واش ندير لعقليتي و عقلية ماما و بابا

[Nina's]

_o:السلام عليكم
توحشتكم بزاااااااااف :showoff:
المهم ليوم حبيت نفرغ واش كاين في قلبي
يااو غير الضحكة لي تخبي واش كاين عندنا في اليسار
انا حكايتي هي انو دارنا مازالو دايريني صغييييييرة صح مازالني صغيرة مي شوية ماشي معنتها راني نرضع في صبعي
راهم مدايريني مازال ما حبيتش و مازال ماراني دايرة في مخي والو
واش هذا الحال صح يخافو عليا بصح ماشي لدرجة ما يخوليونيش نخرج ولا نهدر وحدي في التيليفون ولا حتى زيارة خفيفة لحباباتي
و زيد درت هدة في حياتي و هي اني حبيت واحد صح يقول يحبني و كذا مي مارانيش دايرة فيه كونفيونس
علاش؟؟؟؟؟؟؟؟
و يبقى السؤال مطروحا
اذا قالي نحبك نقولو ماكانش منها
و اذا ما قليش نتقلق و نقول خلاص عليا
حبيت شحال من خطرة نبدل عقليتي مي والو
و الباقي عند ربي يبقى مخبي خييييييييييييييييييييييييير
(كنت مزروبة و ما قدرتش نكتب الموضوع مليح )
اختكم لي في قلب ذاك المنحوس
عنتر​

 

[هآجر]

السلام عليكم

اختي

على بالك اكيد بعد الرد نتاعي راح تقولي عليا معقدة ولكن هكذا تربية وهذا هو ديني والحمد الله الدين عامل كل قاعدة وعندها حكمة

والديكم عندهم حق وهكذا والديا اديرولي مع اني عمري 24 سنة ونتع زواج ولكن من شدتانهم يخافوا علينا وعلى صمعتنا يدرو هكذا والزواج يروح ولا يجي مكتوب رب العالمين ويوجد اسابا للزواج معدى العلاقة المحرمة مع اجنبي عنك
كثرت الكوارث نتع العلاقات المحرمة والسبب انهم عافسين على وش قال الاسلام في هذاالخصوص ...والله مستعان

وننصحك نصيحة على وجه ربي وفي خاطر والديك الي حاطين فيك ثيقة اخطيك من العلاقة خارج اطار الرسمي تصوري لوكان يفيق بك باباك راح يتحطم اكيد خاطر حاط فيك ثيقة ويقول بنتي اكيد مديرش علاقات كما هذي مشبوهة
زيد راك قادرة تفرضي رايك على السيد الى تخرجي معاه وتقوليلوا بلي العلاقة هذي مهيش مليحة وحرام وفيها ذنوب يا تجي تخطبني ولا اخطيني اكيد راح يقلك وش راك تحكمي فيا .....عندك هنا راهوا يلعبها فايق بش انت تولي كماالخاتم في صبعوا وتقبلي بالامر الواقع كما صارت للوحدة صحبتي مسكينة حتان جابتها في صحتها

اسمحلي طولت عليك

المهم نصحتك وريتلك الطريق الصح باذن الله يكون صح وياريت متقلقيش مني راني غير للمصلحتك منقدرش نشوف بنت في ربيع عمرها ضيع حياتها في جرت علاقة محرمة قادرة تحطم اسرة كاملة واتفكر ديما والديك الي رباوك وتعبوا عليك

سلمي على والديك لعزاز وربي يعيشهملك

وعليكم السلام​

 

[Nina's]

ميرسي ختيتي مي علابالك بلي راني في سن الورود

و حابة نعيش حياتي كيما كامل الغاشي و البنات​

 

[اسماء16]

انا نضن راكي 21 سنة راكي كبيرة لوكان يجي واحد يخطبك يزوجوك صح ولالا
هما صح يخافو عليك ويحبوك وديري في بالاك حاجة ختي طفلة تكبر ولا تولي عجوز تبقى في عين باباها ويماها طفلة صغيرة هدا ديها من عندي
وعلى الحب هدا شيء عادي في هدا الوقت بكري ناس كانو يخبوه مي دوكا ولة نورمال حبي وتحبي وربي مفيه غير الخير
عندك حاجة الحب له حدود انا احب الحب ان يكون نقي خالي من شبوهات حتى تستطيعو ان تكملو طريق
ويتوج بزواج
وراكي كبيرة ختي في اعين ناس يعني تعرفي بززاف حوايج الملاح ولقباح هكدا حنونة ولا راني غالطة
عفوا على الاطالة اتمنى لكي دوام الصحة والعافية
​

 

[أبو أميمة الجزائري]

السّلام عليكم ورحمة الله

أردت أن أعقب على موضوعك وإن شاء الله
تستفيدي مما يقوله إخوانك وأخواتك .....

