قالك نكرهو القسنطينيين وبناتهم بايرات -_-

[لؤلؤة قسنطينة]

رد: قالك نكرهو القسنطينيين وبناتهم بايرات -_-

بفففففف تعادل مخيب للآمال
هيا نفرغ غشي في بنات العصر بنات الدوميل ديسات

اهلا بيك مجددا خويا حكيم نورت الموضوع بمرورك العطر
ههههه ولبنات مساكن شو ذنبهم في التعادل :p

المهيم مشكل غلاء المهور هذي يعني فيها هدرة كبيرة ماعييت نجبد فيها
وكل طفلة تشرط واش يحب خاطرها وكل راجل يحب يقبل يحب يرفض
ربي يسهل المهم برك ما يرخسش روحو برك

فعلا، والله لدرجة هدرنا بزااف على موضوع غلاء المهور كرهنا منو
وربي يهني سعيد بسعيدة لي قادر يجبد دراهم ربي يسهل عليه ولي قابلة تكون سلعة ربي يسهل عليها

اما عن انو ناس تجي تجبد ولاية معينة بالعيب يعني هذي قمة الوقاحة صراحة
لانو انا واحد من ناس لوكان يحكي واحد على الولاية نتاعي صح صح
نخربلو الوجه نتاعو باسكو كي تحكي على ناس راك تحكي على اعراض
وماكانش اللي كامل في هذي الدنيا في كل ولاية الشيب والعيب

هيه صح، حتى انا مانحبش لي من خارج مدينتي يتكلم في مدينتي ولي من خارج بلادي
يتكلم في بلادي ولي من خارج ديانتي يتكلم في الدين تاعي
يعني خطوط حمراء هادي
وكيما قلتها في الدنيا كاملة كاين المليح والحاير اذا اخوة في الدار ويختالفو في التفكير
فمابالك بمدينة

وكل ولاية فيها التمسخير نتاع البنات هذا
لكن ما يعنيش انو البنات كامل هكاك كل وحدة ولامونطاليتي نتاعها
والاحلام نتاعها والعقل نتاعها ومش على ذبانة نسب الماكلة خخخ مثل مش طايح طول
المهم هاسيدي وحدة شرطت الذهب ومانعرف واش ياسيدي يعني مافهموهاش مسكينة
برك يعني هي تقول للرجال بعدوني خاطيني الزواج خاطيتني المسؤولية وهما قاعدين يطيحو في الهدرة

ههههه مليحة هادي
يسمى ولات كاينة خطط لتهريب العرسان :d خلاص العريس لي يجي ومانكونش موافقة عليه
نقولو نعطيك واحد الرابط تاع فيديو اتفرجو او فيه سيدة قسنطينية شروطها هوما شروطي ههههه

اضافة الى انو وللاسف الشديد عند مرض نفسي والعياذ بالله
في جميع اقطار الوطن وهذا مخلفو الاستعمار الفرنسي فينا واللي هو العصبية القبلية
وكل واحد يشوف في روحو هو المخير نتاع المخير خخخخ اشهار دانون ولا صومام
حنا عندنا اللي تخطبت بالملايين وكاين اللي تخطبت بالملاييييين خخخخ وكل نقطة بزوج ملاين احسبي على روحك

ههههه درك يغلقولنا الموضوع يقولك موضوع اشهاري لدانون هههه
اممم يسمى عندنا 10 نقاط كي نضربوهم في 2 تولي 20 مليون :p
وكيما قلتها كاين بعض الامور لي خلفها فينا الاستعمار من بينها مثل هاد الامور
نجريو للاذية والسب والشتم لاصغر واتفه الاسباب عندنا ثقافة الشجار كتر من ثقافة الحوار


