ياه قاتلك وصلت 17 لازم تتزوج!!؟؟وال19 راهي راح تبورلهم ؟؟

[mimi-ba]

سلامووووووووووو عليكم

هذا يا سيدي حنا قاعدين في الدار في نعمة ربي حتى نلقاو الباب طبطب؟؟!!
آو شكون ؟؟؟
هذي جارتنا جاية تطلب في الذهب _o: و المطارح تاع الصوف .....
ياختي وعلاه ؟قاتلك بنتي جايين يخطبوها
آو على حساب ماعلابالي بناتك كامل تخطبو مازالت غير الي عندها من لي قفلت 19 سنة يومين؟؟
قالت: ايه هديك هيا
ونتم قابلين؟قالت بيانسير علاه واش فيها وزيد رانا نطيبو في القاطو .............

آو يا شومي يا شومي واش هاذ العقلية ياخي حنا في ال2011 والا واين؟؟؟
قبل تاني دارت نفس الجاست بناتها يتخطبو في 17 سنة ويتزوجو في 19 مي حنا قلنا ضرك الدنيا راهي حظارة واش لي صرا ياه؟

الطفلة مازالها صغيرة ويجيها ألف واحد غير هدا وعلاه راكم مزروبين والا نقولو وعلاه تبيعو فيها هكدا؟

أنا قلت sur الطفلة مش قابلة و لازم نونسها شوي :sheer:
روْحو الخطابة وقبلولهم الشروط ياسيدي وأنا رحت نبارك احم احم هههههههه

نلقى الطفلة حطة ياو تقولو عرووس هدا ماكياج وهدي لبسة و هدا غناء وزغاريت
حطيت روحي بلي غلطت في الدار
الطفلة ماعندهاش سمانة من لي كانت تقوللي مانديرش زي خواتاتي نكمل قرايتي ونبني حياتي وممبعد يا من عاش

المهم طولت بزاف بلا فايدة ونقولو بلاك 19 مافيها والو
حتى تجي ماما تقوللي بلي أستاذة تقري معاها خطبو لسلفها الي عمرو 50 سنة وحدة في عمرها 17 ؟؟؟؟؟؟؟؟_o:_o:_o:_o:_o:

آو هنا حبست تاع الصح
ومش قادرة نزيد نكمل نحكي لخاطر قبلو دارها وشابعين فرحة؟؟!!
واش رايكم في هدو لي يزوجو بناتهم هكا ؟مممم لالا يبيعو فيهم
مي لي دوخني كتر البنات موافقين !!
يا شومي يا شومي
ههههههههه

آو نعقبلكم الخط كاشم تتنحالي الشوك هدي:sadwalk::sadwalk:

ونجي نكمل ههههههههه

سلاااااام



​

 

[amina-02]

هيهيهههههه
خليها تزوج
رانا 2011 و رجالة بدو ينقارضوا

وبالنسبة لعمي الحاج مولا 50 سنة نعرف واحد في عمروا 80 سنة حب يزوج مالقاولوش وحدة تاع 50 قالهم جيبولي 2 تاع 25/25

​

 

[{مُدَلَّلَتُهُ}]

hhhhhhhhhhhhhhh non ana je suis contre ya khti rah mazel el 7al 7ata tkemel 9rayetha w mba3d el zwaj sahel
w wa7ed 3andah 50 ans yetzouwej b wa7da fi 3morha 17 ans bezaaaaf hadi darhoum karhine menha w baghyine ylikidouha wela chahi ??

merci bcp khti 3la el mawdo3

 

[جزائرية كوول]

هههههههههههه هم يبكي وهم يضحك وراني معاك اميتة بلاك ينقرضو الرجالة ههههههه

بصح هايلة تع زوج 25 ههههههههه

 

[المتفائلة_91]

ههههههههههههه
يا ويلي على عمري خلاص برت وااااااااااااااااع

راني غير نقصر

اذا كانت الطفلة ما تقراش وقاعدة في الدار تروح تتزوج خيرلها
واذا كانت تقرا وجاها واحد مليح علاه لالا و19 ماتسماش صغيرة بصح كيما قلتي الاولوية للقراية

بصح اللي حبستلي راسي مازالو جايين يخطبو بدات الماكياجات والزغاريت مالا في العرس واش دير ؟

حنا عندنا اللي بش يخطبوها تخرجلهم عادية بقندورة الدار ولازم ماتحط والو في وجهها بش تبان طبيعية بدون تزييف ههههه

شكراااا

 

[بياديق الشطرنج]

موضوع مليح ختى ميمي
والله ربي يهدينا ولاو يتزوجو بكري بصح كيما قاللنا البروف تاع العلوم الذراري ولاو يحوسو على مولات 17 واللي في 19 قريب تبور .اما فيما يخص البنات اللي قابلين بهاذ الشي بالاك مش مرتاحين عند ماليهم وعايشين الميزيرية ويحوسو يتهناو

