ماذا ستطبخين اليوم سيدتي الجزء 2

[imane27]

مساء الخير عليكم واش راكم صح عشاكم وفطوركم
اطباق تشهى يعطيكم الصحة
انا عشايا كان همبورقر وفريت

 

[assia dz]

بصحتك إيمان والله كان في بالي اليوم نديرو ومبعد بدلت البرنامج

 

[imane27]

تنسيم هاهم ليك الوصفات
قرتان البطاطا:قطعى بطاطا الى دوائر رقيقة وديرلها شوية ملح وخدى صحن ودري فيه4حبات بيض وفرماج ليدوب ملح وفلفل اسود وانا درت كريمة سائلة ولا معندكش ديري لحليب وحطى بطاطا فيه وخلطى مليح وفرغيها فى بلا تاع فور وزدى دردري عليها فرماج وحطيها طيب وتحمار من فوق.
قرنطيطا:ديرى 250غ فرينة تاع حمص فى صحن وزيدى حبة بيض ملح وفلفل اسود وشوية كمون وخلطى وضيفى 2لترات ماء وخلطى بالباتور مليح اومبعد ضيفى نصف كاس زيت وخلطيى مليح وفرغيه فى سنوة ودخليها لفور حتى طيب انشاء الله فهمتينى

 

[كوثر الوهرانية]

مساء الخير عليك واش راكم لبنات مرحبا بعودت ندوشتنا مزال عفافوتي راهي طولت علينا
الى الاخت نقاء الروحالي طلبت مني طريقة المرانغ
تلاثة بياض البيض و ثمانين غرام سكر عادي و لفاني نضرب بياض البيض بالباتور و كي يبدى يطلع نضيف السكر و الفاني غير بالشويا و حنا نضربوا و نضيفوا في السكر حتى يخلاص السكر نضرب مليح حتى تجمد المرانغ نعمرها في لابوش ادوي و نشكل وردات صغار او كيما تحبي تكوني سخنتي لفور تاعك حطي السينية في الرف الفوقاني و نقسي على النار مليح يعني النار تكون مهيلة و خليها تطيب مدة ساعة و نص

 

[كوثر الوهرانية]

مشكورة اسيا على الوصفة بارك الله فيك

 

[المتفائلة_91]

مازال ما قررناش
ممكن نهز اكلة من هنا

 

[المتفائلة_91]

مساء الخير عليكم واش راكم صح عشاكم وفطوركم
اطباق تشهى يعطيكم الصحة
انا عشايا كان همبورقر وفريت

مممممممممم الهيئة بنين
شكرااا

 

[ibtesem]

متورقليش مليح مي جا هايل وخفيف

 

[روز]

متورقليش مليح مي جا هايل وخفيف

وش هذا ابتسام..؟! اشرحينا شوية نغسلو عينـينا :shiny:
ايمان يعطيك الصحة على هذاك الهمبرقر
​

 

[nada242008]

الله يسلمك ام منصف وكوكو
بسومة تطبيق ممتاز نفحتيني باش نطبقو بلاك غدوة ان شاء الله
ايمان بصحتك الهمبورغر يبان هايل

 

[ام منصف]

روز لفهم اكثر ممكن تتصلي بالموضوع التالي

قريوش بشكل جديد من مطبخي وبصوري
او
تطبيقي لقريوش اختي ام منصف بالخطوات المصورة
​

 

[روز]

مرسي ام منصف راني قلت نعتزل هادوك الاقسام مني درت الريجيم وليت مانقدرش ههه
مرسي دركة نضرب طلة عليه هايل وخفيف باين عليه يعطيك الصحة
​

 

[ibtesem]

سلام يالبنات

اليوم انشاء الله بيتزا للبنات وانا بروكلي مفور
سمك مشوي من بعد نحط الغدايا انا واولادي

 

[imane27]

واكم يالبنات ولا راكم صايمين انا قيلا نطيب مقرونة وخلاص

 

[عفاف الجزائرية]

السلام عليكم لبنات
ان شالله تكونو كامل بالف خير
ربي يبارك فيكم وربي يخليكم ونشكر كل وحدة سالت عني وتحيرت عليا
ربي ينور طريقكم ويعطيكم واش تتمناو

 

[M!ss D!or]

مرحبا بيك من جديد عزيزتي عفوفة منووووورة غاليتي

 

[nada242008]

مرحبا بيك عفاف :sheer:
عشايا كان قراتان بدنجال باللحم المرحي ولاصوص طوماط وسلاطة خيار

 

[كوثر الوهرانية]

مساء الخير عليكم لبنات بصحت عشاكم كامل
اهلا بعودتكي عفاف عضم الله اجركم رحم الله الفقيدة و ربي يصبركم عليها

 

[كوثر الوهرانية]

انا درتلهم طجين تاع الزيتون و فريت و سلاطة

 

[كوثر الوهرانية]

بصحت عشاكم ندوشة ميميم توحشتها المسقعة جاتك هايلة شهيتيني