المضايقات في الحآفلات

[لؤلؤة قسنطينة]

رد: المضايقات في الحآفلات

الســلام عليكم
مغاديش نغطي الشمس بالغربال
اللي حكيتيه كامل راه صاري
البيس كامل خاوي ويجي راجل
يريح جنب بنت وقعد يدورنجي فيها
شباب وبنات ربي يهديهم
بصح كاين بنات هوما راهم يتحرشو بالشباب في البيس
وصرات قدامي هو يتهرب منها وهي موراه
ماشي مرة وماشي زوج

ربي يهدي ماخلق
​

وعليكم السّلام ورحمة الله وبركاته
اهلا بأخي الكريم نورت الموضوع ^^
فعلاً خويا ماش رايحة ننكر كلامك وكيما سبق وقلت للأخ حكيم شفتهم بعيني يديرو في حركات
غير باه يكسبو هاديك الضحكة ولا الكلمة من الراجل, يعني اكيد كل مشكلة فيها جانب يقيس الرجل ويقيس المرأة
لكن ربما بما أني امرأة تكلمت عن الرجل بصفة خاصة والمضايقات تاعو
لكن اكيد عندك الحق وموافقة على كلامك
ربي يهدينا ويهديهم ان شاء الله

شكرا خويا على مرورك العطر
تحياتي الخالصة لك :regards01:​

 

[لؤلؤة قسنطينة]

رد: المضايقات في الحآفلات

نشالله

شكرا لمرورك حبوبتي جيهان وكنت حابة تفرحيني بردودك القيمة لأنو علابالي عندك رأي مليح
تحياتي العطرة حبيبتي :regards01:​

 

[لؤلؤة قسنطينة]

رد: المضايقات في الحآفلات

يعطيك الصحة حبيبتي راني لباس هههه راني جاوبتك على أول سؤال
زيد والله غير راكي عفستي على الجُرح وش نحكيلك وش نخلي وركزيلي على البيس معمر وتلقاي آفونسي آفونسي ختي لآريار كاين ليتساع مكانش نهار طلعت في البيس وكنت مروحة وماتطرطقتش هههه يا بن عمي كوارث تطلعي تعسي روحك تعسي صاكك تحسي روحك داخلة للحرب وزيد ماجاتش غير في حاجة كاين بزاف حوايج يصراو في البيس مايعلم بيهم غير ربي
خويا حكيم قالك يحياو لي بيس نتاع الطلبة انت مالا ماشفت والو خويا أكبر الكوارث تصرا فيهم من مضايقات وإعتداءات وخاصة السرقة أي خلي وخلي القلب راه معمر ربي يهديهم لوين برك رايحين ولويكتا تحسي روحك طالعة للجبل والله خليها لربي سبحانو
ألف شكر ليك حبيبتي على الموضوع الباهي كيفك

اهلا بحبوبتي :love01: واخيرا جا لي يقولي راني لاباس هههههه
والله يا ختي كن ماعشتش الجرح هادا الصباح كن مانتفكروش, يعني قلبي وجعني تاع الصح
والمشكل تكوني قاعدة ماتمنعي وتكوني واقفة ماتمنعي, واحد العباد وواحد الحركات
ولي تقلقني يخليو لبلايص كامل ويجيو يقعدو قدامك نولي نكره حياتي
وكيما قلتي تولي تعسي صاكك وروحك قريب يوليو عندك 4 عينين ويا ربي هههههه
تقول رايحة ماش غير للحرب , تاع الارهاب وماش هكا
يعني بزاااف والله , العبد مايلقى مايقول

شكرا حبيبتي على مرورك العطر
تحياتي الخالصة لكِ :regards01:​

 

[Malika Tlm]

رد: المضايقات في الحآفلات

السلام عليكم
والله يا اختي موضوعك هايل
المضايقات راها تكرهلك الخرجة من الدار
كيما قلتي حاطا راسك وميطلقوكش
تعرفي مرات نكون مع ماما مكان لا احترام لا والو
علاه كامل هكدا ميخلوناش فحالنا هههه حاشا لي مايستاهلوش
والحافلات غي خليها يا اختي وسكتي مرة ركبت فيها كان شويا
غاشي املا انا كنت قاعدة واحد الشاب بقي يورك عليا املا انا
تنارفيت وقتلو خويا راك مديرونجيني تعرفي واش قالي
شاف فيا شوفا تخوف وقالي شكون قالك اركبي فيه هدي حاله هدي
املا يبا ختي من داك النهار معاودش ركبت فيه كي نحب
نخرج نحكم طاكسي معززة مكرمة
ربي يجيب الخير هدا مكان وربي يهدينا لطريق الخير
تقبلي مروري اختي

