الممنوعات في الجزاير ...

[star sweet]

rak fi dz lol waach thab allah ghalabe

 

[الجريئة]

املا انا شفت ممنوع رمي الاوساخ كي جيت نشوف تقول حرشوهم
كل واحد يكتن ممنوعاتوا و واحد ما ينفدها
شكرا على الموضوع

 

[AGENT007]

معلهش حتى واحدة ممنوعة..وهي
ممنوع التدخين ما عدا العرعار؟؟؟
..شكرا أخي على الموضوع الجميل..
​

 

[إيمان قلب]

السلام عليكم ورحمة الله تعالى وبركاته
... أنا راني روطار في الرد مي معليهش ياك ماكش حاط ممنوع الروطار
لاتحرجونا بالمواضيع الجميلة حتى لانحرجكم بالرد ههههه
لالالا قصدي لاتحرجونا بالكريدي حتى لانحرجكم بالرد
والله تصدق أول مرة مانقراش كلمة ممنوع الدين البارح كي دخلت عند و احد تما داير استغل دقائق الإنتظار بالإستغفار جات في بالي قلت ماشي مالفة نلقى ممنوع الكريدي ؟؟؟؟ استغربت
امممم او راك قريت واش كان في بالي على بيها حطيت الموضوع
ايا ممنوع الطول فالرد
شكرا خويا على الموضوع الممنوع قصدي الجميل
ســــــــــــــــــــــــــــــــــــــلام​

 

[إيمان قلب]

نسيت نقولك على خطك آو تقول تاع طبيب الله يبارك هههه نزعق برك

 

[الورد الأحمر]

هههه أنتا والممنوعات مالا المرة الجاية مكرة فيك
ندير موضوع وندعمو بكتيبة يدي زكااارة فيـــــك
...
ايه صح الممنوعات هذي راهي دايرة حالة
كل واحد يخرّج ممنوع من عندو ويحب الشعب
يمشي عالممنوع تاعو، المشكل أنو الشعب
ما يقراش أصلا واش مكتوب وكان قرا ...
ما يطبقش لغاية في نفس الجزايري
أممم وكيما قالت شوشو ممنوع نسخ
التمنغيل تاعنا شفت التقليد زاد ليجوغ
هذو مالا أطونسيو ...
مغسي سفيان عالموضوع سلامو
​

 

[الورد الأحمر]

نسيت باش نقولك خطك يهبّّّّّّل هههه
​

 

[nina bonoise]

الممنوعات هذوك نعرفهم
بصح لي شفتها جديدة هي تاع
ممنوع الجلوس في مكان العمل ههههههه
انا قلت راهوا حانوت تاع مواد غذائية كشما كاين كراسا باه يقعدوا
هههههههه

 

[ماكانش]

صبآح الخيـر
ياي مسلخير هههههه

قآلـولي دارولكم لفرونسي صعيبة بزآف بصـح عبالي بيك فحل وخدمتي
ياتي خدمت ماشي خدمتي ههههه
ايه داروهانا صعيبة بصح التمرين الأخير ساهل والتربية المدنية سالهة تاني ....
حنا مجتمــــع عندو كل ممنـوع مرغـوب
يعني نلقاوها ممنوع الوقوف نروحو نوقفو واللي كاتبها هاكا راو عارف بللي راسنا خشيـن بصـح لمسكيـن عندو كمية ضئيلة من الأمل لعل وعسـى هههههههههههه
هههههههه
حنا شعب معوج يحبهم مايوقفوش لازم يقلهم اوقفو هههههه
هكذا وخاصة إذا زاد سبهم ههه
مي كيما قلتي لعلو شويا امل وكاين الي يفهم هههه

يآو كي تروح تعقب السيزيام يقولك ممنوع اصطحاب الآلـة الحىسبة الغاشي كول يجيبها ممنوع احضآر حقيبة او كيس لانه يعتبر محاولة غش لغاشي كول يجيب ،ممنوع الغـش كامل يغشو
وآحد مول مكتبة كآتب الرجآء عدمـ التجمـع تلقاهم مجمعين عندو ​