وهكذا اما قاورية وخرطي هذاك ناس راهي تصبر في روحها برك
انا صراحة واحد من ناس اللي مؤخرا راني نكره حاجة اسمها اجنبي واجانب يا بن عمي حيوانات تمشي على سطح الارض
والله مهما كان العيب في العرب مي صراحة هذو الاجانب حيوانات وخلااص
المهم الناس اللي حكاو على قسنطينة متاكد مكانش فيهم اللي زار قسنطينة
ومكانش فيهم اللي صاحب قسنطينة عن حق وحقيقة الحمد لله عندي زوج اصدقاء من قسنطينة يقراو معايا
ونعم الناس ونعم الاخلاق والتربية
اما الفتيات نتاعهم اول وحدة خالطتها هي المتحدثة ختنا مريم ومن لايعرف مريم لم يتذوق طعم شوكولا نوتيلا خخخخ
المهم ربي يهنيك وربي يحفظ قسنطينة وناسها سلاام ​

ههههه ربي يحفظك حشمتني مالقيت وين نحط وجهي :$ نتخبا ورا هاد الوجه وخلاص هههه (اوقفو التصوير لاسباب صحية ههه)
ربي يهنيك وهادا شرف لينا اكيد ناس الجلفة ماعندنا مانخيرو عليهم ثقافة وعلم وحشمة وكلشي يعني ماشاء الله
ماكانش عندي احتكاك بيهم مباشر ولكن منكم رانا تعرفنا على احسن ناس ماشاء الله
اللهم آمين اجمعين وربي يحفظ الجلفة وناسها ويحفظ كل الجزائر من الشرق للغرب ومن الشمال للجنوب
شكرا خويا حكيم على كرم المرور ربي يحفظك خويا ويوفقك
تحياتي
​

 

[السلطانة]

رد: قالك نكرهو القسنطينيين وبناتهم بايرات -_-

أراد أستاذ لللغة العربية أن يخطِب فتاة .. فكتب لأبيها :
أيا عماه .. يشرفني أن أمد يدي لكي أحظى بكريمتكمْ... وأن تعطوننا وعداً أتينا الله به داعينا.
فإن وافقتم عماه فدعنا نفصّل المهرَ تفصيلا....وخير البرِّ عاجله ونحن للبرَّ راجينا.
فقال :
أيا ولدي... لنا الشرف ، فنعم الأهل من رباك ..ونعم العلم في يمناك وإن العلم يغنينا
وأما المهر يا ولدي... فلا تسأل لأننا نشتري رجلاً وليس المال يعنينا
ولكن هكذا العرف يا ولدي ...وإن العرف يحميكم ويحمينا
فمائة ألف مقدمها وأربعون مؤخرها... وضع في البنك للتأمين خمسينا
وبيت بإسم إبنتنا وملبوس على البدن... من الفستان لأحلى المصممينا
و أما العرس يا ولدي ف"الشيراتون" يكفينا
فإن وافقت قلنا بارك الله لنا ولكم ... وقال الكل آمينا
فقال له : أيا عماه
حمضها وخلّلها .. وضعها فوق رف البيت زيتونا
فلو بيديّ ربع المهر لكنت اليوم قارونا ،

:d:d:d:d:d
​

​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

سلام عليكم

وعليكم السلام ورحمة الله وبركاته
اهلا بالباتنية ونص نورتينيا بمرورك

​

فعلا كاينين اللي يڨزاجيريو خاصة عندنا فالشرق معروفين بالمهر الغالي
لكن شخصيا نشوف انو اهم حاجة هي الدار لتجنب المشاكل وراكي علبالك المعيشة في دار العايلة كيفاش تكون

والله يا حبيبتي كل وحدة حرة في نفسها وتبع واش يعجبها
قادر نسكنو في دار وحدة وكل وحدة ومكتوبها كيفاه وشرطها كيفاه
تجي للشرق تلقاي كل عايلة كيفاه وتروحي للغرب تاني كل عايلة وكيفاه تزوج بنتها
يعني كل شخص وتفكيرو

​

اما بالنسبة لموضوع التعميم
قبيلت برك كنت عند الدونتيست وكانو النسا يحكيو مع بعضاهم ملا نطقت وحدة قاتلهم يخي مكان حتى شاوية هنا انا بلعاني سكت مبغيتش نقول بلي انا شاوية ...وهي راجلها قبايلي..ملا طاحت على الشاوية بالسبان

