قالي اسم بنتي دوصاف ...

الحق موضوع مليح
كاين أسماء برغم غرابتها لانها غير متداولة الا ان معانيها مليحة هذا ميعنيش انه الواحد يسمي ومن بعد بفتش على المعنى
الاسم ... بصح الي راح شايع انه كل واحد يلصق حرف على الزهر ويطلع معاه اسم ونساو ان لنا نصيب من أسمائنا
والوالدين يتحاسبو على أسماء أولادهم
شكرا
 
واش سفيان واش معنى دوصاف.....راهم يظلمو في ولادهم باسامي الغرب والترك.....وقصة نور من الله فكرتني
بفتاة صغيرة من الكارتي نتاعنا..... وسمها شفاء وهي والله ونتشوفها تحكمك العلة لي ما تبراش منها خلاص..
والمشكل الكبير انو اغلبية الاهل مايكنوش فاهمين معنى الاسم لي مدوه لولادهم ...... وسموهم اسامي بعيدة كل البعد عن مجتمعنا.....وخير الاسامي ماحمد وعبد.......ويناك يا سموات زمان.....حزية وذهبية وباتول ...ولويزة و...عائشة... ورقية ....وشعبان ورمضان....وقدور ..... وووووو اسماء انقارضت .....في المجتمع الجزائري.
انا نشالله ونسمي ولادي باسماء معقولة ومقبولة مثل مكانش( سفيان)

هههههههه
اهلا بيك زهية
عجبتني تاع تشوفها تمرض ههههههههه
كيما قلتي قضاو علينا المسلسلات تاع الترك الله لاتربحهم ..
ماكانش قد الأسامي الباهية
ربي يحفظك

ههههههههههههههههههه سمعت بوحايد بزاف عندهم أسامس غريبة كيما وحد الطفلة تكولنا وسمها مشكلة ووحدة الاتاريخ وكاين بزاف هههههههههه

هههههههههههههههه
اي هذا أغرب اسم ههههمشكلة ممم مسكينة يتحملو مشاكلها
ربي يهدي بعض الوالدين ...
يعطيك الصحة ...

اخي بصح كاين اسم دورصاف
و معناه الدر الصافي
بصح هادي دوصاف عمري ما سمعت بيها
ههههههه بصح خير من الاسماء تاع بكري
علجية و حفصة و نعناعة(خالة ماما)و خوخة (خالة ماما) و ذهبية (عمة بابا) ههههههههههههههههه
اهلا بيك أشواق
ههههههههه
اواه حتى نعناعة ماشي مليح هههههههه
ماكانش قد كاين ...
يعطيك الصحة
 
خويا انا نعرف اسم درصاف
و هو اسم شباب
و صح خويا كترو اسامي التخلاط كيما لي قلتهم
 

وين راه الإشكال....؟
يسمي دوصاف ثري صاف كاتر صاف
تلين فلين اهلين
وين راه المشكل؟
 
والله هدا إنسام مريض من مخه وعلاه هذا الهبال يخلي أسماء عربية يعجز اللسان عن وصفها ويسمي بنته إسم أجنبي

يعطيك الصحة خويا لعزيز
والله يغبنو في ولادهم
بصح بلاك الجيل تاعهم يكثرو الأسامي هذي ..




رانا نسمعو غير فالجديد...


ولله هاد الناس يضحكو يحوسو يتقدمو حتى فالاسماوات مممم
والحاجة الي تزيد تحيرك كي يجيبو اسم معلابالهومش حتا بالمعنى نتاعو ويزيد بزيادة يقولولك كاين فالقران !!!!!!!

يعطيك الصحة على الموضوع

أهلا بيك استريلا
يتقدمو في الأسماء، ياخي تقدم ياخي
اسم مايعرفش المعنى تاعو، ولا معناه ماشي مليح وتبالو بلي تقدم ودار حاجة قاوية ...
وكيما قلتي يقلك راهو في القران، وراهو في كذا
يعطيك الصحة ...
 
