الفطرة اللي تخلقنا بيها
الا في حالة الاحتياج للعمل لان راتب الزوج لا يكفي ولا .......اكسترا

وهكذا نضربو عصفورين بحجر ونحلو معاها مشكلة البطالة في بلادنا

يعطيك الصحة ايمان
الملاحظة: لون خطك عماني هههههه
يعطيك الصحة ايمان كي نبهتي على أن الفطرة تاع المرأة تحكم دارها ...
وكيما قلتي الا اذا كانت مظطرة هذي حاجة باينة ومع ذلك تعرف كيفاش توفق بين دارها وخدمتها ...
​

 

[adraa]

هههههههههههه >> ربي يدوم الضحكة
اهلا عدرا >> بييك يسلمك
ربي يحفظك على المشاركة الباهية >> الله يعطيك الخيير و يزوجكi-o:
ماعليهش حاولي اقراي سطر وسوطي زوج سطورة ههههه >> لالا مانيش حابة نراطي الكلام الباهي ^^
شفتي كيفاش مادام متربيا البرا راح تهز عقلية وكلمات البرا
ولوكان كانت تحت يدين يماها راح تربيها كيما تحب ....>> اييه صح..ربي يكون فعونهم نشالله
ايا ربي يرتحك عدرا ..>> ربي يعييشك يريحنا اجمعيين

[/center]

:sheer::sheer:

 

[imaneBBA]

ناس بكري كانت فيهم النية:re_gards:
​

 

[ماكانش]

سمحلي خوي ماكانش(سفيان) ما سبت ما نgول فل الموضوع تاعك ...التربيه ما ولاتش في قاريه و لا مشي قاريه..........الاخلاق قبل التعليم....التعليم وحده ما يفيد الوالو

تحياتي​

:re_gards::re_gards::re_gards::re_gards::re_gards::re_gards::re_gards:

أهلا بيك خويا يوسف
صح المشكل ماشي في لقرايا المشكل في التربية
تاع بكري قايمين وقراب من ولادهم ماكانوش يطيشوهم في لكراش ...​

انا حسب رايي نفضل المرا نتاع بكري على المرا نتاع درك

بكرا كان الطفل كي تحكمو الحمى تنوض تديرلو نعناع بالقارص وتكمدلو بالماء الزهر الصباح يصبح بخير عليه
اما درك راها تمشي بالاسبيجيك
والترمومتر في فمو وفي كرشو وتحت ذراعو​

بكري كانت المراة تبات ساهرة مع ولدها كي يكون عندو قراية حتى وماهيش فاهمة واش راه يقرى
مي تبات معاه مدايرتلو كوراج
اما درك
مطيشاتو في بيت وحدو وتقلو نوض تقرا
يدخل ويلقى النت والله يبارك يقرا قاية ماكانش كيفو
وخلي وخلي وخلي​

انا بالنسبة ليا المراة قبل ما تتزوج مليحة ليها الخدمة تتول عمرها وتجهز روحها سيرتو في وقتنا هاذا
بعد ما تتزوج دارها وراجلها واولادها اولى من الخرجة​

تقبل مروري خويا​

يعطيك الصحة عفاف
ربي بارك رايك مليح بزااااااف وهوا نفس رايي
بصح كي حكيتي هكذاك سخفت على مرا تكون فيها هاذ الصفات
بصح وين راهي الي كيما وصفتيها
ربي جيب الخير يعطيك الصحة ...

المشكل ما هوش في الخدمة امتاع المراه اذا قدرت اتوفق​

المشكل في العقلية امتاع المراه​

اذا تحساب بلي الخدمة هي الكل​

وتفرط في الكبيدات امتاعها​

شكرا ماكانوش​

اهلا بيك خفيف الروح
يعطيك الصحة
بصح كي تكون مضطرة للخدمة
لأنو مهما تكون تخدم راح تضيع ولادها وتقصر في حقهم ...
​

 

[اسماء16]

ه ولله غير وحدك انت هدوما المواضيع مين راك جيب فيهم
يماك bien sur على حق لخاطر ناس بكري رباو وكبرو ووفرو كامل واش يقدرو للولدهم
ومكاش دراهم بززاف الي يفسدو طبايع اما تاع دوكا ربي يجيب لخير مكاين والووو راس حابس ولجيب معمر مساج با الفرنسي ميعرفوش يكتبوه ويزيدو يتنفخو علينا خلينا نبات نحكي منفرغش قلبي
​

 

[منايا الجنة]

والدتك الغالية ربي يحفظهالك و يطول في عمرها عندها الحق خويا
بارك الله فيك

 