ههههههه عجبتيني صح مهبولة هههه
وهادي تاني مادامك قادرة على شغلك ورايحة تسبي الشاوية علاه خايفة لا تكون وحدة منهم تما
والانسان قبل ما يسب انسان يبدا بنفسو ساع اذا ويتأكد اذا راهو مليح ومن بعد يروح لغيرو
فمابالك بأمة كاملة
​

وانا منكذبش عليك القسنطينية كرهتني فيهم استاذة قسنطينية مدتلي صورة سيئة عليكم خاصة من ناحية الزوخ
لكن من بعد بدلت رايي بعد معرفت ناس ما شاء الله وانتي وحدة منهم

شكرا ربي يحفظك ونتوما خيار الناس
واكيد هاد الانسانة راهي عينة برك من مجتمع كبير يختلف في تفكيرو واخلاقو

​

ومش عندكم فقط ..الباتنية ثاني مكروهين من اغلب الجزائريين (يعني على حسب ما قريت ) يقولك يلعبوها رجلة بزاف ويفتخرو بخشونية الراس
مي كيما قلتي كل منطقة فيها الصالح و الطالح
قادرة تعرفي واحد يكرهك فمنطقة وقادر شخص آخر يحببك فأمة باكملها

بالفعل والله، عندي عائلة من باتنة كاين منهم المتربي والمتخلق وكاين منهم لي العكس
وعلى هادي كي نتكلم على انسان ولا نشوف فيه حاجة ماش مليحة راني نقصدو هو وبس
القبيلة تاعو ولا المدينة تاعو ولا البلد تاعو مايعنيونيش لأنو نتكلم عليه كشخص ماش كمدينة
​

في النهاية نبقاو كامل "ابناء الجزائر"
وكلنا اخوة على اختلاف عاداتنا وتقاليدنا
ربي يحفظك اختي
تحياتي

اكيد كلنا أخوة وكلنا ابن بلد واحد وتجمعنا ديانة واحدة
وربي يحفظك بلادنا ان شاء الله من كل سوء
شكرا غاليتي على كرم مرورك ربي يحفظك ويحفظ ناس باتنة ككل
تحياتي
​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

السلام عليكم

حقيقة إطلاق الأحكام المسبقة ووضعها على العامة هو راجع للمكبوتات النفسية والمشاكل التي يعاني منها الناس

فنجد النقص الذي يعاني منه ذلك الفرد أو التجربة التي خاضها تجعله يفكر بسلبية اتجاه موقف معين فيعمم

تلك النظرة على مكان معين او طائفة ...الخ لأنها ردة فعل مبرمجة جاءت من الظروف التي يعيش فيها.

مثال الذي ذكرتيه بمجرد مشاهدة كلام مرآة تقطن في قسنطينة بدأ البعض بالتهكم على هذه المنطقة

ولو نظرنا الى هؤلاء الأشخاص ستجدهم إما بطالون او رفضوا من بعض البنات أو لم يستطيعوا الزواج بسبب غلاء

التكاليف العرس.. فكان كلامهم سلبي ومتعصب .

توجد امثلة عديدة لو نرجع قليلة لقصة اكرام وكيف أصبح الكثير من الشباب يرمي التهم ويقدف في المحجبات بنقص

الدين ويعمم و في الحقيقة نجد ذلك الشاب الذي يشتم المحجبات أن لديه قصة حب لم تنجح ووجد هذه الحادثة كملاذ

لتفريغ ما بداخله كانتقام منه فيشتم كل المحجبات لان صديقته كانت محجبة .

و حصة التي بثت في قناة النهار عن الجامعيات و هواري مول لومبيلونس فأصبحوا يعممون ماحدث على كافة الجامعات .

لو ابتعدنا قليلا على الصعيد العالمي هناك أمثلة أيضا فعندما يفجر إرهابي نفسه ينظر الكثير من الغربيين إلى المسلمين

على أساس أنهم جميعا مثل ذلك الإنتحاري لأن في داخلهم نقص الأمان والخوف جعلهم يطلقون الأحكام العامة.