إعلمي أختي الكريمة وهاذي نصيحة وقاعدة أساسية
في الحياة أنا أعمل بها .....
ليكن في علمك أنه لا يوجد مخلوق على وجه الأرض
مهما أظهر لك من درجة اهتمام أو محبة
فإنها لا تكون ولن تكون مثل عناية الوالدين بك
ومحبتهما لك وإشفاقهما عليك وخوفهما على حياتك ..
سواء كان هذا المخلوق أخا أو أختا أو صديقة أو زوجا
الجميع الجميع في مرمى واحد وفي سلة واحدة ....
الجميع يبحث عن مصلحته إلا أمك إلا أباك فهم من يبحثون عنك ...
لا لشي سوى أنك فلذة كبدهم
فإذا كانت الحالة مثل ما ذكرت لك فنظرتك
لهم ترجع إليك بعد كل شيئ ...
​

 

[Nina's]

ميرسي عليك ختيتي من فمك لربي

 

[ملكة جمال اللمة]

حتى انا راني كيفك مي والدينا يخافو علينا علبيها يديرولنا هاكدا متقلقيش روحك حنونة​

 

[Jeune Sghir Mc]

ديري واش كاين في بالك وخلاص
وأنا مانقدرش نرد عليك لأني رديت على وحدة
من قبلك وفهمتني غلاط
​

 

[♥SaMoù Là MoDèsTe♥]

وآلـديكـ يخـآفو عليكـ برك ، مـآ تلوميهمش
ومــآ تصدقيش أي كلمــة تجيكـ

وخلي مهمـة التصديق للوقت هو اللي يبـين
​

 

[SAFA-94]

انا نشوف بلي والديك عندهم الحق .الي حبك يجيك ديراكت يخطبك من داركم

 

[roudi92]

رانا في الهوا سوا

 

[Nina's]

لالا ما فهمتوش العضوية هذي كانت تاع حتي و هي لي عمرها 21 سنة
بصح انا صغيرة عليها و في عمري 15 سنة

 

[star boky]

اذ كان تحبيه ويحبك صح قلو يجي يخطبك ديركت

 

[يوسےفے]

انا نظن بلي سن المراهقه صعيب بزاف و الواحد في هذا السن يبغي يدير كلشي ,الشباب ما نخافوش عليهم مي لبنات كيما يقولو سمعة البيت ,على هذا الاب ولا الام تخاف على بنتها وتحاول تعلمها ف هذا السن الي بنت تبغي لا ليبارتي بزاف تبغي تزها تبغي تحوس مع حباباتها, ان نقولك ما تشوفيش لبنات لخرين الي عندهم الحريه الكامله من عند والديهم انا هاذوك ما نظمنهمش ...الله يستر في هذا الزمان....ديري واش يقولك باباك ويماك هوما عارفين صلاحك ....,,,ان شاء الله ما تفهمينيش غالط ,,,,الله يسهل اختي الكريمه​

تحياتي​

:re_gards::re_gards::re_gards::re_gards::re_gards::re_gards::re_gards:​

 

[Nina's]

انا نظن بلي سن المراهقه صعيب بزاف و الواحد في هذا السن يبغي يدير كلشي ,الشباب ما نخافوش عليهم مي لبنات كيما يقولو سمعة البيت ,على هذا الاب ولا الام تخاف على بنتها وتحاول تعلمها ف هذا السن الي بنت تبغي لا ليبارتي بزاف تبغي تزها تبغي تحوس مع حباباتها, ان نقولك ما تشوفيش لبنات لخرين الي عندهم الحريه الكامله من عند والديهم انا هاذوك ما نظمنهمش ...الله يستر في هذا الزمان....ديري واش يقولك باباك ويماك هوما عارفين صلاحك ....,,,ان شاء الله ما تفهمينيش غالط ,,,,الله يسهل اختي الكريمه​

