ماذا ستطبخين اليوم سيدتي الجزء 2

[assia dz]

عشاك يشهى تنسيم يعطيك الصحة
سيا راكى ليوم متولتها عشاء فاخر وسغتو هادو لفولفون جاوك روعة نموت عليهم يعطيك الصحة ممكن تحطيلنا العجينة الورقة بالتفاصيل

الله يسلمك إيمان، راني منين ندخل لهذا المنتدى نفحال لما نشوف أطباقكم المميزة، فيما يخص العجينة المورقة راهي تقريبا طريقة وحدة تتعمل بيها وما راهيش صعيبة خلاص، وبإذن الله رايحة نشرح طريقتي في عملها.

 

[cherine]

يعطيكم الصحة
انا اليوم درت البيتزة والمقرون لعشا مي ماصورتش المقرون كنت مقلقة :cra_zy:


​

 

[imane27]

عشاء يشهى ابتسام يعطسك الصحة سغتو هدا البوراك ولزانيا
عيتلك وراكى مكاش كنكسيون

 

[نبع اليقين]

السلام عليكم
مساء النور واش راكم يابنات اللمة والله توحشتكم بزااااااااااااااااف بزاااااااااااااااااف
توحشت القعدة معاكم : ندى وام لميس وكوثر وروز وصفيناز وابتسام وايمان وام ايناس وعفاف الجزائرية وأم منصف وبائعة الكبريت والكل والكل ومرحبا بكل جديدة معانا
انا كنت ساعات نتبعكم بدون ماندخل لانني ماقدرتش نسجل من جديد بصح الحمدالله بعد عناء كبير سجلت
يعطيكم الصحة على الطيباتك لي تهبل
ونحب نهني ام كوثر على النجاح ولعقوبة للنجاحات الكبيرة

اليوم ماطيبناش غير خفيف كان عندنا ميناج كبير فريت أوملات

 

[أم فاروق]

الله الله على هاديك العشاوات لا تعليق طبعا ​

أم فارووق حاولي تنوضي الصباح مبكرا ومارسي رياضة ولا اخرجي امشي ولا اعملي ميناج كبير للدار راح وعيي روحك ومايجي يلحق الليل تلقاي روحك نعستي انا تاني فاتت عليا ايام هكدا مي منين وليت انوض بكري مع الفجر ونتحرك ونخرج ونعمل رياض وميناجات وليت مايجي يلحق وقت النوم حتى يسكرو عينيا
واذا حاجة في بالك تاني نحيها لانك لما تكوني تخمي في حاجة مايجيكش النوم
وربي معاك​

شكرا ااختي ربي يعيشك صح نفعتيني بفكرتك غدوة انشاء الله نحاول نغير وانشاء الله تجيب نتيجة

 

[أم فاروق]

الف الف مبروك اختي كوثر على نجاح بنتك وعقبال نجاحات اكبر واكبر ادام الله افراحكم ومسراتكم

 

[tasnim55]

السلام عليكم وصح وش طيبتو
اختي كوثر الف مبروك بنجاح بنتك حبيبتي اشاء الله من فرحة الى فرحة :sheer:
ام ندي يعطيك الصحة على كيك البابا جاك تحفة ومشاء الله على هذاك الطاجين الزيتون تاع الغدا ولعشاء البواك طريقتك عجبتني الله يبارك بصحتكم
اسيا دز اطباق تشهي وتفتح النفس مشاء الله
صافو بصحتك حنونة عشاء برا بالهناء على قلبك
غاليتي ابتسام لازانيا جاتك روووووعة والبوراك درتيه هايل عشاء يشهي بسوم
شيرين البيتزات جاو شابين يعطيك الصحة
ايمان27 الله يسلمك حنونة ويحفضك
روز يعطيك الصحة حبيبتي على وصفة الحساء مشكورة
ام منصف فوفة عفاف ام فاروق نانو وريمة ......الخ وشراكم انشاء الله راكم لاباس
​

 

[nada242008]