هههه
يعطيك الصحة ملاك ...​

هههههههههههههه هادي هي عقلية الجزائريين واش ديرلهم​

ههههههههه
وراهي ماشية ...​

اليوم نقدر نرد ههههه

دونك : الممنوعات في الجزاير هاديك هي ههه
سيرتو تاع ممنوع الوقوف ولا ممنوع تنحي صباطك هاي وحدها
هههههههه
مي حنا السع كلشي بالعكس
يشوفو وين الواحد راه يرمي في الاوساخ
يروحو يكتبو ممنوع رمي الاوساخ / و هنا تكمن المشكلة مافهمت والو منهم ههههه
مي كلش ماشي في حبيبتنا دزاير ​

هيا صحيت خويا على الموضوع ​

أهلا بيك صفصوفة
صح في المكان المخصص لرمي الأوساخ تلقى ممنوع رمي الأوساخ هههههههههه
واقيلا ساعات يتمسخرو هه
يعطيك الصحة ...
​

[/center]

هههههههههه شفت حدا المسجد وش كاتبين ؟؟؟؟؟؟؟؟؟
ممنوع الزنى امام بيت الله :scared::scared:
:sheer: حير ولا اقعد :sheer:​

صحيت سف سف

هههههههه
اهلا بيك رمرومة
كلي سامع بحكاية كيما هذي
ساعات ممنوعات حيرة هههه
​

السلام عليكم

كيف الحال​

راني غبت اعليك كنت سافرت​

وكي رجعت القيتك درت حاله موضوع مورا موضوع​

المهم كاش ما لقيت فالموضوع امتاع الصح ولا لالا ؟؟​

الهدره بزاف والقابض "ماكانش"​

راك قستني بالصورة امتاع العصفور المموش​

راهي تعبر على حالك خير من الكلام​

الدائم رابي في ملكوا​

ويخلف اعليك ربي سلام وتحية​

​

أهلا بيك خويا لعزيز عالي
والله فقدناك وديما في البال ونحب نرسل نسقسي على خويا من بعد نلقى روحي نسيت ههههه
في الصح مادرت والو لقيت وعجبوني بصح مادرت والو ههههه

​

 

[AnGeL*dZ]

ياتي خدمت ماشي خدمتي ههههه
ايه داروهانا صعيبة بصح التمرين الأخير ساهل والتربية المدنية سالهة تاني ....

يآه كيفآه خدمـتي في التربيـة المدنية ونتوما ماتعقبوهاش باين عليك فرحتي كي تهنيتي من السيزيام ساع نسيتي
ملآحظـة :اليآء للذكر والانثى
​

 

[ماكانش]

كاين واحد عندنا حب يحبس الشعب من الgعاد حدى داره .....واش دار في ميزك....... جاب بيدون زيت اللوطو محروق وفرغه فل البلاسه لي يقعدو فيها الشعب.....يا الحابس راك بهدلت بدارك ..... واش هذا هدر معاهم بالاك يفهمو...واش داك تبهدل بدارك......لا غالب كيما gالو عقليه dz مشكور خوي ماكانش​

:shiny:فيما يخص خطك.....ياو الحمد لله لي سبت واحد نكتب خير منه....كنت حاسب روحي ان التالي:shiny:
تحياتي​

:re_gards::re_gards::re_gards::re_gards::re_gards::re_gards:

هههههه
اهلا خويا لعزيز
علابالك ملي كنت وانا حاب نحس خطي بصح ماقدرتش هههه
هذي تاع الزيت عندنا بزاف حنا
الله غالب مايفهموش ياخويا ..​

هدي هي بلادنا خويا
وكي يكتبو - ممنوع رمي الأوساخ يا حيوان المقصود ماشي بالانسان بالحيوان انسان كي يروح يرمي الاوساخ حاشاك يقول ماهوش مكتوب ليا هههه
بارك الله في على الطرح