 

[لؤلؤة قسنطينة]

رد: المضايقات في الحآفلات

السلام عليكم
شكرا ليك أختي موضوع مليح
ماخليتي ماتهدري فرغتي قلبك مليح خخخخ
هذي هي سوء الأخلاق
كنا نحكو على ليجان ضرك حتى الراجل لكبير تلقاح ميحشمش
الله المستعان
صح كاين بزاف لي يشوف المنكر ولا يتبلاو في طفلة اوو ميهدرش
أنا نقولك علاه
اذا هدرت تحصل بلاك الطفلة تلقاها متفاهما معاه ولاعجبها الحال اوو هذي كاين بزاف منهم
كي تهدر تولي نتا لي ماشي مليح
مع اللخر تقولك ونت وشدخلك فيا أنت بابا ولا خويا
راني شفتهم متقوليش مكانش منها
اوو كاين لي صح تهدر وتدخل روحك
يولي يبهدلك يقولك راك توري روحك ليها أنت واش دخلك
اذا كل مرة تهدر سور راح تدابز مفيهاش كلام صافيك كل يوم تدابز تولي تاع مشاكل
على هاذي منذاك نقول يخطو راسي برك
غير كي تتحتم لازم الواحد يهدر
هذي في نفسي اوو رايي
متقوليش خواف ولا كاش حاجا
خطرش كي تدابز يوصلو الهدرة لبباك ولالخوتك
راهو يدابز كل يوم على جال طفلة
جيني طايحة قدام بابا ولا يما
مي الله غالب هذا هو آخر الزمان
الله المستعان
اسمحيلي اذا معجبكش كلامي
هذا هو رأيي الله غالب كيما تحشمو حنا كاين لي يحشم فينا اوو ميهدرش
شكرا لك أختي مريم على الموضوع
سلام​

وعليكم السّلام ورحمة الله وبركاته
اهلا بخويا نورت الموضوع ^^
شوف خويا الدار دارك, ومادامك عند ختك اهدر واش حبيت
كيما نتا سمعتلي وقريت الموضوع من الأول للأخير وزدت خليت اعجاب
حتى انا نسمع لخويا حتى الأخير ونحترم رايو ونحطو على راسي من فوق ^^
وراني معاك في كل كلمة قلتها, ربما انا صح ذكرت الناس لي تبقى ساكتة
لكن ذكرتهم لأنهم جاو في الحكاية فقط, لأنو كن نهدر عليهم ندير موضوع منفصل
خاطر كيما قلتها, كن يجي واحد يدخل روحو يقولو على جال الطفلة هاديك
والصباح الروسوفور هاداك مرضني وكرهلي حياتي وكاين واحد قداميم اقدر يقولو والو
ماش نلومو ولا نقول عليه اي كلمة خاطر علابالي كن يهدر معاه يولي في حل واربط
يعني مجتمعنا واضح تهدر تحصل ويخرجو فيك لعيوب السبعة
واكيد مانقولش على خويا خواف حاشا لله , علابالي في خويا كاينة نخوة وشهامة
ولكن المجتمع لي خلانا نشوفو ونسكتو خاطر كاين عواقب وخيمة من ورا زوج كلمات لي تهدرهم

شكرا خويا لمرورك العطر
تحياتي الخالصة لك :regards01:​

 

[لؤلؤة قسنطينة]