صباح الخير على الجميع
نبع اليقين مرحبا بيك معانا خليتينا بلاصتك :sheer:
اسيا عشاك هايل من فضلك اعطيني طريقة في تحضير الخبز
تسنيم قراتان يشهي امممممم يعطيك الصحة
ابتسااام يعطيك الصحة يالفحلة لازانيا وجاري وبوراك امممم
شرين يعطيك الصحة على الميني بيتزا وراح نسناو مشاركاتك معانا :sheer:

 

[عفاف الجزائرية]

صباحكم بالخير
امممممم درك نبدا نشكر فيكم
ندوش وتسنيم واسيا وابتسام وشرين كااااااامل عشاواتكم يهبلو يعطيكم الصحة
مرحبا مرحبا بنبعو معانا من جديد وابتدات العائلة تكتمل
ان شالله تكونو بالفين او بثلاث الاف خير
انا عندي كوموند نتاع قاطو نتاع عرس 3 انواع وكل نوع 250 ولازم بين ليوم وغدوا نكملهم

المودال اللي نكملو نحطولكم تشوفوه
نلتقى بعد قليل
​

 

[assia11]

بصحتكم كامل واش دتوا
و لف مبروك لبنت كوثر
هدا كان غداي البارح

وهده معجنات

 

[nada242008]

صباح الخير عفاف واسيا
عفاف ربي يكون في العون ورانا نسناو الصور :showoff:
اسيا عشك يشهي بصحتكم
انا راني رايحة لبسكرة نتلاقاو في الليل ان شاء الله

 

[assia11]

الله يسلمك أختي أم ندا ربي يوصلك على خير سلميلنا على دركم

 

[روز]

بصحتكم ذيك العشاوات تهبل أسيا وابتسام وشرين والكل اللهيبارك بصحتكم
غدايا خضرة مفورة وحساء الكرم
عفاف ربي يعاونك في القاطو صورينا لي تخدميه
ام ندى تروحي وتوصلي بالسلامة

 

[tasnim55]

السلام عليكم وصح غدواتكم كامل
اخت روز بصحتك الخضرة لمفورة والحساء
ام ندى تروحي و ترجعي بخير وسلامنا للاهل
​

 

[tasnim55]

اختي عفاف ربي يعاونك في القاطو يعطيك الصحة يالحبيبة
نبع اليقين والله غير خليتي بلاستك وعودة موفقة
ام فاروق وشراكي انشاء الله راكي لاباس
اسيا دز الله يبار اختي على هذوك المعجنات امممممم جاو هايلين مع لقرتان بصحتكم
​

 

[imane27]

مساء الخير عليكم واش راكم صح فطوركم
نبع مرحبا بيك معنا توحشناك
ندى تروحى وترجعى بسلامة
اسيا عشاك يشهى
انا عشايا كان تطبيق لوصفة درتها كوثر قرتان البطاطا والجاج جات بنينة يعطيها الصحة

 

[assia11]

الله يسلمكم لبنات شكرا لكن
يشهي إيمان لقراتان بصحتكم شجعتيني باه نديروا أطباق كوثر لا يعلى عليها

 

[rima29]

الف مبروك التخرج لاختي فاطمة ​

 

[momoude]

مساء الخير عليكم لبنات
الف مبروك لك الناجحين لعقوبا لصحاب الباك والنافيام ان شالله نفرحو معاهم
انا تاني نجحت اختي في السيزيام لعقوبا لجميع لبنات ومبروك تاني لكوثر

 

[momoude]

لبنات ليستعملو في ريجيم مرق الكرنب
متكثروش منو على خاطر يعمل فقر الدم
ديروه اسبوع وحبسوه اسبوع هكا باه متتعبوش
وتاني كاين طريقة تقبضي ورقات الكرنب تسخنيهم على الطاجين
وديريهم في لبلاصة لي حابة تشياني منها لازم ميكونش سخون بزاف باه متحرقيش روحك
ومن بعدديري قطعة شاش ولا ساشي نيلو وترقدي بيه رايحين تحسو من المرة الاولى بخروج الما من جسمكم
والله طريقة مضمونة ومجربة مني شخصيا نتمنى تجربوها بهاد الطريقة بدلا من المرق