نقطة ثانية تجعل الفرد يحكم بصفة عامة هو الجهل بالأمور فمن لا يعرف كيف هو الزواج في مكان معين أو في قسنطينة

يظن انه غالي أو من لا يعرف عن الإسلام يظن أن المسلمين ارهاب وهكذا .

شخصيا شاهدت روبرتاج عن تقاليد الزواج في تلمسان لكنها تبقى تقاليد وهذا لايعني ان الزواج في تلمسان سيكون بتلك

الطريقة لأن الناس تختلف والظروف تختلف مثلما هناك من شرطها ب40 مليون هناك من شرطها ب3 ملايين

وكل واحد يتزوج حسب واش كاين في الجيب .

لب الكلام أن أي إطلاق نظرة عامة هي حالة نفسية نتجت عن حادثة سيئة أو تجربة فاشلة سابقة أو لجهل بالأمر.

تسلمي
​

وعليكم السلام ورحمة الله وبركاته
اهلا بيك اخي نورتني بمرورك العطر

بالفعل، تحليل دقيق ماشاء الله
الانسان واش يعيش في حياتو وواش يلاقي صعوبات والسلبيات لي يتعرضلها في مواقف معينة
يرجعها على المجتمع ككل وينسبها للمجتمع ككل
كيما الامثلة لي ذكرتها تاع المحجبة والمسلم لي يعتابروه ارهابي ولا الرجل لي تخدع من طرف امرأة يعمم ويقول النساء
كامل كيف كيف والمرأة لي تخدعت من طرف رجل تقول الرجال كامل كيف كيف
وهو نسا انو يماه امرأة وهي نسات انو باباها رجل لكن بسبب المواقف نعممو على كامل البشر
ونلصقو فيهم حوايج ماداروهاش وهادا يبقى خطأ أكيد
خاطر كل شخص واخلاقو وكل شخص وتربيتو وكل شخص وتفكيرو واذا كانو الاخوة في نفس البيت يختالفو
في التفكير فمابالك بمجتمع
ربي يهديهم ان شاء الله
شكرا اخي على كرم المرور وعلى مشاركتنا رأيك القيم بارك الله فيك
تحياتي
​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

السلما عليكم مريومة
راكي عارفة جبت جارتي تقرا معايا عيييييت هههه امزح امزح

وعليكم السلام ورحمة الله وبركاته
اهلا ليلوشة نورتينا بمرورك العطر
ههههههه معليش مع اني ماطولتش بزاف المرة الجاية كي نطول جيبي الحومة وياربي ههههه

والله يا اختي شوفي كل ولاية وعاداتها وكل بلاصة وواش يشرطو هوما معروفين بنات الشرق انو يديرو قش الدار بزاف ويحبو الذهب يعني عادات عنابة وتبسة مش كسيما عادات قسنطينة وباتنة وغيرو نفس الشي احنا العاصمة والغرب مش كيفكيف حتى فعادات الاعراس مش كيفكيف الهدرة الزايدة علاه كل واحد يعرف وين يدفن باباه

راكي تشوفي
كل شخص وعاداتو وكل شخص وتقاليدو وكل شخص وتفكيرو
وساعات تلقاي والله ناس من نفس الولاية ومن نفس العائلة ومايتزوجوش كيف كيف

انا لو حبيت نتزوج وما نشدش مهر على خطيبي شكون يسالني انا راجلي من الشرق وعارفة يحبو القش بزاف مي انا فهمتهم انو انا نتبع عاداتي هو يشري ويدير اذا حب انا عادتنا ندو الجهاز لكن ما ندوش مثلا صالون او فرجيدار او تلفاز وغيرو لالا ندي جهاز عادي وليد خالي جابها من قسنطينة وشهادة الحق دفع 10 ملاين وخاتم نتاع الخطوبة وهو من نفسو شرالها سنسلة يوم الفيونساي هذا وبرك والحق لما جاو اهلها جابو جهازها قاتلو ما دير والو الشمبرة برك دارو وحدو شرا الشمبرة واكيد يماه وخوتاو جهزوها وحضروها مي لما جاو اهلها كل شي جابوه من نهارو دارو معمرة حتى الكليماتيزور جابتو هذي هي حبت تبارك الل كاميو صغير معمر حنا دهشنا كل شي جابتو من نفسها هو ما شرط وما طلب منها تجيب وهي ما شرطتلوش

