ماذا ستطبخين اليوم سيدتي الجزء 2

[imane27]

الف مبروك تسنيم لولدك ولعقوبة لزواجو اشاء الله

 

[روز]

الله يسلمكم ابتسام وايمان وتسنيم
تسنيم كل شي مبروك لعقوبة لزواجو ان شاءالله

 

[tasnim55]

مشكورة الف شكر حبيبتي ايمان27 عقبال انشاء الله تفرحي بوليداتك بالصحة والعافية يارب

 

[tasnim55]

الف شكر حبيبتي روز عقبال افراح عندك

 

[ibtesem]

يوي يوي يوي
مبروك تسنيم الطهارة تاع ولدك ربي افرحك بيه يارب
والله انا عيسى الحمد لله تقول ما تختن راه الله ابارك يجري ويلعب
رغم انه 4 سنسن ونصف
الحمد الله مع الانتبيوتيك والله نفعو
ربي اشافيه تم تم
تفرحي بيه في كبرو يارب ​

 

[l'algeroise]

الله يسلمكم كامل
imen 27 بصحتك لعشا و الله غير هاداك واش نحب لحميس و لي فريت
روز 22 سلاطة هايلة كيفاش درتيها
tasnim 55 كلشي مبروك بالصحة ولهنا لعقوبة لل BAC نشالله قوليلي تسكني في BB يعني برج بوعريريج ولا راني غالطة

 

[روز]

هاهو الرابط لالجرواز

https://www.4algeria.com/vb/showthread.php?t=283274

انا درت بيطراف مرابي وفوقو بطاطة مهروسة مع فرماج لافاش كيري وفوقو جزر مرابي وفوقو موشتو مفور وفوقو مايونيز ورابيت فوقها البيض مسلوق ودرتهم في الثلاجة
ماتنسايش اديري الفينيقريت للبيطراف والموشتو والجزر

 

[nada242008]

مساء الخير على الجميع
واش راكم
تسنيم الف مبرووك الختانة لولدك عقبال ماتفرحي بيه وبنجحاتو ان شاء الله
لاجيغواز مائدة تشهي الله يبارك منورة الموضوع اختي
ايمان بصحتك الحميس جاك يشهي اممم
روز امممم على السلاطة اللي تشهي ..اي حاجة من ايدك ولو بسيطة هي مميزة بصحتكم
انا اليوم طيبت محجوبة وصورتها بالمراحل كما طلبت مني فوفة وكي نقعد ان شاء الله نحطها
والعشية ماكنتش في الدار وتعشينا البراا
صح عشاواتكم كامل

 

[imane27]

بصحتك محاجب ندى وبصحتك عشاء برا مليح من داك

 

[كوثر الوهرانية]

مساء الخير عليكم
ان شاء الله راكم بخي
مشكورة اختي روز على السؤال
الف ميروك خثانة وليدك اختي تسنيم عقبال ما تشوفيه عريس
بصحتكم كامل واش طيبتوا
انا في هدوا الايام راهم عندي ضياف ادا مدخلتهش متتقلقوش عيا
سلامي الحار لكم جميعا

 

[tasnim55]

السلام عليكم وشراكم انشاء الله كامل بخير وصح غداكم
الف شكر يا احباب قلبي ايمان27 بسومة روز ام ندى لالجيرواز كوثر عقبال الافراح عندكم والله يبارك فيكم
بسومة الحمد لله كي عيسى راهو بخيرعقبال تشوفيه عريس انشاء الله وليدي عندو 3 سنوات كان غير دايخ يخرنن شوية وبعد يرقد طهارتو كانت بلانيستيزي جينيرال كنت خايفة بصح الحمد لله جازت مشاء الله
لالجيرواز حبيبتي راكي غالطة انا بسكرية والاصل قبائلي والان عندي 11 سنة متغربة على بلادي
​

 

[nada242008]

اليوم طيبت مقلي

وفلفل مش زي اي فلفل

 

[ibtesem]

امممممممممممممممممممم ندى مشائ الله عليك
شهتيني فيك

 

[nada242008]

الله يسلمك ابتسااام
مرحبا بيك الدار دارك :sheer:
جاري الاطلاع على موضوع المسابقة وتثبيته:showoff:

 

[ibtesem]

تابع لمسابقة كل اسبوع وصفة (الوصفة 3)

ننتضر المشاركات كم يا حبوبات اللمة

 

[ام منصف]

بصحتكم غداواتكم كامل
غدانا بربوشة وسلاطة رانا ما زال مع الغاشي والضياف
توحشتكم كامل وسلامي لكل الحاضرات والغائبات
​

 

[l'algeroise]

merci روز 22 على الوصفة لازم نجربها
tassnim55 الله يبارك خيار الناس
nada242008 بصحتك القليان
أم منصف بصحتكم البربوشة أنا ضيافي هادا وين راحو درتلهم فلفل محشي و روز

 

[imane27]

مساء الخير عليكم واش راكم صح غدواتكم كامل
ندى اكلة صيفية 100 ب100 تشهى
هدا عشايا تاع لبار قرتان بتنجال طبقتوا على واحدة فى منتدى اخر

 

[l'algeroise]

أمممممممممممم يشهييييييي بصحتكم imene27

 

[l'algeroise]

هادي الشخشوخة تاع لبارح

وهدا فلفل محشي تاع لغدا