دبرو عليا خاوتي واش ندير ...........

[asma2090]

السلام حنونتي

انا خويتي رايي من راي الزملاء لي ردولك من قبل ما تزيديش تخرجي معاه لا تيليفون حتى يبين نيتو لا جاك للدار و هذيك لي بغيناهالك اللهم بارك حتى انت تسامحيه ما كانش لي ما يغلطش واذا غير لا سمح الله رجع يقصر فوتيه مازلتي غزالة
ربي يسهلك و يقدملك لي فيه الخير

سلفا​

ولله كلامك صح وصدقتي في كلامك وانا رايحة ندير بواش تقولولي لان رايكم هو الصح ومشورة حبيبتي ربي يهنيك حنونة

 

[sleepingbeauty]

و الله اختي نستعرف بيك قبلتي بيه رغم ان حالته متواضعة انا نعرف بزاف بنات كانوا يحبوا واحد كيما قلتي لدرجة الجنون و امبعد بمجرد ما يتقدملهم واحد لاباس بيه يقبلوا و يبيعوا هاداك اللي حبوه
و الحاجة المليحة تاني ان اهلك قابلين و ما صعبوهالكمش يعني راكي احسن من غيرك بزاف
و هو اضن انه فعل ما فعل في الاول لانه ارادك ان تكوني سعيدة و احس انه رايح يغبنك معه فلهاذا تركك يعني من شدة حبه لك و هادي حاجة مليحة
ماعليش اختي سامحيه المسامح كريم و هو باين بلي يحبك بزاف و انت قلتي بلي هو اهل للثقة و ربي يوفقكم مع بعض ان شاء الله
و ما تنسايش صلاة الاستخارة
​

 

[ميرهان]

انا ندبر عليك حنونة مترجعيلوش و ديري طريقك بعيد عليه و لازم تلقاي لترتاحيلوا لان هذا مادام سمح فيك خطرة راهوا قادر يزيد يسمح فيك ذالة خلاف نقولك حاجة حبيبتي ان الله من رحمته منحنا نعمة النسيان فلملمي جروحكي و ابتعدي عنه
ارجو من الله ان ينير لك طريقك و اتمنى ان تجدي ابن الحلال لي يستهلك

 

[مروة]

ارجعيلو وخلاص ادا مازلت تحبيه وعلاه راح تخليه
بارك الله فيك
ربي يهنيك

 

[دمعة حزن من قلبي]

أختي هاذا باين عليه يحبك

والموقف لي اتخذوا كان من شدة حبو ليك


المهم انتي كبري قلبك واعطيه فرصة ثانية

راكي تحبيه وهو يحبك

راح يعوض عليك كل لي فات ان شاء الله


لكن ماتخرجيش معاه وخليه يجي للدار يقرا عليك الفاتحة ويتزوج بيك


وراح يكمل كلش ان شاء الله وتعيشو في سعادة​

 

[*amina*]

سامحيه مكاش كيما لي يسامح هو في الاول خمم فيك خاطرش خاف روحو ميكفيكش خاطرش هو زوالي وانت عايشة لاباس انساي اختي وسامحيه ونتمنالك الحياة السعيدة والهنا ان شاء الله