[إيمان قلب]

اولا ربي يخليلك يماك خويا (سمعتهم يقولولك سفيان ) هههه
ويماك عندها الصح تاع الصح هذه بديهية ورانى نشوفو دوكا فالذراري والتربية اللي فيها
بلاك كاين اللي ماتعرفش ولا مايعرفش ولدو واش من سنة راه يقرى من كثر ماهم مطيشينو
فمابالك الطفل في سنو الصغير يحتاج لوالديه لا لجداتو ولا لكراش تربيه
انا مع فكرة المرأة تقرا وتفهم وحتى تخدم ... مي المرأة نهار يكونوا عندها ولادها أولادها أولى بيها
كاينة تقولك انا قضيت عمري فالقراية وفالتالي مانخدمش وهذه غلطة لخاطر المرأة ماشي تقرا غير علجال الخدمة قادرة قرايتها هذيك تستعملها في تربيتها لولادها
صحيت خويا على الموضوع وبلغ سلامنا للوالدة الله يحفظها

 

[ماكانش]

الوقت مكان مادخلو

نعيب زماننا والعيب فينا ...وما لزماننا عيب سوانا ​

من حقك تخدمي باسكو قريتي لكن مش من حقك باش تنسي بلي نت مرا ( تنسي واجباتك كا أنثى تجاه عايلتك والمجتمع ) وهد الجملة لي حطيتها بين قوسين شكون كفيل بتعليمها ليك منذ الصغر ؟؟ شكون لي يغرسها فيك منذ نعومة أظافرك ؟؟؟؟ أكيد ( الأم ) ربي يحفظها ويخليهالنا
يقولو ولدك وعلى واش طبعتو وبنتك وعلى واش قريتها يعني لازم دور الوالدين في تربية​

تحياتي ليك angel*dz:smile:

يعطيك الصحة شيز ... ماقدرتش ننطقو هههه
البنت تتعلم من عند الأم، تتعلم الحشمة تتعلم الأنوثة تتعلم تكون مرا
هذا هوا الرسمي ... اذا تعلمت هذو خلاص ماشي لازم تتعلم الفيزيا والرياضيات ...
​

السلامـ عليكمـ ,,,

كيما يقول المثلـ " أعطيني واحد فاهم الله لا قرا " وكان لي يقول " أعطيني فاهم بوعزة والله لا ماركا"

يعني وحدة تلبس كوستيم وتهز معاها صاك وكرطابة وزوج كابات وتضل برا ادور ,, اييييييييه شوفي فلانة كي قرات الله يباركـ عليها علاه كي حالتنا نهار كامل بين 4 حيوطـ

....

المجتمع راهـ راح فيها ,, ويماكـ الله يباركـ عندها في الراس ربي يحفضها .. المرا القارية لي تقرا باش تعرف تربي ولادها ماشي لي تقرا باش تضل تطورق في الزنق زنقة زنقة بيت بيت ...

راني كثرت الهدرة ,,, المفيد أنو يماكـ عندها الحق و تستاهل فنجال قهوة ..

هههه
يعطيك الصحة ندى الريحان ...
واش نكرهم هذوك النسا الهاملات ألي استرجلو وديما لبرا
من جرتهم كرهت لمرا الخدامة ...
احكمي دارك وربي ولدك
بصح مابيهمش يخدمو بيهم باش يخرجو ويلقاو رايهم وراك عارفة ...
ايا هاتي كاس تاي مليح ...
​

سلامو عليكم

شوف سفيان مانيش مع المرا اللي تقعد فالدار ... خاطر حتى هي قرات و تعبت باه دير مستقبلها و تفرح والديها

وعليكم السلام
أهلا رمرومة
مارانيش معاك احم احم
واش تعبت هذا ليسونس تعبت ؟؟؟؟ رانا قرينا وراك قريتي وعلابالك كيفاش يجي ليسونس ...

وثاني مانيش مع المرا الهاملة 24 ساعة باسم مستقبلها و حياتها و تهمل دارها
طبعا اولادها و زوجها احلى حاجة فالكون عندها لازم تحرسهم و تحافظ عليهم و تلبيلهم طلباتهم و تكون دعم ليهم مش تزيد عليهم:shay:

احم احم احلى حاجة في الكون مممممم قاستني هذي ههه
بصح يا رمرومة شكون ألي تخمم هكذا ...
​

كاين وقت واجب عالمراة تقعد تربي اطفالها و بلا مزيتها لانو هادي افضل خدمة تقدر ديرها
مش تبني فالمجتمع و مبعد تبعت مافيا و زاطالجية للمجتمع !!!!!​

تعرف توفق برك و يكون عندها عقل
وان شالله تكون فاهمة كيما الست الوالدة ربي يحفظهالك :showoff:​

يعطيك الصحة رمرومة على لكلام لمليح
بصح شكون تفهم هكذا
ماكانش قد لمرا تحكم دارها وتربي ولادها وتتهلا في راجلها ...
تخدم اذا اضطرت وقليل وين تضطر ...​

عندك الصح

يعطيك الصحة ..​

ناس بكري كانت فيهم النية:re_gards:
​

هذيك هيا المفيد ....