رد: المضايقات في الحآفلات

السلام عليكم مريومة
يعطيك الصحة على الموضوع الباهي لي عندي مانفرغ فيه قلبي (بيناتنا لي يعول علييك قتلك احكميلي بلاصتي قتيلي هدرتك دخلت من وذن وخرجت من الاخرى )
المهم لا علينا بلا تكثار الهدرة وتشراك الفم
تنويه الفئة تع الشباب لي رايحا نحكي عليهم في ردي هذا هي الفئة لي رفع عليها القلم يعني ماكالاه من بعدة يجيني واحد ويقولي ماشي كامل كيف كيف مانيش ناقصة تكسار راس وحريق مخ
المهم بالعودة الى موضوعك اختي ولي هو المضايقات والندب كاين لي يجي يقولك الطفلة لي لبستها مفضوحة هي برك لي نتبلاوها وحنا المستورة مانهدروش معاها كامل قولوا أخونا روح عاود حساباتك قالها ماتتبلاوش المستورة رانا نخرجوا ورانا نشوفوا ولي يقولك هكا قوليلو والجملة الشهيرة "زين ودين وطاعة الوالدين " لشكون درتوها لنانا لي تلبس لعجار هاكم باين درتهوها للطفلة المستورةدوالله مرةح وحدة دايرة النقاب تحكي قاتلنا مرة كنت فايتة على واحد كي فات قدامي قالي عينيك ياعينيك :s هاقوليلي درك تندبي ولا تحندبي وزيد يابن عمي مستورة ماش مستورة انت واش يهمك فيها انت لازم علييك تغض البصر تاعك وفرات يعني غدوا كي تتحاسب على فعايلك رايح تحصل فالطفلة لي لابسة لبسة مفضوحة وتقول انا خاطيني هي لي خلاتني نتبلاها هاااا بركاونا من التمسخير
وموضوع الحافلات هدا حدث ولاحرج تلقاي اختو ولا يماه يقولها اخطيك ماتركبيش فيهم وهو نهار كامل راكب فيهم باه يعس الطالعة والهابطة وكاش مايطيش كلمة لالا فوق الشي هدا كامل كي يركب ويلقى طفلة قاعدة وحدها سيدنا الكريم يروح يقعد قدامها ومن بعدة كل شوية يبدا يتحكحك ويقرب بالشوية تع زعما زعما ماشي بلعاني -_- ربي يدي عباد كيما هادو
وخلي وخلي ..
اختي حنا نقولوا ربي يهدينا ويصلح احوالنا
وانت يعطيك الصحة على موضوعك وربي يحفظك
دمتي في رعاية الله وحفظه ​

وعليكم السّلام ورحمة الله وبركاته
ههههههههههههه استنايني نضحك الساع مليح ههههههه
قتلتيني يا مصيبة ضحك كن علابالي كن شاركتك معايا في الموضوع
والله وحدك صح ههههه
اولا نقول مرحبا بيك في الموضوع :love01:
وكامل لي قلتيه صح , نقولو لي لابسة فيزو وشعرها على برا بالاك
بصح لي مسكينة مهبطة راسها وحاكمة الطريق واش ذنبها؟
هادي من جهة اما حكاية الحافلات حدث ولا حرج تكرهي حياتك و وتفكرت وحدة من العائلة حكاتلي حكاية
هي قاعدة وراجل شايب قاعد وراها مالا دخل يديه بين الكراسى اتخيلي وتعطيه بالنقابية تاع الخيمار على صبعو ههههههههههه
مسكين مازادش دار من تم ههههه
ساعات والله تجيني تقول نوض ليهم نبهدلهم ونبرد فيهم قلبي ومن بعد نقول نسكت خيرلي
وفي الأخير ضحكتني تاع عينيك يا عينيك ههههههههه
والله مالقيتش واش نزيد راكي درت رد على اصولو
ربي يهدينا ويهديهم هادا مانقولو

شكرا حبوبتي على مرورك العطر
تحياتي الخالصة لك :regards01:

​

 

[Mr Brahim]

رد: المضايقات في الحآفلات

بما ان الاخوة الكرام مسوا كل جوانب الموضوع ليس لي الكثير لاضيفه فقد صارت لدي قناعة تامة ان المجتمع معتل و جل الآفات التي تناولتها المواضيع مترابطة بشكل او بآخر و عليه اننا بحاجة الى ثورة اخلاقية تليها ثورة فكرية و لكن . . . الادهى و الامر ان المساجد و الزوايا و المدارس اصبحت خارج مجال التغطية و تخلت عن دورها النبيل . . . الشتات الديني ساهم في انتشار الانحلال و نفور الناس . . . العدالة منهارة كم اتمنى تفعيل شرطة الآداب لعلى و عسى
:regards01:​

