ماذا ستطبخين اليوم سيدتي الجزء 2

[كوثر الوهرانية]

صباح الخير عليكم لبنات
والله وفات الاخ ايوب قاستنى كلنا بصح هدي هي الدنيا تعرفي واحد الولد كان يطلعلي الخضرة توفي في هدا الاسبوع و الله غير صغير واحد و عشرين سنة
ان لله و ان اليه راجعون

 

[imane27]

مساء الخير عليكم واش راكم
الله يرحمو ويوسع عليه قبرو ان لله وان اليه راجعون

 

[أم فاروق]

مساء الخير جميعا وشراكم بنات انشاء الله تكونو بخير
انا ليوم طيبت للعشاء شيش برك وتبولة وشربة فريك
ذا شيش برك


وهاذي تبولة

 

[روز]

بصحتك أم فارووق اشرحينا الشيش برك كفاش يتخدم وحتى التبولة رغم اني نشري فيها لكن مازال مانعرفش نخدمها
بصحتكم

 

[كوثر الوهرانية]

عشاك يشهي اختي ام فاروق بصحتكم و من فضلك وصفة الشيش برك
انا درت لوبيا بصوص الطماطم و كويس دو كراب و فلفل حار و بقالي المقرونة من الغداء

 

[أم فاروق]

وصفة الشيش برك والتبولة راح نزلهم بالتفصيل انشاء الله
واختي كوثر عشاك يسخف بصحتكم ويدوم جمعتكم

 

[كوثر الوهرانية]

السلام عليكم وين راكم لبنات الكوزينة راهي فارغة مراكمش تطيبوا
انا درت المحجوبة بغاتها كوثر بنتي

 

[روز]

شكرا ام فاوروق ان شاءالله نشوفوالتطبيق في اقرب فرصة
عشاك ومحجوبتك ام كوثر تشهيي بصحتكم ودليييها تستاهلكوثر^^
لعقوبة للباك ويكتب ربي وندلوها حنا
الركن راه فارع هاد الايامات وش صرا..!؟

 

[nada242008]

مساء الخير على الجميع
اطباق رائعة يعطيكم الصحة كوثر وام فاروق
انا طيبت شخشوخة الظفر جيت نصور لقيت البطاريات فارغين ..ماكتبتش
صح غداواتكم كامل

 

[كوثر الوهرانية]

بصحتك الشخشوخة اختي ندوشة نموت عليها راني وصيت يجيبوها كي توصلني راني نطيبها ميميم

 

[hanane alg]

السلام عليكم البنات وشراكم؟

اليوم درت للفطور كباب

ودرنا للقهوة زلابية اول مرة نجربها تطبيق للاخت ام هاني من احد المنتديات خرجت هايلة

درك نحطلكم الوصفة
​

 

[hanane alg]

هادا رابط وصفة الزلابية
https://www.4algeria.com/vb/showthread.php?p=3282601#post3282601
​

 

[روز]

يعطيك الصحة حنان نفعتيني بالوصفة
ربي يحفظ هادوك اليدين

 

[hanane alg]

يعطيك الصحة حنان نفعتيني بالوصفة
ربي يحفظ هادوك اليدين

عفوًا أختي:shay:

ربي يحفظك
​

 

[tasnim55]

السلام عليكم وشراكم انشاء الله كامل بخير
الله يرحم اخونا ايوب ويوسع علية انا لله وانا اليه راجعون
​

 

[tasnim55]

اختي ام ندى بصحتك الشخشوخة
ام كوثر لمحاجب يشهو بصحتكم وبصحت كوثر ربي يحفضها والف مبروك مرة اخرى وعقبال الشهادات العليا يارب
حنان الله يبارك كباب يشهي وزلابية روووعة يعطيك الصحة

​

فوفة ورز ايمان27 صافو بسومة عفاف ..........الخ وشراكم يالعزاز انشاء الله راكم بخير

 

[tasnim55]

هذا لغداء تاع اليوم محكوك اي مرخوس بالفلفل ودهان كيما وعدتك اختي ام ندى راني صورتو لعشا انشاء الله سندويتش حاجة خفيفة
​

 

[روعة2005]

سلام للجميع
الله يبارك عليكم ام فاروق رانا نستناو في الوصفات سيرتو التبولة مممممم
كوكولمحاجب جاوك هايلين بصحة وراحة
حنان الكباب والزلابية ماعندي مانقول ممممم
ام ندي بصحتك الشخشوخة
روز+تسنيم+بسومة........بصحتكم
احنا تاني نسميوها شخشوخة محكوك او بورزام المهم نفس الشكل تاعك تجي مممم بصحتك
عندي طلب من ام ندى كنتي قبل وقت حطيتي الباطوط من ايدين جدة ندوش تعرفي وبقيت نام بيه على اساس نطبقو نهار تولي اللمة ...اتاري كلش راح :sadwalk:مالا رجاء لو مزلتي محتفضة با الموضوع او تمديلي الطريقة من فضلك
انا العشاء در ت بربوشة باالجاج والخضر​

 

[nada242008]

هذا عشايا كبد الدجاج مع اوملات بالديول

تسنيم امممم محكوك يشهي بصحتك يالفحلة سيرتو الفلفلة الفوقانية اممممم
فوفة بالنسبة للبطوط ان لم تخني الذاكرة خطراه نشتي ناكلو واجد عمري ماطيبتو
بصح الوصفة على ما اظن
الكسرة راكي تعرفيها وتفتيها عادي
في جفنة تحطي شوية زيت وثوم مفروم وفلفل حار احمر وشوية راس الحانوت وملح و gنطس وفلفل اخضر حار مقطع رقيق و فلفل بوفجوخ وتخلطيهم مليح وعصير قارص وطماطم مصبرة تخلطيهم مليح ومن بعد تحطي الكسرة وتكوني سخنتي الما مليح
تمرسي بيديك وتضيفي الما تديرجيا حتى تتحصلي على الكثافة المناسبة
ماتبليهش ياسر لا يتعجن ومايجيش ناشف لا يكون يابس
يتاكل سخون يعني بعد مايتخلط قدقد
وخلطي قد ماراح تاكلي ماتخلطيش الكمية كامل
في الاخير زينية برشة دبشة وشرائح ليمون وفلفل مرقد
سخفتيني فيه امممممم
كان بقاو الصور راني نعاود نحطهملك

 

[سمكة البحر]

هذا لغداء تاع اليوم محكوك اي مرخوس بالفلفل ودهان كيما وعدتك اختي ام ندى راني صورتو لعشا انشاء الله سندويتش حاجة خفيفة ​

باين عليه بنين يعطيك الصحة