وعلاه ماعنديش الزهر ؟؟

[βïģ βôşş]

سلااااااام واش حوالك صافا عليكم
يا جماعة الخير قلبي راااااه معمر قريب ينفاجر
انا حرت في فرد حاجة برك
وعلاه كل وين نجي ندير حاجة تتقلب عليا
كل وين حبيت وحدة يصراولي مشاكل
كل وين نجي ندير علاقة جديدة مع خرين تفشل درك انا حرت معاهم راني نورمال مانضلمهمش ومانحقرهمش وحقهم ديما وافي
عييت وكرهت ..العبد على طول العام وهو عايش وحدو مكان حتى واحد قريب عليه يحكي معاه ويشاركو فرحو ولا حزنو
كل تاع مصلحة
واش ندير؟؟؟ واش نعمل؟؟؟
نلقى هنا فالي يقول حبيبتي دارتلي هك ودارتلي هك..اخويا نت اوموا عندك الي تفهمك وتشاركك فرحتك وحزنك شوف عند الي راه يحلم تكون عندو وحدة
والله حرت ..انا الزين مدلي ربي مشاء الله ..الدراهم كايين الحمد لله..ممكن في سلوكاتي ..لا الحمد لله متربي ..
درك فهموني واشي هو الحل ..؟؟ العبد بقالو غير يتمنى الموت خير ليه ..؟؟
​

 

[ياسمين عنابة]

عليكم السلام
أخي خير الدين وان شاء الله اسم على مسمى
ماكانش منها ماعندكش الزهر سبحانه الله احنا كلنا نحبوك ونحترموك
اما احساسك بالوحدة فحاول تعرف علاه والقى الحل انت بنفسك
وماتنساش انه علاقتك بالله أكبر وأوثق علاقة يغ*** عن العباد
وقبل ماتقول ماعنديش الزهر شوف روحك مال وصحة وشباب
احمد ربك واسأله ان ينعم عليك بالرفقة الطيبة والصحبة الحسنة
واشغل نفسك بما يفيد نفسك وغيرك
وصدقني لن تحتاج للعباد ومعك رب العباد

 

[ايمان العلمية]

على حسب ماراك تحكي راهو عندك الزهر واحمد ربي على النعمة واذا على وحدة تفهمك روح وزوج احسن في الحلال

 

[Кевин емо]

chèr frère madamk 7at confiance fi ro7k bli maikhassakch kifah dgol ma3andkch zharE]
rabi ymad ll3abd des chose é en mem temps yna7ilo 7waij;l3abd maikonch anani y7ab kol chi wajd ;en + nass li rak ta7ki 3lihom rabi 3alm kifah 3aichin
en + ida mazalk sghir rabi ya3lm asber kolchi 9assma;
7na kol zi ba3dana fi lhawa sawa
bn courage

 

[ماكانش]

هههههههههههههه
راك واعر يا خيردين هههههه​

 

[فراشة المنتدى]

ماعنديش الزّهر..'' يقولوهاكامل الجزائريين...
بمجرد حدوث شيء صغير يجري يقول ماعنديش الزّهر..وعلاه آخويا غير الخير..بالشوية بركا...

والزهر ماشي انك فشلت في علاقتك مع بنت ولا زوج

شوف كون تبقى تقولها ما تشوفش خلاص الزّهر مالا تبّعني و أسكت خير
وقول الحمد لله على كلش
الزّهر هو الحظّ..حظك من الدنيا وش كتبلك ربّي..
ماشي فشلك في علاقة

المهم ربي يكون معاك خويا ويوفقك في حياتك ويقابلك بالبنت الي تتمناها​

 

[براءة سوف]

هذه راهي نعمة يا خويا ربي يحبك ومش حابك تقع في حوايج مش مليحة
حاب دير روح ديرها في حلال وراح يكون فيها طعم رائع
مبارك عليك هذا قدر وزهر الملاييين الناس تحوس عليه​

 

[Elif DZ]

لأجل تفاهات الدنيا كل هذا يا أخي ؟؟
صدقني لا تحتاج لغير الله أنيسا فهو وحده كاف كل عبد من عباده
تب إلى الله يا أخي و استغفره تقرب منه
و الوحدة خير من رفيق السووء