 

[Salam Fleur]

رد: المضايقات في الحآفلات

بما ان الاخوة الكرام مسوا كل جوانب الموضوع ليس لي الكثير لاضيفه فقد صارت لدي قناعة تامة ان المجتمع معتل و جل الآفات التي تناولتها المواضيع مترابطة بشكل او بآخر و عليه اننا بحاجة الى ثورة اخلاقية تليها ثورة فكرية و لكن . . . الادهى و الامر ان المساجد و الزوايا و المدارس اصبحت خارج مجال التغطية و تخلت عن دورها النبيل . . . الشتات الديني ساهم في انتشار الانحلال و نفور الناس . . . العدالة منهارة كم اتمنى تفعيل شرطة الآداب لعلى و عسى
:regards01:​

ماتقوليش ماعندناش شرطة الاداب ... ؟؟؟ و الله حسبتها كاينة ...هههه ... بالاك حسبت روحي عايشة في مصر ههههه​

 

[Mr Brahim]

رد: المضايقات في الحآفلات

ماتقوليش ماعندناش شرطة الاداب ... ؟؟؟ و الله حسبتها كاينة ...هههه ... بالاك حسبت روحي عايشة في مصر ههههه​

اصلا الشرطي كانت عندو هيبة و الناس غير تشوفوا تموت و اليوم الشرطي مسكين شابع سب و ضرب . . المشكل اختي كي تكون شرطة و تقبض على مجرم و مبعد العدالة تطلقوا = 0 ما صرا والو ​

 

[لؤلؤة قسنطينة]

رد: المضايقات في الحآفلات

السلام عليكم و رحمة الله
يا جماعة بشوية علينا الواحد حاب ينسى و نتوما القضية ورا ختها تقول محكمة هههههههه
المهم خوكم يطالع حيثيات القضية و امبعد يجي يرافع هههه
مريم نتمى تدي عطلعة بعد هذا الموضوع ديرولها حظر حتى يومين :tongue02:​

بما ان الاخوة الكرام مسوا كل جوانب الموضوع ليس لي الكثير لاضيفه فقد صارت لدي قناعة تامة ان المجتمع معتل و جل الآفات التي تناولتها المواضيع مترابطة بشكل او بآخر و عليه اننا بحاجة الى ثورة اخلاقية تليها ثورة فكرية و لكن . . . الادهى و الامر ان المساجد و الزوايا و المدارس اصبحت خارج مجال التغطية و تخلت عن دورها النبيل . . . الشتات الديني ساهم في انتشار الانحلال و نفور الناس . . . العدالة منهارة كم اتمنى تفعيل شرطة الآداب لعلى و عسى
:regards01:​

وعليكم السّلام ورحمة الله وبركاته
اهلا بأخي الكريم نورت الموضوع ^^
هههههه حنا ندخلوها طول المواضيع كامل في بعضاهم خلطها تصفا :d
شكرا لإضافتك القيّمة وكإضافة المجتمع ولا غابة , يعني تخرج عليه كلمة غابة احسن
لأنو لما نكون انا بهاد العمر وشايبة ههههه وكي نخرج ماما تتقلق عليا وتبقى تعيط كل دقيقة يسما الدنيا ماتعجبش
اصلا انا من لي نركب من الحافلة وقلبي يخبط حتى نوصل تقول في الحرب
صدقني والله العظيم نخاف ونموت ونستنى غير وكتاه نلحق للدار
يعني رهبة مدايرينهالنا
واش نقولو غير ربي يهدينا ويهديهم
وعلاه يعني طول للحضر :-o, كن على الأقل قلتلي يرجعولك القندورة الموف :d

شكرا خويا لمرورك العطر
تحياتي الخالصة لك :regards01:​

 

[لؤلؤة قسنطينة]

رد: المضايقات في الحآفلات

السلام عليكم

ايايايااي وين رحتي يا مريم لقلب الحدث ... ارواحي انا نحكيلك على واش يصرا في الحافلات .. حياتي كامل و انا فيهم ... الله قريت المتوسط و الليسي بعيدة على الدار .. الجامعة الحمد لله كانت قريبة لينا تهنيت منهم و دركة ويدت عاودت وليت لتميزير نتاعهم لانه القطب الجامعي لي نخدم فيه بعيد بزاااف ... نركب 2 Bus باه نوصل ...

