السلام عليكم و رحمة الله و بركاته
موضوع ممتاز وواقعي بزاف
كاين بزاف شباب في مختلف الاعمار يخمو في الزواج و همهم و المشكل تاعهم الوحيد في هاد الدنيا هو الزواج
صحا ماعليش
خليهم يتزوجو ........ميلحقش عام يقولك كرهت و ندمت و كلشي.....*و نسا بلي من قبل ان صح التعبير كان ملهوف على الزواج*
و مبعد يجيب لالا المخلوقة نهار كامل وهو خانقها... اونبليس يخرج برا يزيد يشكي منها*رانا نشوفو فيها في حياتنا اليومية*
ايه يا وو علاه تزوج حتى تولي تشكي؟؟؟ نتا لي حبيتها لعمرك ؟؟ايمالا احمل واسكت؟؟(لي بغا للو يحمل ددي)
الزواج قبل ميكون اي حاجة...هو مسؤالية ....
يحط في بالو بلي راه جايب وحدا ....ليها حق عليه...
و هي ثاني نفس الشي
+مراهمش راح يريحو زوج عباد فالدار....ولادو يقدر يوكلهم؟يقدر يشربهم؟يلبسهم؟يداويهم؟
بزاااااااااااااااااااف حوايج الناس تهملها فالتفكير كي تخمم فالزواج
هدا مجرد راي شخصي
بالنسبة لهاد ليكستيو في زوج
زعمــا ذركا مزال كاين بنات يصبرو معاك ؟
ولا الزواج مكتوب غي على وليد الشكارة ؟
ضك نجاوبك عليهم
زعمــا ذركا مزال كاين بنات يصبرو معاك ؟
بالنسبة للصبر هادي مفهمتش واش من صبر ايقزاكت
بصح راح نقولك ....كيما جبتها و تعلمت منك علمها تصبر عليك من النهار اللول *هدا ادا كانت قابلة للتعلم*....
ولا الزواج مكتوب غي على وليد الشكارة ؟
الشكاير يروحو ويجو..يا شفناهم بالفيلات ولاو يحوسو على كريات...يما شفناهم يحوسو على اللقمة ولاو ضاربتهم السقمة
باه تبني حياتك....كان ربع حوايج
اساسهم و مفيدهم الاحترام المتبادل...الثقة بين الطرفين... ......الصدق و الصراحة
السيجي هدا فيه بزاف هدرة نبات نهدر و منعرف
مشكور اخي على الطرح
بوركت