​

 

[ماكانش]

ه ولله غير وحدك انت هدوما المواضيع مين راك جيب فيهم

يماك bien sur على حق لخاطر ناس بكري رباو وكبرو ووفرو كامل واش يقدرو للولدهم
ومكاش دراهم بززاف الي يفسدو طبايع اما تاع دوكا ربي يجيب لخير مكاين والووو راس حابس ولجيب معمر مساج با الفرنسي ميعرفوش يكتبوه ويزيدو يتنفخو علينا خلينا نبات نحكي منفرغش قلبي ​

أهلا بيك أسماء
نورتي الموضوع ...
صح كيما قلتي ناس بكري وفرو كلش لولادهم على قدر واش يقدرو
وأفضل ما وفروه هو التربية لمليحة
ماشي المشكل في المادة المشكل كيفاش تربي ولدك وتكون قريب ليه ...
اما الجهل والزوخ اي غير نسكتو خير
ماكان والو جاهلين كيما قلتي وراح يطيرو
اكره حاجة عندي كي نشوف واحد ولا وحدة لا مستوى ولا تربية ونافخين رواحهم اف نسكتو خير كيما قلتي
يعطيك الصحة اسما ...
​

والدتك الغالية ربي يحفظهالك و يطول في عمرها عندها الحق خويا
بارك الله فيك

امييييييييين نبع الحنان
يعطيك الصحة وربي يحفظك​

اولا ربي يخليلك يماك خويا (سمعتهم يقولولك سفيان ) هههه
ويماك عندها الصح تاع الصح هذه بديهية ورانى نشوفو دوكا فالذراري والتربية اللي فيها
بلاك كاين اللي ماتعرفش ولا مايعرفش ولدو واش من سنة راه يقرى من كثر ماهم مطيشينو
فمابالك الطفل في سنو الصغير يحتاج لوالديه لا لجداتو ولا لكراش تربيه
انا مع فكرة المرأة تقرا وتفهم وحتى تخدم ... مي المرأة نهار يكونوا عندها ولادها أولادها أولى بيها
كاينة تقولك انا قضيت عمري فالقراية وفالتالي مانخدمش وهذه غلطة لخاطر المرأة ماشي تقرا غير علجال الخدمة قادرة قرايتها هذيك تستعملها في تربيتها لولادها
صحيت خويا على الموضوع وبلغ سلامنا للوالدة الله يحفظها

هههههههههه
امييييييين
راهي تسال عليك ههههه
يعطيك الصحة على الهدرة الزينة
هكذا كنت نقوللهم ماشي لازم بقرايتها تخدم، قرات تنفع ولادها تقدر تفهم وتفهم
ألي قرات ماشي كلي ماقراتش هذي حاجة باينة
وثاني نقلهم ليسونس ماشي قرايا بالنسبة ليا حتى الوحدة تهز روحها بيها وتقلك قريت ؟؟؟
يعطيك الصحة ايمان ...​

 

[DARINE05]

ههههههههههههه الحاجة نتاعكم وحدها يا سفيان هههههه

 

[ماكانش]

ههههههههههههه الحاجة نتاعكم وحدها يا سفيان هههههه

يعطيك الصحة دارين
خاصها تخطبلي برك تولي مليحة هههههههه

 

[*ايمان*]

يعطيك الصحة ايمان
الله يسلمك
الملاحظة: لون خطك عماني هههههه

ملاحظة هذا دليل على انو قوة نظري اقوى من قوة نظرك انا نشوفو نورمال لازم تاكل الجزر لتقوي بصرك خويا مكانش
يعطيك الصحة ايمان كي نبهتي على أن الفطرة تاع المرأة تحكم دارها ...
وكيما قلتي الا اذا كانت مظطرة هذي حاجة باينة ومع ذلك تعرف كيفاش توفق بين دارها وخدمتها ...
​

مليح كي وافقتني في الراي

ملاحظة مواضيعك هايلة خويا مكانش وهادفة ربي يخليك للمة

ونحي كلمة قرب الرحيل من المنتدى
ماناش حابين نخسروك
​