تحياتي

:re_gards::re_gards::re_gards::re_gards::re_gards::re_gards::re_gards:​

ميرسي اخي على الاهتمام و نظن انو عندكم الحق ​

 

[برنســ اللمة ـيسة]

سلامو
يا عاشقة عشيقي
ماعليش
شوفي رانا كامل كيف كيف
دركا الطفلة مهما تكبار راح تبقى صغيرة في عين ماماها و باباها
حنا تاني رانا كيفك مي واش راح نديرو هادو هوما الوالدي
ايا في امان الله و ربي يعينك اختي​

 

[Elif DZ]

السلام عليكم
ماكانش اللي يحبك خير أكثر من والديك من غير الله يا أختي

حتى أنا لا أخرج من البيت مثلك بل ربما أكثر عدا للأمور المهمة
أو ما عُرف طبيعة الغرض منه كالدراسة و زيارة الأقارب و ما إلى ذلك
و تعودت على هذا فهذا أحفظ لعرضي و لكرامتي و الناس في هاته الأيام لا ترحم
فبالله عليك قولي لي ما هي نظرتك لتلك الفتاة التي صبح مساء و هي هاني رايحة لفلانة هاني حابة نشوف فلتانة
و راكي عارفة
صح قد لا تصلين لتلك المرحلة و صحيح أن التشدد القاسي ليس بالأمر الحسن
فخير الأمور أوسطها
و لن تموتي إذا ما اطلعو على ما تعملين !! فليس لديك ما تخفينه
العني الشيطان فبهذه الأبواب يشرع في الوسوسة

و بارك الله فيكـ و أعانكـ
​

 

[هآجر]

السلام عليكم

اختي في قلب عنتر

معباليش وش هو السن نتاعك الحقيقي ولا يهم

ولكن الرد نتاعك عليا بلي راك صغيرة وحابة تعيشي حياتك سامحني اختي صمعت الطفلة لا راحت مترجعش مهما يديري يا اختاه في الله
اتق الله في نفسك وصوني نفسك مكانش حاجة اغلى من الصمعة والي ينصحك بلي الحب نورمال والعلاقة قبل الزواج نورمال مع احترماتي لهم راهم غالطين وهذا التفكير علماني وضد الدين نتعنا

ربي يهدكم هذا ما نقول

ربي هو الكفيل بهدايةالعابد وما نحن الا سبب فقط

اخر مشاركة في الموضوع هذا خاطر رسوكم خشينة ومكمش حابين تفهموا بلي العلاقة قبل الزواج حراااااااااااااااام بالاجماع ومفهمتش وعلالالالالالالالالالالالالاش​

وعليكم السلام

 

[شجـ الروح ـون]

ماتحيريش روحك حبيبتي
مهما كان والدينا مانعرفوش خير منهم
راهم عاشو قبلنا وشافو
ممانجوش احنا ولاد البارح نعيبو فيهم
انا تان حبيبتي
والديا دايرنلي كيفك واكثر
انا عندي 20 عام وفات عليا وقت قلقت كيفك
لكن صدقيتي راح تعرفي علاش كانو يديرو هك
وراح تشكريهم لانهم كانو يحافظو عليك
كبري بالك حبيبتي
وديري عقلك في راسك
والواحد ما يدي غير مكتوبو

سلامي ليك اختي​

 

[امين 22]

ديري واش كاين في بالك وخلاص
وأنا مانقدرش نرد عليك لأني رديت على وحدة
من قبلك وفهمتني غلاط

ههههههههههههههههههههههههههه
هههههههههههههههههههههههههه
ههههههههههههههههه


مكانش دير حاجة في بالها كاين والديها ولا لالا .

ملا اختي ولا تقل لهما افن ولا تنهرهماا

ملا طاعة الوالدين هيا اهم من الحب ولبرطابل اختي ممكن تدي بناصيحة نتاعي

وحاولي متخلهمش يشوفو فيك ماشي مداير بلكلمة نتاعهم وربي يفرج ويقد الخير ان شاء الله