انا نحشم صح بصح مرات لما نتعرض لمضايقات الحشمة هاذيك نحطها جانبا و يولي لساني فيه 1000 مترا .... بصح المشكل لي جون نبهدلهم نورمال يخبط راسو في الحيط واش فيها زعمة كي نتعرض للتحرش لازم نقفل فمي ... ندافع على روحي .... قتلكم المشكل في الرجال الكبار لي قد الاب تاعي و لي قد جدي هاذوا هوما ماتقدرش تهدر معاهم واش تقولوا ... احشم على عرضك الشيب و العيب ...

و حكاية يخليوا البلاصة و يجيوا يلصقوا هاذي صراتلي شحال مرة .. خلا البلايص لي فارغين و جا يجحي في روحوا قدامي ... دورت ليه قتلوا يا تقعد مسقم و تحترم روحك يا تبدل البلاصة ياك البوس فارغ علاه راك جاي تحشر فيا ... ولا هبط كامل

وواحدة خلاف .. جاء قعد معايا و تعمر البوس و بدا يشلخ في رجاليه هاذوك و انا راني قريب نخرج من الطاقة .. سكت سكت سكت .. ودورت ليه قتله سقم روحك راني قريب نخرج من الطاقة ... حتى صبته لم رجيلاته كي الفحل

و كاينة واحدة قريب طحت من الكرسي ... بصح هذاك النهار كانت عجوزة قاعدة في الكرسي لي بجنبي و لات بهدلتوا .. يعطيها الصحة انا حشمت نهدر معاه وهو قد جدي

و كاين وكاين و كاين .... الحافلات تاع الدولة الوحيدين لي نركب فيهم براحتي واحد مايديرونجني ....

علابلي هدرت بزاااف ... بصح فرغت شوية قلبي
​

وعليكم السّلام ورحمة الله وبركاته
ههههههههههه وحدك صح يا مصيبة
اولا اهلا بيك نورتِ الموضوع :love01:
وكلامك كلو صح وعجبتيني كي تجاوبي عليهم حسيت قلبي برد ههههه
وحكاية يحل رجليه الصباح برك صراتلي وليت لاصقة في الطاقة قريب نخرج منها هههههه
بصح سكت ووليت نستغفر في ربي ونعاود
يعني مالقيت ماندير معاهم ناس طيرو الحشمة ورماوها وراهم
حاشا لي مايستاهلش, يعني كاينين لي محتارمين رواحهم وكلمة اسمحيلي على لسانهم
وكاين لي يالطيف
واش نقولو غير ربي يهديهم ويهدينا
ونتي مليحة كاشن هار نركب معاك باه تبرديلي قلبي على المباشر ههههه
شكرا لمرورك العطر حبيبتي
تحياتي الخالصة لكِ :regards01:​

 

[Mr Brahim]

رد: المضايقات في الحآفلات

وعليكم السّلام ورحمة الله وبركاته
اهلا بأخي الكريم نورت الموضوع ^^
هههههه حنا ندخلوها طول المواضيع كامل في بعضاهم خلطها تصفا :d
شكرا لإضافتك القيّمة وكإضافة المجتمع ولا غابة , يعني تخرج عليه كلمة غابة احسن
لأنو لما نكون انا بهاد العمر وشايبة ههههه وكي نخرج ماما تتقلق عليا وتبقى تعيط كل دقيقة يسما الدنيا ماتعجبش
اصلا انا من لي نركب من الحافلة وقلبي يخبط حتى نوصل تقول في الحرب
صدقني والله العظيم نخاف ونموت ونستنى غير وكتاه نلحق للدار
يعني رهبة مدايرينهالنا
واش نقولو غير ربي يهدينا ويهديهم
وعلاه يعني طول للحضر :-o, كن على الأقل قلتلي يرجعولك القندورة الموف :d

شكرا خويا لمرورك العطر
تحياتي الخالصة لك :regards01:​

العدل يا ناس العدل ربما اغلبكم يعلم ان امير المؤمنين عمر بن عبد العزيز عندما تولى الخلافة كانت الحالة كارثية فقال احد مستشاريه ان الحل في العصى اي القوة فكان رده بل العدل فتحقق في عهده ربما ما لم يتخيله افلاطون في مدينته المثالية ​