يعطيك الصحة هاهو خير دليل بلي ماش كامل ناس قسنطينة يشرطو وكباش ومحزمة ومعرف واش
وكاين لي يشرطو صح ولاصال لازم بلابيسين وكلشي
انا لما نتكلم على شخص نتكلم على المرأة في حد ذاتها وننتقدها ماش مدينة كامل بسبتها
ولكن شعب للاسف يروح للعيب مباشرة


هنا عندنا ثاني كل واحد وامكانياتو فبالي هذيك زواخة صح نتوما زيادة علينا شوي مي مش لدرجة اللي قالتها
تبسة يطلبو المقياس والمقياس غالي مي كاين وين لالا المهم يكونو متفاهمين
الشين والزين فكل ولاية راهي فدار وحدة وتلقاي الخاوة واحد مليح وواحد لالا وخرجو من بطن وحدة يعني ما تعيي روحك ما والو بهدرة الناس
الله يهدي الناس تتقدم واحنا نتخلف تقولي وز نمشو ماشريار

يعطيك الصحة ليليا حتى حنا عندنا كاين لي يطلبو مقياس والذهب وكلشي
وكاين لي يسهلها ويطلب القليل ، كل شخص وكيفاه وكل شخص واش يحب
وكيما قلتي الشين والزين في كل بلاصة
شكرا ليلوشة على افادتنا برأيك صراحة مالقيت واش نزيد راكي جبتيلنا كلشي بالدليل
بارك الله فيك وشكرا على كرم المرور حبيبتي
تحياتي
​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

السلام عليكم و رحمة الله و بركاته
ان شاء الله تكوني بالف خير يارب
ربي يهدي من خلقه يارب

لم يزل خلق الله منذ النشأة الأولى مختلفين فيما بينهم أعراقا وقبائل وإثنيات؛ ومن ثم نزعات وتوجهات وأفكارا، وقد نبهت نصوص الوحي المحفوظ إلى سرمدية هذا الاختلاف وأنه من السنن الكونية التي غرسها الله في نفوس ساكنة هذه الدار الدنيا؛ فهم لن يزالوا مختلفين حتى ينتقلوا إلى دار الفصل والجزاء؛ قال تعالى: {وَلَوْ شَاءَ رَبُّكَ لَجَعَلَ النَّاسَ أُمَّةً وَاحِدَةً وَلَا يَزَالُونَ مُخْتَلِفِينَ إِلَّا مَنْ رَحِمَ رَبُّكَ وَلِذَلِكَ خَلَقَهُمْ} [هود: 118، 119]، إذا فالخلق وجميع أمم العالم لن تتوحد أفكارهم مهما بذلنا السبيل لذلك لأن الإرادة الإلهية لم تشأ ذلك بل جعلت الخلق ممتدين في هذه الدار على سماطين ومتفرقين على نجدين طريق للخير وأخرى للشر، وستقوم الساعة عندما يتمحض الشر في الدنيا ولا يبقى فيها إلا شرار الناس يتهارجون تهارج الحُمُر كما دلت على ذلك نصوص السنة النبوية المطهرة .

لكن مع ذلك فالخلق على اختلاف مشاربهم مضطرون إلى التعامل مع بعضهم البعض ومحتاجون إلى إعانة بعضهم بعضا، ليَلْتئم قِوام العالَم، لأجل ذلك كان لا بد من دساتير عامة تحكم التعاملات بين الناس جميعا مسلمهم وكافرهم فاسقهم ومهتديهم وإذا ما تلمسنا منهج الإسلام في ضبط التعاملات التي تتعلق بالآخر - مهما كان حجم الاختلاف معه - فسنجد أنها كانت إرشادات حكيمة في غاية النبل والرقي؛ تكبح الجماح عن التسلط والاستبداد على حرمات الغير أو الإساءة إلى معتقداتهم وإن لم تكن مقدسة في المنظور الإسلامي، كل ذلك جاء مسطورا في نصوص محكمة من الوحيين الكتاب والسنة؛ نستعرض في الأسطر التالية قراءة تحليلية لنماذج من هذه النصوص التي ترسم حدود المعالجة الإسلامية لنزوة الاعتداء والإساءة إلى الآخرين المكبوتة في نزعات النفس البشرية:

قال الله تعالى: {وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ} [الأنعام: 108] .
تضمنت هذه الآية الكريمة نهي للمسلمين عن سبّ معبودات المشركين وعقائدهم، وتنبيه إلى أن هذا قد يحملهم على المقابلة فيسبون الله تعالى بغيا وجهلا واندفاعا في العصبية والحمية الجاهلية، وتقرير بأن الله تعالى قد جبل الناس على طبيعة استحسان ما يعملون أو أن من مقتضى النظام الذي أقام الله عليه الاجتماع البشري أن يستحسن الناس ما يعملون، وأن مرد الجميع إليه حيث ينبئهم بما عملوا ويوفيهم عليه بما استحقوا.
وهنا مبدأ آخر – بعد مبدأ عدم جواز سب عقيدة الآخر – يعتبر من مبادئ الاجتماع الإنساني وهو أن الله قد زين لكل جماعة اجتمعت على حق أو باطل عملهم من خير أو شر ومن ثم فإنهم حساسون تجاه المساس بمقدساتهم أو تحقيرها فليس من الحكمة مهاجمتها أو الإساءة إليها وإنما المجادلة بالتي هي أحسن .

وهذا المبدأ السامي الذي تنوه به هذه الآية الكريمة من الواضح أنه يستهدف تحقيق غايات عدة منها:
 - صيانة جناب الذات الإلهية ومقدسات الإسلام عن أن تطالها ألسنة السفهاء جهلا منهم بعظيم حرمتها .
- سد الوسائل والسبل التي قد تؤدي إلى فتح باب السفاهة والمشاتمة لأن المبدأ القرآني صريح في دفع خطاب الجهالة من لدن السفهاء بالإعراض والإغضاء والسلام .
- اكتساب احترام الآخرين وعدم تنفيرهم عن قبول الدين أو إدخال الغيظ والغضب في قلوبهم لأن الغاية الأسمى لدعوة الإسلام تتمثل في استخلاص الناس من حبالة الشيطان وإنقاذهم من الضلالة إلى الهدى ومن الغي إلى الرشاد لا إيغار صدورهم وإثارة نعراتهم .

الإساءة إلى الآخرين والسب والشتم لا تترتب عليها مصلحة دنيوية ولا دينية لأن المقصود من الدعوة هو الاستدلال على إبطال الباطل وفساد حججه، فذلك هو الذي يتميز به الحق عن الباطل، وينهض به المحق ولا يستطيعه المبطل، فأما السب فإنه مقدور للمحق وللمبطل فيظهر بمظهر التساوي بينهما، بل ربما استطاع المبطل بوقاحته وفحشه ما لا يستطيعه المحق فيلوح للناس أنه تغلب على المحق.
وليست هذه الآية التي ذكرنا وحيدة في مجال إثبات هذا المبدإ الإسلامي النبيل فقد روى ابن عمرو رضي الله عنهما عن النبي صلى الله عليه وسلم أنه قال: " إن من أكبر الكبائر أن يلعن الرجل والديه، قيل يا رسول الله: كيف ذلك؟ قال: يلعن أبا الرجل فيلعن أباه ويلعن أمه فيلعن أمه "، أخرجه: أحمد (2/216، رقم 7029)، والبخاري (5/2228، رقم 5628) .

