علاش المجتمع نتاعنا عندو عقدة من psichologue

[Estrella]

الله غالب في هذا الوقت لازم كل واحد لازمه طبيب نفساني في هذا الوقت والتخلف خلانا روطار ونفهموه تاع هبال وغيره

ولله صح ...غير حنا الي دايرينو نتاع مهابل ..كون نشوفو الدول وحدوخرى عادي بلبزاااف
مي واش رايحة الديري كيما قلتي التخلف
يعطيك الصحة على الرد...تحياااااتي ​

 

[somi]

نتوما واش رايكم فالشي الي قلتو؟؟؟؟؟

أكلام زين وما أعليه حتى غبار يا اختي الله غالب مجتمع يالا طيف موضوع روعة يستحق الشكر

 

[Estrella]

أكلام زين وما أعليه حتى غبار يا اختي الله غالب مجتمع يالا طيف موضوع روعة يستحق الشكر

مرورك هو الروووووووووووووعة شكرااااااااا لكي

 

[Estrella]

كل الشكر لكل من مر من هنا ​

 

[NeيRسNe]

مايبغوش يرحو عند البسيكولوغ خاطرش خاصهم بسيكولوغ
شكراا اختي على الموضوع
​

 

[sahiko hamza]

وعليكم السلام ورمة الله
الله يسترك على الموضوع لمليح

بون علابالك الطبيب النفساني خرج وليد عمي من تمهبيلة
كان شويا هك ويخرج من عقلو مي شويا شويا حتان رجعو لطريق ...

هذي حالة من الحالات
انا كون نحس بروحي مش نورمالو الله نروحلو .....
​

 

[DARINE05]

sah mouchtm3 t3na ma3ndouche had takfa

 

[zahya]

يا عزيزتي استيرلا لي هبل ومشى عقلو راه رتاح وتهنى
مايروح لا بسيكلوغ .يستغل الفرصة ويدير واش يحب في عباد الله... يضرب منا ويكسر منا مكان لي يقوله لا.لا
تشبعي برك من مسكين شوف الدنيا وين وصلاته
الحصلة لي يقعد معلق ماهو براسه وعقله وماهو مهبول وراحة البال.....
مجتمعنا مزال ماشفت فيه حاجة نورمال ... الى تزوجتي بكري ماهيش نورمال ....الى ماتزوجتيش وبرتي ماهيش نورمال ..
الى قريتي ووصلتي ماهيش نورمال... والى ما قرييتيش ماهيش نورمال .... والى جبتي دراري بزاف ماهيش نورمال والى كنتي عاقرة ماهيش نورمال....................الخ
كلش ماهو نورمال
كاش نهار انتي شفتي حاجة نورمال
الكل يتفهم بالعكس​

 

[مروة 95]

و الله عندك الحق تقولي عندهم عقـــــدة
مي كاين المتفتح و يروح عندو مي وش يلقا المشكل تاعوزيد تفاقم
وهدا يقول لهاداك
مالا خليني في داري نحل مشاكلي وحدي هادا هو لي دار العقدة

 

[Estrella]

مايبغوش يرحو عند البسيكولوغ خاطرش خاصهم بسيكولوغ

شكراا اختي على الموضوع​

شااااااابة هادي ههههه
يعطيك الصحة على المرور الكريم​

 

[Estrella]

وعليكم السلام ورحمة الله

الله يسترك على الموضوع لمليح
امين خويا ..مارسي ​

بون علابالك الطبيب النفساني خرج وليد عمي من تمهبيلة
كان شويا هك ويخرج من عقلو مي شويا شويا حتان رجعو لطريق ...
الحمدلله كي شفاه ربي
والحمدلله على نعمة العقل ​

هذي حالة من الحالات
انا كون نحس بروحي مش نورمالو الله نروحلو .....
ايه نورمال واش فيها
ماشي قاع الي يروح لعند لبسيكو مهبول ​

شكرا جزيلا على مرورك الرائع ​

 

