واش ندير مع والدية

[توتو بشار]

[font=&quot]واش ندير مع والدية[/font]​

[font=&quot]انا طفلة عمري 30 عام وته نقولها ونعاودها أنا طفلة هاكذا يشوفوني والدية علاش لاخطرش قالك هما لجابوني وما دامهم حيين منقدرش نخرج على طاعتهم [/font]​

[font=&quot]مقدرتش حتى نفوت عطلة الصيف كيف الناس زعمة نسافر و لا.......لا خاطرش بابا ما قبلش قالك الصيف فوتيه معانا في الدار [/font]​

[font=&quot]علاه إنت دايمن في الخدمة و الكونجي لازم يكون في الدار هذا حساب نظريته 30 يوم في الدار ................؟؟؟؟؟؟؟؟؟؟[/font]​

[font=&quot]غادي نهبل ماعليش قبلت بصح راني جاياكم ممنوع الخروج يوميا خاصة أيام العطل (الجمعة و السبت) نبقاو أنا وخواتاتي محبوسين في الدار [/font]​

[font=&quot]واش نقول هذا كل والفتو ملي كان عمري ؟؟؟؟؟؟؟؟؟؟؟[/font]​

[font=&quot]المشكل أنا نخدم بعيدة عن الدار ونخدم حتى وقت متأخر من النهار (شركة خاصة) قررت نشري سيارة مستعملة رفضلي طلبي علاش كل سيارة يشفوهالي ناس الخير يخرج فيها ديفو كلي هو اللي حاب يشريها و في الأخير يرفض ويقولي شري جديد و أنا ماعنديش حق الجديدة وحلمي أني نملك سيارة من زمان [/font]​

[font=&quot]قولولي هنا واش ندير تعبت حابة نرتاح حابة نكون حرة نفسي حابة نعيش كيف الناس حاسة عمري 90 عام ما نتحرك غير بشورهم [/font]​

[font=&quot]حاسة معنديش أم لا خطرش دايمن في صفو عمري منحلم بحاجة لا خطرش الحلم بلا شواره يتسمى عصيان راني عايشة من الدار الخدمة من الخدمة للدار ماندير والو في حياتي تصدقو مارحتش درت في البلاد منذ أكثر من شهر [/font]​

[font=&quot]واش ندبر ربح راسي و نشري بلا ما نشاورو هاكذا قلتله اليوم ولا نبقى على حالتي غير واه وماندير والو [/font]​

 

[نينا2]

أنا نفسي اني نظن تحاولي ترضيهم و في نفس الوقت تحققي حلمك ممكن تطلبي المساعدة من عند عمتك باش تهدر مع أبيك باش يفهمك و ايضا مع خالتك باش تفهم ماماك و ديرك في نظرتهم راكي كبيرة و ما تنسايش ان والديك يحبوكو يخافو عليك بزاف

 

[Jeune Sghir Mc]

بعقلك اختي
والديك راهم يديرو هكذا لأنهم خايفين عليك
ويحوسو غير على مصلحتك
لأنهم عارفين بلي هذا الزمان صعيب
وما تنسايش راهم كبار وما يعرفوش مليح عقلية هذا الوقت ومتطلباته
بشوية معاهم حتى يساعفوك في حالك
​

 

[هآجر]

السلام عليكم
نومال اختي رانا كامل عايشين هكذة والحمد الله راني اقل منك وفي عز شبابي بصح جامي نرخج وحدي لا حبيت نخرج مع يما نشموا شويا هواء هذا مكان

ربي يجب لخير والديك ربي حفظهملك خايفين عليك برك​

 

[دعاء19]

مالقيتش شنو نقولك هادوك والديك ومتقدريش تخرجي عن طاعتهم
وفي نفس الوقت عندك الصح خاص ميضغطوش عليك راكي تبارك الله كبيرة وعارفة لي يصلح ليك ولي ميصلحش وحاجة تانية هاد الزمان خاص الانسان يعرف الدنيا مزيان هاد الزمان ماشي ديال من الدار الخدمة ماعليك غير تهضري مع اهلك وقلوليهم لي كاين وتفاهمي معاهم

 

[المتفائلة_91]

والديك ثم والديك ما تعصيش
وباباك عندو الحق في حكاية الطكسي راه كبير وعارف عفايس الدنيا

رصي والديك تضحكلك الدنيا

واذا على الخرجة كامل رانا هكا من القراية للدار ومن الدار للقراية ، مجتمعنا يقول هكا وما علينا الا ان نرضو بهكا ،
التذمر يزيد على الواحد همه ، مالا انتي ما تديريش في بالك

رضي والديك ،،ربي يخليهم ليك
وبالاك تعصيهم راكي ما تربحيش



سلامي

 

[GI Joe]

t es majeur , fs leur comprendre ça tu ne px pas continuer comme ça !!!

 

[never die]

معليش اختي اصبري على والديك فهما مفتاح الجنة لقوله تعالى " ولا تقل لهما اف و لا تنهرهما و قل لهما قولا كريما " فباصبر تفتح لكي الدنيا بهجتها

 

[أحبك ياجزائر]

والله يا اختي ما لقيت واش نقولك غير انك تصبري للوالديك اعلا خاطر هاذو والديك وما لازمش تعصيهم اختي ومهما تكبري اختي تبقي عند هم صغيرة
وبربي تنحل امووورك غير بشويا غير بشويا وساعفيهم اختي وربي يكون في عونك وتاكدي مهما يكون هاذو والديك اياك ثم اياك من عصصيان والوالدين راهي ماهيش حاجة سساهلة بسكو هذاك ما عندك في هذا الدنيا غير ربي وهما امنا غير اتكلي على الله ودعي ربي
​

 

[adelskikda]

انا نقولهم يتقهواو من عندي والسوارد لي عندك مديهم لباباك اوكي

 

[la_safa]

اختي مهما يكون هاذو والديك و ماتقدريش تخالفيهم { تعصيهم }
والله تقدري تقولي 70 بالمية راهم كيما نتي ماتقلقي روحك ماوالو
حلك : انك تشوفي وحدة تقدر تقنعهم و تقولهم راهي كذا و كذا
بالاك هوما من عقلية بكري مايخلوش البنت تدير و تدير
مي المهم حاولي تشوفي كيفاه و تجنبي اهم شيئ انك تزعفيهم مايدوملك غير والديك
​