رانى جيت نخطب يا بنات اللمة

[مسلمة وافتخر باسلامى]

السلام عليكم مسلمة

موضوع هايل وانا الاولى محتارة مي نحاول بقدر المستطاع نجاوبك
روحي شوفي هذا الاخ او اي واحد في وقت المراهقة اي وحدة يقبل بيها المهم يخرج ويتملعب وخلاص
واذا وافقت عليه الطفلة ياو فرحتوا ماتوصفش
اما اذا جاه وقت الصح وباغ يزوج يقول ليماه....ماما شوفيلي بنت فاميليا"بين قوسين جامي عشقت وجامي خرجت من الدار لقراية ومن القراية للدار..."
هذي فاي راجل
يحب يلعب وجب هاذي ويدي الاخرى السمرة موراها الشقرة ال متحجبة وال مش متحجبة صغيرة كبيرة اشكال ولون دارهم
على هذا يلقى الامر صعب باه خير لانوا فقد لذة التمييز والتعارف لانوا الاشكال والالوان والاعمار كل زارها وطبيب بابها.."خرج معاهم كل..."
على هذا صعيب يميز وصعيب عليه باه يلقى وحدة تملالوا عينوا
+في بال اي راجل هنا او في الخارج يقولك البنات كل عرفوا وخرجوا ومانامنهمش
+نتاع حومتوا يعرفهم +مكن شافهم مع واحد او شئ هكذا ولا هو الاول كان يشوط بيهم الكورة
هذي نوعية
+اما نوعية خلاف تحب تبعد وتبدل الحارة وتجيبها من بلاصة بعيدة منها يبدل جو منها تكون جديدة عليه
+نوع خلاف مايامنش لانوا هو الاول لعوبي
+نوع خلاف جابها بنت بنت زنقا زنقا بيت بيت
وهكذا اشكال بزاف
+نوع خلاف يجيبها من بعيد باه تكون صفحة بيضة ماتعرف عليه والو وماسمعتش بسلبياتوا +ماسمعتش من بنت الجيران وش عمل
امور بزاف وكل واحد وكيفاش خمم
المهم حاولت اني نمدلك العقليات الي قدرت نفهمها والكلام ميزان
اما في الاخير نحاول نوضع نصيحة لكل بنت هنا......ماتخليش روحك كورة لعبوا بيها
+طفل ............نتمنى تثيق فالطفلة وتوزنها لاننا مش كل فينا هذا الامر
شكرا لك على الموضوع المزيان
ونتمنى نكون خفيفة بصراحتي
بالتوفيق

وشكرا لك​

ميرسى على الرد
لكن انا متاكدة بلى خالى انسان ملتزم خاطيه اللف والدوران وشكيتش انه علرف ناس بزاف والله اعلم
ولكن هى مشكلة قبول بالدرجة الاولى
مشكلة الشخ المناسب فى المكان المناسب
وزيد الشروط كيما تعرفى لازم بنت فاميليا ومربية وشاطرة فى امور البيت ومحترمة وشكلها مقبول وووو
هههههههههه ربى يكون فى عوننا احنا البنات

 

[السوفي]

وعليكم السلام ورحمة الله وبركاته
السلام عليكم ورحمة الله وركاته
استميحك على تطفلي على ردك
بل ردك على ردي زادني تقديرا وحترام
ولكن لاعجابي بصراحتك وتناول للموضوع بجدية
فانا واحد منكم
ووضع يدك على سلبيات الشباب كما ذكرت سلبيات البنات
ومن منا كامل الاصاف ...
وهذا اذا دل دل على عدلك وانصافك وحكمتك
لا حول ولا قوة الا بالله
فشكراااااااااااااااا لك
بل انا من عليه ان يشكرك
موفق
​

السلام عليكم ورحمة الله

اختى الفاضلة ارك الله فيك وجزاك الله خيرا استسمحك عذرا فانت الاصل ونحن الفرع والله كمك هذا طوقني بفضائلك فلم اجد سبيلا سوى ان ارفع اكف الضراعة لله داعيا لك اللهم اغفر لها ووارح والديها وجزها عن افضل جزاء ورفع درجتها في جنة الفردوس امين امين وللمسلمين اجمعين
السلام عليكم
​