[Estrella]

sah mouchtm3
ma3ndouche had takfa

ايييييييييه علابيها قعادنا توالا
مارسي ختي على الرد و المرور​

 

[Estrella]

يا عزيزتي استيرلا لي هبل ومشى عقلو راه رتاح وتهنى

مايروح لا بسيكلوغ .يستغل الفرصة ويدير واش يحب في عباد الله... يضرب منا ويكسر منا مكان لي يقوله لا.لا
تشبعي برك من مسكين شوف الدنيا وين وصلاته
الحصلة لي يقعد معلق ماهو براسه وعقله وماهو مهبول وراحة البال.....
مجتمعنا مزال ماشفت فيه حاجة نورمال ... الى تزوجتي بكري ماهيش نورمال ....الى ماتزوجتيش وبرتي ماهيش نورمال ..
الى قريتي ووصلتي ماهيش نورمال... والى ما قرييتيش ماهيش نورمال .... والى جبتي دراري بزاف ماهيش نورمال والى كنتي عاقرة ماهيش نورمال....................الخ
كلش ماهو نورمال
كاش نهار انتي شفتي حاجة نورمال

الكل يتفهم بالعكس​

ولله كلامك صحيح 100/100 يعطيك الصحة
وكيما قلتي جامي نلقو حاجة نورمال في بلادنا هههه
ربي يحفظك ختي زهية​

 

[Estrella]

و الله عندك الحق تقولي عندهم عقـــــدة
مي كاين المتفتح و يروح عندو مي وش يلقا المشكل تاعوزيد تفاقم
وهدا يقول لهاداك
مالا خليني في داري نحل مشاكلي وحدي هادا هو لي دار العقدة

ماشي دايمن كاين الي يصيبو راحتو عندو
مهما كان هادا طبيب و قاري خدمتو
ماشي روح وداوي الناس
وكيما قلتي الناس الي متفتحة برك تروحلو اما
الفئة الاخرى قاع يقولولو الطبيب نتاع المهابل ههه
مرورك اسعدني اختي مروة...​

 

[Estrella]

أنا في رأيي المجتمع ديالنا مازال ماوصلش به الثقة فالأخصائيين النفسانيين مازال بعيد شوفلو عشرية كاملة.

وفي رأيي يكون عندي مشكل ولا تضيق بيا نروح عند واحد قريب ليا وما نروحش عند أخصائي نفساني .
علاه عندي جارتي أخصائية نفسانية تخدم فلوبيتال المهم يجيوها ناس وعلى العموم الأغلبية البنات لي في فترة المراهقة وإما النساء لي عندهم مشاكل .
وللأسف لي تخرج من عندها تفضحها سواءا فلوبيتال ولا عند الجيران _فلانة وفيها وعندها مشكل ودارت كذا -ماعلا بلهاش بلي راه حرام عليها أول حاجة راهي أؤتمنت على سر وزيد مهنتها ماتسمحلهاش هكذا .
أنا وحدة كي نشوف وحدة فالمجال هذا دارت هكذا نرفد نظرة سلبية عليهم كل .نقلك مازال المجتمع ديالنا مطورش باش يوصل لي ترمي ليه نتيا
وفي الأخير أنا عن نفسي مانروحش عند أخصائيين نفسانين.

دمتي​

المشكل راه فالطبيبة لانها محتارمتش مهنتها بدليل انها فضحت المريضة نتاعها
وعندك الحق كي تدي نظرية ماشي مليحة ..بصح هدا راه رايح يضر الطبيبة
وحتا واحد مراه رايح يدير الثقة فيها فالمستقبل
اما بالنسبة لروحة عند لبسيكو كل واااااحد وكيفاش يشوفها
مشكورة اختي على الرد​

 

[الجريئة]

الي يخمم هكا حتى هو لازموا واحد سلام

 

[Estrella]

الي يخمم هكا حتى هو لازموا واحد سلام

هههه عندك الحق ختي
يعطيك الصحة على الرد​