واش ندير باش يتسقم زهري

[بشرى ملاك]

س

انت ياختي هذو صاحباتك مي كي تكوني عايشة مع ناس متتفاهميش معاهم انا دار راجلي صرات مرة عركة مع اختو كامل دارو عليا و انا من الي جيت عندهم واختهم هذي تعيط عليا و دايرتني في رجلها وانا منحبش نرد باش مايصراوش مشاكل مي هما ميفهموش القدر ودايما كي نشكي يقولو عندها المصران وانا نفوت و نهار رجعت نأكل حبوب منع الحمل رجعت عندي الأعصاب متحملونيش دقيقة و منفهموش المرحلة إلى راني فيها بصح انا لازم نتفهم معلبليش يخمو كي شغل ولاد الأمراء و انا بنت الشغالة كيما يقول المصري غاضتي بزاف و حبيت نروح و نخليهالهم بصح معندي وين نروح راجلي معندوش باش يديرلي دار وحدي بصح انا منقدرش نعيش مع ناس دارين شعارهم الشر و كي يشوفو واحد واعر يعجبهم ويقولو عليه فحل و مرة صرت تعاركت بنت ولدهم صغيرة مع بنت الجيران ضربتها بنت الجيران جات تشكي قالولها روحي اضربيها كيما ضرباتك هنا عرفت عقلهم وعقلها كيفكيف راهم يخمو كيما الذري الصغار
سا

سلام ربي معاك بصح سمحيلي ختي ماتسكتيلهاش فيها مصران يطردق عليها ان شاء دايما حنا نرفدو ونفوتو والله غاية ماتسكتيش، فرعون سقساوه قالوله واش فرعنك قالهم عبيدي، معناها كل ماتسكتي هي دزيد في عماها وقفيها عند حدها بصح بينك بينها ماتخلي حتى واحد يشوف باش مايجوش قاع عليك درك هما ينرفوك وزيد الحبوب مايبقى فيك والو غادية تهبلي ماتسكتيش عرفي كي ديري تهدريلها بلاما ديري مشاكل وادا بدات دزقي روحي وخليها تاكل روحها والله ماتنفع معاهم العقلية والرزانة يبغو لقبيح وربي معاك ويغلبك عليهم

 

[RIMA RIMAS]

سلام ربي معاك بصح سمحيلي ختي ماتسكتيلهاش فيها مصران يطردق عليها ان شاء دايما حنا نرفدو ونفوتو والله غاية ماتسكتيش، فرعون سقساوه قالوله واش فرعنك قالهم عبيدي، معناها كل ماتسكتي هي دزيد في عماها وقفيها عند حدها بصح بينك بينها ماتخلي حتى واحد يشوف باش مايجوش قاع عليك درك هما ينرفوك وزيد الحبوب مايبقى فيك والو غادية تهبلي ماتسكتيش عرفي كي ديري تهدريلها بلاما ديري مشاكل وادا بدات دزقي روحي وخليها تاكل روحها والله ماتنفع معاهم العقلية والرزانة يبغو لقبيح وربي معاك ويغلبك عليهم

 

[RIMA RIMAS]

شكرا اختي على الرد تاعك بصح هي من النوع المتغطرس مالغري تصلي و دايرة الجلباب وتبع في ربي مي ماهيش دايرة ربي في بالها وكي تهدري معاها بالعقل تبدأ تعيط و تدير في المشاكل عندها أختها أصغر منها ب8سنين بصح كي تهدري معاها بالرزانة تفهمك و مايصراوش بياناتنا مشاكل بزاف آبار المرة هذي كي صرات مشكلة مرة خوها لأخرى دارت شوية توابل باش يكرهوني ويرجعولها و هي ثاني دارت فيهم حالة و ضرك حابة ترجعني قبيحة و هي الملاك الطاهر مالغري درتها كي اختي كي تتعارك معاهم نواسيها و نسمع ليها و انا في أول فرصة ضربتني في ضهري

 

[RIMA RIMAS]

يعطيك الصحة اختي والله هذا تفكيري و متأكدة بالي ربي ينصر المضلوم و كيما قلتي الواحد يفرغ في قلبو لانو مكانش لامان في الناس إلى معاه على هذا لجأت للمنتدى و في نفس الوقت نحب نسمع نصائح تاع ناس كبار والا. حتى صغار عاشو تجارب واستفادو منها انا في لحضة حسيت الدنيا ضلمة واحد مايهدر معاك واحد مايوقف معاك على جال رديت الاعتبار لنفسي ومسمحتش للهانة و ملقيت واش ندير كتبت تجربتي و حبيت نفرغ قلبي

 

[RIMA RIMAS]

شكرا اختي والله في الدنيا هذي كاين ناس عمرها ما تشوف روحها غالطة دايما الناس غالطين في حقها بالرغم من أنهم يتبعو الدين وزيد واش يزيد طين بلة هو للنميمة والله ياختي غير نقبل نكون مضلومة على ضالمة نهار غدوة نجيب حقي بصح عمري منسمح إلى ضلمني خاصة هذا النوع من العباد ربي وكيلها و نشوف فيها نهارات يبردولي قلبي