 

[sahiko hamza]

رد سريع

وعليكم السلام ورحمة الله


عندو الحق خالك .... بلاك انتي برك كي عدي صغيرة مافهميهش
ممكن لمرا لي شافها ماشي على قوسطوه
ممكن لقا وحدة كيما لي يحوس اعليها مي عندها باسي يا لطيف
ممكن عندها سوابق
ممكن .... ممكن ....... ماتحصيش .

مالا خليه يتخلى وحدو ومام انتي ماتكسريش راسك ياسر

​

 

[حذيفة بن اليمان]

شوفي يا الأخت الكريمة, باغية تفهمي الموضوع درك نفهمك.

إحصاء 2010 في الجزائر: كل راجل يدي 4 نساء ويفضلوا !

يعني على قفا مين يشيل كيما قلتي.

أما المشكل تاعك لي باغية تفهميه هو أن الراجل ماتهموش وحدة جميلة بقدر ما يكون متفاهم معاها وتناسبو.

ركزيلي على كلمة تناسبو, يعني المراة لي تخرج عليه, والجمال ما تزيديش تحكي عليه خاطر هو آخر حاجة ورح يشبع منها نهار اخر وتبقى غير عقليتها وشخصيتها لي تخليه يكمل يحبها.

نتمنى راكي فهمتي الموضوع.

 

[مسلمة وافتخر باسلامى]

رد سريع​

وعليكم السلام ورحمة الله​

عندو الحق خالك .... بلاك انتي برك كي عدي صغيرة مافهميهش
ممكن لمرا لي شافها ماشي على قوسطوه
ممكن لقا وحدة كيما لي يحوس اعليها مي عندها باسي يا لطيف
ممكن عندها سوابق
ممكن .... ممكن ....... ماتحصيش .​

مالا خليه يتخلى وحدو ومام انتي ماتكسريش راسك ياسر ​

ميرسى على الرد
مانيش صغيرة خويا بالعكس كبيرة ونفهم
بصح اكيد ماشى كيما هو ههههههههه

 

[مسلمة وافتخر باسلامى]

شوفي يا الأخت الكريمة, باغية تفهمي الموضوع درك نفهمك.

إحصاء 2010 في الجزائر: كل راجل يدي 4 نساء ويفضلوا !

يعني على قفا مين يشيل كيما قلتي.

أما المشكل تاعك لي باغية تفهميه هو أن الراجل ماتهموش وحدة جميلة بقدر ما يكون متفاهم معاها وتناسبو.

ركزيلي على كلمة تناسبو, يعني المراة لي تخرج عليه, والجمال ما تزيديش تحكي عليه خاطر هو آخر حاجة ورح يشبع منها نهار اخر وتبقى غير عقليتها وشخصيتها لي تخليه يكمل يحبها.

نتمنى راكي فهمتي الموضوع.

عجبتنى هادى تع الاحصاء هههههههه اول مرة نشوف احصاء كيما هدا
صح عندك الحق فى واش قلت

 

[ذات نطاقين]

و الله يا اخي لمشكل في نية تع لعبد و متنساش اصعب الاختيار هو إختيار الزوج
ولكن انا مشكلتي مشي مع راجل لي جي يخطب مشكلتي مع يماه او باباه قولت راني حب ندي واحد من دار الايتام ههههههه

 

[مسلمة وافتخر باسلامى]

و الله يا اخي لمشكل في نية تع لعبد و متنساش اصعب الاختيار هو إختيار الزوج
ولكن انا مشكلتي مشي مع راجل لي جي يخطب مشكلتي مع يماه او باباه قولت راني حب ندي واحد من دار الايتام ههههههه

شابة اديرى فيه مزية ههههههه
بصح علاش تخافى من يماه وباباه

 

[hiba14]

