ماذا ستطبخين اليوم سيدتي الجزء 2

[assia dz]

صباح الخيرات عليكم يالبنات
بصحتكم واش طيبتو
اسيا انا ديت صحن السلطة لاني رجيم خلتلكم الباقي

اديه بصحتك ابتسام

 

[assia dz]

يعطيك الصحة تسنيم قريوش يهبل شهيتوني مانيش حابة نخدمو بسكو رايحة ناكلو
صفا الدونات هايل
ام ندى حتى الصوة فلو مي خارجة تهبل

عشايا زوج بيضات مسلوقين وكأس حليب بدون دسم

الله يكون في عونك روز

 

[nada242008]

تطبيقك تسنيم كان روعة، الدونات صافيناز هايلين، والعشاوات كامل يشهو يعطيكم الصحة كامل يا فحلات بلادي
ندى عندي طلب ليك هو وصفة الخبز العربي راهم تحدثوا عليها الاخوات من قبل بصح ما علاباليش وين نلقاها في المنتدى، إذا ممكن الرابط تاعها

الله يسلمكم روز و اسيا
الخبز العربي كنت حاطاتو موضوع وكي راحت اللمة راح معاها
2 كوب فرينة
ملعقة كبيرة ونصف خميرة خبز
م ك سكر
ملح ماء دافئ للعجن
تعجنيها وتكون العجينة طرية وتلتصق قليلا
خليها تخمر ومن بعد تشكليها كويرات متوسطة الحجم
تفردي كل كرية وتخليها تختمر مرة اخرى
ومن بعد تطيبيها في الالة الكهربائية تاع البيتزا واذا ماعندكش طيبيها في مقلة تيفال ثقيلة
تتنفخ مليح وتعطيك لون يميل للاحمرار
تحطيها في منديل باش ما ينشفش
المرة الجاية نصورو بالتفصيل

 

[M!ss D!or]

بصحتكم ام ددوشة الخبز العربي جاك يشهي

 

[imane27]

صح عشاكم لبنات ندى سندويتش يشهى يعطيك الصحة كاش نهار نسيه

 

[assia dz]

بقالي كانيلوني من الغدا وزدت فورت طعام تاع الشعير بالرايب
وإذا كان حليب روز منزوع الدسم الرايب تاعي كامل الدسم:showoff::showoff:

 

[assia dz]

الله يكون في عونك روز

الله يسلمكم روز و اسيا
الخبز العربي كنت حاطاتو موضوع وكي راحت اللمة راح معاها
2 كوب فرينة
ملعقة كبيرة ونصف خميرة خبز
م ك سكر
ملح ماء دافئ للعجن
تعجنيها وتكون العجينة طرية وتلتصق قليلا
خليها تخمر ومن بعد تشكليها كويرات متوسطة الحجم
تفردي كل كرية وتخليها تختمر مرة اخرى
ومن بعد تطيبيها في الالة الكهربائية تاع البيتزا واذا ماعندكش طيبيها في مقلة تيفال ثقيلة
تتنفخ مليح وتعطيك لون يميل للاحمرار
تحطيها في منديل باش ما ينشفش
المرة الجاية نصورو بالتفصيل

شكرا ام ندى راني فهمت، وأكيد نجربو ونصورولكم

 

[كوثر الوهرانية]

مساء الخير عليكم لبنات راني نشوف متوحشتونيش
راني غائبة خطرش عندي ضياف و راكم عارفين لازمنقوم بيهم
الصباح عجت الخب تاع اللبن وصفة الاخت ياسمين و درت طجي الكفتة و فريت وسلاط و خرجنا نحوسوا و العشاء شربة فلفلة حميص و دجاج و فلاكهة
كت باغي ندير الحنيفيات بصح الوقت مساعدنيش

 

[روعة2005]

فوفة الوصفة كي تعود مليحة بلا ما نطلبو حطيهانا الوصفات ازم تحطينا هذا الخبز الخفيف وثاني الايس كريم

واعرة شوية هذه لازم ......................_o:
اكيد اختي اصلا هذا الركن باالذات باش نعرفو عادات بعض في الاكل ونكتشفو طبخات جدد وتوابل و....الخ والخبز راني حطيتو في معجنات الاسبوع من لعشية بلاك مانتبهتيش اما ايس كريم قلت نستاذن صاحبة الوصفة وننقلهولكم با التفصيل والصور واذا رفضت راح نعاودو ونصورلكم المراحل
اكيد انا في الخدمة عزيزتي قصدي لازم..........ههههههه:sheer::sheer::sheer::sheer:

 

[كوثر الوهرانية]

بصحتكم كامل واش طيبتوا الله يعطيكم الصحة تسنيم الحنيفيات جاوك روعة بصحتكم

 

[روعة2005]

بصحتكم ندوش الخبز العربي..... تسنيم الحنيفيات....اسيا الطعام تاع الشعير..... كوكو والله راكي في بالي كي مبنتيش بصح نقول بلاك روحتي لباباك واش راهي كوكو كشما خبر على النتائج

 

[كوثر الوهرانية]

انا راني نستنى فس نتائج الامتحاتات مزال مبان حتى خبر هنا في وهران تعرفي قلبي راه معلق يا اختي فوفة تعرفي كل ما يرن الاتف نقول خبر تاع خير حتى يقولولي مزال المهم الله يجيب الخير ان شاء الله
بابا راهوا في داره بصح كي راهم عنندي الضياف مرحتش عنده

 

[روعة2005]

باذن الله راهي من الناجحين وربي يشافي باباك

 

[tasnim55]

اممممم مشاء الله على الخبز العربي يشهي والطعام الشعير بالرايب وفي الفخار ماعندي مانقول غير بصحتكم يالعزاز
وشراكم يا اغلى الحبايب وصح عشواتكم روز كوثر ام منصف ابتسام عفاف ايمان27 صافو دهبيتو وفوفة حنونة طابلة لغدا مشاء الله و المعجنات جاوك روعة يعطيك الصحة

 

[imane27]

انشاء الله كوثر بنتك من الناجحين ضوالله يكون معاك مع ضياف
وعجال انتى طيبة الله رايح يكرمك فى ولادك يارب

 

[assia dz]

واعرة شوية هذه لازم ......................_o:
اكيد اختي اصلا هذا الركن باالذات باش نعرفو عادات بعض في الاكل ونكتشفو طبخات جدد وتوابل و....الخ والخبز راني حطيتو في معجنات الاسبوع من لعشية بلاك مانتبهتيش اما ايس كريم قلت نستاذن صاحبة الوصفة وننقلهولكم با التفصيل والصور واذا رفضت راح نعاودو ونصورلكم المراحل
اكيد انا في الخدمة عزيزتي قصدي لازم..........ههههههه:sheer::sheer::sheer::sheer:

وكيفاش فوفة تصوريهالنا تشهينا ومبعد ماتحطيناش الوصفات؟ مانغيضوكش؟:crying_1::crying_1::crying_1:

 

[tasnim55]

اختي كوثرانشاءالله بنتك من الناجحين وبنتائج تفرحك

 

[أم فاروق]

صباح لخير درك ساعة لوحدة وربعة وعشرين مانعرف علاش مانرقدش فالليل كيما لخفاش وكيما طيح شمس يجيني نوم راني نعاني هاذ ليام مانعرف وش بيا المهم ماشاء الله عليكوم راكوم بخير وعلى قدم وساق بالطبخ الله يقويكوم انا اسمحولي ماعم شارك معكم على خاطر كمرتي اخذتها اختي عاملة عيد ميلادها بالقامة الجامعية مع لبنات لما ترجعها راح حطلكم وانشاء يعجبوكوم
تهلاو في روحكم وانتى من شي وحدة مرت على تجربة النوم متلي تساعدني لاني عم عاني وزوجي بدا يلاحظ

 

[روز]

الله الله على هاديك العشاوات لا تعليق طبعا

أم فارووق حاولي تنوضي الصباح مبكرا ومارسي رياضة ولا اخرجي امشي ولا اعملي ميناج كبير للدار راح وعيي روحك ومايجي يلحق الليل تلقاي روحك نعستي انا تاني فاتت عليا ايام هكدا مي منين وليت انوض بكري مع الفجر ونتحرك ونخرج ونعمل رياض وميناجات وليت مايجي يلحق وقت النوم حتى يسكرو عينيا
واذا حاجة في بالك تاني نحيها لانك لما تكوني تخمي في حاجة مايجيكش النوم
وربي معاك
​

 

[روعة2005]

وكيفاش فوفة تصوريهالنا تشهينا ومبعد ماتحطيناش الوصفات؟ مانغيضوكش؟:crying_1::crying_1::crying_1:

يا اسيا شكون قالك منحطش الوصفات قلت العجينة حطيتها وايس كريم راني ح نحطو :scared: