ماذا ستطبخين اليوم سيدتي الجزء 2

[imane27]

صح عشاكم دهبيتو راكم غير مع لحميس نموت عليه
ابتسام تطبيق هايل يعطيك الصحة
صح عشاكم كوثر

 

[mizora]

فوفة 2011 ممكن تجوبيني على طلبي
كيفاش ديرو الحميس؟

 

[nada242008]

صباح الخير على الجميع
واش راكم
انا اليوم طيبت كرنب محشي كي يطيب نحطلكم الصور

--
ميزورا طريقة تحضير الحميس كالتالي
تشوي الفلفل والطماطم والثوم ومن بعد تقشريهم وتقطعيهم قطع صغيرة
تحطيهم على النار مع زيت زيتون وملح حتان يطيب ويخثار

 

[روز]

ماشاء الله بنات كل شي تخدموه يشهي
الحميس نسموه حنا سلاطة طماطيش وفلفلة
مرات نفور البطاطة دوائر وبعدها نقليها ونحط فوقها هادي السلاطة ولا الحميس هذا
نحبها غير هكذا تجي هايلة
بصحتك ام ندى راني نسنى في الكرنب المحشي

 

[nada242008]

صح غداكم :sheer:

 

[روز]

الله الله ام ندى تشهييييي بصحتك نقولولها الدولمة المهم تكون مزيرة من داخل كما يقول بابا ههه
بصحتك شكلها هايل

 

[nada242008]

الله يسلمك ياروز ويحفظلك باباك ان شاء الله
حنا الدولمة عندنا هي الخضار المحشية باللحم كيما الفلفل حلو وجريوات وطماطم وبطاطا
بصح الكرنب وحدو ههههه
هاهي الطريقة
كرنب محشي على طريقتي

 

[tasnim55]

السلام عليكم وشراكم كامل وصح غدواتكم

بسومة تطبيق ممتاز يعطيك الصحة بالتوفيق
اممممممم ام ندى سخفتيني حبيبتي دولمة كرنب تشهي بصحتكم
كوثر حبيبتي وحكيك وينكم راني حصلت في شاراك بالنوقة وصلت لسكر معرفتش الا سكر عادي ولا سكر قلاصي بليييييز راني نسنى
​

 

[روز]

يعطيك الصحة ام ندى نخدمها تقريبا هكذا لكن القليل من الرز نديرو نىء مع البيض واللحم المطحون والبصل والثوم والمعدنوس كما نتي,,و نلفو كما نتي تماما ونحطو في طنجرة ولا كوكوت وفوقها لاسوس مع لاصوص مع الحمص وكاين لي بعد مايطيب ينحو حبات الدولمة ويديروهم في سنية الفرن وييدرو فوقهم الفرماج رابي ويدخلوهم يتجمرو في الفرن شوية
حنا في زوج نسموهم دولمة.. دولمة الكرم والدولمة نتاع الخضرا
مليح كي الواحد يعرف الولايات وكفاش يسمو الاكل نتاعهم
بصحتك

 

[ام منصف]

مساء الخير عليكم يا بنات
بصحتكم
سلفتي راهي تسلم عليكم كامل وتشكركم على الدعاء راهي تحسنت حالتها شوية والحمد لله
********************
ممكن نشوف تفاعلكم معانا
دورة تدريبية لادارة الضغوطات والا ستشارات النفسية
حضوركم يهمنا وتفاعلكم يسرنا
بانتظاركم
من اجل كسر الروتين الذي يجتاح المنتدى
​

 

[ام منصف]

دورة تدريبية لادارة الضغوطات والا ستشارات النفسية​

 

[كوثر الوهرانية]

مساء الخيرعليكم يا احلى بنات بصحتك الكرم ندوشتي شهيتيني فيه جاك روعة
اختي تسنيم راني جاوبتك اختي بلاكش منتبهتيش السكر ديري سكر عادي ربي يعاونك و يفرحك بوليدك
ام منصف الحمد الله كي ريحت سلفتك على سلامتها
روز يا روز شفتي رانا غير نحلموا بالوصفاتبصح معليش نربحوا في الاخير ان شاء الله
بسومتي مابنتش اليوم خير ان شاء الله و عفوقتي طولت الغيبة علينا

 

[روز]

اهلا بيك اختي كوثر كما قلتي المهم النتائج انا نحب نشوف ونتعرف على الاكلات ان شاء الله منا لرمضان نكونو لاباس

ام منصف ربي يشافيلك سلفتك باين قلبك طيب راكي حايرة عليها ربي يشافيها ويعافيها يارب
وجاري الشوفان في موضوعك ان شاءالله يلقى تفاعل
عفاف طولت ياسر الغيبة يادرااااا ميزانها وين لاحق ههه

 

[بنت الجسور المعلقة]

راني نشوف في بنت الجسور المعلقة لتحت مرحباااااااااااااااااااااااا بيك هذه غيبة على سلامتك​

وبيك يعيشك الله لا يغيبك عزيزتي والله منلي راح مزدتش شفتو هادي لمرا قلت ندخل لقيتو جا
:sheer: :sheer: ألف مبروووووووووك كي رجع منتدانا لغالي والله خلا ضيقة روح في قلوبناااااااا

 

[كوثر الوهرانية]

اهلا بيك اختي بنت الجسور المعلقة والله توحشناك بزاف و توحشت وصفاتك الرائعة

 

[tasnim55]

مشكورة اختي كوثر خطراش في المقادير مكتوب نصف كاس سكر فقط والحمد لله تلمو خوفت ستعملت سكر قلاصي وجاء هايل مشكورة ربي يحفضك ام كوثر
​

 

[روعة2005]

صباح النور لبنات اختي ميزورة سامحيني هنا وين شفت طلبك
شطيطحةكرعين غنمي
اولا لازم تحضري الدرسة وراكي تلقايها في ملفي
درسة لراكي خدمتيها وملح وزيت وشوي كمون قليهم وتكوني ديجا طيبتي الكرعين وحدهم فلماء وملح حتى يطيبواديريهم في هذيك التقلية مع الحمص ومرقي بالماء لطابو فيهم لكرعين متكثريش لانهم طايبين واغلقي وخليهم يطيبو في هذيك لصوص طفي عليهم و جمري لصوص وعند التقديم سقيهم بشوي خل يعطيهم بنة رائعة ورشي بشوي معدنوس للتزيين وهذا الطريقة نطيبوا بيها الزلوف اتمنى يعجبك

اما الحميص فراهي جاوباتك ام ندى نشوي فلفل حلو وحار+طماطم+ثوم نقشرهم ونقطعهم طوليا وفي الاخير كي نتكتكهم شوي مع رشة ملح+كمون+زيت زيتون
واي استفسار راني هنا

 

[روعة2005]

هذا كان عشايا البارح وهو تطبيق لسلطة الاخت نور

 

[روعة2005]

غدايا اليوم كان لحم مشوي مع الخضار

 

[روز]

بصحتك فوفة السلاطة شكلها يشهي ممكن وصفة الاخت نور وكفاش خدمتيها تنفع في الفري داي نبرد قلبي فيها

وبصحتك الغدا اليوم غدايا صدر دجاجة صغير في الفرن وشوي خضر مفورة