اسلوب المراوغه هههه

[bilal22]

السلام عليكم يا لخاوه

وجمعه مباركه طبعا اذا عتمدو لموضوع ليوم هههه

ليوم حبيت نحاوركم في وحد الامر

عندي مده وانا حاب نحكي فيه مي معرفتش نصيغو لكم بطريقه

مليحه

المهم راح نحاول نوصلكم لفكره وان شاء الله نقدر

الامر لي حبيت نقولو هو اسلوب في الكلام

يعني كي تحب تحكي كاين طريقتين وبالاخص اذا كنت تحكي علا

امر وعندك فيه لحق

يعني تقدر تديه بطريقة انو حقك واحد ما يدخل روحو

وتقدر تديه بالتي هي احسن وقالي يا جمعاعه هكا وهكا

يعني تجيبو بطريقتين في زوج بصح الاثر لي تخليه في الطريقة

الاولى ونظرتهم اليك

مش كيما النظره لي تخليها في الطريقه التانيه

وهاذا انا نسميه اسلوب المراوغه هههه

يعني كامل نقدرو ناقشو ونتعصبو في الراي وندخلو حتى في

مشادات كي نكونو متاكدين بلي رانا علا حق

بصح تاني نقدرو نوقعو لي رانا معاه ونفهموه ونسمعولو ومن

بعدا نحاولو نصحولو

حتى نوصلوه للي نحوسو عليه بلا ما يفيق

وتخيل نتا يجيك واحد تقدر تقولو

لمهم حبيت نقولكم بلي كامل نقدرو نستعملو القوه ونجيبو وش

نحبو بصح هاذا

يترك اثر سيء علا سمعة الشخص

ونقدرو نراوغو ونجيبو وش نحبو بحنانه ولطف وطيبه

وهنا نبقاو ملاح في الصوره

وان شاء الله نكون وصلت لكم المعنى

شكرا علا حسن الاصغاء والمتابعه

سلام
​

 

[bilal22]

شكرا للاعتماد

​

 

[يوسےفے]

دوختني بلال حتى نفهم مليح بعدها نحطلك رد​

 

[NeيRسNe]

آآآآآآآآآآآآآآآآآآآآآآواه استناني نعاود نقرا الموضوع من الاول خاطرش راك متابع اسلوب مراوغة دوختني هههه
لي عودة
​

 

[girl-alg]

وي بلال خويا ههههه

بصح قلال لي يتابعو اسلوب المراوغة خاصة اذا كان على حق

مايسمعلكش قاع هههه

شكرا لك​

 

[sam_houssem]

ديما ديما مع بلال
المونوبول تاع وش راك تهدر
بلال عندك الحق في وش راك تهدر
مي انا نشوف بلي المراوغة تقدر تجيب حقها وقادرة
وزيد المراوغة ماش غير هكذا
يقدر حتى يراوغك وما يجاوبش خلاص
يخليك غير دور كي النعجة لي جنت
مي انا كي ترجع ليا ما نحبش نراوغ
نحب نوصل لصلب الموضوع طول
يخي قالو ضرب بالفاس ولا 10 بالقادوم
هذا رايي ومن بعد نزيد نضرب طلة​

 

[يوسےفے]

درك راني فهمت شوي بصح مشي بزاف............................راك تقصد بلي الواحد لازمه يكون هدار و فنان فل الهدره....الواد الي يقيسوك فيه تسلك روحك منه ياك....لا كان كيما هكا عندك الصح...الواحد لازمه يكون ساجي و يخلع بهدرته مي لازم يزوقها....و ما تخليهمش يgبضو غلطتك اذا غلطت والهدره ثاني لازمها تكون ظريفه و تدخل فل القلب وتخلي انطباع عند المستمع وهكا يدي عليك نظره مليحه........بارك الله فيك بلال​

 

[المتفائلة_91]

ايه الفكرة وصلت


اكيد اسلوب المراوغة احسن ،،

بصح كاين عباد ماتنفعش معاهم الهدرة ياو كون تبات تحلل وتفهم فيهم

هنا لازملك القوة :showoff: بش تدي حقك

يعطيك الصحة

 

[D@rk Angel]

أسلوب المراوغة مليح وماشي مليح لاخاطر أنا نحب نخرج فيها طول مي يكون فيها زعاف و اسلوب المراوغة تقدر تقول تخرج بيه بأقل الخسائر..