لاالة الا الله سيدنا محمد رسول الله
 
وش هذا الاســم دو صـآف هههه ،

وكان غير جا عندو معنــى ،

وش رايكـ في اسمـ،ي ؟؟

جمـآنة
 
السلام عليكم

اسم دوصاف لم اسمع عنه ابدا
اسم ميسلون هو مكان في سوريا وقعت فيه معركة بين السوريين والفرنسيين

تلين اعتقد انها مشتقة من اللين اما اذا كان يقصد تالين فهي عاصمة استونيا على ما اعتقد

انتشرت بعض الاسماء نتيجة التنوع الثقافي والموجات الجديدة فعندما انتشرت الافلام التركية انتشرت الاسماء حسب اللهجة المدبلج بها الفلم
وخاصة الاسماء المشرقية التي صارت اكثر تداولا وكذلك نتيجة الى تأثير الثقافة حسب نوعها فمن كانت له ثقافة عربية اختار اسماء عربية ومن كانت له ثقافة اسلامية اختار الاسماء الاسلامية صاحبا هذان الخياران متقاربان لانهما مترابطان
بعض الاسماء تراثية ولكنها اصبحت غريبة رغم معانيها الجميلة ولكن الزمن يقول غير ذلك
هناك اسماء تنتشر في مناطق دون اخرى اذ انها من تراث المنطقة مثل الاسماء الامازيغية

كذلك هناك فئة المستلبين الذين يسمون ابنائهم اسماء اروبية رغم انهم يعيشون بيننا

هناك ايضا من يسمي حسب الاحداث العالمية هناك من سمى ابنه جمال عبد الناصر او صدام حسين

ولكل شخص حرية التسمية ولكن على الناس اختيار اسماء تكون ذات معنى جميل ولا يكون الاسم غريبا كذلك لان الاسم ومعنى الاسم يؤثر في نفسية صاحبه لانك تجد اصحاب الاسماء الغريبة وخاصة الفتيات تجد حرجا من اسمها وخاصة اذا سخر منه الآخرون وسيئثر في نفسها وتكرهه لانه سبب لها الاحراج فتصاب بانفصام في الشخصية لانها سوف تحاول تبني اسماء اخرى ثم تتأثر باصحاب تلك الاسماء

المهم طولت وانا نتفلسف عليكم
انا نحب من الاسماء للاناث "فاطمة،زهراء،شهرزاد،شاهيناز،شيرين،قمرزاد،كاتيوشة"
اما للذكور"مصطفى،احمد،علي،حسين،حسن،جواد،حسام الدين،سيف الاسلام،عبد الحميد،سليمان،شاهين،نجم الدين،شهاب الدين،قلب الدين،سجاد،صلاح الدين"
 
والله غير يحيرو انا عندي خالتي مسمية بنتها اسعاف
وبنتها لخرى:مساءجميلة
وصحبتي اسمها مدينة
 
والله غير تبقى حاير
انا خويا سمى وليدو* وثيق* واش معناه ما نعرف؟
قتلو كن جات طفلة و سميتها*وثيقة* خير على القل باين المعنى ولا كيفاه؟...
.................................
رح نعاندك...
ملاحظة/
مواضيعك ديما تعجبني الله يدوم التألق
واش معنى اسمك نتا؟
سلام
 
واش معناها كاتيا يرحم والديكم؟؟؟؟؟؟؟؟؟؟
 
مانقبلش طلبات الصداقة

راني معقدة
----
هذي درتها انا العام لي فات ...
 
والله غير تبقى حاير
انا خويا سمى وليدو* وثيق* واش معناه ما نعرف؟
قتلو كن جات طفلة و سميتها*وثيقة* خير على القل باين المعنى ولا كيفاه؟...
.................................
رح نعاندك...
ملاحظة/
مواضيعك ديما تعجبني الله يدوم التألق
واش معنى اسمك نتا؟
سلام

هههههههههه
أهلا بيك أسماء
ربي يحفظك ليا الشرف انو مواضيعي تعجبك ...
وثيق م مانعرف واش معناه هههه
كاين اسم وفيق ...
---
اسمي الحقيقي سفيان ...
 
واش معناها كاتيا يرحم والديكم؟؟؟؟؟؟؟؟؟؟
كاتيا تصغير لاسم كاتيوشة
اسم روسي اطلق على صواريخ ارض ارض قصيرة المدى اسمها كاتيوشة

الصاروخ شباب بزاف
 
فكرتيني في خوية نهار خلقت عندو الطفلة اللولة قاللها والله تسميها اسم مايعرفوش لعجايز ينطقوه والله غير نبدلوا
وسماها مريم قاللها خلينا التمسخير هذاك نتاع الأسماء
 
العودة
Top