و بارك الله فيكـ و هدآآكـ إلى ما تحبه و يرضآآه
​

 

[da3boulla]

ماتقولش هك خويا، مزال ماكتبش ربي برك، و ماتبينش ضعفك للعديان و خلي ثقتك بنفسك كبيرة
​

 

[Jeune Sghir Mc]

كيفاش خو
تقول انا الزين مدلي ربي مشاء الله ..الدراهم كايين الحمد لله..ممكن في سلوكاتي ..لا الحمد لله متربي
هذا gاع وماعندكش الزهر احمد ربك
شوف خوك ماعندي ني زين ني دراهم malgre tout
الحمدلله
​

 

[ريحانة19]

يا نعيم
نت كل وماعندكش الزهر ؟؟
الزين ولاطاي
والمال والتربية الصاحة كل وماعندكش الزهر
ربي يحفظ ويسترك من العين
ويخليك ديما فرحان​

 

[sousou14]

زهر في البلوط

 

[غزة لنا]

أخي عجبت كثيرا من هذا الكلام لاني لا ارى فيه أي فائدة لانك انت غني على مثل هذه الامور وفي الحقيقة انت لا تحتاج لهذا الشئ ايجب ان يكون عندك هذه الامور ليكون لديك الزهر يا اخي الكريم انزع من بالك هذه الامور وتوكل على ربي احسلك واحمد الله على كل شئ ولا تشغل نفسك في مثل هذه الامور الطائشة حسب وجهة نظري انا لان انتم هكذا يا ايها الشباب كل واحد يغير من صاحبه عنده وعنده ومن هذا القبيل ولكن هل هو في الداخل فرح لهذه الدرجة هو فقط يوجد لديه فراغ وهذا بسسب بعده على الله يريد ان يملئ وقته بأمور تافه لا شئ يرجى منها
شكرا على صراحتك

 

[زهرة الندى]

يا اخي الزهر قع مكانش منوو

زين وبدراهمك وفوقها التربية الصالحة

احمد ربي على هذي النعمـــة اللي راك فيها

وكيما قالت لك اختي ياسمين عنابة

لن تحتاج للعباد ومعك رب العباد

ربي يهديك ويحفظك من كل سوء اخي ​

 

[mer10]

kamal ta3 masalah hadi kayna:sheer:hata nta a3raf slahak anfad lrobar 3la yadik:thumb_up1:

 

[nassim007]

هههه ا صاحبي وش بييك

هادا امر عادي جدا

ربي يفرج عليييك
​

 

[loca]

اوووويا خيرووو خصك مرض لقلبك والله غي هاك راك بيان وà l'aise
وادا قررت تحوس على لي تكمل معاها حوس في غرضك برك دنيا مش تعجب ا خويا
وaffaire تاع زهر ومنا مكاش لي منحوس كيفي ها والله قاع هكا ونقولو الحمد الله
معندكش زهر خير من معندكش عين ولا معوق بعيد شر
حمد ربي و تاع حبيبة ومنا مش مشكل يخليك تعجز بنات راهم على ريسانهم شاور برك
ها خويا ربي يهنيك ويعطيك ما تتمنى ​

 

[♥SaMoù Là MoDèsTe♥]

والله حرت ..انا الزين مدلي ربي مشاء الله ..الدراهم كايين الحمد لله..ممكن في سلوكاتي ..لا الحمد لله متربي

الســـلآآم ع'ـــليكم

أخـيـ وآش تحب اكثر من هـآذو
احمد ربي على نعمة الصح'ــة وغيرهــآ...

أمــآ مـآ تبحث عنه فـ مــآ تقلقش روحكـ كـآمل
في يوم من الأيـآمـ هومـآ يبدآو يحوسو عليك

غير قضية صبر فقط

ومآزآلك شـآب والدنيــآ قدآمكـ
ادعي ربي وخليه هو اللي يكون وكيلكـ ...
​

 

[mekari sirine]

وعلاه تفاول على روحك كل شي بالمكتوب رابي حابلك هكدا

 

[makour]

يا اخي الزهر من عند ربي نورمالمون تحمد ربي كي جاتك في هاد الشئ غير تكسار الراس وش راح ادير بيها مازالك صغير او ان شاء الله تلقا اللي تحبك و تحبها او تكملوها زواج