من كل ذلك نستنتج أن نصوص الوحي جعلت المتسبب في الفعل فاعلا، وغير المحترز من تبعات ردة أفعاله فاعلا، وأحاطت معتقدات ومقدسات الآخرين بسياج متين من الحرمة فلم تسمح بسبها بمبرر فسادها أو ضلالها – رغم أنها كذلك في ما نعتقد - أو حتى بمبرر الدعوة إلى الله، وفي هذا قدر كبير من الجلال والروعة التأديبية التي تهدف إلى إبعاد المسلم عن الفحش والبذاءة وإثارة الغير وجرح عاطفته الدينية مهما كانت، كذلك يمكننا أن نلمح أن المعالجة الإسلامية لهذه الركيزة الأساسية من ركائز الاجتماع الإنساني كانت متميزة فلم تقع في وحل الازدواجية الذي وقعت فيه الدعوات الحقوقية المعاصرة التي سمحت بالإساءة لمعتقدات بعض المخالفين بحجة أن ذلك من قبيل حرية الرأي التي لا تحدها حدود، ومنعته في حق البعض الآخر بحجة أن فيه معاداة للسامية وتغذية لمشاعر الكراهية والعنف .
على أنه لا بد هنا من التنبيه إلى أنه ليس من السب ولا يعتبر من الإساءة النسبة إلى خطأ في الرأي أو العمل، وليس منه إبطال ما يخالف الإسلام من عقائد ونسبتها إلى الضلال في مقام المجادلة ولكن السب أن نباشرهم في غير مقام المناظرة بذلك .
المصدر : اسلام ويب

موضوع مميز غاليتي و شحال مرة نتذابز مع صحباتي بسبتو
بارك الله فيكي وجزاكي كل خير
تحياتي احترامي وتقديري
في امان الله
​

وعليكم السلام ورحمة الله وبركاته
اهلا بالغالية شيماء نورتيني بمرورك حبيبتي
ودائما وكالعادة مانلقى واش نضيف من بعدك خاطر تمديلنا كلشي بالادلة ماشاء الله
ربي يحفظك على الافادة حبيبتي وان شاء الله في ميزان حسناتك
ولكِ بالمثل غاليتي وأكثر
شكرا على كرم المرور شيمومة ربي يهنيك الزينة تاعي
تحياتي

​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

السلام عليكم اختي وكل الاخوة
خلاص ديسيديت نجي نخطبك وشرطي خمسين دار وزوج سيارات ههههه راني نقصرو
يعني انا معنديش علاقة بناسى قسنطينة ماعندي عائلة ثما ماعندي والو بصح والله مانجاملك ولا نزيد عليها راكي ممثلا ناس قسنطينة احسن تمثيل وانا والله غير حبيتهم منك يعني هذي المرا عطات صورة سلبية للفحلات تع قسنطينةقسنطينة اما نتي راكي عطيتي صورة هايلة عليهم وفي كل مكان تلقاي انسان مليح وانسان ماشي مليح
شكرا ختي الشابة هه نتمنالك الخير

وعليكم السلام ورحمة الله وبركاته
اهلا بيك حبيبتي نورتيني بمرورك العطر
هههههه ربي يحفظك عزيزتي والله كلامك على راسي ربي يهنيك
وشرف ليا انو كسبت قلوب ناس كيفكم هادا يفرحني بزاااف وربي لي عالم
واكيد كل بلاصة فيها المليح والسيء ومانقيسوش على انسان سيء امة كاملة
كل واحد يمثلو نفسو وكل واحد اخلاقو تتكلم عليه
ونقولو ربي يهديهم برك
شكرا حبيبة قلبي على كرم المرور ربي يحميك من كل سوء ويحفظك لعايلتك
ربي يهنيك الزينة
تحياتي
​

 

[حكاية قمر]

رد: قالك نكرهو القسنطينيين وبناتهم بايرات -_-

السلام عليكم
نقولك حاجة ماتبعيش هاد لي فيديو باسكو يعيو لقلب
انا عييت ما نتفرج ونقرا في تعليقات و نرد وبصريح العبارة نقصف
مي جاتني مرة خالتي قاتلي راكي تغبني في روحك

راكي في النت نورمال واحد عنده 6 سنين يعلق
واه عندها الحق ذري تعلم الحروف وجا يطبق
الله يفرحك أختي
فهمتي
​