ههههههههههههههه
قتلتيني بالضحك هههه
بلاك صح هكذا يفهموها ههههه​

بصراحة الحاجة لي تعجبني في مواضيعك هو خطك الجميل​

لازم تروح تدخل مع جماعة الخط العربي بالاك تفتك الجائزة الاولى


بالنسة لموضوعك انا شفت ماكثر
ببساطة امام مكان رمي القمامة "اكرمكم الله "
مكتوب ممنوع رمي الأوساخ
ايا اعربولي هادي يرحم والديكم
ومع ذالك الجزاير ونموت عليها

شكرا على الموضوع ......
​

هههههههههه
ربي يحفظك علابالي راكي تتمناي تولي تكتبي كيفي هههههه
صح هذي حيرة مانعرف ألي كتبوها راهم يقصرو، ولا الناس ألي راهي ترمي في الأوساخ وماعلابالهاش بواش راهو مكتوب ...



​

 

[خفيف الروح]

هذه مهادة لك خويا ماكانوش

راه اتعبر على قلبك وعنك لا تزعف اعليا

​

 

[ماكانش]

هههههههههههههههههههه
والله غير حصلت فيه ختي شرلها باتت تتعزر تبالي الزيت قديم من زواج مو وباباه خبوهولو ههههههههههه
باه يخدم بيه

ههههههههههههههه
زعما فريد مايديرهاش هههه​

و الله لتحير في عقلية الجزائريين

ماعليهش كلش يمشي ...​

rak fi dz lol waach thab allah ghalabe

ههههه
واش راح نديرو ......
​

املا انا شفت ممنوع رمي الاوساخ كي جيت نشوف تقول حرشوهم
كل واحد يكتن ممنوعاتوا و واحد ما ينفدها
شكرا على الموضوع

ههههههه
يعطيك الصحة يا الجريئة
هذا هوا ألي يحير واحد ما يدي بالممنوعات هذي
حنا معوجين لازم قلنا ديرو باش مانديروش هههه​

معلهش حتى واحدة ممنوعة..وهي

ممنوع التدخين ما عدا العرعار؟؟؟
..شكرا أخي على الموضوع الجميل..​

ههههههههههههه
هذي وحدها هههههههههههه
زعما العرعار مايضرش ههه​

السلام عليكم ورحمة الله تعالى وبركاته

... أنا راني روطار في الرد مي معليهش ياك ماكش حاط ممنوع الروطار
لاتحرجونا بالمواضيع الجميلة حتى لانحرجكم بالرد ههههه
لالالا قصدي لاتحرجونا بالكريدي حتى لانحرجكم بالرد
والله تصدق أول مرة مانقراش كلمة ممنوع الدين البارح كي دخلت عند و احد تما داير استغل دقائق الإنتظار بالإستغفار جات في بالي قلت ماشي مالفة نلقى ممنوع الكريدي ؟؟؟؟ استغربت
امممم او راك قريت واش كان في بالي على بيها حطيت الموضوع
ايا ممنوع الطول فالرد
شكرا خويا على الموضوع الممنوع قصدي الجميل​

ســــــــــــــــــــــــــــــــــــــلام

ههههههههه
يعطيك الصحة ايمان
اهلا بيك
ممنوع عدم المشاركة ههههه
او وين هذا، حاجة مليحة بزاف واقيلا كاين غير فالسعودية ...
تلقايه كاتب ممنوع لكريدي فلا تحرجونا، وتلقاي الكراس تاع لكريدي معمر _o:
يعطيك الصحة ​

نسيت نقولك على خطك آو تقول تاع طبيب الله يبارك هههه نزعق برك

علابالي غرتو مني برك هههههههه​

هههه أنتا والممنوعات مالا المرة الجاية مكرة فيك

ندير موضوع وندعمو بكتيبة يدي زكااارة فيـــــك
...
ايه صح الممنوعات هذي راهي دايرة حالة
كل واحد يخرّج ممنوع من عندو ويحب الشعب
يمشي عالممنوع تاعو، المشكل أنو الشعب
ما يقراش أصلا واش مكتوب وكان قرا ...
ما يطبقش لغاية في نفس الجزايري
أممم وكيما قالت شوشو ممنوع نسخ
التمنغيل تاعنا شفت التقليد زاد ليجوغ
هذو مالا أطونسيو ...
مغسي سفيان عالموضوع سلامو​

هههههههههه
أهلا بيك نوغ
راك غوطاغ ليامات هذي ...
لعقوبة للتخرج ههههه
كيما قلتي نوغ واحد ماعلابالو بالممنوعات هذي
واذا قراها مايديرش عليها ...
يعطيك الصحة الهامو ...

