ماذا ستطبخين اليوم سيدتي الجزء 2

[روعة2005]

اهلين با الغالية نبع اليقين ربي يعاونكم يا غالية توحشتك

 

[كوثر الوهرانية]

السلام عليكم
كيراكم لبنات
بصحتكم كامل واش طيبتوا فحلات بنات بلادي
انا درت كفتة بالقرعة و فريت و خبز اللبن اليوم ولادي راهم عند جداتهم بقيت وحدي حتىانور رقد
شكون تجي تتعشا معايا

 

[nada242008]

فوفة الله يسلمك اختي .. امين يارب
نبع اليقين ربي يكون في العون ..طلي علينا مرة على مرة
كوثر صح عشاكم وواش خبار الصاك لحق ولامازال يحوس هههه
دبرتيها انا ندى تجيبها ل 12 :sad:

 

[ام منصف]

مساء الخير على الجميع
توحشتكم كامل وتوحشت القعدة معاكم
حنا عشانا كان سلاطة باردة
حاجة خفيفة مع السخانة والظروف اللي راهي في الدار الماكلة ماهيش تعقب
ربي يقدر الخير
​

 

[imane27]

فوفة طابلة تشهى بصحتكم
بصحتك ندى تليتلى مجمر يشهى والله عندك الحق قبل ما نولد كنت مدبيا ليطيبلى ويحطلى
ام منصف الله يكون معاكم وصح عشاكم
نبع مرحبا بيك راكى كى لهلال

 

[كوثر الوهرانية]

ندوشتي الصاك وصلفي امان الله هههه توحشته

 

[كوثر الوهرانية]

دبرتيها انا ندى تجيبها ل 12 :sad:
راهي كيما انور اليوم مرقدش فالمقيل حتى المغرب درك شويا و ينوض ه يجيب معايا الزوج تاع الصباه و كي ينعس يولي يقولي ماما طفي السيس بوك و ايا نرقدوا ههههههههههههه

 

[كوثر الوهرانية]

هدا عشيا تاع اليوم خبز اللبن و طجين الكفتة بالقرعة

 

[ابتسام جزائريه]

السلام عليكم

 

[imane27]

عشاء يشهى كوثر بصحتكم

 

[ابتسام جزائريه]

هدا عشيا تاع اليوم خبز اللبن و طجين الكفتة بالقرعة

بصحتك اختى

مممكن تعطنى وصفه خبز اللبن

​

 

[ibtesem]

طاجين الزيتون وسلطة متنزعة

 

[كوثر الوهرانية]

الله يسلمك اختي
هدي الوصفة تاع الاخت ياسمين
رطل سميد و رطل فرينة و ملعقة اكل سكر مثلها زيت و خمارة الخبز و ملح و سانوج و اعجينها باللبن اعجنيها مليح و خليها ترتاح مدة ساعة تم كسري العجينة و قدخبزيها في سينية مدهونة بالزيت و ديري خطوط بالموس و خليها تخمر و طيبيها خليها تحمار مليح

 

[ibtesem]

السلام عليكم

وعليكم السلام اختي ابتسام واش راكي :sheer:

 

[كوثر الوهرانية]

بسومتي عشاك يشهي بصحتكم اختي ان شاء الله يكون عجبك الزيتون

 

[tasnim55]

السلام عليكم وشراكم يالعزاز انشاء الله كامل بخير
كوثر حبيبتي مشاء الله طابلة تشهي يعطيك الصحة ومشكورة على وصفة الخبز طريقة جديدة عجبتني ووليدك راهو لاباس ريح شوية ربي يحفظهولك اختي كوثر ويشفيلك الوالد
حنونة ام ندى بصحتك تليتلي والله غير راني ندعيلك بالخير عزيزتي هنيتينا من التفوار الله يهنيك ويزين عيشتك ويحفظلك البوبية ندوش ويسلكك ربي على خير ولقراتان مونجتو كيما طريقة عفاف جاك روعة بصحتكم
بسومة طاجين رائع رائعععععع يعطيك الصحة وبصحتكم اختي وعيسى راهو لاباس
ايمان27 يعطيك الصحة على لقراتان جاك تحفة الله يبارك بصحتكم من فضلك حبيبتي تتبيلة اللحم وش درتي فيها
والمونجتو قليتيها ودرتيها في الفرن فقط
السمحولي مانيش ندخل بزاف خطراش معنديش الوقت راكم على بالكم بصح راني منقدرش انراطي نهار ومندخولش حتى طلة خفيفة وديمة في الليل كي الخفاش
سلامي لكل من فوفة روز ام منصف دهبيتو صافو......الخ بدون استثناء


​

 

[ibtesem]

مساء الخيرات عليكم يالبنات
وينكم مطيبتوش وقيلة الغدى
والله راكم طايمين الاجر ربي يقبل منكم

 

[روعة2005]

سلام بصحتكم بسومة شهيتيني في الطاجين ممممممم
كوكو عشاك يشهي الله يبارك
هاو غدايا وبصحتكم لبنات ...........اللمة راهي راقدة تاع الصح

 

[ibtesem]

اممممممممممممممممممم ام لميس
جاب ربي تغديت من عندك قبل مانخرج ههههههههههه
الله طابلة تشهي:sheer:

 

[روعة2005]

بصحتك بسومة كولي لا ماكيش ريجيم هههه انا طيبت وجبدت روحي لهيه