 

[mina87]

يا بلال حسيت بلي راك حاب توصلنا الفكرة باسلوب المراوغة
يعني ......................
خلي خويا ما نربحش معاك العيب درك كي نفهم مليح و نتاكد راني نوليلك
اوكي
ههههههههههه

 

[السلطانة]

وعليكم السلام
لي يراغوك راوغو
موضوع مليح
شكرا
​

 

[ღملامح طفلةღ]

اسلوب المراوغة يليق
للناس الي بالهم طويل
و مايقلقوش
انا نحاول نكون مراوغة و نوصل فكرتي بالعقل
بصح منقدرش نكمل اذا كان الشخص الي مقابلني
راسو يابس :glare:

merciiiiiiii بلال
​

 

[manita_a]

ميضوع باهي الله يبارك و صفحاتو نضاف هههههه

 

[bilal22]

ميضوع باهي الله يبارك و صفحاتو نضاف هههههه

هامنيطا هحشمي خير ما نقلبوه علا راسو ههه

 

[manita_a]

هامنيطا هحشمي خير ما نقلبوه علا راسو ههه

سبحان الله نقيمولك في ميضوعك و نردو عليه و تحاوز فينا ممممم
ماتسالنيش جيت نقول رايي

ممممم انا حبيت نقول بلي اسلوب المراوغة هذا يستعملوه غير الناس الي تفهم :shiny: كيما انا i-o:

 

[bilal22]

سبحان الله نقيمولك في ميضوعك و نردو عليه و تحاوز فينا ممممم
ماتسالنيش جيت نقول رايي

ممممم انا حبيت نقول بلي اسلوب المراوغة هذا يستعملوه غير الناس الي تفهم :shiny: كيما انا i-o:

لي يسمع يقول راني نحلل فيك تجي ههههه
هاو اسلوب لمراوغه ميسمحلكش تقولي متسالنيش هههه
هيه باين نتي لي تفهمي اسلوب هاذا والدليل كلمة متسالنيش نقول رايي ههه

 

[manita_a]

لي يسمع يقول راني نحلل فيك تجي ههههه
هاو اسلوب لمراوغه ميسمحلكش تقولي متسالنيش هههه
هيه باين نتي لي تفهمي اسلوب هاذا والدليل كلمة متسالنيش نقول رايي ههه

هههههه هذي الكلمة ماتعنيش اني مانيش من احاب هذا الاسلوب
لاخاطر ماتسالنييييييييييييش ههههههه

 

[re..sonia..da]

اللي يعرف يسمع يعرف يجاوب هاذي راهي no comment معايا

بصح هذاك اللف و الدوران راهو يا بن عمي يدوخ والله يا لا عدت

قلقان المخ تاع راسك يولي يغلي

sonia 27

 

[blida09]

اصبر نعاود نقرى مليح ونركز مليح ونرجعلك رد لخاطر مافهمت والو منا ومنا وهكا وليه وهنا

 

[4Akram]

ســــلامـ عليـــكمـ ~ مــرحبــا بـــلال خــويـا ،،
كيف الحـال و الأحـوال ؟! ان شـاء الله ديمـا بخيــر و صحـة

فهمــت كــلامكـ تمــامـ خيـــي ، و أنــا من النــوع الي ينــاقش بالصـراخ
و المشكـلة كي نكـونوا مجتمعيـن في الليــل تصــرا كـوارث بالحس و العيـاط -_-"
<< الله لا يشــوفكـ ههههههههـ
بصــح مـا كــذبش عليكـ ، كي يكــون الموضوع في مجــال مـا نعــرفــوش نكست
أمـا إن كــانت معلـومـاتي صحيحـة فـ الحــرب قتــال ههههههههههههـ

و أســلـوب المـرواغـة أنـا مـا نستعمـلـوش أبــدا ، بصــراحـة يـا بــلال
من هــذا الي يستــاهـل نتــراوغ معـاهـ حتى نقنعـه بــرأيـي ؟!
حـب يفهـم بالحـوار و النقـاش العـادي و يطـرح رأيــه نسمـعـوهـ و يسمعنـا اللهم بـاركـ
مـا حبش خــلاص نخليــه عـلى هــواهـ ، و نحتـرم رأيـه ^^.

المهــم خــويـا الكبيــر ، مــواضيعكـ ديمـا تحمسنـا ،،
شكـرا لكـ و مـا طـولش علينـا بــ جديدكـ ^_~.

دمــت في حــفظ الرحمــن ،،
​