نسيت باش نقولك خطك يهبّّّّّّل هههه​

هههههههههه
طلعتيلي المورال ههههههه

الممنوعات هذوك نعرفهم
بصح لي شفتها جديدة هي تاع
ممنوع الجلوس في مكان العمل ههههههه
انا قلت راهوا حانوت تاع مواد غذائية كشما كاين كراسا باه يقعدوا
هههههههه

هههههههههههههه
هذي كاينة بزاف ممنوع الجلوس هذا ماكان عمل
ايه يتجمعو عندو وخاصة في الشتا
واحد يقعد فوق الصنادق تاع القازوز وواحد فوق تاع الما وهيا ماشي ههههه
يعطيك الصحة ...

​

 

[الورد الأحمر]

ما يهمش غوطاغ ولا نو المهم نردلك على مواضيعك
وين لقيتها هذي تاع نور بشحمها ولحمها تردلك
على المواضيع تاعك وما تخلف حتى واحد هههه
هيا مغسي سفيانو، سلامو
​

 

[ماكانش]

هذه مهادة لك خويا ماكانوش​

راه اتعبر على قلبك وعنك لا تزعف اعليا​

مممنوع الكلمات الي تقيس هههههه​

ما يهمش غوطاغ ولا نو المهم نردلك على مواضيعك

وين لقيتها هذي تاع نور بشحمها ولحمها تردلك
على المواضيع تاعك وما تخلف حتى واحد هههه
هيا مغسي سفيانو، سلامو​

مممممممم ايه بليزير كبيرة تردلي نور بلحمها وشحمها هههههه
الله يحفظك نور ...​

 

[الورد الأحمر]

ههههه خخخخخخ ديتها في روحي خخخخ
مغسي
​

 

[M!ss D!or]

والله بلاد الممنوعات ههههه
قريب ممنوع استنشاق الهواء ههه
صح كي تجي تشوف عندهم الحق الشعب تاعنا حاشا البعض ماهمش متربيين في بعض الممنوعات
و ماهمش منضمين في ممنوعات اخرى
لازم العبد يفهم قدرو خير من يوصلو روو لهاد الشى
الله يهدي
وشكرااا على الموضوع +1​

 

[ديهيا القالمية]

ايه والا ممنوع التجدث مع السائق في لي بيس ههههههههههههه هو بحد ذاتو يدير قفة تاع حس ​

 

[ماكانش]

يعطيك الصحة
لي عودة ...

 

[ماكانش]

ايه والا ممنوع التجدث مع السائق في لي بيس ههههههههههههه هو بحد ذاتو يدير قفة تاع حس ​

هههههههههههههههه
فكرتيني والله غير صح هههههههههه
ممنوع الكلام مع السائق وتلقايه مداير جماعة ولا يحكي مع الروسوفار ههههه
يعطيك الصحة ديها ...​

والله بلاد الممنوعات ههههه

قريب ممنوع استنشاق الهواء ههه
صح كي تجي تشوف عندهم الحق الشعب تاعنا حاشا البعض ماهمش متربيين في بعض الممنوعات
و ماهمش منضمين في ممنوعات اخرى
لازم العبد يفهم قدرو خير من يوصلو روو لهاد الشى
الله يهدي

وشكرااا على الموضوع +1​

يعطيك الصحة صفينة هههههههه
كيما قلتي البعض ماشي متربي
والمشكل اكتب ممنوعات ولا أقعد واحد ماهو عايشلك هههههه​