واعلاه ماعنديش الزهر في الحب

[sam11]

يعني وش راح نقولك القضية ماهيش قضية زهر

انت مزالك صغير ومزالك قدامك الوقت بلاك برك مزال ما لقيتش الانسانة اللي

توالمك وانا خوك ما عرفتش الحب غير وعمري 31 سنة ربي يوفقك في رداستك وماتخممش بزاف

 

[مختلف جدا]

يعني وش راح نقولك القضية ماهيش قضية زهر

انت مزالك صغير ومزالك قدامك الوقت بلاك برك مزال ما لقيتش الانسانة اللي

توالمك وانا خوك ما عرفتش الحب غير وعمري 31 سنة ربي يوفقك في رداستك وماتخممش بزاف

عندك الحق ....خويا الي ينسى الهم ينساااااااااااااااه..
ربي يهنيك مع حبييييييبتك...تحياتي

 

[رضوان40]

الحل عندي هو ان

بنت فلان التي تحبها بلاك هي ذات تحبك بدموع خفية

لكنها لا تستطيع ان تقول لك اريد ان اكون شريك لك في حياتك هههههههههه ​

(خضراء)

 

[fahima m]

ياي مزلت صغير تمتع بحياتك
وراك ماحبيتش خير تحب وتولي تندم تحسيب الحب ساهل ولا
وصحابك الي تشوفهم مع صحاباتهم زعما يحبوهم ولا ياي تعقاب وقت في ليسي يجي العام الجاي تلقاهم تفرقوا هاذي مجرد مراهقة برك
وعلاش كشما بقى حب دك هيا بركينا

 

[فراشة الايمان]

و الله دنيا تضحك هههههههههه
خويا سامحني مي راك تفتش على المرض و الميزيرية خليك هكا متهني البنات راهم غير وجع راس و سقسي مجرب و ماتسقسيش طبيب

 

[مختلف جدا]

خوذ رايهم خيرلك اك تهنيك

 

[بنت الجزائر و افتخر]

عندك الحق ....خويا الي ينسى الهم ينساااااااااااااااه..
ربي يهنيك مع حبييييييبتك...تحياتي

حليم انسى همك ينساك

مين تعرفها علاش ما تعملش بيها

 

[maram9]

خويا نقولك أقعد كيماراك خير و عيش الحياة انتاعك روح حوس مع صحابك و تمتع اخطيك من هدا الهم واصبر الشيئ اللي يطول مليح.

 

[هدى82]

مازالك صغير والحياة قدامك ....ثاني حاجة الحب في مرحلة المراهقة في أغلب الأحيان ما يكونش حب حقيقي

ممكن يكون إعجاب لا أكثر ...ربي يوفقك

ثالث حاجة الحب ثاني ماشي هداك الحلم الوردي اللي راك تشوفو في المسلسلات ...سعات يكون أكبر هم .

وتتمنى ترجع للأيام اللي كنت فيه حر ......قلبك مافيه حتى واحد

 

[touffik]

هههههههههههه
واش قلولك خويا فى منتدى تلقى حب
رنى نشوف فيك شفت موضيع بزاف تع حب هنا قلت نجرب ونشوف
نقولك خويا روح صلى واستغفار الله يكفيك حب ولدين

 

[azoula]

خويا ماتقولش اك ماعندكش الزهر في الحب الناس كامل ماعندهاش اصبر برك والله يبعتلك ربي وحدة كيما يحب الخاطر .........ماتقلقش روحك

 

[بلحسين1]

السلام عليكم انا في بالي رانا كبار ونعرفو مصلحتنا وكامل علابالكم بلي هذا ماهوش حب هذا فسق واتباع هوى الحب ياخويا العزيز يجي بعد الزواج وانت مازالك صغير والدنيا قدامك ونقولك حاجة والله العظيم غير تدير طفلة وتندم لانو النفس والشيطان يخلوك ماتحوسشي عليها لانك تبغيها وانما علابالك وعلاش , الله يهدينا ويهديكم اجمعين وزير روحك في دراستك احسن ودير ربي في خاطرك واعلم ان الله يراك ويرانا والسلام عليكم

 

[إشراقة حب]

عمري في حياتي ماشفت واحد مهني يوحس على المرض ووجيع القلب بروحو​

 

[faresjsms]

يا اخ لاتوجد حاجة اسمها الزهر كاين المكتوب انوي لحلال يكملك ربي اما الحب واخوانها ....

 

[مختلف جدا]

خوذ رايهم خير ....صدقني والله غير راك تهنيت

 

[وهج الصحراء]

سلام خوي نعيم نقولك حاجة كل شيئ بالمكتوب بلاك ربي حابك نهار لي تحب وحدة هي لي ريحة تكون شريك حياتك زوجتك عسى ان تكرهوا شيئا وهو خيرا لكم متقنطش خوي نعيم كل تعطيلة فيها خيرا ربي يلقيك مع بنت لحلل لي تسعدكك وتسعدها تقبل مروري اخي نعيم

 

[naim_naim]

اللي صبر ينال خو ...........

 

[azedinm]

ههههههههههههههههههههههههههههه
اخي صرالك كيما انا
انا ثاني 4 سنين وانا نسنى تعرف بلي البنت اللي راني انحبها ضرك كنت نعرفها بصح ما كنتش نشوفها بزاف
ونقولك البنت اللي تحبك راهي خجولة وماهيش قادرة تقولك حاول انت الراجل هو اللي عندو الجراة
لهكذا مواقف

الحب يجي فجاة بصح والله غير اخطيك انا والله راني متعذب في العطلة

ان شاء الله افدتك

 

[A-MIRA]

غير خليك والله راك في رحمة علاه تربط روحك بحاجة ممكن يجي النهار وتتقاس منها

 

[sams]

من السهل أن تحب الناس ولكن من الصعب أن تجبر الناس على حبك