صح حنا خالتي ولدها هبلها خطبتلو قاع تيارت و ضواحيها و قال لا مالا عيات ولا ت الليل ما ترقدش قاتلو حوس روحك نهار اللي تصيب قولي
من بعد شفتلو صحبتي الحمد الله
راه غاية

 

[MiSs Sisi StyLe]

هههههههههه موضوع خاطيني مزلت صغيرة لكن منكم الاستفادة كي تلقاو ليها تفسير نجي نشوف الردود باه نتعلم

 

[مسلمة وافتخر باسلامى]

صح حنا خالتي ولدها هبلها خطبتلو قاع تيارت و ضواحيها و قال لا مالا عيات ولا ت الليل ما ترقدش قاتلو حوس روحك نهار اللي تصيب قولي
من بعد شفتلو صحبتي الحمد الله
راه غاية

ايه الحمد لله راكى حليتى المشكل

 

[مسلمة وافتخر باسلامى]

هههههههههه موضوع خاطيني مزلت صغيرة لكن منكم الاستفادة كي تلقاو ليها تفسير نجي نشوف الردود باه نتعلم

ايه معليش نزيد كاش عامين ثلث سنين ونجى نحطلك نفس الموضوع

 

[خفيف الروح]

اللي يخطب راه كيما اللي في وسط البحر

الموجه اللي اتجي تديه .

ويتقلب هاكذا وهاكذا ... وكل مرة عندو راي

وين يشوف وحده تعجبوا وكي يقرب امليح ويسقسي علىالاحوال

ايولي يبطل وروح روح

قالوا المرا يخطبوها ماية ويديها واحد

الخطابة راهم مهلوسين اشويا اصبروا اعليهم

وراني واحد منهم

والله غير كل يوم راي .... وكل يوم تفكير.

مرة انقول لازم انجيبها تخدم ، ومرة اخرى انقول لالا
ومرة انقول لازم زينه بزاف ومرة انقولا لالا اتجيبلي العين وراني غيار بزاف
ومرة انقول متعلمة بزاف ومرة انقولا لالا تقرا اشويا برك

ومرة انقول امليح اتكون عندها الدراهم زيادة الخير خيرين ورة انقولا لالالا
اتجيب مع الدراهم امتاعها الزوخ والفوخ ونحصل في جدها

شفتي كيفاه راني امخلط وربي يصفيه ويجيبلنا بنت الحلال
امتاع الذهب اتلقى الفضة
سلام اختي مشكورة مأجورة

​

 

[مسلمة وافتخر باسلامى]

اللي يخطب راه كيما اللي في وسط البحر​

الموجه اللي اتجي تديه .​

ويتقلب هاكذا وهاكذا ... وكل مرة عندو راي​

وين يشوف وحده تعجبوا وكي يقرب امليح ويسقسي علىالاحوال​

ايولي يبطل وروح روح​

قالوا المرا يخطبوها ماية ويديها واحد​

الخطابة راهم مهلوسين اشويا اصبروا اعليهم​

وراني واحد منهم​

والله غير كل يوم راي .... وكل يوم تفكير.​

مرة انقول لازم انجيبها تخدم ، ومرة اخرى انقول لالا
ومرة انقول لازم زينه بزاف ومرة انقولا لالا اتجيبلي العين وراني غيار بزاف
ومرة انقول متعلمة بزاف ومرة انقولا لالا تقرا اشويا برك​

ومرة انقول امليح اتكون عندها الدراهم زيادة الخير خيرين ورة انقولا لالالا
اتجيب مع الدراهم امتاعها الزوخ والفوخ ونحصل في جدها​

شفتي كيفاه راني امخلط وربي يصفيه ويجيبلنا بنت الحلال
امتاع الذهب اتلقى الفضة
سلام اختي مشكورة مأجورة​

راك حاصل تع الصح
وكى تجيبها مزعوقة بزاف تبعدلك البركة مالدار هههههههه
نتمسخر برك
كل واحد يدى مكتوبو وربى يعطيك الافضل
شكرا على المرور