 

[**** بنت أبوها ***]

كيما قالت اختي المتفائلة اذا كانت مبطلة ما تنفعها حتى حاجة
بصح اذا كانت تقرى ما نأيد فكرة الزواج الا اذا سمحلها تكمل قرايتها
​

 

[makour]

ختي كتروا نسا دوكا عندهم الحق يخافوا على رواحتيهم ههههههههه يا خي حالة ارمي برك 19 سنة وش تعرف فالدنيا هادي هاداوين بدات تحل عينيها .......هادوا الحالات تلقايهم فالدشرات ماشي فvilles علاخاطر هادا jeste تع واحد ماشي متقدم.............مشكورة ختي

 

[فراشة الربيع95]

اذا كان الراجل يبغيها ويقدر يعيشها علاه لا
ديجا 19 مراهيش صغيرة

 

[نسيم الربيع]

هذي تاع 19 يلا ماتقراش وقاعده فالدار نورمال تزوج مادام قابله
بصح يلا تقرا ولا زوجوها بالسيف مشي آفار
والشيباني هذاك منو بزاااااااااف
الله يصلح لحوال
مارسي عليك​

 

[حفيد هواري بومدين]

مليح لطفلة الزواج وهي صغيرة
كل ما زاد العمر زادت الشوفات والخرجات

​

 

[FØùfà Bïô]

صصصصح .. آذآ كآنت متقرآش نورمآل ..

بصصصح كي تولي تقرآ مسسستحيل ..

آنآ مآمآ تسسمع وحده عمرهآ 22 سنه تخطبت تقول نآس جآهله .. يخطبوآ بنآتهم مزآلوآ صصغآر...

هههـ..

مرسسسسي آختي على الطرح
​

 

[re..sonia..da]

انا عندي نوورمال لاه 19 صغيرة امهاتنا كي كانو 19 ديجا عندهم 2ولا 3 اولاد ومام كون تعود مازالت تقرا و يخطبوها و يقبل راجلها تكمل عندو قرايتها واش فيها خير و خيرين
السترة مليحة
sonia 27

 

[re..sonia..da]

مليح لطفلة الزواج وهي صغيرة

كل ما زاد العمر زادت الشوفات والخرجات​

هاذي عندي راهي احسن اجابة
:re_gards::re_gards::re_gards::re_gards::re_gards::re_gards::re_gards::re_gards:
صحييييييييت و راني معاك %

sonia 27

 

[هانا1994]

في رايي كي تتخطب خير ماعليش راهي صغيرة
و ماعليش تقرى، راهي تكمل قرايتها و تزوج على روحها
هاذي خير ملي تقعد كل مرة تخرج مع واحد و الناس يحكيو عليها

​

 

[blida09]

والله راك تشوفي انا صحبتي عمرها 18 سنة عرسها الجمعة الجاية بصح تقرى ولباس عليها مافهمتش حتى قالولي فلانة عهرسها سمانة الجاية والله نخلعت بصح 17 سنة صغيرة بزاااااااف

 

[GI Joe]

l islam dit que la fille doit voir equilibrer ses etudes avec sn futur mais là c entrein de devenir comme il y a 50 ans
doka 13 , 14 ans telgayha m3a 3jouzha

rabi yahdi had les familles et ces fills aussi ( pas tt y en a qui ont des raisons valables )

 

[يوسےفے]

هيهيهههههه
خليها تزوج
رانا 2011 و رجالة بدو ينقارضوا

وبالنسبة لعمي الحاج مولا 50 سنة نعرف واحد في عمروا 80 سنة حب يزوج مالقاولوش وحدة تاع 50 قالهم جيبولي 2 تاع 25/25

​

_o:_o:_o:_o:ننقارضو_o:_o:_o:..........مازال الخير
عندك الصح ..غير ماكان لاه تفرطو فل لي يجي يخطب تم تم لازم تقبلو بيه ولا تقعدو....i-o:i-o:
تاع العجوز عجبتني بزاف يعطيك الصحه​

 

[ماكانش]

واقيلا ذرك بدات ترجع العقلية تاع الزواج بكري
للرجال وللبنات ...
19 سنة واقيلا عادي جدا
وكي قلتي راهم يجيوك ألف من بعدو هنا راك غالطة يا ميمي، صح قادر يجيو ألفين من بعدو ولكن ماشي للبنات كامل ...

 

[ذات نطاقين]

رانا فوقت واعر خصوصا في امر الزواج انا مرتنيش نقول لاوم طفلة تزوج صغيرة و لكن راني نقول لازم تزوج و إذا لقات راجل مليح علاش لالا