 

[لؤلؤة قسنطينة]

رد: المضايقات في الحآفلات

السلام عليكم
والله يا اختي موضوعك هايل
المضايقات راها تكرهلك الخرجة من الدار
كيما قلتي حاطا راسك وميطلقوكش
تعرفي مرات نكون مع ماما مكان لا احترام لا والو
علاه كامل هكدا ميخلوناش فحالنا هههه حاشا لي مايستاهلوش
والحافلات غي خليها يا اختي وسكتي مرة ركبت فيها كان شويا
غاشي املا انا كنت قاعدة واحد الشاب بقي يورك عليا املا انا
تنارفيت وقتلو خويا راك مديرونجيني تعرفي واش قالي
شاف فيا شوفا تخوف وقالي شكون قالك اركبي فيه هدي حاله هدي
املا يبا ختي من داك النهار معاودش ركبت فيه كي نحب
نخرج نحكم طاكسي معززة مكرمة
ربي يجيب الخير هدا مكان وربي يهدينا لطريق الخير
تقبلي مروري اختي

وعليكم السّلام ورحمة الله وبركاته
اهلا حبيبتي :love01: نورتِ الموضوع
صح كامل واش قلتي ناس ماتحشمش مليحلهم الدبزة
ساعات نقول كن غير جيت نعرف للكاراتي كن راني نعتلهم الزنباع وين يتباع هههههه
والله ساعات نكره نولي نقول نقعد في داري مانتحركش خلاص
اما الطاكسيات انا نخاف منهم ههههه, وساعات كي نركب مثلا انا وماما وتكو نلبلاصة قريبة ماش بعيدة
نبقى نعس في البيبان باه كاش حركة خاطية الطريق نرمي روحي هههه (باينة نتفرج الآكشن بزاف :d )
والله يا ختي مالقينا مانديرو علينا نصبرو وخلاص هادا ماكان

شكرا حبيبتي على مرورك الجميل والأنيق
تحياتي العطرة لكِ :regards01:​

 

[farisufc]

رد: المضايقات في الحآفلات

ربي يهدي ما خلق وربي يكثر من امثالك

 

[لؤلؤة قسنطينة]

رد: المضايقات في الحآفلات

ربي يهدي ما خلق وربي يكثر من امثالك

أهلا بأخي الكريم نورت الموضوع ^^
اللهم آمين خويا ربي يهدينا اجمعين
بارك الله فيك
وشكرا على مرورك العطر
تحياتي الخالصة لك :regards01:​

 

[adel._dz]

رد: المضايقات في الحآفلات

أولا زابانا خويا راك قناص مشكور
التكالاي الناس كامل تعاني منو
مشكل في وسائل النقل العامة
نضن الحل في راكب الحافلة لأنو هو المشكل أصلا

 

[لؤلؤة قسنطينة]

رد: المضايقات في الحآفلات

أولا زابانا خويا راك قناص مشكور
التكالاي الناس كامل تعاني منو
مشكل في وسائل النقل العامة
نضن الحل في راكب الحافلة لأنو هو المشكل أصلا

السّلام عليكم
اهلا بأخي نورت الموضوع
لكن مافهمتش القصد من كلامك
وشا تقصد من كلمة راكب الحافلة هو المشكل
يعني المشكل فينا ؟؟
نتمنى توضح الفكرة باه نقدر نجاوبك
تحياتي العطرة لك :regards01:​

 

[GI Joe]

رد: المضايقات في الحآفلات

slm, rana bien l hmdl
mabrouk la nouvelle couleur

lyoum 3raft beli sah sah l hijab char3i 3andou role kbir f respect, sobhan llah wssalt l la gare routiere f setif a 19h, khoft chwia mais wahed ma hdar m3aya ni kelma ni regard, biien


ya khti sah des fois chi nass mahomch metrabyin mais lazem tofla hia li tahder w tjib ha9ha maalich tban mich metrabya, nban fautive khir men yedhlomoni, yji wahed yahcherni ngolo essmehli nfout yweli yehchem men roho wahdou

pr les passagers lokhrin tghidhek des fois oui prc mara srali incident chwia grave wahed matharek, mais je les comprends prc kaynin chi bnet yroh y3awenha zaama tgolo wech dakhlek

المرأة تحس انها ماشي في مكان آمن خلاص thass rohha a l aise fi darha yasser, rana nekhorjo par obligation mich bach nkounou al aise


​

 

[لؤلؤة قسنطينة]

رد: المضايقات في الحآفلات

slm, rana bien l hmdl
mabrouk la nouvelle couleur

lyoum 3raft beli sah sah l hijab char3i 3andou role kbir f respect, sobhan llah wssalt l la gare routiere f setif a 19h, khoft chwia mais wahed ma hdar m3aya ni kelma ni regard, biien


ya khti sah des fois chi nass mahomch metrabyin mais lazem tofla hia li tahder w tjib ha9ha maalich tban mich metrabya, nban fautive khir men yedhlomoni, yji wahed yahcherni ngolo essmehli nfout yweli yehchem men roho wahdou

pr les passagers lokhrin tghidhek des fois oui prc mara srali incident chwia grave wahed matharek, mais je les comprends prc kaynin chi bnet yroh y3awenha zaama tgolo wech dakhlek

المرأة تحس انها ماشي في مكان آمن خلاص thass rohha a l aise fi darha yasser, rana nekhorjo par obligation mich bach nkounou al aise


​

اهلا بحبيبتي نورتِ المضوع :love01:
و الحمد لله ربي يدومها ان شاء الله
شكرا حبيبتي على اضافتك القيمة والمميزة
واكيد المرأة قد ماتكون مستورة تنقص عليها المضايقات, نوافقك هنا حبيبتي وانا ربما ساعات نتعرض لمضايقات لكن ماش بالشكل لكبير
بصح المشكل في الحافلة يا ختي تكوين معرضة للمضايقات بالدوبل, لأنو يدزوك حتى تلقاي روحك في وضع سيء جدا
واذا قلتي على الجلباب ولا على الحجاب الشرعي صدقيني ساعات بعيني بنات لابسين حجاب شرعي ومايطلقوهمش
صح تكون المضايقات ناقصة راني معاك لكن هكاك نلقاوها يا ختي
واكيد لما قلت الأمان مانقصدش الأمان لي تلقايه في داركم بين والديك
يعني مادامك في وسط مجتمع فيهم الاب وفيهم الزوج وفيهم الأخ رايحة تحسي بالأمان
يعني فهمتيني؟ واش نقولو غير ربي يهدينا ويهديهم

شكرا حبيبتي لمرورك العطر
تحياتي الخالصة لكِ :regards01:​

 

[GI Joe]

رد: المضايقات في الحآفلات

اهلا بحبيبتي نورتِ المضوع :love01:
و الحمد لله ربي يدومها ان شاء الله
شكرا حبيبتي على اضافتك القيمة والمميزة
واكيد المرأة قد ماتكون مستورة تنقص عليها المضايقات, نوافقك هنا حبيبتي وانا ربما ساعات نتعرض لمضايقات لكن ماش بالشكل لكبير
بصح المشكل في الحافلة يا ختي تكوين معرضة للمضايقات بالدوبل, لأنو يدزوك حتى تلقاي روحك في وضع سيء جدا
واذا قلتي على الجلباب ولا على الحجاب الشرعي صدقيني ساعات بعيني بنات لابسين حجاب شرعي ومايطلقوهمش
صح تكون المضايقات ناقصة راني معاك لكن هكاك نلقاوها يا ختي
واكيد لما قلت الأمان مانقصدش الأمان لي تلقايه في داركم بين والديك
يعني مادامك في وسط مجتمع فيهم الاب وفيهم الزوج وفيهم الأخ رايحة تحسي بالأمان
يعني فهمتيني؟ واش نقولو غير ربي يهدينا ويهديهم

شكرا حبيبتي لمرورك العطر
تحياتي الخالصة لكِ :regards01:​

heh fhamtek bssah maykounech hadek l aman, puisque fi wa9tna no9sso rdjal malheuresement, ykoun ab w akh bssah dayouth bentou w khtou w mayghydouch l hel 3liha alr la etrangere
hadik hia allah yahdina bark
bnne soirée